ᐋᐴᓯᑕᓖᑦ ᐱᓂᐊᕐᓂᖏᑦ 9:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:31 Iomraidhean Croise

ᑯᕉᓂᑲ ᓯᕗᓪᓖᑦ 22:18

“ᐊᑕᓂᐅᑉ ᒎᑎᓯ ᐃᓚᒋᓐᖏᓛᓰ? ᐅᓇᑕᕐᑕᐅᑎᖏᒻᒪᓯ ᐊᕙᑎᓕᒫᑦᓯᓐᓃ? ᑕᒫᓂ ᓄᓇᖃᕐᑐᑦ ᑐᓂᓚᐅᕐᒪᒋᑦ ᐅᕙᑦᑎᓐᓄᑦ; ᓄᓇᓗ ᒪᓂᓚᐅᕐᒪᒍ ᐊᑕᓂᐅᑉ ᓵᖓᓂ ᐃᓄᖁᑎᒥᓄᓪᓗ.

ᑯᕉᓂᑲ ᓯᕗᓪᓖᑦ 22:9

ᑕᑯᒋᑦ, ᐃᕐᓂᕐᑖᕈᒫᕐᐳᑎᑦ, ᑖᓐᓇ ᐃᓅᔪᒫᕐᐳᖅ ᐅᓇᑕᖏᓪᓗᓂ. ᐊᑭᕋᓕᒫᖏᓐᓂᑦ ᐅᓇᑕᕐᑕᐅᑎᑦᓱᒫᓐᖏᓚᕋ; ᐊᑎᖃᕈᒫᕐᐳᖅ ᓲᓗᒨᓂᒥᒃ, ᐃᓴᕆᐊᓕᒥᐅᑦ ᐅᓇᑕᕐᑕᐅᑎᑦᓱᒫᓐᖏᓚᒃᑲ ᒥᕐᖑᐃᕐᓯᕐᓇᕐᑐᒦᓪᓗᑎᒡᓗ ᑖᑦᓱᒪ ᐅᓪᓗᖏᓐᓂ.

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᓂᕼᐃᒤᐊᐅᑉ ᐊᒡᓚᖏᑦ 5:9

ᑕᕝᕙ ᐅᖃᒃᑲᓐᓂᓕᕐᐳᖓ, “ᐱᓂᐊᕐᓂᕆᔭᑦᓯ ᐱᐅᓐᖏᓚᖅ! ᒎᑎᒥᒃ ᐃᒃᐱᒍᓱᑦᓯᐊᕆᐊᖃᕐᐳᓯ ᐱᐅᔪᒥᒡᓗ ᐱᓇᓱᐊᕐᓗᓯ, ᐊᑭᕋᕐᑐᕐᑎᕗᓪᓗ ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᐱᑦᔪᑎᒃᓴᕐᑖᕐᑎᑕᒃᓴᕆᓐᖏᓚᕗᑦ ᐊᑭᕋᕐᑐᕈᑎᒃᓴᒥᒃ.

ᔫᐱᐅᑉ ᐊᒡᓚᖏᑦ 28:28

ᐃᓄᖕᒧᓪᓗ ᐅᖃᕐᓗᓂ, ‘ᑕᑯᒋᑦ, ᐊᑕᓂᕐᒥᒃ ᓯᕘᕋᓂᖅ, ᑕᒪᓐᓇ ᓯᓚᑐᓂᐅᕗᖅ; ᐊᔪᕐᓂᕐᒥᒡᓗ ᕿᒤᓂᖅ ᑕᕝᕙ ᑐᑭᓯᓂᐅᕗᖅ.’”

ᐃᓐᖏᕈᑎᑦ 111:10

ᐊᑕᓂᕐᒥᒃ ᓯᕘᕋᓂᖅ ᓯᓚᑐᓂᕐᒥᒃ ᐱᒋᐊᕐᕕᐅᕗᖅ; ᑐᑭᓯᓯᒪᑦᓯᐊᕐᓂᕐᒥᒃ ᐱᑎᑕᐅᕗᑦ ᑕᒪᕐᒥᒃ ᐱᖁᔭᖏᓐᓂᒃ ᐊᑐᕐᑐᑦ. ᑖᑦᓱᒪ ᓂᕐᑐᕐᑕᐅᓂᖓ ᐃᓱᖃᖏᑦᑐᒧᑦ ᑐᕌᕐᐳᖅ!

