ᐋᐴᓯᑕᓖᑦ ᐱᓂᐊᕐᓂᖏᑦ 9:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐅᖃᖃᑎᖃᖃᑦᑕᕐᓗᓂ ᔫᑎᓂᒃ ᒍᕇᑭᑎᑐᑦ ᐅᖃᐅᓯᓕᖕᓂᒃ ᐂᕙᖃᑎᒋᓪᓗᒋᓪᓗ; ᑖᒃᑯᐊ ᑖᑦᓱᒥᖓ ᑐᖁᑦᓯᔪᒪᓕᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:29 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 11:20

ᐃᓚᖏᑦ ᐃᓄᐃᑦ, ᓮᐳᕋᓯᒥᐅᑦ ᓮᕆᓂᒥᐅᓪᓗ, ᐊᓐᑎᐅᑭᐊᒧᐊᕐᑐᑦ ᐅᖃᓪᓚᓕᕐᐳᑦ ᒍᕇᑭᓄᑦ ᐊᔪᕆᕐᑐᐃᑦᔪᑎᖃᕐᓗᑎᒃ ᐊᑕᓂᕐᒥᒃ ᔩᓱᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:17

ᐅᖃᖃᑎᖃᓚᐅᕐᐳᖅ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ ᔫᑎᓂᒃ ᒍᕇᑭᓂᒡᓗ ᒎᑎᒧᑦ ᐅᒃᐱᕐᑐᓂᒃ, ᓂᐅᕕᕐᕕᖕᓂ ᖃᐅᑕᒫᑦ ᐅᖃᖃᑎᖃᖃᑦᑕᕐᐳᖅ ᑕᕝᕙᓃᑦᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 18:19

ᐃᐱᓲᓯᒧᑦ ᑎᑭᓐᓇᒥᒃ ᐃᓚᓂ ᐳᕆᓯᓚ ᐊᑯᐃᓚᓗ ᕿᒪᒃᐹᒃ; ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᓗᓂ, ᔫᑎᑦ ᐅᖃᖃᑎᒋᕔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 19:8

ᐸᐅᓗᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐳᖅ, ᑕᖅᑭᓂᒃ ᐱᖓᓱᓂ ᑕᑉᕙᓃᓕᕐᓗᓂ, ᐃᓄᐃᑦ ᐅᖃᖃᑎᒋᖃᑦᑕᕐᐰᑦ ᓯᕘᕋᓇᓂ, ᑐᑭᓯᑎᓐᓇᓱᐊᕐᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 22:18

ᐊᑕᓂᖅ ᑕᑯᓚᐅᕐᐸᕋ ᐅᖃᕐᑐᖅ, ‘ᑐᐊᕕᕐᓗᑎᑦ ᔨᕉᓴᓕᒻᒥᑦ ᐊᐅᓪᓚᕆᑦ, ᑕᕝᕙᓂ ᓄᓇᓕᖕᓂ ᐅᕙᓐᓂᒃ ᐅᖃᐅᓯᖃᕐᓂᑎᑦ ᐃᓚᓕᐅᕐᑕᐅᓂᐊᖏᒻᒪᑕ.’

ᐋᐴᓯᑕᓖᑦ ᐱᓂᐊᕐᓂᖏᑦ 6:1

ᑍᑦᓱᒪᓂ ᐃᓕᓐᓂᐊᕐᑎᑦ ᐅᓄᕐᓯᕙᓪᓕᐊᑎᓪᓗᒋᑦ, ᔫᑎᑦ ᒍᕇᑭᑎᑐᑦ ᐅᖃᐅᓯᓖᑦ, ᐂᕙᖃᑎᖃᓕᓚᐅᕐᐳᑦ ᐄᑉᕉᐃᓂᒃ ᐅᐃᒡᒐᕐᓂᖁᑎᒥᖕᓂᒃ ᑲᒪᒋᔭᐅᑦᓯᐊᖏᓐᓂᕅᓪᓗᑎᒃ ᖃᐅᑕᒫᑦ ᑐᓂᐅᕋᑕᐅᖃᑦᑕᕐᑐᑦ ᐱᑦᔪᑎᒋᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:27

