ᐂᒨᓯᐅᑉ ᐊᒡᓚᖏᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑐᓪᓕᕋᕐᒪᑕ ᐊᔪᕐᓴᕐᑐᑦ ᓂᐊᖁᖏᓐᓂᒃ ᒪᓂᖅᑲᒥᒃ ᑐᓪᓕᕋᕐᑐᑎᑐᑦ, ᓵᓚᐅᓯᒪᔪᓪᓗ ᐱᑦᓯᐊᕐᓇᒋᑦ ᐊᒡᕖᕐᑎᓚᐅᕐᒪᒋᑦ; ᐊᑖᑕᒌᓪᓗ ᐊᕐᓇᒥᒃ ᑖᑦᓱᒥᖓᑦᓮᓐᓇᖅ ᐱᖃᑎᖃᖃᑦᑕᓚᐅᕐᒪᑕ, ᑕᒪᑐᒧᖓ ᐊᑎᕋ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᕐᑕᐅᕗᖅ.

ᐂᒨᓯᐅᑉ ᐊᒡᓚᖏᑦ 2:7 Iomraidhean Croise

ᓴᒧᐃᓕ ᐂᑉᐸᖏᑦ 12:14

ᑭᓯᐊᓂᓕ, ᑍᒤᓕᐅᕐᑎᓪᓗᑎᑦ ᐊᑕᓂᕐᒧᑦ ᐱᐅᖏᑦᑐᒥᒃ ᐱᓂᐊᕐᓂᕆᓚᐅᕐᑍᑦ ᐱᓪᓗᒍ, ᕿᑐᕐᖓᕐᑖᕆᓚᐅᕐᑍᑦ ᑐᖁᓂᐊᕐᐳᖅ.”

ᐊᑕᓃᑦ ᓯᕗᓪᓖᑦ 21:4

ᐂᕼᐊᑉᓗ ᐃᓱᒪᔮᕐᓗᓂ ᕿᒃᓵᒡᓗᓂᓗ ᐊᖏᕐᕋᕐᐳᖅ ᓁᐹᑦ ᔨᔭᕆᐅᓪᒥᐅᑕᐅᑉ ᐅᖃᐅᓯᖏᑦ ᐱᓪᓗᒋᑦ, ᐅᖃᓚᐅᕐᒪᑦ, “ᑐᓂᓂᐊᓐᖏᓚᒋᑦ ᓯᕗᓕᕕᓂᓐᓂᑦ ᐱᑖᕆᓚᐅᕐᑕᓐᓂᒃ.” ᐃᒡᓕᕐᒥᓄᑦ ᓇᓪᓚᕋᒥ ᑐᓄᑉᐳᖅ, ᓂᕆᔪᒪᔪᓐᓃᕐᓗᓂᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:21

ᐃᓔᓐᓈᕐᑎᑦᓯᓂᕐᒥᒃ ᓴᖅᑭᔮᕐᑎᑦᓯᔪᖅ ᐱᐅᓐᖏᓚᖅ; ᓂᐊᖂᔭᕐᓕ ᐱᑦᔪᑎᒋᓗᒍ ᐃᓄᒃ ᑕᒻᒪᕈᓐᓇᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 10:1

ᑲᑉᐱᐊᓐᓇᒦᒃ ᐱᐅᖏᑦᑐᓕᓂᕐᓂᒃ ᐃᓕᖅᑯᓯᕐᓂᒃ ᐊᑐᖁᔨᔪᑦ, ᑎᑎᕋᕐᐸᒃᑐᓪᓗ ᓵᓚᐅᓯᒪᓂᕐᒥᒃ ᑎᑎᕋᐅᓯᕾᓐᓇᕐᑐᑦ,

ᐂᓮᐊᓯᐅᑉ ᐊᒡᓚᖏᑦ 10:2

ᐱᖃᖏᑦᑐᓂᒃ ᐱᑎᑦᓯᑦᑍᓕᕙᒃᑐᑦ ᐊᑦᔨᒌᒃᑎᑕᐅᓂᕐᒥᒃ ᑎᒡᓕᒐᕐᕕᒋᓪᓗᒋᓪᓗ ᐊᔪᕐᓴᕐᑐᑦ ᐃᓄᖁᑎᒪ ᐱᔪᓐᓇᐅᑎᖏᓐᓂᒃ, ᐅᐃᒡᒐᕐᓃᑦ ᐱᔭᒃᓴᖏᓐᓂᒃ ᐊᕐᓵᕐᓗᒋᑦ ᐱᑖᕐᐸᒃᑐᑦ, ᐃᓕᐊᕐᔪᐃᓪᓗ ᓵᓚᒋᓇᓱᐊᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 3:14