ᐃᓐᖏᕈᑎᑦ 86:11

ᐊᑕᓃᖅ ᐊᔪᕆᕐᑐᓚᐅᓐᖓ ᐊᑐᕐᑕᐅᖁᔭᕐᓂᒃ, ᐃᕝᕕᑦ ᓱᓕᑦᓯᐊᕐᓂᖓᓄᑦ ᐃᓅᖁᓪᓗᖓ; ᐆᒻᒪᑎᒐ ᑲᑦᓱᖎᑦᓯᐊᕐᑎᓚᐅᕈᒃ ᐊᑎᕐᓂᒃ ᓯᕘᕋᔪᓐᓇᖁᓪᓗᖓ.

ᐃᓐᖏᕈᑎᑦ 94:13

ᑖᓐᓇ ᑕᕾᕐᓯᕐᕕᒃᓴᖃᕐᑎᓐᓇᕕᐅᒃ ᐅᓪᓗᓂᑦ ᐊᑲᐅᓐᖏᓕᐅᕐᓇᕐᑐᓂᑦ, ᐱᐅᖏᑦᑑᑉ ᑲᑕᒡᕕᒃᓴᖓᓂᒃ ᐃᑎᕐᓴᓕᐅᕐᑐᖃᖏᓐᓂᖓᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:7

ᐊᑕᓂᕐᒥᒃ ᐃᓕᕋᓱᖕᓂᖅ ᑐᑭᓯᐅᒪᓂᕐᒥᒃ ᐱᒋᐊᕐᓂᐅᕗᖅ, ᓯᓔᑦᑐᓪᓕ ᓯᓚᑐᓂᕐᒥᒃ ᓇᕐᕈᕗᑦ ᐃᓕᓐᓂᐊᕐᓂᕐᒥᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:17

ᐆᒻᒪᑏᑦ ᑐᓱᓂᐊᕋᓂ ᐊᔪᕐᑐᓕᔪᓂᒃ, ᐊᔪᐃᓐᓇᓕᕆᑦ ᐊᑕᓂᕐᒥᒃ ᓯᕘᕋᓂᕐᒥᒃ ᐅᓪᓗᖅ ᓈᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 33:6

ᐊᑕᓂᖅ ᐊᐅᓚᑕᐅᔪᓐᓇᖏᑦᑐᒥᒃ ᑐᓐᖓᕕᒃᓴᐅᓂᐊᕐᐳᖅ ᐊᑐᕐᑕᑦᓯᓐᓂ. ᐊᔪᕐᓴᕐᑎᑦᓯᓂᐊᓐᖏᓚᖅ ᐱᐅᓕᔭᐅᓂᕐᒥᒃ ᓯᓚᑐᓂᕐᒥᒡᓗ ᖃᐅᔨᒪᓂᕐᒥᒡᓗ. ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᑕᒪᒃᑯᓂᖓ ᐊᔪᕐᓴᖏᑦᔪᑎᐅᓂᐊᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 8:20

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᓇᓪᓕᐅᑎᔪᒫᕐᐳᖅ ᐃᓄᐃᑦ ᐅᓄᕐᑐᑦ ᑎᑭᑦᓱᒫᕐᒪᑕ, ᓄᓇᓕᖕᓂᑦ ᐅᓄᕐᑐᓂᑦ ᐱᓯᒪᔪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 12:24

ᒎᑎᐅᓪᓕ ᐅᖃᐅᓯᖏᑦ ᓯᐊᒻᒪᕐᐸᓪᓕᐊᕗᑦ ᐱᕙᓪᓕᐊᑐᐃᓐᓇᕐᓗᑎᒃᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 16:5