ᐸᕐᓇᐹᓯᐅᑉ ᐃᓚᓕᐅᕐᐹ ᐋᐴᓯᑕᓕᖕᓄᑦ ᐱᑎᓪᓗᓂᐅᒃ, ᐸᕐᓇᐹᓯᐅᑉ ᐅᖃᐅᑎᑦᓯᐊᓕᕐᐰᑦ ᓴᐅᓗᓯᐅᑉ ᐊᑕᓂᕐᒥᒃ ᑕᑯᑎᑕᐅᓚᐅᕐᓂᖓᓂᒃ ᐊᖅᑯᒻᒦᑎᓪᓗᒍ, ᐅᖃᕐᕕᐅᓚᐅᕐᓂᖓᓂᒡᓗ ᐊᑕᓂᕐᒧᑦ, ᑕᒫᓯᑰᓯᒥ ᓯᕘᕋᓇᓂ ᐊᔪᕆᕐᑐᐃᔪᑎᖃᖃᑦᑕᓚᐅᕐᓂᖓᓂᒃ ᔩᓱᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:28

ᓴᐅᓗᓯᐅᓪᓕ ᓇᔪᓕᕐᐰᑦ ᔨᕉᓴᓕᒻᒥᐅᑦ ᐃᓅᖃᑎᒋᑦᓯᐊᓕᕐᓗᒋᑦ, ᓯᕘᕋᓇᓂ ᐊᔪᕆᕐᑐᐃᔪᑎᖃᖃᑦᑕᕐᐳᖅ ᐊᑕᓂᕐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:26

ᓇᒧᑐᐃᓐᓇᖅ ᐃᖏᕐᕋᑎᓪᓗᖓ ᐅᓄᕐᑐᐃᕐᓱᕐᓗᖓ ᑲᑉᐱᐊᓇᕐᑐᒦᓯᒪᕗᖓ ᑰᖕᒥ, ᑲᑉᐱᐊᓇᕐᑐᒦᓯᒪᕗᖓ ᑎᒡᓕᒃᑎᓂ, ᑲᑉᐱᐊᓇᕐᑐᒦᓯᒪᕗᖓ ᓇᖕᒥᓂᖅ ᐃᓅᖃᑎᓐᓂ, ᑲᑉᐱᐊᓇᕐᑐᒦᓯᒪᕗᖓ ᔫᑎᐅᖏᑦᑐᓂ; ᑲᑉᐱᐊᓇᕐᑐᒦᓯᒪᕗᖓ ᓄᓇᓕᒡᔪᐊᓂ, ᑲᑉᐱᐊᓇᕐᑐᒦᓯᒪᕗᖓ ᐃᓄᖃᖏᑦᑐᒥ, ᑲᑉᐱᐊᓇᕐᑐᒦᓯᒪᕗᖓ ᐃᒫᓂ, ᑲᑉᐱᐊᓇᕐᑐᒦᓯᒪᕗᖓ ᐅᒃᐱᕐᑑᓐᖑᐊᕐᑐᓂ;

ᔫᑎᐅᑉ ᐊᒡᓚᖏᑦ 1:3

ᓇᒡᓕᖕᓇᕐᑐᓯ, ᑎᑎᕋᐅᓯᖃᕈᒪᓯᒪᒐᒪ ᐱᐅᓕᔭᐅᓯᒪᖃᑎᒌᖕᓂᑦᑎᓐᓂᒃ, ᐱᔭᕆᐊᖃᓪᓚᕆᒐᓱᒋᒐᒪ ᑎᑎᕋᕐᕕᒋᓗᓯ ᑕᒪᒃᑯᓂᖓ ᑲᔪᖏᕐᓴᕐᓗᓯ ᐅᒃᐱᕐᓂᒃᑯᑦ ᐃᑦᔪᕐᓁᑎᑕᐅᔪᓄᑦ ᑐᓂᔭᐅᓯᒪᔪᖅ ᑲᔪᓯᑦᔪᑎᒋᑦᓯᐊᕐᓗᒍ ᓯᕐᓂᒋᓗᒍᓗ ᐱᖁᓪᓗᓯ.

ᔫᑎᐅᑉ ᐊᒡᓚᖏᑦ 1:9

ᐂᖏᓖᓪᓕ ᐊᖓᔪᖅᑳᖓᑦ ᒤᑯᓪ, ᐊᑭᕋᕐᑐᕐᓗᓂ ᓵᑖᓇᓯᒥᒃ, ᒨᓯᓯᐅᑉ ᑎᒥᖓᓂᒃ ᐂᕝᕙᑦᔪᑎᖃᕐᓗᑎᒃ, ᒤᑯᓪ ᐅᖃᐅᓯᖃᓚᐅᓐᖏᓚᖅ ᓵᑖᓇᓯᐅᑉ ᐃᖅᑲᕐᑐᕐᑕᐅᓂᒃᓴᖓᓂᒃ, ᐅᖃᑐᐃᓐᓇᓚᐅᕐᐳᕐᓕ, “ᐊᑕᓂᐅᑉ ᓱᒋᐊᕐᓕᑎᑦ.”