ᐂᒨᓯᐅᑉ ᐊᒡᓚᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᐊᓯᕈᓚᐅᕋᓗᐊᕋᒃᑭᑦ ᐊᒧᕅᑎᒥᐅᑦ ᓵᖏᓐᓂ, ᓇᐹᕐᑐᑎᑐᑦ ᓰᑕᕆᑎᑐᑦ ᐳᕐᑐᑎᒋᓚᐅᕋᓗᐊᕐᐳᑦ ᑐᑭᓕᐊᕐᑐᑎᑐᑦ ᐳᕐᑐᔪᑎᑐᑦ, ᓲᖑᑎᒋᓚᐅᕋᓗᐊᕐᑎᓪᓗᒋᑦ ᓯᑕᒃᑕᑎᑐᑦ ᐆᒃᑎᑐᑦ; ᖄᖓᓃᑦᑐᑦ ᐱᕈᕐᑐᖏᑦ ᐊᓯᕈᓚᐅᕐᐸᒃᑲ, ᐊᒫᖏᓪᓗ ᐊᑖᓃᑦᑐᑦ ᐱᖃᓯᐅᑎᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 2:9 Iomraidhean Croise

ᒨᓯᓯ ᓯᕗᓪᓖᑦ 15:16

ᑭᖑᕚᑎᓪᓕ ᐃᕐᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᕐᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᕐᑐᓕᓂᖏᑦ ᓱᒋᐊᕐᑕᐅᓚᐅᖏᒻᒪᑕ ᓱᓕ.”

ᑯᕉᓂᑲ ᓯᕗᓪᓖᑦ 1:14

ᔨᐳᓮᑎᒥᐅᓪᓗ, ᐊᒧᕅᑎᒥᐅᑦ, ᒋᕐᒐᓮᑎᒥᐅᑦ,

ᔫᐱᐅᑉ ᐊᒡᓚᖏᑦ 18:16

ᐊᒫᖏᑦ ᓄᓇᐅᑉ ᐃᓗᐊᓃᑦᑐᑦ ᐸᓂᕐᐳᑦ, ᐊᕙᓚᖓᔪᖏᓪᓗ ᓴᖅᑭᔮᕐᑐᑦ ᑐᖁᓕᕗᑦ.

ᒨᓯᓯ ᐂᑉᐸᖏᑦ 3:8

ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ.

ᒨᓯᓯ ᐂᑉᐸᖏᑦ 34:11

ᐅᓪᓗᒥ ᐱᖁᔧᑦ ᐃᓕᖕᓄᑦ ᑐᓂᔭᒃᑲ ᒪᓕᖕᓂᐊᕐᐸᑎᑦ. ᐃᓅᖃᑎᒌᑦ ᐊᐅᓪᓚᕐᑎᓐᓂᐊᕐᐸᒃᑲ ᒪᑯᐊ ᐊᒧᕅᑎᒃᑯᑦ, ᑬᓇᓂᒥᐅᓪᓗ, ᕼᐃᑍᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ, ᔨᐳᓮᑎᒥᐅᓪᓗ, ᐃᕝᕕᑦ ᐊᖅᑯᑎᒋᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 10:33

ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᓇᐹᕐᑐᐃᑦ ᐊᕙᓚᖓᔪᖏᑦ ᓇᑲᑎᕈᒫᕐᐰᑦ ᐱᔪᓐᓇᕐᓂᕐᔪᐊᕐᒧᑦ ᑲᑉᐱᐊᓇᕐᑐᒧᑦ; ᓇᐹᕐᑐᐃᓪᓗ ᑕᑭᔫᑎᐊᓗᐃᑦ ᑭᐱᒃᐸᒋᑦ ᐅᕐᕉᕋᕐᓗᑎᒃ, ᐱᔪᓐᓇᕋᓱᒋᔪᓪᓗ ᐱᐅᔪᕆᔪᓐᓃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:24

ᑍᒤᒻᒪᑦ, ᓲᕐᓗ ᐃᑯᒪᐅᑉ ᐃᑯᐊᓚᔫᑉ ᐃᕕᖕᓂᒃ ᑭᓪᓗᐃᕕᐅᔪᕕᓃᑦ ᓄᖑᒻᒪᒋᑦ, ᓲᕐᓗᓗ ᐃᕕᒃᓱᒐᖅ ᐸᓂᕐᑐᖅ ᐃᑯᒪᒧᑦ ᓄᖑᑕᐅᖕᒪᑦ, ᑍᒫᒃᑕᐅᖅ ᐊᒫᖏᑦ ᐊᐅᓂᐅᓕᕈᒫᕐᐳᑦ, ᐱᕈᕐᑐᖏᑕᓗ ᓂᐊᖁᖏᑦ ᐳᔪᕋᕐᑎᑐᑦ ᑎᒃᑕᐅᔪᒫᕐᐳᑦ; ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᖁᔭᖏᑦ ᒪᓕᒍᒪᓚᐅᖏᒻᒪᒋᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᖁᑎᖓᑕ ᐅᖃᐅᓯᖓ ᓇᕐᕈᒋᓚᐅᕐᒪᑦᔪᒃ.

ᐃᓯᑭᐊᓕᐅᑉ ᐊᒡᓚᖏᑦ 17:9

“ᐅᖃᕆᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑖᓐᓇ ᕔᓂᒃᓴᖅ ᐱᕈᕐᐸᓪᓕᐊᖏᓐᓇᕐᓂᐊᕐᐹ? ᑖᑦᓱᒪ ᓄᓱᒃᑲᔭᓐᖏᓚᐅᒃ ᐊᒫᖏᑎᒍᑦ? ᐊᕙᓚᖓᔪᖏᑦ ᓇᑲᑎᕐᓗᓂᒋᑦ, ᐱᕈᓕᓵᕐᑐᑦ ᑕᒪᕐᒥᒃ ᑐᖁᓕᒐᔭᓐᖏᓛᑦ? ᓴᓐᖏᔪᐊᓘᖏᑦᑑᒐᓗᐊᑦ ᖃᑦᓰᓐᓇᐅᒐᓗᐊᓪᓗ ᐊᒫᖏᑎᒍᑦ ᓄᓱᒃᓯᔪᓐᓇᕐᐳᑦ.

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᒨᓯᓯ ᓯᑕᒪᖏᑦ 32:13

ᑍᒤᒻᒪᑦ ᐊᑕᓂᖅ ᓂᓐᖓᐅᒪᓕᓚᐅᕐᐳᖅ ᐃᓴᕆᐊᓕᒥᐅᓄᑦ, ᐃᖏᕐᕋᑎᓚᐅᕐᐰᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᑭᖑᕚᖑᖃᑎᒌᑦ ᐊᑕᓂᐅᑉ ᓵᖓᓂ ᐱᐅᖏᑦᑐᓕᓚᐅᕐᑐᑦ ᓄᖑᓚᐅᖏᓐᓂᖏᓐᓂ.

ᒨᓯᓯ ᑕᓪᓕᒪᖏᑦ 1:28

ᓱᖕᒪᓪᓕ ᑕᕝᕗᓐᖓᕆᐊᖃᕐᐱᑖ? ᓯᕘᕋᓕᕐᐳᒍᑦ. ᑎᓕᓚᐅᕐᑕᑦᑎᓐᓄᑦ ᐅᓂᒃᑳᕐᕕᐅᓚᐅᕋᑦᑕ ᑕᕝᕙᓂᒥᐅᑦ ᓴᓐᖏᓂᕐᓴᐅᓂᖏᓐᓂᒃ ᐊᖏᓂᕐᓴᐅᓂᖏᓐᓂᒡᓗ ᐅᕙᑦᑎᓐᓂᑦ, ᐃᒡᓗᒐᓴᖏᓪᓗᒎᖅ ᐊᕙᓗᕐᔪᐊᖃᕐᓗᑎᒃ ᕿᓚᖕᒧᑦ ᐊᒃᑐᐊᔪᓂᒃ; ᐱᓗᐊᓐᖑᐊᕐᑐᒥᒡᓗ ᑍᑲᓂᒥᐅᒡᒎᖅ ᐊᓇᑭᒥᐅᑦ ᐃᓄᒃᐹᓘᖕᒪᑕ!’

ᒨᓯᓯ ᑕᓪᓕᒪᖏᑦ 3:11

(ᐊᖓᔪᖅᑳᕐᔪᐊᖅ ᐋᒡ ᐹᓴᓂᐅᑉ ᐊᖓᔪᖅᑳᕐᔪᐊᖓ ᐊᒥᐊᒃᑯᑐᐊᖑᓚᐅᕐᐳᖅ ᕆᐰᒥᐅᓂᑦ; ᐃᓗᕕᖓ, ᓴᕕᕋᔭᐅᓚᐅᕐᐳᖅ, ᑕᑭᓂᖃᓚᐅᕐᐳᖅ 13ᓂᒃ ᐃᑎᒐᖕᓂᒃ ᓯᓕᖕᓂᖃᕐᓗᓂᓗ 6ᓂᒃ ᐃᑎᒐᖕᓂᒃ ᐆᒃᑐᕋᐅᑎᓪᓚᕆᐅᓲᑦ ᒪᓕᒡᓗᒋᑦ. ᓱᓕ ᑕᑯᔭᒃᓴᐅᕗᖅ ᐊᒧᓁᑎᒥᐅᑦ ᐃᒡᓗᒐᓴᖏᓐᓂ ᕌᐸᒥ.)

ᔮᓱᐊᑉ ᐊᒡᓚᖏᑦ 10:12

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᓵᓚᖃᕐᑎᒻᒪᒋᑦ ᐊᒧᕅᑎᒥᐅᓂᒃ, ᔮᓱᐊ ᐃᓴᕆᐊᓕᒥᐅᓕᒫᑦ ᖃᐅᔨᑎᓪᓗᒋᑦ ᐊᑕᓂᕐᒧᑦ ᐅᖃᕐᐳᖅ, “ᓯᕿᓃᖅ ᓄᖅᑲᕆᑦ ᒋᐱᐅᓂᐅᑉ ᖁᓛᓄᑦ; ᑕᖅᑮᕐᓗ ᓄᖅᑲᖓᓗᑎᑦ ᐂᔭᓚᓐ ᓇᕐᓴᖓᑕ ᓇᓛᓂ.”

ᔮᓱᐊᑉ ᐊᒡᓚᖏᑦ 3:10

ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ,