ᐋᐴᓯᑕᓖᑦ ᐱᓂᐊᕐᓂᖏᑦ 8:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓮᒨᓂ ᑭᐅᕗᖅ, “ᐊᑕᓂᕐᒧᑦ ᑐᒃᓯᐅᑎᓯᓐᖓ ᑕᒪᒃᑯᐊ ᐅᖃᐅᓯᕆᔭᓯᒃ ᓇᓪᓕᐊᓪᓘᓐᓃᑦ ᐅᕙᓐᓄᐊᖁᓇᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:24 Iomraidhean Croise

ᒨᓯᓯ ᓯᕗᓪᓖᑦ 20:17

ᐂᑉᕋᕼᐋᒻᓗ ᒎᑎᒧᑦ ᑐᒃᓯᐊᕐᐳᖅ; ᒎᑎᐅᓪᓗ ᐊᐱᒥᓕᑭ ᓄᓕᐊᖓᓗ ᐋᖅᑭᒃᐹᒃ, ᐱᔨᖏᓪᓗ ᐊᕐᓁᑦ ᐋᖅᑭᒃᑭᕔᑦ, ᑕᕝᕙ ᕿᑐᕐᖓᕐᑖᕈᓐᓇᕐᓯᓚᐅᕐᐳᑦ.

ᒨᓯᓯ ᓯᕗᓪᓖᑦ 20:7

ᒫᓐᓇᓕ, ᐊᕐᓇᖅ ᐅᐃᖓᓄᑦ ᐅᑎᕐᑎᓕᕈᒃ; ᑖᑦᓱᒪ ᐅᐃᖓ ᒎᑎᒧᑦ ᐅᖃᕐᑎᒋᔭᐅᖕᒪᑦ, ᑖᑦᓱᒪᓗ ᑐᒃᓯᐅᑎᓂᐊᕐᐹᑎᑦ ᐃᓅᓂᐊᕐᐳᑎᓪᓗ. ᐅᑎᕐᑎᓐᓂᐊᖏᒃᑯᕕᐅᒡᓕ, ᖃᐅᔨᒪᓕᕆᑦ ᓱᓕᓪᓗᖓ ᐅᖃᐅᑎᕙᒋᑦ ᑐᖁᓂᐊᕋᕕᑦ, ᐃᓚᑎᓪᓗ ᑕᒪᕐᒥᒃ.”

ᐊᑕᓃᑦ ᓯᕗᓪᓖᑦ 13:6

ᐊᖓᔪᖅᑳᕐᔪᐊᖅ ᔨᕈᐳᐊᒻ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐅᖃᕐᐳᖅ, “ᑐᒃᓯᐊᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ ᑕᓕᕋ ᐅᑎᕐᑎᑕᐅᖁᓗᒍ!” ᑕᕝᕙ ᒎᑎᐅᑉ ᐅᖃᑎᖓ ᐊᑕᓂᕐᒧᑦ ᑐᒃᓯᐊᕐᐳᖅ, ᐊᖓᔪᖅᑳᕐᔪᐊᓪᓗ ᑕᓕᖓ ᐋᖅᑭᒃᑕᐅᕗᖅ.

ᐄᓱᕋᐅᑉ ᐊᒡᓚᖏᑦ 6:10

ᑕᒪᓐᓇ ᐱᓇᓱᐊᕐᑕᐅᔪᒃᓴᐅᕗᖅ ᑖᒃᑯᐊ ᑐᓂᕐᕈᓯᕈᓐᓇᖁᓪᓗᒋᑦ ᒎᑎᒧᑦ ᕿᓚᖕᒦᑦᑐᒧᑦ ᑎᐱᑦᓯᐊᕆᒃᑐᒥᒃ, ᑐᒃᓯᐅᑦᔨᖁᓪᓗᒋᓪᓗ ᐅᕙᓐᓂᒃ ᐃᕐᓂᒃᑲᓂᒡᓗ ᓮᒻᒪᕐᑎᑕᐅᖁᓪᓗᑕ.

ᐄᓱᕋᐅᑉ ᐊᒡᓚᖏᑦ 8:23

ᑍᒤᒻᒪᑦ ᓂᕆᑦᑍᓕᓚᐅᕐᐳᒍᑦ ᑐᒃᓯᐊᕐᓗᑕᓗ ᒎᑎᒧᑦ ᓴᐳᑎᔭᐅᔪᒪᓪᓗᑕ, ᑖᑦᓱᒪᓗ ᑭᐅᓚᐅᕐᐹᑎᒍᑦ ᑐᒃᓯᐊᕐᓂᑦᑎᓐᓂᒃ.

ᔫᐱᐅᑉ ᐊᒡᓚᖏᑦ 42:8

ᑍᒤᒻᒪᑦ ᒫᓐᓇ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᑐᐃᓐᓇᕈᐃᓕᕆᑦ, ᔫᐱᒧᓪᓗ ᐱᔨᓐᓄᐊᕐᓗᑎᑦ, ᑐᓂᕐᕈᓯᕐᓗᑎᓪᓗ ᐃᕝᕕᑦ ᐱᑦᔪᑎᒋᓗᑎᑦ ᑐᓂᕐᕈᑎᒃᓴᓄᑦ ᐃᑯᐊᓚᔭᒃᓴᓄᑦ; ᔫᐱᒧᓪᓗ ᑐᒃᓯᐅᑦᔭᐅᖁᓪᓗᑎᑦ, ᑖᑦᓱᒪ ᑐᒃᓯᐊᕐᓂᖓ ᐃᓚᓕᐅᕐᓂᐊᕋᒃᑯ ᓯᓔᑦᑐᒥᒃ ᐱᓂᐊᓚᐅᕐᓂᑦᓯᓐᓄᑦ ᓱᒋᐊᕐᑕᐅᑦᔪᑎᖃᖁᓇᓯ; ᓱᓕᔪᒥᒃ ᐅᕙᓐᓂᒃ ᐅᖃᐅᓯᖃᓚᐅᖏᓐᓇᑦᓯ, ᑖᑦᓱᑐᓇᖅ ᐱᔨᑦᑐᑦ ᔫᐱᑐᑦ.”

