ᐋᐴᓯᑕᓖᑦ ᐱᓂᐊᕐᓂᖏᑦ 8:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐱᓕᑉᐴᓯ ᐊᐅᓪᓚᕐᐳᖅ. ᑕᑯᒋᑦ, ᐃᑎᐅᐱᐊᒥᐅᑕᖅ ᐃᐅᓇᒃᒥᒃ ᑍᔭᐅᔪᖅ ᑎᑭᑉᐹ ᐊᖓᔪᖅᑳᖑᑎᑕᐅᔪᖅ ᐃᑎᐅᐱᐊᒥᐅᑦ ᑳᓐᑍᓯᖓᓄᑦ, ᑕᓐᓇ ᐃᑎᐅᐱᐊᒥᐅᑦ ᑯᐃᓐᖓᑦᑕ ᑮᓇᐅᔭᖁᑎᖏᓐᓄᑦ ᐊᖓᔪᖅᑳᖓᔪᖅ, ᐊᖏᕐᕋᐅᓕᕐᑐᖅ, ᑐᒃᓯᐊᕆᐊᕐᓯᒪᓚᐅᕐᓗᓂ ᔨᕉᓴᓕᒻᒧᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 8:27 Iomraidhean Croise

ᐊᑕᓃᑦ ᓯᕗᓪᓖᑦ 10:1

ᓰᐸᒥᐅᑦ ᑯᐃᓐᖓ ᑐᓴᐅᒪᓕᕋᒥ ᓲᓗᒨᓂᐅᑉ ᖃᐅᔨᒪᔭᐅᒻᒪᕆᓕᕐᓂᖓᓂᒃ, ᔨᕉᓴᓕᒧᑦ ᐊᐅᓪᓚᕐᐳᖅ ᐆᒃᑐᕈᒪᓪᓗᓂᐅᒃ ᐊᐱᖅᑯᓯᕐᓂᒃ ᐊᔪᕐᓇᕐᑐᓂᒃ.

ᐃᓐᖏᕈᑎᑦ 68:29

ᔨᕉᓴᓕᒦᑦᑐᖅ ᑐᒃᓯᐊᕐᕕᒃᔪᐊᖁᑏᑦ ᐱᓪᓗᒍ, ᐊᖓᔪᖅᑳᕐᔪᐊᑦ ᐂᑦᑑᑎᓂᒃ ᕾᑦᓯᕕᒋᓂᐊᕐᐹᑎᑦ.

ᐃᓐᖏᕈᑎᑦ 68:31

ᐄᑦᔨᑉᑎᒥᐅᑦ ᑎᓕᔭᖏᑦ ᑎᑭᑦᓱᒫᕐᐳᑦ; ᐃᑎᐅᐱᐊᒥᐅᑦ ᒎᑎᒧᑦ ᐃᒻᒥᖕᓂᒃ ᑐᓂᔪᓐᓇᖁᓪᓗᒋᑦ.

ᐃᓐᖏᕈᑎᑦ 87:4

ᐃᓕᖕᓂᒃ ᖃᐅᔨᒪᔪᑦ ᐃᓅᖃᑎᒌᒡᔪᐊᑦ ᐃᓚᖏᑦ ᑍᓂᐊᕐᐸᒃᑲ ᕅᕼᐊᐱ ᐹᐱᓘᓂᓗ, ᐱᓕᓯᑎᐊᓗ ᑍᕆᓗ, ᐃᑎᐅᐱᐊᓗ ᑖᒃᑯᐊ ᐅᖃᕐᐳᑦ, “ᑖᓐᓇ ᑕᕝᕙᓂ ᐃᓅᓕᕐᓯᒪᕗᖅ.”

