ᐋᐴᓯᑕᓖᑦ ᐱᓂᐊᕐᓂᖏᑦ 9:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᓇᓗᓁᕐᓯᓕᓚᐅᕐᐳᖅ ᐅᖃᕐᓗᓂ: “ᔩᓱᓯ ᒎᑎᐅᑉ ᐃᕐᓂᕆᕚ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:20 Iomraidhean Croise

ᐃᓐᖏᕈᑎᑦ 2:12

ᐃᑎᒐᖏᑦ ᑯᓂᒃᑭᑦ ᓂᓐᖓᖁᓇᒍ, ᓂᓐᖓᒃᐸᑦ ᐊᓯᕈᕐᑕᐅᔪᓐᓇᕋᑦᓯ ᐱᓂᐊᕐᓂᑦᓯᓐᓂᑦ, ᓂᓐᖓᖕᓂᖓ ᕿᓚᒥᐊᐱᒃ ᓄᐃᔪᓐᓇᕐᒪᑦ. ᖁᕕᐊᓱᑦᓯᐊᕐᐳᑦ ᑖᑦᓱᒥᖓ ᑕᑎᖃᕐᑐᑦ.

ᐃᓐᖏᕈᑎᑦ 2:7

ᐊᑕᓂᐅᑉ ᐱᖁᔭᖓ ᐅᖃᐅᓯᕆᔪᒪᕙᕋ: ᐅᕙᓐᓄᑦ ᐅᖃᕐᒪᑦ, “ᐃᕐᓂᕆᕙᒋᑦ ᐅᓪᓗᒥ ᐃᕐᓂᕐᑖᕆᕙᒋᑦ.

ᒫᑎᐅᓯᐅᑉ ᐊᒡᓚᖏᑦ 27:43

ᒎᑎᒥᒃ ᑕᑎᖃᕐᒪᑦ; ᒫᓐᓇ, ᑕᑯᓐᓇᓕᕐᑕ ᒎᑎᒧᑦ ᐱᐅᓕᔭᐅᑎᓪᓗᒍ, ᓴᐳᑎᔪᒪᒍᓂᐅᒃ; ᐅᖃᓚᐅᕐᒪᑦ, ‘ᒎᑎᒧᑦ ᐃᕐᓂᐅᕗᖓ.’”

ᒫᑎᐅᓯᐅᑉ ᐊᒡᓚᖏᑦ 27:54

ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᐅᓇᑕᕐᑐᒃᓮᓪᓗ ᑕᕝᕙᓃᖃᑦᑎᒋᔭᖏᑕ ᔩᓱᓯᒥᒃ ᖃᐅᔨᓴᕐᑐᑦ, ᓄᓇᐅᑉ ᓴᔪᒃᐱᓪᓚᖕᓂᖓ ᐊᓯᖏᓪᓗ ᑕᒪᒃᑯᐊ ᐱᓂᐊᕐᓂᕆᔭᐅᔪᑦ ᑕᑯᒐᒥᒋᑦ, ᐊᖏᔪᒥᒃ ᑲᒪᓕᕐᓗᑎᒃ ᐅᖃᕐᐳᑦ, “ᐅᓇ ᐃᓛᒃ ᒎᑎᐅᑉ ᓱᓕᔪᒥᒃ ᐃᕐᓂᕆᕚ!”

ᒫᑎᐅᓯᐅᑉ ᐊᒡᓚᖏᑦ 4:3

ᐱᔪᒥᓵᕆᔨᐅᑉ ᑎᑭᑉᐹ ᐅᖃᐅᑎᓪᓗᒍ, “ᒎᑎᐅᑉ ᐃᕐᓂᕆᒃᐸᑎᑦ, ᐅᑯᐊ ᐅᔭᕅᑦ ᓂᐊᖂᔭᓐᖑᕐᑎᓚᐅᒃᑭᑦ.”

ᔪᐊᓇᓯᐅᑉ ᐊᒡᓚᖏᑦ 1:49

ᓈᑕᓁᑉ ᑭᐅᕚ, “ᕌᑉᐰ, ᒎᑎᐅᑉ ᐃᕐᓂᕆᕚᑎᑦ! ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ!”

