ᐂᒨᓯᐅᑉ ᐊᒡᓚᖏᑦ 1:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᖅ ᐅᖃᕐᐳᖅ, “ᐱᖓᓱᓄᑦ ᑍᕆᐅᑉ ᐊᔪᕐᑐᓕᓂᖏᓐᓄᑦ, ᓯᑕᒪᖓᓪᓗᑦ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᑎᒍᔭᐅᓯᒪᔪᓕᒫᓂᒃ ᐄᑐᒥᒧᐊᕐᑎᑦᓯᓚᐅᕐᒪᑕ, ᐃᖅᑲᐅᒪᓚᐅᖏᒻᒪᑕ ᐊᖏᖃᑎᒌᖕᓂᕆᓚᐅᕐᑕᒥᖕᓂᒃ ᐃᓚᒌᑦᓯᐊᕈᒪᓂᕐᒥᒃ.

ᐂᒨᓯᐅᑉ ᐊᒡᓚᖏᑦ 1:9 Iomraidhean Croise

ᓴᒧᐃᓕ ᐂᑉᐸᖏᑦ 5:11

ᐊᖓᔪᖅᑳᕐᔪᐊᕐᓗ ᕼᐂᕋᒻ ᑍᕆᒥᐅᑕᖅ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᑍᕕᑎᒧᑦ; ᑐᓂᓪᓗᒍᓗ ᕿᔪᖕᓂᒃ ᓰᑕᕆᓂᒃ ᓯᑎᔪᓂᒃ, ᕿᔪᓕᕆᔨᓂᒃ ᐅᔭᕋᓕᕆᔨᓂᒡᓗ ᐊᖓᔪᖅᑳᕐᔪᐊᑉ ᐃᒡᓗᖓᓂᒃ ᓴᓇᔭᕐᑐᕐᑐᓂᒃ.

ᐃᓐᖏᕈᑎᑦ 83:7

ᒋᐸᐅᓕᒥᐅᑦ ᐊᒧᓁᒥᐅᓪᓗ ᐊᒫᓕᑬᒥᐅᓪᓗ, ᐱᓕᔅᑎᐊᒥᐅᓪᓗ ᑍᕆᒥᐅᓂᒃ ᐃᓚᖃᕐᓗᑎᒃ;

ᔨᕆᒤᐊᐅᑉ ᐊᒡᓚᖏᑦ 25:22

ᐊᖓᔪᖅᑳᕐᔪᐊᕆᔭᐅᔪᓕᒫᑦ ᑍᕆᒥ, ᓮᑐᓂᒥᓗ, ᐊᖓᔪᖅᑳᕐᔪᐊᓕᒫᑦ ᑕᕆᐅᕌᓗᑉ ᓯᒃᔭᖓᓃᑦᑐᓂ.

ᔨᕆᒤᐊᐅᑉ ᐊᒡᓚᖏᑦ 47:4

ᐅᓪᓗᖅ ᓇᓪᓕᐅᑎᖕᒪᑦ ᐱᓕᔅᑍᓂᒥᐅᑦ ᓄᖑᕋᕐᑕᐅᕕᒃᓴᖓᑦ, ᑭᓇᒃᑯᓐᓂᒡᓕ ᑍᕆᒥᐅᑦ ᓮᑐᓂᒥᐅᓪᓗ ᐃᑲᔪᕐᑎᒃᓴᕐᓯᓂᐊᕐᐹᑦ ᐊᑕᓂᐅᑉ ᐊᓯᕈᕐᑕᐅᑎᓐᓂᐊᕐᒪᒋᑦ ᐱᓕᔅᑍᓂᒥᐅᑦ, ᐊᒥᐊᒃᑰᓚᐅᕐᑐᑦ ᑲᑉᕼᐊᑐᐊᕆᐅᑉ ᓯᒡᔭᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 27:1

ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:

ᐃᓯᑭᐊᓕᐅᑉ ᐊᒡᓚᖏᑦ 27:27

ᐊᒃᓗᐃᑦᔪᑎᓯ, ᐱᖁᑎᓯ, ᓂᐅᕕᐊᒃᓴᓯ, ᐅᒥᐊᕐᑐᑎᖁᑎᓯ, ᐊᖁᑎᖏᓪᓗ, ᕿᔪᓕᕆᔨᖁᑎᓯ, ᓂᐅᕕᕐᑎᑦᓯᔨᖁᑎᓯᓗ, ᐅᓇᑕᕐᑎᖁᑎᓕᒫᓯᓗ ᓇᔪᕐᑎᒋᔭᓯ, ᐃᓚᒋᔭᓕᒫᓯᓗ ᐃᓕᑦᓯᓐᓃᑦᑐᑦ, ᑭᕕᔪᒫᕐᐳᑦ ᐃᒫᓂ ᐅᓪᓗᕐᒥ ᐅᒦᔭᕐᕕᑦᓯᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 28:1

ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:

ᐃᓯᑭᐊᓕᐅᑉ ᐊᒡᓚᖏᑦ 28:18

ᐱᐅᖏᑦᑐᓂᒃ ᐱᓇᓱᐊᖃᑦᑕᓕᕋᕕᑦ, ᑕᐅᕐᓰᓂᕐᓗᖃᑦᑕᕐᓂᒃᑯᑦ ᐃᑦᔪᕐᓁᑦᑐᖁᑎᑎᑦᑕᐅᖅ ᓇᕐᕈᓇᕐᓯᑎᓚᐅᕐᐸᑎᑦ; ᐃᑯᐊᓪᓚᒃᑎᑦᓯᓕᓚᐅᕐᐳᖓ ᐊᑯᓐᓇᑦᓯᓐᓂ; ᑕᒪᑐᒧᖓ ᓄᖑᑕᐅᖁᓪᓗᓯ, ᐊᕐᔭᓕᓂᕈᕐᑎᓚᐅᕐᐸᒋᓪᓗ ᓄᓇᒥ ᐃᓄᓕᒫᓄᑦ ᑕᑯᔭᐅᖁᓪᓗᑎᑦ.

ᐂᒨᓯᐅᑉ ᐊᒡᓚᖏᑦ 1:11

ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ.

ᐂᒨᓯᐅᑉ ᐊᒡᓚᖏᑦ 1:6

ᐊᑕᓂᖅ ᐃᒫᒃ ᐅᖃᕐᐳᖅ: “ᒑᓴᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐃᓄᖕᓂᒃ ᐊᐅᓪᓚᕈᑦᔨᓚᐅᕐᓂᖏᓐᓂᒃ ᐃᓘᓐᓇᖏᓐᓂᒃ ᑎᒍᔭᐅᑎᑦᓯᓪᓗᑎᒃ ᐂᑎᓪᓗᒋᓪᓗ ᐄᑐᒥᒧᑦ.

ᐅᐸᑍᐊᑉ ᐊᒡᓚᖏᑦ 1:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᕿᒫᑦᑍᓕᓗᑎᑦ ᓇᖏᕈᒫᕐᐳᑎᑦ, ᓄᓇᓕᑐᖃᐅᖏᑦᑐᑦ ᐊᒃᓗᐃᑦᔪᑎᑦᓯᓐᓂᒃ ᐊᐅᓪᓚᕈᑦᔨᔪᒫᕐᒪᑕ, ᓄᓇᓕᑐᖃᐅᖏᑦᑐᓪᓗ ᐃᑎᕈᑎᒃ ᐃᑎᕐᑕᕐᕕᖏᑎᒍᑦ, ᔨᕉᓴᓕᒻᓗ ᐃᒻᒥᕋᐅᑎᒋᔪᒫᕐᐹᑦ ᓇᓚᐅᑦᑖᕈᑎᒃᑯᑦ, ᐃᕝᕕᓪᓗ ᑍᒃᑯᑎᑐᓇᖅ ᑍᒤᖃᑕᐅᔪᒫᕐᐳᑎᑦ.

