ᐋᐴᓯᑕᓖᑦ ᐱᓂᐊᕐᓂᖏᑦ 9:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᐲᑦᑐᕉᓯᐅᑉ ᐅᖃᐅᑎᕚ, “ᐃᓂᐊᓯ, ᔩᓱᓯ ᙭ᔅᑑᓯᐅᑉ ᐋᖅᑭᒃᐹᑎᑦ; ᒪᑭᓪᓗᑎᑦ ᓇᓚᕖᑦ ᐃᒧᓕᕈᒃ.” ᑕᕝᕔᓐᓇᖅ ᒪᑭᑉᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 9:34 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 8:3

ᔩᓱᓯᐅᑉ ᐃᓴᒃᓗᓂ ᐊᒃᑐᕐᐹ, ᐅᖃᐅᑎᓪᓗᒍ, “ᐱᔪᒪᕗᖓ, ᐸᕐᑎᕈᓐᓃᕆᑦ!” ᑕᕝᕔᓐᓇᖅ ᐊᖑᑦ ᑖᓐᓇ ᐸᕐᑎᕈᓐᓃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 9:6

ᖃᐅᔨᓂᐊᕋᑦᓯ, ᐃᓅᑉ ᐃᕐᓂᖓ ᐱᔪᓐᓇᕐᓂᖃᕐᒪᑦ, ᑕᒫᓂ ᓄᓇᕐᔪᐊᕐᒥ ᐊᔪᕐᓂᕐᓂᒃ ᐃᓱᒪᒋᔪᓐᓁᕐᓯᔪᓐᓇᕐᓂᕐᒥᒃ,” ᑍᒤᒻᒪᑦ ᓄᑭᖃᖏᑦᑐᒧᑦ ᐅᖃᕐᐳᖅ, “ᒪᑭᑦᑎᑦ, ᓇᓪᓚᖓᕖᑦ ᑎᒍᓗᒍ, ᐊᖏᕐᕋᓕᕆᑦ!”

ᔪᐊᓇᓯᐅᑉ ᐊᒡᓚᖏᑦ 2:11

ᑕᒪᑦᔭ ᔩᓱᓯᐅᑉ ᓇᓗᓁᒃᑯᑕᖏᑕ ᓯᕗᓪᓕᕐᐹᖓᑦ, ᐱᓂᐊᕐᓂᕆᓚᐅᕐᑕᖓ ᑬᓇᒥ ᒐᓕᓕᐊᒦᑦᑐᒥ, ᑕᕝᕙᓂ ᓂᕐᑐᕐᓇᕐᓂᕐᔪᐊᓂ ᓴᖅᑭᑎᓚᐅᕐᐹ; ᐃᓕᓐᓂᐊᕐᑎᖏᑕᓗ ᐅᒃᐱᕆᕚᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:18

ᐅᓪᓗᓂᒃ ᐊᒥᓱᓂᒃ ᑖᓐᓇ ᑍᒤᓕᐅᕐᐳᖅ. ᐸᐅᓗᓯᐅᑉ ᐊᖏᔪᒥᒃ ᐊᑲᐅᒋᔪᓐᓃᕋᒥᐅᒃ, ᓵᕝᕕᒋᓪᓗᒍ ᐊᓂᕐᓂᕐᓗᒃ ᐅᖃᐅᑎᕚ, “ᔩᓱᓯ ᙭ᔅᑑᓯᐅᑉ ᐊᑎᖓᓂ ᐅᖃᐅᑎᕙᒋᑦ ᐆᒪᓐᖓᑦ ᐊᕐᓇᒥᑦ ᐊᓂᒋᑦ.” ᐊᓂᕐᓂᕐᓗᒃ ᑕᕝᕙᑦᓮᓐᓇᖅ ᑖᑦᓱᒪᖓᑦ ᐊᕐᓇᒥᑦ ᐊᓂᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 3:12