ᔪᐊᓇᓯᐅᑉ ᐊᒡᓚᖏᑦ 19:7

ᑕᕝᕙ ᔫᑎᑦ ᑭᐅᕚᑦ, “ᐱᖁᔭᖃᕐᐳᒍᑦ, ᐱᖁᔧᑦ ᒪᓕᒡᓗᒋᑦ ᑖᓐᓇ ᑐᖁᑕᐅᔪᒃᓴᐅᕗᖅ, ᐃᒻᒥᓂᒃ ᐃᕐᓂᐅᑎᒻᒪᑦ ᒎᑎᒧᑦ.”

ᔪᐊᓇᓯᐅᑉ ᐊᒡᓚᖏᑦ 20:28

ᑑᒪᓯᐅᑉ ᑭᐅᕚ, “ᐊᑕᓂᕋ, ᒎᑎᒐᓗ!”

ᔪᐊᓇᓯᐅᑉ ᐊᒡᓚᖏᑦ 20:31

ᑖᒃᑯᐊ ᑎᑎᕋᕐᓯᒪᕗᑦ ᐅᒃᐱᓕᖁᓪᓗᓯ ᔩᓱᓯ ᙭ᔅᑑᓯᐅᖕᒪᑦ, ᒎᑎᐅᑉ ᐃᕐᓂᖓ. ᐅᒃᐱᕐᓂᑦᓯᒍᑦ ᐃᓅᓯᖃᖁᓪᓗᓯ ᑖᑦᓱᒨᓇ.

ᐋᐴᓯᑕᓖᑦ ᐱᓂᐊᕐᓂᖏᑦ 13:14

ᑖᒃᑯᐊ ᐴᕐᒐᒥᑦ ᐊᓐᑎᐅᑭᐊᒧᐊᕐᐳᑦ ᐱᓯᑎᐊᒦᑦᑐᒧᑦ, ᓴᐸᑎᐅᓕᕐᒪᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐳᑦ ᐃᒃᓯᕙᓕᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:33

ᑕᒪᓐᓇ ᐱᓇᓱᐊᕇᓚᐅᕐᐹ ᐅᕙᑦᑎᓐᓄᑦ ᑭᖑᕚᖑᔪᓄᑦ ᔩᓱᓯ ᐆᒻᒪᕐᑎᓐᓇᒥᐅᒃ; ᐅᕙᓂ ᑎᑎᕋᕐᓯᒪᖕᒪᑦ ᐃᓐᖏᕈᒻᒥ 2ᒥ, ‘ᐃᕐᓂᕆᕙᒋᑦ, ᐅᓪᓗᒥ ᐃᕐᓂᕐᑖᕆᕙᒋᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 13:46

ᐸᐅᓗᓯᒃᑯᒡᓕ ᐸᕐᓇᐹᓯᒃᑯᒃ ᓯᕘᕋᓇᑎᒃ ᐅᖃᓚᓪᓕᕐᐴᒃ ᐃᒫᒃ, “ᐱᔭᕆᐊᖃᒻᒪᕆᓚᐅᕐᒪᑦ ᐊᑕᓂᐅᑉ ᐅᖃᐅᑕᐅᓂᖓ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ ᐅᖃᐅᓯᐅᖁᓪᓗᒍ. ᑭᓯᐊᓂᓕ ᐃᓚᓕᐅᖏᓐᓇᑦᓯᐅᒃ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᔪᒃᓴᐅᔪᓐᓃᕐᑎᓐᓇᑦᓯ ᐃᓕᑦᓯᓐᓂᒃ, ᔫᑎᐅᖏᑦᑐᓄᑦ ᑕᕝᕙ ᓵᓐᓂᐊᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:5

ᓄᓇᓕᖕᓄᑦ ᓴᓛᒥᓯᒧᐊᕋᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᐃᕘᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ. ᔪᐊᓇᓯ ᒫᑯᓯ ᐃᑲᔪᕐᑎᒋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 14:1