ᐊᑕᓂᖅ ᐃᖅᑲᕐᑐᐃᕕᖕᒥᓄᑦ ᐃᑎᕐᐳᖅ ᐃᓄᖁᑎᖏᑕ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕆᔭᖏᓪᓗ ᐃᓚᒋᓪᓗᒋᑦ: “ᐃᓕᑦᓯ ᐱᕈᕐᓰᕕᒃ ᕔᓂᓕᒃᓴᖅ ᓂᕆᓚᐅᕐᐸᓯ, ᐊᔪᕐᓴᕐᑐᓂᓪᓗ ᐊᕐᓵᕐᓂᒐᕕᓂᓯ ᐃᒡᓗᓯᓐᓃᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 3:15

ᖃᓄᖅ ᐃᓱᒪᓪᓗᓯ ᐃᓄᖁᑎᒃᑲ ᓯᖁᒥᑎᑉᐱᓯᐅᒃ, ᐊᔪᕐᓴᕐᑐᑦ ᓄᖑᕈᑎᓪᓗᒌᑦ?” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:11

ᐃᓚᖏᑦ ᐃᓅᖃᑎᒥ ᓄᓕᐊᖓᓂᒃ ᐃᓐᓇᖓᖃᑎᖃᖃᑦᑕᕐᐳᑦ ᒎᑎᒧᑦ ᓇᕐᕈᓇᕐᓂᕋᕐᑕᐅᔪᒥᒃ; ᐃᓚᖏᓪᓗ ᐅᑯᐊᒥᖕᓂᒃ ᐃᒃᓕᒎᕐᓂᒃᑯᑦ ᓇᕐᕈᓇᕐᓯᑎᑦᓯᕙᒃᓗᑎᒃ ᐃᓐᓇᖓᖃᑎᖃᕐᓂᒃᑯᑦ; ᐃᓚᖏᓪᓗ ᓇᔭᖕᒥᖕᓂᒃ ᓇᕐᕈᓇᕐᓯᑎᑦᓯᕙᒃᓗᑎᒃ, ᐊᑖᑕᒥᑕ ᐸᓂᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 36:20

ᐃᓅᖃᑎᒌᒡᔪᐊᓄᓪᓕ ᑎᑭᑦᓴᕌᖓᑕ, ᓇᑭᑐᐃᓐᓈᕋᓗᐊᕐᐸᑕ, ᐊᑎᕋ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᓚᐅᕐᐹᑦ, ᐃᓄᖕᓄᑦ ᐅᖃᐅᓯᐅᕙᓚᐅᕐᒪᑕ, ‘ᐅᑯᐊ ᐊᑕᓂᐅᑉ ᐃᓄᖁᑎᖏᑦ, ᓄᓇᖁᑎᖓᓂᓪᓕ ᐊᐅᓪᓚᕐᑎᑕᐅᔭᕆᐊᖃᓕᓚᐅᕐᐳᑦ.’

ᕼᐆᓯᐊᑉ ᐊᒡᓚᖏᑦ 4:14

“ᑍᒤᒃᑲᓗᐊᕐᑎᓪᓗᒋᑦ ᐸᓂᓯ ᓱᒋᐊᕐᓂᐊᓐᖏᓚᒃᑲ, ᐅᑯᐊᓯᓗ ᐊᓯᓐᓂᐊᖃᑦᑕᕐᓂᖏᑦ ᓱᒋᐊᕐᓂᐊᖏᓐᓂᕙᒃᑲ; ᐊᖑᑎᑦ ᐃᒻᒥᖕᓂᒃ ᐂᑦᑑᑎᒋᖃᑦᑕᕐᒪᑕ ᐊᑐᒐᕐᓄᑦ, ᑐᓂᕐᕈᓯᖃᑦᑕᕐᓗᑎᒡᓗ ᒎᑎᓐᖑᐊᓖᑦ ᐊᑐᒐᖁᑎᖏᓐᓄᑦ, ᐃᓄᐃᓪᓗ ᑐᑭᓯᓯᒪᖏᑦᑐᑦ ᐊᓯᕈᕐᑕᐅᔪᒫᕐᐳᑦ.

ᒨᓯᓯ ᐱᖓᔪᖏᑦ 18:15

ᐅᑯᐊᕐᐱᑦ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔭᕆᐊᖃᓐᖏᓚᑎᑦ, ᑖᓐᓇ ᐃᕐᓂᕐᐱᑦ ᓄᓕᐊᕆᖕᒪᒍ, ᑖᑦᓱᒪ ᑲᓐᖑᓇᕐᓂᖓ ᓴᖅᑭᑎᑕᒃᓴᕆᓐᖏᓚᑦ.

ᒨᓯᓯ ᐱᖓᔪᖏᑦ 18:21

ᕿᑐᕐᖓᕐᓂᒃ ᑐᓂᕐᕈᑎᖃᕆᐊᖃᓐᖏᓚᑎᑦ ᒎᑎᓐᖑᐊᒧᑦ ᒧᓕᑭᒧᑦ, ᒎᑎᕕᑦ ᐊᑎᖓᓂᒃ ᓇᕐᕈᓇᕐᓯᑎᑦᓯᖁᓇᒃ, ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 18:8

ᐊᑖᑕᕕᑦ ᓄᓕᐊᖓᑕ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔪᒃᓴᐅᓐᖏᓚᑎᑦ; ᐊᑖᑕᕕᑦ ᑲᓐᖑᓇᕐᓂᕆᖕᒪᒍ.