ᑕᕝᕙ ᐅᒃᐱᕐᑑᖃᑎᒌᑦ ᐱᕙᓪᓕᕐᑎᑕᐅᕗᑦ ᐅᒃᐱᕐᓂᕐᒥ, ᖃᐅᑕᒫᑦ ᐅᓄᕐᓯᕙᓪᓕᐊᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:47

ᒎᑎᒥᒃ ᓂᕐᑐᐃᖃᑦᑕᓚᐅᕐᐳᑦ, ᐃᓄᓕᒫᓄᓪᓗ ᖁᕕᐊᒋᔭᐅᓪᓗᑎᒃ. ᖃᐅᑕᒫᓪᓗ ᐊᑕᓂᖅ ᐱᐅᓕᔭᐅᕙᓪᓕᐊᔪᓂᒃ ᐃᓚᑖᕐᑎᑉᐸᓪᓕᐊᓚᐅᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:32

“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:11

ᐃᓚᒌᒃᑐᑦ ᐅᒃᐱᕐᑐᖃᑎᒌᓕᒫᑦ ᓯᕘᕋᓂᕐᔪᐊᖃᓕᕐᐳᑦ, ᑕᒪᑐᒥᖓᓗ ᑐᓴᕐᑐᓕᒫᑦ ᓯᕘᕋᓕᕆᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:7

ᒎᑎᐅᑉ ᐅᖃᐅᓯᖏᑦ ᐅᒃᐱᕆᔭᐅᓕᕐᐸᓪᓕᐊᕗᑦ; ᐃᓕᓐᓂᐊᕐᑎᑦ ᔨᕉᓴᓕᒻᒥ ᐅᓄᕐᑐᐊᓘᓕᓚᐅᕐᐳᑦ ᐃᓚᕙᓪᓕᐊᓪᓗᑎᒃ, ᑐᓂᕐᕈᓯᕐᑎᑦᓯᔨᑦ ᐊᒥᓱᑦ ᓈᓚᒡᓗᑎᒃ ᐅᒃᐱᓕᓚᐅᕐᐳᑦ.

ᕉᒪᒥᐅᓄᑦ 14:17

ᒎᑎᐅᑉ ᐊᑕᓂᐅᕕᖓ ᓂᕆᓂᕐᒥᒃ ᐃᒥᕐᓂᕐᒥᒡᓘᓐᓃᑦ ᐱᑦᔪᑎᖃᖏᒻᒪᑦ; ᐱᑦᔪᑎᖃᕐᐳᕐᓕ ᐃᓗᐊᕐᓯᑎᑕᐅᓂᕐᒥᒃ ᐃᓱᒪᔮᖏᓐᓂᕐᒥᒃ ᖁᕕᐊᓱᖕᓂᕐᒥᒡᓗ ᐊᓂᕐᓂᕐᒥ ᐃᑦᔪᕐᓁᑦᑐᒥ,

ᕉᒪᒥᐅᓄᑦ 14:19

ᑍᒤᒻᒪᑦ ᐊᒃᓱᕈᕐᓗᑕ ᐱᓇᓱᐊᓚᐅᕐᑕ ᐃᓱᒫᓘᑕᐅᓇᖏᑦᑐᓂᒃ ᑕᓯᐅᕐᓯᓂᕐᒥᒃ ᑕᒤᓐᓄᑦ ᐱᕈᕐᐸᓪᓕᐊᑦᔪᑕᐅᔪᓐᓇᕐᑐᓂᒃ.

ᕉᒪᒥᐅᓄᑦ 15:13

ᒎᑎᐅᓪᓕ ᓂᕆᐅᖕᓂᕐᑖᕐᑎᑦᓯᔫᑉ ᐃᓗᒻᒥᕐᑎᓪᓕᓯ ᖁᕕᐊᓱᖕᓂᕐᒥᒃ ᐃᓱᒫᓘᑎᖃᖏᑦᓯᐊᕐᓂᕐᒥᒡᓗ ᑖᑦᓱᒧᖓ ᐅᒃᐱᕐᓂᑦᓯᓐᓄᑦ, ᓂᕆᐅᖕᓂᓯ ᐊᖏᒡᓕᕙᓪᓕᐊᖏᓐᓇᖁᓪᓗᒍ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ.

ᕉᒪᒥᐅᓄᑦ 5:5

ᓂᕆᐅᖕᓂᐅᓪᓗ ᑕᒪᑐᒪ ᐅᒡᒍᐊᕐᑎᓐᖏᓛᑎᒍᑦ, ᒎᑎᐅᑉ ᓇᒡᓕᖕᓂᓂ ᐃᓗᑦᑎᓐᓄᑦ ᑯᕕᖕᒪᒍ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᑐᓂᕐᕈᓯᐊᕆᔭᑦᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:12

ᑍᒤᒃᑲᔭᕆᕗᓯᑦᑕᐅᖅ, ᐊᓂᕐᓂᐅᑉ ᑐᓂᕐᕈᑎᖏᓐᓂᒃ ᐊᔪᐃᓐᓇᒻᒪᕆᒃᑲᑦᓯ, ᐊᔪᐃᓐᓈᕆᓂᕐᐹᕆᔭᕆᐊᖃᕐᐸᓯᓕ ᐅᒃᐱᕐᑑᖃᑎᒌᑦ ᐱᕙᓪᓕᕈᑎᒃᓴᖏᑦ ᐱᓇᓱᐊᕐᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:8

ᑲᓐᖑᓱᓐᖏᓚᖓᓘᓐᓃᑦ ᐊᑕᓂᕐᒧᑦ ᐱᔪᓐᓇᕐᑎᑕᐅᓂᑦᑎᓐᓂᒃ ᓂᕐᑑᑎᑬᓐᓇᕋᓗᐊᕈᒪ, ᐊᑕᓂᐅᑉ ᐱᕈᕐᐸᓪᓕᐊᑎᒻᒪᓯ ᐊᓯᕈᕋᓱᐊᖏᒻᒪᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:19

ᐃᓱᒪᖃᕐᐱᓰ ᑍᒪᓐᖓᑦ ᐅᕙᑦᑎᓐᓂᒃ ᐸᓯᔭᒃᓴᐅᔪᓐᓃᕐᑎᓐᓇᓱᐊᕐᑐᑐᑦ ᐱᓇᓱᒋᓪᓗᑕ ᐃᓕᑦᓯᓐᓄᑦ? ᓇᒡᓕᒋᔭᒃᑳ, ᐅᖃᓪᓚᓚᐅᕐᐳᒍᓪᓕ ᒎᑎᐅᑉ ᓵᖓᓂ ᙭ᔅᑑᓯᒥ, ᖃᓄᐃᓕᐅᕐᓂᕗᓪᓗ ᑕᒪᕐᒥᒃ ᐱᓇᓱᐊᕐᐸᕗᑦ ᐱᕙᓪᓕᐊᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:10

ᑍᒫᒃ ᑎᑎᕋᕐᐳᖓ ᐊᑦᓯᒪᓪᓗᖓ ᐃᓕᑦᓯᓐᓂᑦ, ᑎᑭᒃᑯᒪ ᐃᓕᕋᓇᕈᒪᓇᖓ ᐱᔪᓐᓇᕐᓂᖃᕐᑎᑕᐅᓂᓐᓄᑦ, ᐱᔪᓐᓇᕐᓂᕐᒧᑦ ᐊᑕᓂᕐᒥᑦ ᐱᓯᒪᔭᓐᓄᑦ ᐋᖅᑭᒃᐸᓪᓕᐊᖁᓪᓗᓯ ᓱᕋᒍᑎᒃᓴᑦᓯᓐᓅᖏᑦᑐᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᐃᐱᓯᒥᐅᓄᑦ 4:12

ᐃᑦᔪᕐᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᕐᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ.

ᐃᐱᓯᒥᐅᓄᑦ 4:16

ᑖᑦᓱᒪ ᑎᒥᐅᑉ ᐃᓚᓕᒫᖏᑦ ᑲᓱᕐᑎᓯᒪᖕᒪᒋᑦ ᑲᑎᓐᖓᑎᓪᓗᒋᓪᓗ, ᑎᒥᓕᒫᖅ ᐃᓗᐃᑦᑐᓐᖑᕐᑎᓪᓗᒍ ᓇᒡᒍᐊᖏᑦ ᑲᓱᕐᑎᓯᒪᓪᓗᒋᑦ, ᑎᒥᐅᑉ ᐃᓚᓕᒫᖏᑦ ᐊᑑᑎᒋᒋᐊᓕᖕᒥᖕᓄᑦ ᐊᑐᑦᓯᐊᓕᑐᐊᕐᒪᑕ, ᑕᕝᕙ ᑎᒥ ᐱᕈᕐᐸᓪᓕᐊᓕᕐᐳᖅ ᐋᖅᑭᒃᐸᓪᓕᐊᓕᕐᓗᓂᓗ ᐃᒻᒥᓂᒃ ᓇᒡᓕᖕᓂᒃᑯᑦ.

ᐃᐱᓯᒥᐅᓄᑦ 4:29

ᐅᖃᐅᓯᕐᓘᑎᓂᒃ ᐋᓐᓂᕐᓇᕐᑐᓂᒃ ᐅᖃᖃᑦᑕᕈᓁᕆᑦᓯ, ᐃᑲᔪᕐᑐᓂᒡᓕ ᐱᕙᓪᓕᕐᓇᕐᑐᓂᒃ ᐅᖃᖔᖃᑦᑕᓕᕆᑦᓯ, ᐱᐅᔪᓂᒃ ᐋᖅᑭᒃᓲᑎᒃᓴᓂᒃ ᐱᔭᕆᐊᓕᖕᓂᒡᓗ ᐱᕙᓪᓕᕐᑎᑦᓯᔪᓐᓇᕐᑐᓂᒃ, ᐅᖃᐅᓯᕆᔭᓯ ᐱᕙᓪᓕᕈᑎᒃᓴᐅᖁᓪᓗᒋᑦ ᑐᓵᔪᓄᑦ.

ᐃᐱᓯᒥᐅᓄᑦ 5:21

ᐃᓕᑦᓯᓐᓄᑦ ᐊᑐᓂᑦ ᑐᓂᖃᑦᑕᐅᑎᓯᒪᑦᓯᐊᕆᑦᓯ ᙭ᔅᑑᓯᒧᑦ ᑐᓂᓯᒪᓂᕆᔭᑦᓯᑐᑦ.

ᒨᓯᓯ ᑕᓪᓕᒪᖏᑦ 12:10

ᑰᖕᒥᒃ ᔪᐊᕐᑕᓂᐅᑉ ᑰᖓᓂᒃ ᐃᑳᕈᑦᓯ, ᐊᑕᓂᐅᑉ ᓄᓇᑖᕐᑎᑦᓱᒫᕐᐹᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ. ᐊᑕᓂᐅᑉ ᓴᐳᑎᓯᒪᔪᒫᕐᐹᓯ ᐊᑭᕋᕐᑐᕐᑎᑦᓯᓐᓂᑦ, ᐃᓱᒫᓗᖏᓪᓗᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ.

ᐱᓕᐱᒥᐅᓄᑦ 2:1

᙭ᔅᑑᓯᒥ ᐱᕙᓪᓕᕐᑎᑕᐅᔪᖃᕐᐸᑦ, ᓇᒡᓕᖕᓂᖓᓄᑦ ᓮᒻᒪᕐᑎᑕᐅᒍᑦᓯ, ᐊᓂᕐᓂᖓᓄᓪᓗ ᐃᓚᒌᑦᓯᐊᓕᕐᑎᑕᐅᒍᑦᓯ ᐃᓕᑦᓯᓐᓄᑦ, ᐱᑦᓯᐊᕐᓂᖃᓕᕐᓗᓯᓗ ᐃᓚᑦᓱᒍᓱᖕᓂᖃᓕᕈᑦᓯ ᐃᓅᖃᑎᑦᓯᓐᓄᑦ,

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:11

ᑍᒤᒻᒪᑦ ᒪᓂᒍᕐᑎᒌᒋᑦᓯ ᐃᓕᑦᓯᓐᓄᑦ ᐊᑐᓂᑦ ᐃᑲᔪᕐᑎᒌᒡᓗᓯᓗ ᐊᑐᓂᑦ ᐃᓕᑦᓯᓐᓄᑦ, ᓲᕐᓗ ᑍᒫᒃ ᐱᓇᓱᐊᕋᑦᓯ.