ᐂᑯᓂᐊᒥ ᑍᒫᒃ ᓱᓕ ᐸᐅᓗᓯᒃᑯᒃ ᐸᓇᐹᓯᒃᑯᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐴᒃ, ᐅᖃᓪᓚᖕᒪᑎᒃ ᐃᓄᒋᐊᒃᑐᐊᓗᐃᑦ ᐅᒃᐱᓕᕐᐳᑦ ᔫᑎᓪᓗ ᒍᕇᑭᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 16:13

ᓴᐸᑎᐅᓕᕐᑎᓪᓗᒍ ᓄᓇᓖᑦ ᓯᓚᑖᓄᐊᕐᓗᑕ ᑰᑉ ᓯᓈᓄᐊᕐᐳᒍᑦ, ᑕᕝᕙᓂ ᔫᑎᓂᒃ ᑐᒃᓯᐊᕐᑐᖃᕐᓂᐊᕋᓱᒋᓪᓗᒍ; ᐃᒃᓯᕚᕐᓗᑕ ᐅᖃᖃᑎᖃᕐᐳᒍᑦ ᐊᕐᓇᓂᒃ ᑕᒪᐅᖓ ᑲᑎᖃᑎᒋᔭᑦᑎᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:10

ᐅᓐᓄᐊᖑᓕᕐᒪᑦ, ᐅᒃᐱᕐᑑᖃᑎᒌᑦ ᐸᐅᓗᓯᒃᑯᒃ ᓮᓚᓯᒃᑯᒃ ᐊᐅᓪᓚᕐᑎᓕᕐᐹᑦ ᐱᕆᐊᒧᑦ; ᑍᑯᖓ ᑎᑭᓐᓇᒥᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐴᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:17

ᐅᖃᖃᑎᖃᓚᐅᕐᐳᖅ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ ᔫᑎᓂᒃ ᒍᕇᑭᓂᒡᓗ ᒎᑎᒧᑦ ᐅᒃᐱᕐᑐᓂᒃ, ᓂᐅᕕᕐᕕᖕᓂ ᖃᐅᑕᒫᑦ ᐅᖃᖃᑎᖃᖃᑦᑕᕐᐳᖅ ᑕᕝᕙᓃᑦᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:2

ᐸᐅᓗᓯ ᑍᒫᒃ ᐃᓕᖅᑯᓯᖃᕐᐸᒃᑲᒥ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐳᖅ, ᐱᓇᓱᐊᕈᓯᕐᓂᒃ ᐱᖓᓱᓂᒃ ᑕᕝᕙᓂ ᐅᖃᖃᑎᒋᖃᑦᑕᕐᐰᑦ ᒎᑎᐅᑉ ᐅᖃᐅᓯᖏᓐᓂᒃ ᑕᑯᖃᑎᒋᖃᑦᑕᕐᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 18:19

ᐃᐱᓲᓯᒧᑦ ᑎᑭᓐᓇᒥᒃ ᐃᓚᓂ ᐳᕆᓯᓚ ᐊᑯᐃᓚᓗ ᕿᒪᒃᐹᒃ; ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᓗᓂ, ᔫᑎᑦ ᐅᖃᖃᑎᒋᕔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:4

ᐅᖃᖃᑎᖃᖃᑦᑕᕐᐳᖅ ᓴᐸᑎᐅᓕᕌᖓᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓂ, ᑐᑭᓯᑎᓐᓇᓱᐊᕐᓗᒋᑦ ᔫᑎᑦ ᒍᕇᑭᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 19:8

ᐸᐅᓗᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐳᖅ, ᑕᖅᑭᓂᒃ ᐱᖓᓱᓂ ᑕᑉᕙᓃᓕᕐᓗᓂ, ᐃᓄᐃᑦ ᐅᖃᖃᑎᒋᖃᑦᑕᕐᐰᑦ ᓯᕘᕋᓇᓂ, ᑐᑭᓯᑎᓐᓇᓱᐊᕐᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 8:36

