ᐂᒨᓯᐅᑉ ᐊᒡᓚᖏᑦ 2:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᒧᐊᐱ ᐃᑯᐊᓪᓚᒃᑎᓐᓂᐊᕐᐸᕋ ᑭᕆᐅᑎᐅᓪᓗ ᕿᒫᕕᖏᑦ ᓄᖑᓪᓗᒋᑦ; ᒧᐊᐱ ᑐᖁᓂᐊᕐᐳᖅ ᓂᐱᓕᐊᓗᖕᒥ, ᕾᒐᓛᕐᑎᓪᓗᒋᑦ ᑎᑦᑐᓚᐅᑎᓗ ᑐᓴᕐᓴᐅᑎᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 2:2 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 9:5

ᐅᓇᑕᕐᑐᒃᓮᑦ ᐱᓱᒃᑏᑦ ᐅᓇᑕᕐᕕᖕᒥ ᑲᒥᖏᑦ, ᐊᓐᓄᕌᖏᓪᓗ ᐊᐅᖕᒥᒃ ᐃᑦᓴᒃᓯᒪᔪᑦ ᑕᒪᕐᒥᒃ ᐃᑯᒪᒧᑦ ᐃᑯᐊᓪᓚᖅᑯᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 48:24

ᑭᕆᐅᑎᒥᐅᓄᑦ, ᐳᔾᕋᒥᐅᓄᑦ, ᒧᐊᐱᒥᐅᓄᑦ ᓄᓇᓕᖁᑎᓕᒫᖏᓐᓄᓪᓗ; ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 48:34

“ᕿᐊᕙᓗᖏᑦ ᑐᓴᕐᑕᐅᔪᓐᓇᕐᐳᑦ ᕼᐃᓴᐸᓂᒥᐅᓂᑦ ᐃᓕᐊᓚᒥᐅᓄᑦ, ᔧᕼᐋᓯᒥᓗ, ᔪᐊᕆᒥᑦ ᕼᐅᕈᓁᒥᐅᑦ ᑎᑭᓪᓗᒋᑦ ᐃᒡᓚᑦ-ᓯᓕᓯᔭᒥᓗ, ᓂᒻᕆᒥᐅᓪᓘᓐᓃᑦ ᐃᒪᖁᑎᖏᑦ ᓴᓗᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 48:41

ᐃᒡᓗᒐᓴᒡᔪᐊᑦ ᓵᓚᒋᔭᐅᓗᑎᒃ ᑎᒍᔭᐅᔪᒫᕐᐳᑦ, ᐱᔭᐅᑦᔧᕐᓯᒪᔫᒐᓗᐊᓪᓗ ᐱᔭᐅᓗᑎᒃ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒧᐊᐱᒥᐅᑦ ᐅᓇᑕᕐᑐᒃᓴᖁᑎᖏᑕ ᐆᒻᒪᑎᖏᑦ ᐊᑦᔨᖃᕈᒫᕐᐳᑦ, ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒋᔭᖓᑐᑦ ᐋᓐᓂᐊᓂᖃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 48:45

ᕼᐃᓴᐸᓂᒥᐅᑦ ᑕᕐᕋᓕᓂᖏᓐᓂ ᕿᒫᓂᑯᐃᑦ ᐃᓂᒃᓴᕐᓯᓂᐊᓐᖏᓚᑦ, ᕼᐃᓴᐸᓂ ᐃᑯᐊᓚᔪᕐᑕᖃᕐᒪᑦ, ᓮᕼᐆᓂᒥᓪᓗ ᐃᑯᐊᓚᔪᒥᒃ ᐊᓂᐊᔪᖃᕐᒪᑦ, ᒧᐊᐱᒥᐅᓪᓗ ᖃᐅᖏᓐᓂᒃ ᐆᑎᑦᓯᓂᐊᕐᒪᑦ, ᐅᖃᐅᓯᕐᒥᒍᑦ ᐅᓇᖕᒥᓁᔭᕐᐸᒃᑐᕕᓃᑦ ᓴᐅᓂᖏᓐᓂᒃ ᐱᖃᓯᐅᑦᔨᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 25:8

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᒧᐊᐱᒥᐅᑦ ᓰᐊᕆᒥᐅᓪᓗ ᐅᖃᓚᐅᕐᒪᑕ ᐃᓴᕆᐊᓕᒥᐅᓂᒃ ᐊᑦᔨᐅᑐᐃᓐᓇᕐᓂᕅᓪᓗᑎᒃ ᐃᓅᖃᑎᒌᒡᔪᐊᓕᒫᓄᑦ ᐊᓯᖏᓐᓄᑦ.

ᐂᒨᓯᐅᑉ ᐊᒡᓚᖏᑦ 1:14

ᕌᐸᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓᓗ ᕿᒫᕕᖏᑦ ᐊᓯᕈᕐᑕᐅᓂᐊᕐᐳᑦ, ᐃᓄᖏᓪᓗ ᕾᒐᓛᕐᓂᐊᕐᐳᑦ ᓂᐱᕐᔪᐊᖃᕐᓗᑎᒃ ᐅᓇᑕᕆᐊᕐᑐᑎᑐᑦ, ᓱᓗᒃᓱᕐᔪᐊᕐᑐᑎᑐᓪᓗ ᐊᓄᕌᕐᑎᓪᓗᒍ ᐅᓚᔪᔨᕋᕐᑐᑎᑐᑦ.

ᐂᒨᓯᐅᑉ ᐊᒡᓚᖏᑦ 1:4

ᐃᑯᐊᓪᓚᒃᑎᓐᓂᐊᕐᐸᕋ ᕼᐊᔧᐅᓕᐅᑉ ᐃᒡᓗᖓ, ᐊᖓᔪᖅᑳᕐᔪᐊᑉ ᐱᓐ-ᕼᐊᑖᑎᐅᑉ ᕿᒫᕕᖓ ᑕᒪᑐᒧᖓ ᓄᖑᑕᐅᓂᐊᕐᐳᖅ.