ᐂᓮᐊᓯᐅᑉ ᐊᒡᓚᖏᑦ 18:7

ᑕᒪᓐᓇ ᓇᓪᓕᐅᑎᒃᐸᑦ ᑐᓂᕐᕈᑏᑦ ᐂᑦᑑᑎᒋᔭᐅᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐃᓅᖃᑎᒌᒡᔪᐊᓂᑦ ᐊᖏᔫᑕᐅᓪᓗᑎᒃ ᕾᕋᑦᑐᓂᒃ ᐅᕕᓂᖃᕐᑐᓂᑦ, ᐃᓄᖕᓄᑦ ᑲᑉᐱᐊᒋᔭᐅᔪᓄᑦ ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐃᓅᖃᑎᒌᒡᔪᐊᓄᑦ ᐊᔪᖏᑦᑐᕐᔪᐊᓄᑦ ᓵᓚᖃᕐᐸᒃᑐᓄᑦ, ᓄᓇᖏᑦ ᑰᖕᓄᑦ ᑭᒡᓕᓕᐅᕐᑕᐅᓯᒪᔪᓄᑦ, ᓮᐅᓂᐅᑉ ᖃᖅᑲᖓᓄᐊᕈᒫᕐᐳᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᑎᖃᕐᕕᒋᔭᖓᓂ.

ᐂᓮᐊᓯᐅᑉ ᐊᒡᓚᖏᑦ 43:6

ᐅᓐᓄᐊᓪᓗᐊᑉ ᓇᓛᓃᑦᑐᑦ ᐅᖃᐅᑎᔪᒫᕐᐸᒃᑲ, ‘ᓴᒃᑯᓕᕐᓯᐅᒃ.’ ᐅᓪᓗᓪᓗᐊᓪᓗ ᓇᓛᓂᕐᒥᐅᑦ ᐅᖃᐅᑎᓗᒋᑦ, ‘ᐅᓂᒃᑎᓯᒪᑦᑍᓕᓯᒋᒃ.’ ᐃᕐᓂᒃᑲ ᓄᓇᓂ ᐅᖓᓯᒃᑐᓃᑦᑐᑦ ᕾᑎᑕᐅᓕᑦ, ᐸᓂᒃᑲᓗ ᓄᓇᕐᔪᐊᑉ ᑭᒡᓕᖓᓃᑦᑐᑦ ᕾᑎᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 45:14

ᐊᑕᓂᖅ ᐃᒫᒃ ᐅᖃᕐᐳᖅ: “ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐃᑎᐅᐱᐊᒥᐅᓪᓗ ᓂᐅᕕᐊᒃᓴᖁᑎᖏᑦ, ᓴᐲᓐᒥᐅᓪᓗ ᐃᓄᖏᑦ ᐊᖏᔫᑎᐊᓗᐃᑦ, ᐃᓕᑦᓯᓐᓄᑦ ᑎᑭᑦᓱᒫᕐᐳᑦ ᐱᒋᓕᕐᓗᓯᐅᒡᓗ; ᐃᓕᑦᓯᓐᓂᒃ ᒪᓕᒍᒫᕐᐳᑦ, ᐊᑦᓱᖏᐅᑎᓄᑦ ᓴᕕᕋᔭᖕᓄᑦ ᐊᑦᓱᖏᕐᓯᒪᓗᑎᒃ; ᐃᓕᑦᓯᓐᓄᑦ ᓵᑦᓯᓐᓄᑦ ᓰᖅᑯᕐᓗᑎᒃ ᐅᖃᕐᕕᒋᔪᒫᕐᐹᓯ, ‘ᐄᓛᒃ ᒎᑎᒧᑦ ᐃᓚᒋᔭᐅᕗᓯ, ᐊᓯᐊᓂᒡᓗ ᒎᑎᑕᖃᓐᖏᓚᖅ.’”