ᒨᓯᓯ ᐱᖓᔪᖏᑦ 20:3

ᑍᒤᓕᐅᕐᑐᖅ ᐃᓄᖁᑎᒋᔪᓐᓃᕐᓂᐊᕐᐸᕋ, ᐃᓅᖃᑎᖏᓐᓂᓪᓗ ᐊᕕᑕᐅᑎᓐᓂᐊᕐᐸᕋ; ᕿᑐᕐᖓᒥᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ; ᑐᐱᕐᒥ ᑲᑎᒪᕕᖕᒥ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᕐᓯᑎᒻᒪᒍ, ᐊᑎᕋᓗ ᓇᕐᕈᓇᕐᓯᑎᑦᓱᓂᐅᒃ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᐂᒨᓯᐅᑉ ᐊᒡᓚᖏᑦ 5:12

ᐊᔪᕐᓂᓯ ᐅᓄᕐᓂᖏᑦ ᖃᐅᔨᒪᒐᒃᑭᑦ, ᐊᔪᕐᑐᓕᓯᒪᔪᐊᓘᓂᓯᓗ, ᐊᑭᕋᕐᑐᕋᑦᓯᐅᒡᓗ ᐃᓱᐊᕐᑐᓕᔪᑦ, ᐊᑭᓕᕐᑕᐅᓪᓗᓯᓗ ᓴᖑᑎᑕᐅᕙᒃᓗᓯ; ᐊᔪᕐᓴᕐᑐᓪᓗ ᐱᑦᓯᐊᕐᕕᒋᓇᒋᑦ ᐃᖅᑲᕐᑐᐃᕕᖕᓂ.

ᐂᒨᓯᐅᑉ ᐊᒡᓚᖏᑦ 8:4

ᑐᓴᕐᓯᐅᒃ ᐃᓕᑦᓯ ᓱᒃᑯᔨᐊᖃᕐᑐᓯ ᐊᔪᕐᓴᕐᑐᓂᒃ, ᓄᓇᖁᑎᑦᓯᓐᓂᓗ ᐊᒃᓗᔪᓂᒃ ᐊᔪᓕᕐᑎᑦᓯᔪᓯ.

ᒤᑲᐅᑉ ᐊᒡᓚᖏᑦ 2:2

ᐱᕈᕐᓰᕕᖕᓂᒃ ᐱᔪᒪᕕᒃᔪᐊᓕᕌᖓᒥᒃ ᐱᕋᔭᖕᓂᒃᑯᑦ ᐊᕐᓵᕐᓯᕙᒃᐳᑦ, ᐃᒡᓗᑖᕐᐸᒡᓗᑎᒡᓗ ᐊᕐᓵᕐᓯᓪᓗᑎᒃ. ᐅᖁᒤᒃᓴᕐᑎᑦᓯᓪᓗᑎᒡᓗ ᐊᖏᕐᕋᓕᖕᓂᒃ, ᐊᕐᓵᕐᓯᕙᒡᓗᑎᒡᓗ ᑭᖑᕐᖑᑎᔭᒃᓴᕆᔭᐅᔪᓂᒃ.

ᒤᑲᐅᑉ ᐊᒡᓚᖏᑦ 2:9

ᐃᓄᖁᑎᒃᑲ ᐊᕐᓁᑦ ᐊᓂᑎᓚᐅᕐᐸᓯ ᐊᖏᕐᕋᖏᓐᓂᑦ; ᐊᖏᕐᕋᕐᓯᒪᑦᓯᐊᕐᑐᑦ ᖁᕕᐊᓱᒃᓗᑎᒃ; ᕿᑐᕐᖓᖏᓐᓃᑦᑐᕐᓗ ᐱᓐᓇᕐᓇᕐᓂᕋ ᐲᕐᓯᒪᕙᓯ ᐃᓱᖃᖏᑦᑐᒧᑦ.

ᔨᐸᓁᐊᐅᑉ ᐊᒡᓚᖏᑦ 3:3

ᑖᑦᓱᒪ ᕿᑐᕐᖓᖏᑦ ᓛᔭᑎᑐᑦ ᐃᕐᓯᓵᕐᐳᑦ, ᐊᐅᓚᑦᓯᔨᖏᓪᓗ ᐊᒪᕈᕐᑎᑑᕐᐳᑦ, ᐅᓪᓛᒧᑦ ᐊᒥᐊᒃᑯᖏᑦᑐᑦ.

ᕉᒪᒥᐅᓄᑦ 2:24

ᑎᑎᕋᕐᓯᒪᖕᒪᑦ, “ᒎᑎᐅᑉ ᐊᑎᖓ ᓇᕐᕈᓇᕐᓯᑎᑕᐅᕗᖅ ᔫᑎᐅᖏᑦᑐᓂᑦ ᔫᑎᐅᔪᓯ ᑍᒤᑎᑦᓯᑎᓪᓗᓯ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:1

ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ.