ᐂᒨᓯᐅᑉ ᐊᒡᓚᖏᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᖃᕐᐳᕐᓗ, “ᐊᑕᓂᖅ ᓂᐱᖅᑯᕐᑐᓪᓗᓂ ᓂᓪᓕᐊᕗᖅ ᓮᐅᓂᒥᑦ, ᓂᐱᕐᔪᐊᖓᓗ ᑐᓴᕐᓴᐅᕗᑦ ᔨᕉᓴᓕᒥᑦ; ᓰᐱᓕᕆᔩᑦ ᐊᒡᓛᑦ ᓂᕿᒃᓴᖁᑎᖏᑦ ᑐᖁᓕᑎᑕᐅᕗᑦ, ᖃᖅᑲᐅᓪᓗ ᑳᕐᒥᐅᑉ ᖄᖓ ᑐᖁᓕᓕᕐᓗᓂ.”

ᐂᒨᓯᐅᑉ ᐊᒡᓚᖏᑦ 1:2 Iomraidhean Croise

ᐃᓐᖏᕈᑎᑦ 29:4

ᐊᑕᓂᐅᑉ ᓂᐱᖓ ᐱᔪᓐᓇᕐᓂᕐᔪᐊᖃᕐᐳᖅ; ᐊᑕᓂᐅᑉ ᓂᐱᖓ ᑕᑕᑉᐳᖅ ᐊᖓᔪᖅᑳᕐᔪᐊᖑᓂᖓᑕ ᐅᐱᓐᓇᕐᓂᖓᓂᒃ.

ᐃᓐᖏᕈᑎᑦ 46:6

ᐃᓅᖃᑎᒌᒡᔪᐊᑦ ᐱᓕᕆᔪᐊᓘᕗᑦ, ᐊᑕᓂᐅᕖᓪᓗ ᐊᐅᓚᑎᑕᐅᓚᐅᕐᐳᑦ; ᑖᓐᓇᓕ ᓂᓪᓕᕐᒪᑦ ᓄᓇᕐᔪᐊᖅ ᐊᐅᒃᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:2

ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᑲᑉᐱᐊᓇᕐᑐᖅ, ᓛᔭᐅᑉ ᓂᓪᓕᐊᓂᖓᑐᑦ ᑍᒤᑉᐳᖅ; ᐊᖓᔪᖅᑳᕐᔪᐊᕐᒥᒃ ᓂᓐᖓᒃᑎᑦᓯᔪᖅ ᐃᓅᓯᕐᒥᓂᒃ ᓴᒃᑯᐃᔭᕆᐊᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 33:9

ᓄᓇ ᕿᒃᓵᓕᕐᐳᖅ ᓴᓐᖐᓕᓪᓗᓂᓗ; ᓕᐸᓇᓂᐅᑉ ᓇᐹᕐᑐᒐᓴᒃᔪᐊᖏᑦ ᓇᓗᓕᕐᓂᕐᒧᑦ ᑐᖁᓕᕗᑦ; ᓵᕋᓂᐅᑉ ᓇᑎᕐᓇᖓ ᓱᓇᖃᔪᐃᑦᑐᑎᑐᑦ ᑍᒤᓕᕐᐳᖅ; ᐹᓴᓂᒥ ᑳᕐᒥᐅᓪᒥᓗ ᓇᐹᕐᑐᐃᑦ ᐅᖃᐅᔭᖏᑦ ᑲᑕᒐᕐᓯᒪᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 35:2

ᐊᒥᒐᖏᑦᑐᓂᒃ ᐱᕈᕐᑐᖃᓕᕈᒫᕐᐳᖅ ᖁᕕᐊᓱᓕᕐᓗᓂᓗ, ᓂᕐᑐᐃᔪᒫᕐᐳᖅ ᖁᕕᐊᓱᖕᓂᕐᒧᑦ ᐃᓐᖏᕐᓗᓂᓗ. ᓕᐸᓇᓂᐅᑉ ᑕᑯᒥᓇᕐᓂᖓᓂᒃ ᑐᓂᓯᕕᐅᔪᒫᕐᐳᖅ, ᑳᕐᒥᐅᓕᐅᓪᓗ ᓵᕋᓂᐅᓪᓗ ᓇᑎᕐᓇᖏᑎᑐᑦ ᑲᑦᔮᕐᓇᕐᑐᒥᒃ, ᐊᑕᓂᐅᑉ ᐱᓐᓇᕐᓇᕐᓂᖓᓂᒃ ᑕᑯᔪᒫᕐᐳᑦ, ᒎᑎᑦᑕ ᐊᖓᔪᖅᑳᕐᔪᐊᑦᓯᐊᖑᓂᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 42:13

ᐊᑕᓂᖅ ᐅᐸᒍᑎᓂᐊᕐᒪᑦ ᐊᖑᑎᑐᑦ ᐱᔪᓐᓇᕐᑐᕐᔪᐊᑐᑦ; ᐅᓇᑕᕐᑎᐅᑉ ᐅᓇᑕᕆᐊᕈᒪᓂᖓᑐᑦ ᑲᔪᖏᕐᓂᖃᕐᓗᓂ, ᓂᐱᖅᑯᕐᑐᓪᓗᓂ ᓂᓪᓕᐊᕗᖅ, ᓂᐱᕐᔪᐊᒧᑦ ᕾᒐᓛᕐᓗᓂ; ᐊᑭᕋᓂᓗ ᓵᓚᒋᓂᐊᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 12:4

ᖃᓄᖅ ᐊᑯᓂᐅᑎᒋᔪᒥᒃ ᓄᓇ ᕿᒃᓵᖕᓂᐊᕐᐹ? ᐃᕕᒃᓱᒐᕕᓂᖏᓪᓗ ᑐᖁᓕᓗᑎᒃ? ᐃᓄᖏᑕ ᐱᐅᖏᓐᓂᖏᓐᓄᑦ, ᐆᒪᔪᑦ ᑎᖕᒥᐊᓪᓗ ᑐᖁᕋᓕᕐᐳᑦ, ᐅᖃᕐᒪᑕ, ‘ᐊᑕᓂᐅᑉ ᐱᐅᓯᕗᑦ ᖃᐅᔨᒪᓐᖏᓔ.’

ᔨᕆᒤᐊᐅᑉ ᐊᒡᓚᖏᑦ 14:2

“ᔫᑕᒥᐅᑦ ᕿᒃᓵᓕᕐᐳᑦ, ᓄᓇᖓᑦ ᐸᓂᓕᕐᒪᑦ, ᓄᓇ ᐱᓪᓗᒍ ᐅᒡᒍᐊᕐᐳᑦ, ᔨᕉᓴᓕᒥᐅᓪᓗ ᕿᓄᓂᖏᑦ ᑐᓴᕐᓴᐅᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 25:30

“ᐅᖃᐅᓯᕆᔭᐅᖁᔭᓐᓂᒃ ᐅᖃᐅᓯᖃᕆᐊᕐᑐᓕᕆᑦ ᐅᖃᐅᑎᓗᒋᓪᓗ, ‘ᐊᑕᓂᖅ ᓂᓪᓕᐊᓕᕐᐳᖅ ᖁᑦᓯᒃᑐᒥᑦ, ᐃᓂᒋᔭᒥᓂᑦ ᐃᑦᔪᕐᓁᑦᑐᒥᑦ ᓂᐱᖓ ᑐᓴᕐᓴᐅᕗᖅ, ᓂᐱᕐᔪᐊᒧᓪᓗ ᓱᐊᖕᓂᐊᕐᐳᖅ ᓄᓇᖃᕐᑐᓄᑦ ᑕᒫᓂ, ᕾᒐᓛᕐᓂᐊᕐᐳᖅ ᐸᐅᕐᖓᓂᒃ ᐃᑦᓰᔧᕝᕕᖕᒦᑦᑐᑎᑐᑦ ᓄᓇᕐᔪᐊᒥ ᐃᓂᖃᕐᑐᓕᒫᑦ ᐊᑭᕋᕐᑐᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 28:8