ᐂᓮᐊᓯᐅᑉ ᐊᒡᓚᖏᑦ 60:3

ᐃᓅᖃᑎᒌᒡᔪᐊᓪᓗ ᖃᐅᒪᓂᑦᓯᓐᓄᑦ ᐂᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᖃᐅᒻᒪᒃᐸᓪᓕᐊᓂᓯ ᖃᐅᒪᓂᖓᓄᑦ ᕾᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 60:6

ᑳᒧᓕᖕᓂᒃ ᓇᖕᒪᒃᑐᓂᒃ ᓄᓇᓯ ᑕᑕᑦᓱᒫᕐᐳᖅ, ᐱᕈᕇᕋᑖᕐᓂᕐᓂᒡᓗ ᑳᒥᓕᖕᓂᒃ ᒥᑎᐊᓂᒥᑦ ᐄᐸᒥᓪᓗ ᑎᑭᑦᑐᓂᒃ; ᓰᐸᐅᑉ ᓄᓇᓕᒫᖓᓂᑦ ᐱᔪᓄᑦ ᐅᓄᕐᑐᓄᑦ ᑎᑭᐅᑦᔨᕕᒋᔪᒫᕐᐹᓯ, ᒎᓗᓂᒃ ᐳᔫᕐᑎᑕᒐᕐᓂᒡᓗ ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᓗᑎᒃ, ᐅᖃᐅᓯᖃᕐᓗᑎᒡᓗ ᐊᑕᓂᐅᑉ ᓂᕐᑐᕐᑕᐅᔪᒃᓴᐅᓂᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 13:23

ᐃᑎᐅᐱᐊᒥᐅᑕᖅ ᐅᕕᓂᖕᒥᑕ ᑕᕐᓴᖓᓂᒃ ᐊᓯᑦᔩᔪᓐᓇᕐᐹ? ᐅᕝᕙᓘᓐᓃᑦ ᓛᔭᐅᔮᕐᑑᑉ ᑕᕐᓴᓪᓛᒋᔭᓂ ᖁᐱᓴᕈᐊᑦᑐᑦ ᐲᔭᕈᓐᓇᕐᐸᒌᑦ? ᐱᐅᔪᒥᒃ ᐱᓇᓱᐊᓕᕈᓐᓇᖏᓐᓂᕗᓯ ᐱᐅᖏᑦᑐᒥᒃ ᓱᖏᐅᑎᓯᒪᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 38:7

ᐃᐱᑦ-ᒥᓕᒃᓕ ᐃᑎᐅᐱᐊᒥᐅᑕᖅ ᐃᒡᔪᐃᕐᑕᐅᓯᒪᔪᖅ ᐊᖓᔪᖅᑳᖑᖃᑕᐅᔪᖅ ᐊᖓᔪᖅᑳᕐᔪᐊᑉ ᐃᒡᓗᖓᓂ, ᑐᓴᕋᒥ ᔨᕆᒤᐊᐅᑉ ᐃᒥᕐᑕᕐᕕᖕᒧᑦ ᐴᕐᑕᐅᓂᖓᓂᒃ, ᐊᖓᔪᖅᑳᕐᔪᐊᖅ ᐃᒃᓯᕚᕐᒪᑦ ᐃᑎᕐᑕᕐᕕᖕᒥ ᐱᓐᔭᒥᓂᒥᒃ ᑍᔭᐅᔪᒥ.

ᔨᕆᒤᐊᐅᑉ ᐊᒡᓚᖏᑦ 39:16

ᐃᐱᑦ-ᒥᓕᑭ ᐃᑎᐅᐱᐊᒥᐅᑕᖅ ᐅᐸᒡᓗᒍ ᐅᖃᐅᑎᔭᕐᑐᕈᒃ ᐃᒫᒃ; ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: “ᐅᖃᐅᓯᕆᓚᐅᕐᑕᒃᑲ ᐃᒡᓗᒐᓴᒡᔪᐊᑦ ᑖᒃᑯᐊ ᐊᓯᕈᕐᑕᐅᔪᒫᕐᓂᕋᕐᓗᒋᑦ ᑲᑉᐱᐊᓇᕐᑐᒃᑯᑦ ᐱᔪᓐᓇᑦᓯᐊᕐᓂᒃᑰᖏᑦᑐᖅ ᒫᓐᓇ ᓇᓚᐅᑦᓯᑎᓐᓂᐊᓕᕐᐸᒃᑲ ᓇᓚᐅᑦᓯᓕᕐᓂᖏᓪᓗ ᑕᑯᓂᐊᓕᕐᐸᓯ.