ᐲᑦᑐᕉᓯᐅᑉ ᐃᓄᐃᑦ ᑕᑯᒐᒥᒋᑦ ᐅᖃᐅᑎᕔᑦ, “ᐃᓴᕆᐊᓕᒥᐅᖑᔪᓯ, ᓲᖅ ᑕᒪᓐᓇ ᑲᒪᓂᐊᕈᑎᒋᕕᓯᐅᒃ? ᓱᖕᒪᑦ ᐅᕙᑦᑎᓐᓄᑦ ᑕᑯᓐᓇᕐᐱᓰ? ᐅᕙᒍᒃ ᓇᖕᒥᓂᖅ ᐱᔪᓐᓇᕐᓂᑦᑎᓐᓄᑦ ᐅᒃᐱᑦᓯᐊᕐᓂᑦᑎᓐᓄᓪᓘᓐᓃᑦ ᐆᒥᖓ ᐱᓱᒍᓐᓇᕐᓯᑎᑦᓯᓇᓱᒋᕕᑎᒎᒃ?

ᐋᐴᓯᑕᓖᑦ ᐱᓂᐊᕐᓂᖏᑦ 3:16

ᑖᑦᓱᒪ ᐱᔪᓐᓇᕐᓂᖓᓄᑦ ᐅᒃᐱᕐᓂᒃᑯᑦ ᑖᑦᓱᒪ ᐊᑎᖓᓄᑦ, ᐅᓇ ᐱᓱᒍᓐᓇᓚᐅᖏᑦᑐᖅ ᓄᑭᒃᑖᕐᑎᑕᐅᕗᖅ ᑕᑯᔭᓯ ᖃᐅᔨᒪᔭᓯᓗ; ᐅᒃᐱᕐᓂᒃᒧᑦ ᔩᓱᓯᒃᑯᑦ ᖃᓄᐃᖏᑦᓯᐊᓕᕐᐳᖅ ᐃᓘᓐᓇᓯ ᒫᓐᓇ ᑕᑯᔭᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 3:6

ᐲᑦᑐᕉᓯᐅᑉ ᐅᖃᐅᑎᕚ, “ᑮᓇᐅᔭᖃᓐᖏᓚᖓ, ᐱᒋᔭᓐᓂᒡᓕ ᑐᓂᓯᕝᕕᒋᕙᒋᑦ; ᔩᓱᓯ ᙭ᔅᑑᓯᐅᑉ ᓈᓴᕇᑎᒥᐅᑉ ᐊᑎᖓᓂ ᐅᖃᐅᑎᕙᒋᑦ, ᐱᓱᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:10

ᖃᐅᔨᒪᓕᕆᑦᓯ ᑕᒪᑦᓯ ᐃᓴᕆᐊᓕᒥᐅᓕᒫᓪᓗ, ᐅᓇ ᓵᑦᓯᓐᓃᑦᑐᖅ; ᔩᓱᓯ ᙭ᔅᑑᓯ ᓈᓴᕇᑎᒥᐅᑉ ᐱᔪᓐᓇᕐᓂᖓᒍᑦ; ᑖᑦᓱᒪ ᑭᑭᐊᒃᑐᓚᐅᕐᑕᑦᓯ, ᒎᑎᐅᓪᓕ ᑐᖁᒥᑦ ᒪᑭᑎᓚᐅᕐᑕᖓᑕ ᐋᖅᑭᓚᐅᕐᐹ; ᒫᓐᓇ ᓵᑦᓯᓐᓂ ᓇᖏᓕᕐᐳᖅ ᖃᓄᐃᖏᑦᓯᐊᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 9:33

ᑕᕝᕙᓂ ᐊᖑᒻᒥᒃ ᑲᑎᓯᕗᖅ ᐃᓂᐊᓯᒥᒃ ᐊᑎᓕᖕᒥᒃ, ᑖᓐᓇ ᓄᑭᖃᕋᓂ ᓇᓚᓚᐅᕐᐳᖅ ᐊᕐᕌᒍᓂᒃ 8ᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:35

ᓔᑕᒥ ᓵᕋᓐᒥᓗ ᓄᓇᖃᕐᑐᑦ ᑖᑦᓱᒥᖓ ᑕᑯᒐᒥᒃ ᐊᑕᓂᕐᒧᑦ ᓵᒋᐊᕐᐳᑦ.