ᓯᕗᓂᑦᑎᓐᓂ ᐅᕙᑦᑎᓐᓂᑦ ᒎᑎᒧᑦ ᐅᖃᕐᑎᒋᔭᐅᕙᓚᐅᕐᑐᑦ ᐅᖃᐅᓯᖃᕐᐸᓚᐅᕐᒪᑕ ᐅᓇᑕᕐᓂᕐᑕᖃᓛᕐᑐᒥᒃ, ᖁᐊᕐᓵᖓᓇᕐᑐᖃᓛᕐᑐᓂᒃ, ᐋᓐᓂᐊᓇᕐᑐᖃᓛᕐᑐᓂᒡᓗ ᓄᓇᓕᖕᓄᑦ ᐊᖓᔪᖅᑳᐅᕕᒡᔪᐊᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 50:19

ᐃᓴᕆᐊᓕᒥᐅᑦ ᓄᓇᖁᑎᖏᓐᓄᑦ ᐅᑎᕐᑎᑦᓱᒫᕐᐸᒃᑲ, ᓂᕆᓇᓱᒡᕕᒃᓴᖃᕈᓐᓇᕐᓯᔪᒫᕐᐳᑦ ᖃᖅᑲᒥ ᑳᕐᒥᐅᓪᒥ ᐹᓴᓂᒥᓗ, ᐊᑭᐊᑦᑐᕐᓗᑎᒃ ᓂᕆᔪᒤᕈᒫᕐᐳᑦ, ᐃᕗᕅᒥ ᒋᓕᐊᑎᒥᓗ.

ᕼᐆᓯᐊᑉ ᐊᒡᓚᖏᑦ 11:10

ᐱᓱᖕᓂᐊᕐᐳᑦ ᐊᑕᓂᕐᒥᒃ ᒪᓕᒡᓗᑎᒃ, ᖃᓕᖑᐊᕐᑐᑐᑦ ᓛᔭᑐᑦ ᓂᓪᓕᐊᓕᕈᒪ; ᐃᓛᒃ ᖃᓕᖑᐊᕐᓂᐊᕐᐳᖅ, ᕿᑐᕐᖓᖏᓪᓗ ᕾᔪᒫᕐᐳᑦ ᓯᕿᓂᐅᑉ ᓂᐱᕕᐊᓂᑦ ᓴᔪᒡᓗᑎᒃ.

ᕼᐆᓯᐊᑉ ᐊᒡᓚᖏᑦ 13:8

ᐅᐸᖕᓂᐊᕐᐸᒃᑲ ᓇᓄᕐᑎᑐᑦ ᓂᕕᐅᕐᑐᑎᑐᑦ ᐊᑎᕐᑕᒥᓂᒃ, ᐊᓕᒃᑐᕐᓗᒋᑦ ᐃᓯᕕᓐᓂᐊᕐᐸᒃᑲ ᖃᑎᒐᖏᑦ, ᑕᕝᕙᓂᓗ ᓂᕆᓂᐊᕐᐸᒃᑲ ᓛᔭᑎᑐᑦ, ᐃᕐᓯᓇᕐᑐᓄᑦ ᐆᒪᔪᓄᑦ ᓱᕋᒃᑎᕐᑕᐅᒐᔭᕐᓂᖏᑎᑐᑦ.

ᔪᐃᓕᐅᑉ ᐊᒡᓚᖏᑦ 1:19

ᐃᓕᖕᓄᑦ ᐊᑕᓃᖅ ᐃᓗᖏᕐᓱᕐᓗᖓ ᑐᒃᓯᐊᕐᐳᖓ, ᐃᑯᒪᒧᑦ ᓄᓇᐅᑉ ᐱᕈᕐᑐᖏᑦ ᐊᓯᕈᕐᑕᐅᖕᒪᑕ, ᓇᐹᕐᑐᐃᓪᓗ ᐃᑯᒪᒧᑦ ᓄᖑᑕᐅᖕᒪᑕ.