ᔨᐸᓁᐊᐅᑉ ᐊᒡᓚᖏᑦ 3:10

ᐃᑎᐅᐱᐊᒥᐅᑉ ᑰᖓᑕ ᐅᖓᑖᓂᑦ ᐃᓄᖁᑎᒃᑲ ᓯᐊᒻᒪᕐᓯᒪᔪᑦ ᓱᓕᔪᒥᒃ ᑐᒃᓯᐊᕐᓂᖃᕈᒫᕐᐳᑦ ᑐᓂᕐᕈᓯᕈᒫᕐᐳᓪᓗ ᐅᕙᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 12:42

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓰᐸᒥᐅᑦ ᐊᖓᔪᖅᑳᕐᔪᐊᖓ ᐊᕐᓇᖅ ᒪᑭᑦᓱᒫᕐᐳᖅ ᒫᓐᓇ ᐃᓅᔪᓂᒃ ᐃᒋᑕᒃᓴᓐᖑᕐᑎᑦᓯᓗᓂ; ᑖᓐᓇ ᐅᖓᓯᒃᑐᐊᓗᖕᒧᑦ ᐃᖏᕐᕋᓚᐅᕐᒪᑦ ᓄᓇᒥᓂᑦ, ᑐᓵᔭᕐᑐᕐᓗᓂ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓯᓚᑐᓂᖓᓂᒃ, ᑕᑯᒋᑦ, ᐅᖃᐅᑎᕙᑦᓯ ᑕᕝᕙᓃᑦᑐᖃᕐᐳᖅ ᓲᓗᒨᓂᒥᑦ ᐊᔪᖏᓐᓂᕐᓴᐅᔪᒥᒃ!”

ᔪᐊᓇᓯᐅᑉ ᐊᒡᓚᖏᑦ 12:20

ᒍᕇᑭᓪᓕ ᐃᓚᖏᑦ ᐃᓚᒋᔭᐅᓚᐅᕆᕗᑦ ᓇᓪᓕᐅᓐᓂᕐᓯᐅᕆᐊᕐᑐᕐᑐᓄᑦ ᔨᕉᓴᓕᒻᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:28

ᕿᒧᒃᓯᐅᑎᓄᑦ ᐊᒃᓴᓗᐊᓕᖕᒧᑦ ᐃᑭᒪᓪᓗᓂ, ᐅᖃᓕᒫᕐᐳᖅ ᓇᓚᐅᑦᑍᔪᑉ ᐂᓮᐊᓯᐅᑉ ᐊᒡᓚᖏᓐᓂᒃ.

ᒨᓯᓯ ᑕᓪᓕᒪᖏᑦ 30:13

ᐃᒪᕐᕕᐅᓪᓗ ᐊᑭᐊᓃᖏᓐᓂᕗᑦ, ᐊᐱᕆᔭᕆᐊᖃᓐᖏᓚᓯᓘᓐᓃᑦ, ‘ᑭᓇᓕ ᐃᒪᕐᕕᐅᑉ ᐊᑭᐊᓄᑦ ᐃᑳᕈᓐᓇᕐᐹ ᐅᕙᑦᑎᓐᓄᐊᕈᑦᔨᖁᓪᓗᒍ, ᑐᓴᕐᓂᐊᕋᑦᑎᒍ ᒪᓕᒡᓗᒋᓪᓗ?’

ᐄᑉᕈᐃᓄᑦ 11:8

ᐅᒃᐱᕐᓂᑯᑦ ᐂᑉᕋᕼᐋᒻ ᓈᓚᓚᐅᕐᐳᖅ ᐊᐅᓪᓚᖁᔭᐅᓕᕋᒥ ᓄᓇᒃᓴᒧᑦ ᑭᖑᕐᖑᑎᔭᒃᓴᒥᓄᑦ; ᐊᐅᓪᓚᓚᐅᕐᐳᖅ ᓇᒧᓐᖓᐅᓂᐊᕐᓂᕐᒥᓂᒃ ᖃᐅᔨᒪᖏᒃᑲᓗᐊᕐᓗᓂ.