ᐊᖅᑯᑎᒃᑯᑦ ᐃᖏᕐᕋᓪᓗᑎᒃ ᐃᒪᓕᖕᒧᑦ ᑎᑭᓐᓇᒥᒃ, ᐃᑎᐅᐱᐊᒥᐅᑕᖅ ᐅᖃᕐᐳᖅ, “ᑕᑯᒋᑦ, ᐃᒥᖅ ᑕᕝᕙ! ᓱᓇᒥᒃ ᐹᑉᑎᑕᐅᑦᑍᓕᑦᔪᑎᒃᓴᖃᕐᐳᖔ?” [

ᐋᐴᓯᑕᓖᑦ ᐱᓂᐊᕐᓂᖏᑦ 8:37

ᐱᓕᑉᐴᓯᐅᑉ ᐅᖃᐅᑎᕙ, “ᐆᒻᒪᒻᒧᑦ ᐊᑕᖏᕐᑐᒧᑦ ᐅᒃᐱᕈᕕᑦ ᐹᑉᑎᑕᐅᔪᓐᓇᕐᐳᑎᑦ.” ᐃᑎᐅᐱᐊᒥᐅᖅ ᐅᖃᕐᐳᖅ, “ᐅᒃᐱᕆᕙᕋ, ᔩᓱᓯ ᙭ᔅᑑᓯ ᒎᑎᐅᑉ ᐃᕐᓂᕆᖕᒪᒍ.”]

ᐋᐴᓯᑕᓖᑦ ᐱᓂᐊᕐᓂᖏᑦ 9:22

ᓴᐅᓗᓯᐅᑉ ᐊᔪᕆᕐᑐᐃᓂᖓ ᐱᔪᓐᓇᕐᓯᕙᓪᓕᐊᓚᐅᕐᐳᖅ, ᔫᑎᑦ ᑕᒫᓯᑰᓯᒦᑦᑐᑦ ᑭᒡᒍᓯᒃᓮᕈᑎᓚᐅᕐᐰᑦ, ᔩᓱᓯ ᙭ᔅᑑᓯᐅᓂᖓᓂᒃ ᓇᓗᓁᕐᓯᕕᒋᓪᓗᒋᑦ.

ᕉᒪᒥᐅᓄᑦ 1:4

ᐃᑦᔪᕐᓁᑦᑐᒥᒃ ᐃᓅᓯᖃᕐᓂᕐᒥᒍᑦ ᒎᑎᒧᑦ ᐃᕐᓂᐅᓂᖓᓂᒃ ᓇᓗᓁᕐᑕᐅᓚᐅᕐᐳᖅ ᐱᔪᓐᓇᕐᓂᕐᔪᐊᒃᑯᑦ ᒪᑭᓚᐅᕐᓂᕐᒥᒍᑦ ᑐᖁᒥᑦ, ᑖᓐᓇᐅᕗᖅ ᔩᓱᓯ ᙭ᔅᑑᓯ ᐊᑕᓂᕗᑦ.

ᒐᓔᑎᐊᒥᐅᓄᑦ 1:16

ᐃᕐᓂᕐᒥᓂᒡᓗ ᖁᕕᐊᓱᒡᓗᓂ ᑕᑯᑎᑦᓱᒪᓚᐅᕐᐹᖓ, ᐊᔪᕆᕐᑐᐃᔪᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᐅᖏᑦᑐᓄᑦ, ᑭᓇᒥᒡᓘᓐᓃᑦ ᑕᒪᑐᒥᖓ ᖃᐅᔨᓇᓱᒡᕕᖃᓚᐅᓐᖏᓚᖓ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:18

“ᑍᐊᑍᕋᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᒎᑎᐅᑉ ᐃᕐᓂᖓᓂᑦ, ᐃᔨᖅᑲᕐᑑᑉ ᐃᑯᒪᔪᑎᑐᑦ ᑍᒤᑦᑑᖕᓂᒃ, ᐃᑎᒐᖃᕐᑑᓪᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᑕᐅᓯᒪᔪᑎᑐᑦ ᑍᒤᑦᑑᖕᓂᒃ.