ᓴᑲᕅᐊᐅᑉ ᐊᒡᓚᖏᑦ 9:1

ᐊᑕᓂᐅᑉ ᐅᖃᐅᓯᖓᑕ ᕼᐊᑦᕌᒃᒥ ᓄᓇᖃᕐᑐᑦ ᐊᑭᕋᕐᑐᕐᐰᑦ ᑕᒫᓯᑰᓯᒥᓗ ᓄᓇᖃᕐᑐᑦ ᐊᑭᕋᕐᑐᕐᓂᖓᑕ ᓵᓐᖓᔪᒫᕐᐰᑦ: ᐃᓄᐃᑦ ᐃᓴᕆᐊᓕᒥᐅᓕᒫᓪᓗ ᐊᑕᓂᐅᑉ ᑕᑯᓐᓈᕐᒪᒋᑦ.

ᒫᑎᐅᓯᐅᑉ ᐊᒡᓚᖏᑦ 11:21

“ᑲᑉᐱᐊᓐᓇᒦᒃ ᐃᓕᑦᓯ, ᑯᕋᓯᓐ! ᑲᑉᐱᐊᓐᓇᒦᒡᓗ ᐃᓕᑦᓯ, ᐱᑦᓮᑕ! ᑕᒪᒃᑯᐊ ᑲᒪᓇᕐᑐᓕᓃᑦ ᐃᓕᑦᓯᓐᓂ ᐱᓂᐊᕐᓂᐅᖃᑦᑕᓚᐅᕐᑐᑦ ᐱᓂᐊᕐᓂᐅᖔᓚᐅᕐᐸᑕ ᓄᓇᓂ ᑍᕆᒥ ᓮᑐᓂᒥᓗ, ᐃᓄᖏᑦ ᖃᕿᐊᓕᖅᑲᒻᒥᕋᔭᓚᐅᓐᖏᓚᑦ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᐊᑎᓗᑎᒃ ᐊᕐᔭᓕᓂᕐᓂᒡᓗ ᐃᒻᒥᖕᓄᑦ ᑲᓐᖓᕐᑎᕐᕕᒋᓗᑎᒃ ᐱᒐᔭᓚᐅᕐᐳᑦ!

ᒫᑎᐅᓯᐅᑉ ᐊᒡᓚᖏᑦ 11:22

ᓱᓕᑦᓯᐊᕐᑐᒥᒡᓕ ᐅᖃᐅᑎᕙᑦᓯ, ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓇᓪᓕᐅᑎᒃᐸᑦ, ᒎᑎᐅᑉ ᓄᓇᓖᑦ ᑍᕆᒥᐅᑦ ᓮᑐᓂᒥᐅᓪᓗ ᓂᑲᒋᓂᕐᓴᕆᔪᒫᕐᐰᑦ ᐃᓕᑦᓯᓐᓂᑦ!

ᓘᑲᓯᐅᑉ ᐊᒡᓚᖏᑦ 10:13

“ᑲᑉᐱᐊᓐᓇᒦᒃ ᑯᕋᓯᓐ! ᑲᑉᐱᐊᓐᓇᒦᒡᓗ ᐱᑦᓮᑕ! ᐃᓕᑦᓯᓐᓂ ᑲᒪᓇᕐᑐᓕᓂᕆᔭᐅᓚᐅᕐᑐᑦ ᑍᒫᓪᓗᐊᖅ ᑲᒪᓇᕐᑐᓕᔪᖃᕐᐸᑦ ᑍᕆᒥ ᓮᑐᓂᒥᓗ, ᑖᒃᑯᐊ ᐃᓄᖏᑦ ᖃᕿᐊᓕᕇᕐᓯᒪᓕᕋᔭᓚᐅᕐᐳᑦ, ᒎᑦᓯᐅᑉ ᒥᖅᑯᕕᓂᖓᓂᒃ ᐊᓐᓄᕌᕐᓗᑎᒃ ᐊᕐᔭᓕᓂᕐᓂᒡᓗ ᑲᑕᒑᑎᑦᓯᕕᒋᓗᑎᒃ ᐃᒻᒥᖕᓄᑦ ᐃᒃᓯᕚᕋᔭᓚᐅᕐᐳᑦ ᖃᕿᐊᓕᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 10:14

ᐃᖅᑲᕐᑐᐃᕕᒡᓕ ᓇᓪᓕᐅᑎᒃᐸᑦ ᓱᒋᐊᕐᑕᐅᓂᕐᓴᐅᔪᒫᕐᐳᓯ ᑍᕆᒥᑦ ᓮᑐᓂᒥᓪᓗ.