ᑎᒧᑎᒧᑦ ᓯᕗᓪᓖᑦ 1:4

ᐅᓂᒃᑳᕐᑐᐊᓂᒃ ᑭᖑᕚᖑᖃᑎᒌᓪᓗ ᑭᓇᒃᑰᓂᖏᒃᓂᒃ ᐱᓇᓱᐊᑐᐃᓐᓇᖁᓇᒋᑦ ᐅᓄᕐᑐᐊᓗᖕᓂᒃ ᐅᖃᓪᓚᑐᐃᓐᓇᖃᑦᑕᖁᖏᓪᓗᒋᑦ, ᑕᒪᒃᑯᐊ ᓇᓚᐅᑦᑖᕐᑎᑦᓯᑐᐃᓐᓇᕐᒪᑕ; ᒎᑎᒥᑦ ᐱᔪᓂᒃ ᐱᓇᓱᐊᕐᑎᑦᓯᓇᑎᒃ, ᐅᒃᐱᕐᓂᑯᑦ ᐃᓕᓐᓂᐊᕐᓂᐅᒐᔭᕐᑐᓂᒃ.

ᐄᑉᕈᐃᓄᑦ 4:9

ᑍᒤᒻᒪᑦ, ᓱᓕ ᑕᕾᕐᓯᕐᕕᒃᓴᕐᑕᖃᕐᐳᖅ ᓴᐸᑎᑎᑐᑦ ᒎᑎᐅᑉ ᐃᓄᖁᑎᖏᓐᓄᑦ.

ᔮᓱᐊᑉ ᐊᒡᓚᖏᑦ 21:44

ᐊᑕᓂᐅᑉ ᒥᕐᖑᐃᕐᓯᕐᑎᓕᓚᐅᕐᐰᑦ ᓄᓇᒥ ᐊᕙᑎᓕᒫᒥᖕᓂᑦ ᐸᕕᓴᒃᑕᐅᔪᓐᓃᕐᓗᑎᒃ ᑍᒫᒃ ᑕᒪᓐᓇ ᓯᕗᓕᖏᓐᓄᑦ ᐊᖏᒻᒪᕆᒍᑎᒋᓚᐅᕋᒥᐅᒃ; ᐊᑭᕋᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᓄᖅᑲᕐᑎᑕᐅᔪᓐᓇᓚᐅᓐᖏᓚᑦ; ᐊᑕᓂᐅᑉ ᓵᓚᖃᕐᑎᖃᑦᑕᓚᐅᕐᒪᒋᑦ ᐊᑭᕋᓕᒫᖏᓐᓂᒃ.

ᔫᑎᐅᑉ ᐊᒡᓚᖏᑦ 1:20

ᐃᓕᑦᓯᓕ ᓇᒡᓕᒋᔭᒃᑲ, ᐃᓕᑦᓯᓐᓂᒃ ᐱᕙᓪᓕᐊᑎᓕᕆᑦᓯ ᐅᒃᐱᕐᓂᑯᑦ ᐃᑦᔪᕐᓁᑦᑐᒃᑯᑦ; ᑐᒃᓯᐊᕐᓗᓯ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ;

ᐃᓗᐊᕐᓮᔩᑦ ᐊᒡᓚᖏᑦ 3:30

ᐅᓪᓗᒥᒃ ᑍᑦᓱᒪᓂ ᐃᓴᕆᐊᓕᒥᐅᑦ ᓵᓚᖃᓚᐅᕐᐳᑦ ᒧᐊᐱᒥᐅᓂᒃ, ᓄᓇᖓᓗ ᐅᓇᑕᕐᓂᖃᕈᓐᓃᓚᐅᕐᐳᑦ ᐊᕐᕌᒍᓂᒃ 80ᓂᒃ.