ᐋᐴᓯᑕᓖᑦ ᐱᓂᐊᕐᓂᖏᑦ 9:39 - ᐊᒡᓔᑦ ᐃᑦᔪᕐᖕᓁᑦᑐᑦ

³⁹ ᐲᑦᑐᕉᓯ ᐸᕐᓇᒃᑲᒥ ᑖᒃᑯᐊᒃ ᐃᓚᒋᓪᓗᒋᒃ ᐊᐅᓪᓚᕐᐳᑦ. ᑕᕝᕗᖓ ᑎᑭᒻᒪᑕ ᐋᑉᐹᑦ ᐃᒡᓘᑉ ᖁᓛᓃᑦᑐᒧᑦ. ᐅᐃᒡᒐᕐᓃᑦ ᑕᕝᕙᓃᑦᑐᑦ ᕿᐊᕗᑦ, ᐅᕕᓂᕈᕐᓂᒃ ᐊᓐᓄᕌᓂᒡᓗ ᐊᓯᖏᓐᓂᒃ, ᑑᑲᓯᐅᑉ ᐃᓅᓪᓗᓂ ᓴᓇᖃᑦᑕᕐᑕᕕᓂᖏᓐᓂᒃ ᐲᑦᑐᕉᓯᒧᑦ ᑕᑯᔭᐅᑎᑦᓯᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:39 Iomraidhean Croise

ᓴᒧᐃᓕ ᐂᑉᐸᖏᑦ 1:24

ᐃᓴᕆᐊᓕᒥᐅᑦ ᐊᕐᓇᖏᑦ, ᓴᐅᓕ ᕿᒃᓵᒍᑎᒋᓯᐅᒃ, ᑖᑦᓱᒪ ᐊᓐᓄᕌᕐᑎᓚᐅᕐᒪᓯ ᐊᐅᑉᐸᕆᒃᑐᓂᒃ, ᑕᑯᒥᓇᕐᑐᓂᒡᓗ ᒎᓗᓂᒃ ᐊᑐᕈᓐᓇᕐᓯᑎᓪᓗᓂᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:7

ᐃᓱᐊᕐᑐᒥ ᐃᓅᓚᐅᕐᑐᑦ ᐃᖅᑲᐅᒪᔭᐅᓂᖏᑦ ᓮᒻᒪᕐᑎᑕᐅᓐᓇᕐᐳᑦ, ᐱᐅᖏᑦᑑᓪᓕ ᐊᑎᖓ ᓄᖑᓐᓂᐊᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10

ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.

ᒫᑎᐅᓯᐅᑉ ᐊᒡᓚᖏᑦ 17:17

ᔩᓱᓯᐅᑉ ᑭᐅᕚ, “ᐅᒃᐱᕐᓂᖃᖏᑦᑐᓯ ᑕᒻᒪᕐᓯᒪᔪᐊᓘᔪᓯᓗ, ᖃᓄᖅ ᐊᑯᓂᐅᑎᒋᔪᖅ ᓇᔪᕆᐊᖃᕐᐸᑦᓰ? ᖃᓄᕐᓗ ᐊᑯᓂᐅᑎᒋᔪᖅ ᕿᓄᐃᓵᕐᕕᒋᔭᕆᐊᖃᕐᐸᑦᓰ? ᓄᑲᑉᐱᐊᖅ ᐅᕙᓐᓄᑦ ᒪᐅᖓ ᕾᑎᓚᐅᕈᒃ.”

ᒫᑎᐅᓯᐅᑉ ᐊᒡᓚᖏᑦ 26:11

ᑍᒪᓐᖓᓕᒫᖅ ᐊᔪᕐᓴᕐᑐᓂᒃ ᓇᔪᕐᑎᕾᓐᓇᕐᓂᐊᕐᐳᓯ, ᑭᓯᐊᓂᓕ ᐅᕙᓐᓂᒃ ᓇᔪᕐᑎᕾᓐᓇᕐᓂᐊᓐᖏᓚᓯ.

ᒫᑯᓯᐅᑉ ᐊᒡᓚᖏᑦ 14:8

ᐊᕐᓇᖅ ᐱᓇᓱᐊᕐᐳᖅ ᐱᔪᓐᓇᕐᑕᒥᒍᑦ; ᑎᐱᑦᓯᐊᕆᒃᓴᐅᒻᒥᒃ ᑯᕕᓯᕗᖅ ᑎᒥᓐᓄᑦ ᓯᕗᕐᖓᒍᑦ ᐅᐸᓗᖕᒊᔧᓪᓗᓂ ᐃᓗᕕᕐᑕᐅᓂᒃᓴᓐᓄᑦ.

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᔪᐊᓇᓯᐅᑉ ᐊᒡᓚᖏᑦ 12:8

ᐊᔪᕐᓴᕐᑐᓂᒃ ᐃᓅᖃᑎᕾᓐᓇᕐᓂᐊᕐᐳᓯ, ᐅᕙᓐᓂᒃᓕ ᓇᔪᕐᑎᕾᓐᓇᓂᐊᓐᖏᓚᓯ.”

ᔪᐊᓇᓯᐅᑉ ᐊᒡᓚᖏᑦ 17:12

ᑖᒃᑯᓇᓂ ᓇᔫᑎᓂᓐᓂ, ᓴᐳᑎᓯᒪᓚᐅᕐᐸᒃᑲ ᐱᔪᓐᓇᕐᓂᕐᓄᑦ, ᑖᒃᑯᐊ ᑐᓂᓚᐅᕐᑕᑎᑦ ᐅᕙᓐᓄᑦ; ᓴᐳᑎᓯᒪᓚᐅᕐᐸᒃᑲ, ᐊᑕᐅᓯᕐᒥᒡᓘᓐᓃᑦ ᐊᓯᐅᔪᖃᓐᖏᓚᖅ ᑖᓐᓇ ᑭᓯᒥ ᐊᓯᐅᔪᒃᓴᐅᓯᒪᔪᖅ ᐊᓯᐅᔪᑑᕗᖅ, ᐊᒡᓔᑦ ᓇᓚᐅᑦᓯᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:13

ᐃᒡᓗᒐᓴᒡᔪᐊᓄᑦ ᐃᑎᕋᒥᒃ, ᐃᒡᓘᑉ ᖁᓛᓃᑦᑐᒧᑦ ᓇᔪᒐᕐᒥᖕᓄᑦ ᐃᑎᕐᐳᑦ, ᐲᑦᑐᕉᓯ ᔪᐊᓇᓯ ᔧᒥᓯ ᐋᓐᑐᕉᓗ, ᐱᓕᑉᐴᓯ ᑑᒪᓯᓗ, ᐸᑎᐅᓗᒥᐅ ᒫᑎᐅᓯᓗ, ᔧᒥᓯᓗ ᐊᐅᓪᐱᐊᓯᐅᑉ ᐃᕐᓂᖓ ᓮᒨᓂᓗ ᕉᒪᒥᐅᓂᒃ ᐊᑭᓂᐊᕐᑎᒥᒃ ᑍᔭᐅᔪᖅ, ᔫᑕᓯᓗ ᔧᒥᓯᐅᑉ ᐃᕐᓂᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 20:35

ᓇᖕᒥᓂᖅ ᖃᐅᔨᑎᓚᐅᕐᐸᑦᓯ ᐊᒃᓱᕈᕐᓂᑦᑎᓐᓄᑦ ᐱᓇᓱᐊᕐᓗᑕ ᓴᓐᖐᑦᑐᓂᒃ ᐃᑲᔪᕆᐊᖃᕋᑦᑕ, ᐊᑕᓂᐅᑉ ᔩᓱᓯᐅᑉ ᐅᖃᐅᓯᖏᑦ ᐃᖅᑲᕐᓗᒋᑦ ᐅᖃᕐᓯᒪᖕᒪᑦ, ‘ᑐᓂᓯᓂᖅ ᓮᒻᒪᕐᑎᑕᐅᓇᕐᓂᕐᓴᐅᕗᖅ ᐂᑦᑐᕐᑕᐅᓂᕐᒥᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 6:1

ᑍᑦᓱᒪᓂ ᐃᓕᓐᓂᐊᕐᑎᑦ ᐅᓄᕐᓯᕙᓪᓕᐊᑎᓪᓗᒋᑦ, ᔫᑎᑦ ᒍᕇᑭᑎᑐᑦ ᐅᖃᐅᓯᓖᑦ, ᐂᕙᖃᑎᖃᓕᓚᐅᕐᐳᑦ ᐄᑉᕉᐃᓂᒃ ᐅᐃᒡᒐᕐᓂᖁᑎᒥᖕᓂᒃ ᑲᒪᒋᔭᐅᑦᓯᐊᖏᓐᓂᕅᓪᓗᑎᒃ ᖃᐅᑕᒫᑦ ᑐᓂᐅᕋᑕᐅᖃᑦᑕᕐᑐᑦ ᐱᑦᔪᑎᒋᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:2

ᐅᒃᐱᑦᓯᐊᕐᑐᑦ ᐊᖑᑎᑦ ᓯᑎᐹᓇᓯᐅᑉ ᑎᒥᖓ ᐃᓗᕕᕐᐹᑦ ᐊᖏᔪᒥᒡᓗ ᐅᒡᒍᐊᕈᑎᒋᓪᓗᒍ ᕿᐊᑦᔪᑎᒋᕚᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:41

ᐊᒡᒐᖏᑎᒍᑦ ᑎᒍᓪᓗᓂᐅ ᓂᑯᕕᑎᑉᐹ. ᐅᒃᐱᕐᑐᑦ ᐅᐃᒡᒐᕐᓃᓪᓗ ᕾᖁᕔᑦ ᑖᒃᑯᓄᖓ ᐆᒪᓕᕐᑐᖅ ᐂᑦᑑᑎᒋᕚ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.

ᐃᐱᓯᒥᐅᓄᑦ 4:28

ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:13

᙭ᔅᑑᓯᒥᐅᑕᐅᖃᑎᒃᑲ, ᖃᐅᔨᒪᖏᑦᑑᖁᓐᖏᓚᑦᓯ ᓯᓂᓕᕐᓯᒪᔪᓂᒃ, ᕿᒃᓵᒍᑎᖃᓗᐊᖁᓇᓯ ᐊᓯᑦᓯᑐᑦ ᓂᕆᐅᒋᔭᒃᓴᖃᖏᑦᑐᑎᑐᑦ.

ᑎᒧᑎᒧᑦ ᓯᕗᓪᓖᑦ 5:3

ᐅᐃᒡᒐᕐᓃᑦ ᐅᐱᒋᑦᓯᐊᕐᓗᒋᑦ ᐅᐃᒡᒐᕐᓂᓚᕇᑦ.

ᑎᒧᑎᒧᑦ ᓯᕗᓪᓖᑦ 5:5

ᐅᐃᒡᒐᕐᓂᕐᓕ ᐃᓄᑐᐊᖑᒃᐸᑦ ᐃᑲᔪᕐᑎᒃᓴᖃᕋᓂ, ᑍᒤᑦᑐᖅ ᒎᑎᒥᑦ ᑭᓯᐊᓂ ᓂᕆᐅᒃᐳᖅ, ᑐᒃᓯᐊᖏᓐᓇᕐᐳᕐᓗ ᐃᑲᔪᕐᑕᐅᔪᒪᓪᓗᓂ ᐅᓐᓄᐊᖑᒐᓗᐊᕐᐸᑦ ᐅᓪᓘᒐᓗᐊᕐᐸᓪᓗ;

ᔪᐊᓇᓯ ᓯᕗᓪᓖᑦ 3:18

ᕿᑐᕐᖓᑯᓗᒃᑲ, ᓇᒡᓕᖕᓂᖅ ᐅᖃᐅᓯᑐᐃᓐᓇᒃᑯᑦ ᓂᓪᓕᐊᓂᑐᐃᓐᓇᑯᓪᓘᓪᓃ ᓇᓪᓕᒍᓱᖕᓂᕋᓐᖏᓚᐅᕐᑕ ᐱᓂᐊᕐᓂᒃᑯᓪᓕ ᓱᓕᔪᒃᑯᓪᓗ.