ᔪᐃᓕᐅᑉ ᐊᒡᓚᖏᑦ 2:11

ᐊᑕᓂᐅᑉ ᓂᐱᒥᓄᑦ ᐅᓇᑕᕐᑐᒃᓴᖁᑎᓂ ᐊᐅᓚᑉᐰᑦ, ᐅᓇᑕᕐᑐᒃᓴᖁᑎᖏᑦ ᐅᓄᕐᑐᕐᔪᐊᖑᕗᑦ; ᓂᐱᖓᓂᒃ ᓈᓚᒃᑐᖅ ᓲᖑᔪᕐᔪᐊᖑᕗᖅ. ᐊᑕᓂᐅᑉ ᐅᓪᓗᖓ ᑲᑉᐱᐊᓇᕐᐳᖅ; ᑭᓇᓖ ᑕᒪᑐᒥᖓ ᐊᓂᒍᐃᔪᓐᓇᕐᐹ?

ᔪᐃᓕᐅᑉ ᐊᒡᓚᖏᑦ 3:16

ᐊᑕᓂᖅ ᐃᕐᓯᓵᕆᔪᑎᑐᑦ ᓂᓪᓕᐊᔪᒫᕐᐳᖅ ᓮᐅᓂᒥ, ᓂᐱᖓᓗ ᑐᓴᕐᓴᐅᔪᒫᕐᐳᖅ ᔨᕉᓴᓕᒥᑦ; ᕿᓚᒡᓗ ᓄᓇᓗ ᓴᔪᒍᒫᕐᐴᒃ; ᐊᑕᓂᕐᓕ ᕿᒫᕕᒃᓴᐅᔪᒫᕐᐳᖅ ᐃᓄᖁᑎᒥᓄᑦ, ᐃᓴᕆᐊᓕᒥᐅᓄᓪᓗ ᑭᖑᕚᖑᖃᑎᒌᓄᑦ ᓴᓐᖏᑦᔪᑕᐅᔪᒫᕐᐳᖅ.

ᐂᒨᓯᐅᑉ ᐊᒡᓚᖏᑦ 9:3

ᐃᔨᕆᐊᕐᑐᕋᓗᐊᕐᐸᑕᓗ ᖃᖅᑲᐅᑉ ᑳᕐᒥᐅᓕᐅᑉ ᖄᖓᓄᑦ, ᕿᓂᕐᓗᒋᑦ ᓇᓂᔪᒫᕐᐸᒃᑲ ᑎᒍᓗᒋᓪᓗ; ᐃᔨᕋᓗᐊᕐᐸᑕᓗ ᐃᒪᕕᐅᑉ ᐃᖅᑲᖓᓄᑦ, ᑍᑯᖓ ᖁᒡᓗᒋᐊᖅ ᑎᓕᔪᒫᕐᐸᕋ, ᑖᑦᓱᒪᓗ ᑮᔪᒫᕐᐰᑦ.

ᓇᕼᐅᒥᐅᑉ ᐊᒡᓚᖏᑦ 1:4

ᐃᒪᕐᕕᒃ ᓱᐊᒃᐹ ᐸᓂᕐᑎᓪᓗᒍᓗ, ᑰᓕᒫᓪᓗ ᓴᓗᐊᕐᑎᑉᐰᑦ; ᐹᓴᓂ ᑳᕐᒥᐅᓕᓗ ᑐᖁᓕᕘᒃ, ᐱᕈᕐᓯᐊᓪᓗ ᓕᐸᓇᓂᒥ ᑐᖁᓕᒋᕗᑦ.

ᓴᒧᐃᓕ ᓯᕗᓪᓖᑦ 25:2

ᐊᖑᑎᑕᖃᓚᐅᕐᐳᖅ ᒪᐅᓇᒥ ᐱᓇᓱᐊᒐᖃᕐᑐᒥᒃ ᑳᕐᒥᐅᓪᒥ. ᑖᓐᓇᓗ ᐊᒃᓱᐃᑦᑐᕐᔪᐊᖑᕗᖅ, ᓰᐱᖁᑎᖃᕐᐳᖅ 3,000ᓂᒃ ᒎᑦᓯᖁᑎᖃᕐᓗᓂᓗ 1,000ᓂᒃ. ᓰᐱᖁᑎᓂᓗ ᕿᐅᕐᑕᓚᐅᕐᐰᑦ ᑳᕐᒥᐅᓪᒥ.