ᒨᓯᓯ ᐂᑉᐸᖏᑦ 10:17

ᑍᒤᒻᒪᑦ ᒫᓐᓇ, ᐊᔪᕐᑐᓕᓂᒃᑲ ᐃᓱᒪᒋᔪᓐᓁᕐᓯᐅᒃ, ᐊᒃᓱᕈᕐᓗᖓ ᕿᓄᕕᒋᕙᑦᓯᒃ ᐊᑕᐅᓯᐊᓪᓚᕆᒡᓗᖓ, ᐊᑕᓂᖅ ᒎᑎᓯ ᑐᒃᓯᐊᕐᕕᒋᓚᐅᕐᓯᐅᒃ ᑕᒪᑐᒥᖓᑦ ᑐᖁᓐᓇᕐᑐᒥᒃ ᐲᕐᓯᖁᓗᒍ ᐅᕙᓐᓂᑦ.”

ᒨᓯᓯ ᐂᑉᐸᖏᑦ 12:32

ᓰᐱᖁᑎᓯ ᐃᒻᒧᒃᓯᐅᒐᖁᑎᓯᓗ ᓇᒃᓴᓗᒋᑦ ᐊᐅᓪᓚᓕᕆᑦᓯ ᑐᒃᓯᐅᑎᓂᐊᕐᐸᑦᓯᓐᖓ ᐱᑦᓯᐊᕐᕕᒋᔭᐅᖁᓗᖓ.”

ᒨᓯᓯ ᐂᑉᐸᖏᑦ 8:8

ᑕᕝᕙ ᐰᕉᑉ ᒨᓯᓯᒃᑯᒃ ᐂᕉᓂᒃᑯᒃ ᕾᖁᕚᒃ, ᐅᖃᐅᑎᓪᓗᒋᒡᓗ, “ᐊᑕᓂᖅ ᑐᒃᓯᐊᕐᕕᒋᓚᐅᕐᓯᐅᒃ ᑕᒪᒃᑯᓂᖓ ᓈᕌᔨᓂᒃ ᐲᕐᓯᖁᓗᒍ ᐅᕙᓐᓂᑦ ᐃᓄᖁᑎᓐᓂᓪᓗ; ᑕᕝᕙ ᐃᓅᖃᑎᒌᒡᔪᐊᑦ ᐊᐅᓪᓚᖁᓂᐊᕐᐸᒃᑲ ᑐᓂᕐᕈᓯᕆᐊᕐᑐᖁᓪᓗᒋᑦ ᐊᑕᓂᕐᒧᑦ.”

ᔨᕆᒤᐊᐅᑉ ᐊᒡᓚᖏᑦ 37:3

ᐊᖓᔪᖅᑳᕐᔪᐊᕐᓗ ᔨᑎᑬᐊ ᑎᓕᓯᓚᐅᕐᐳᖅ ᔨᕼᐅᑲᐅᓕᒥᒃ ᓯᓕᒤᐊᐅᑉ ᐃᕐᓂᖓᓂᒃ, ᑐᓂᕐᕈᓯᕐᑎᑦᓯᔨᒥᒡᓗ ᔨᐸᓁᐊᒥᒃ ᒫᓯᐊᐅᑉ ᐃᕐᓂᖓᓂᒃ ᔨᕆᒤᐊᒧᑦ ᒎᑎᐅᑉ ᐅᖃᕐᑎᖓᓄᑦ ᐃᒫᒃ ᐅᖃᐅᑎᔭᐅᖁᓪᓗᒍ, “ᐊᑕᓂᕐᒧᑦ ᒎᑎᑦᑎᓐᓄᑦ ᑐᒃᓯᐅᑎᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᒨᓯᓯ ᓯᑕᒪᖏᑦ 21:7

ᑍᒤᒻᒪᑦ ᐃᓄᐃᑦ ᕾᕗᑦ ᒨᓯᓯᒧᑦ ᐅᖃᕐᓗᑎᒃ, “ᐊᔪᕐᑐᓕᓚᐅᕐᐳᒍᑦ, ᓈᒻᒪᒃᓴᖏᓐᓂᕐᒥᒃ ᓂᓪᓕᐊᓚᐅᕋᑦᑕ ᐊᑭᕋᕐᑐᕐᓗᑕ ᐊᑕᓂᕐᒥᒃ ᐃᓕᖕᓂᒡᓗ; ᑐᒃᓯᐊᓚᐅᕆᑦ ᐊᑕᓂᕐᒧᑦ ᖁᒡᓗᒋᐊᑦ ᐊᐅᓪᓚᖁᓪᓗᒋᑦ ᐅᕙᑦᑎᓐᓂᑦ.” ᑍᒫᒃ ᒨᓯᓯ ᑐᒃᓯᐊᓚᐅᕐᐳᖅ ᐃᓄᐃᑦ ᐱᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.

ᓴᒧᐃᓕ ᓯᕗᓪᓖᑦ 12:19

ᐃᓄᓕᒫᓪᓗ ᓴᒧᐃᓕᒧᑦ ᐅᖃᕐᐳᑦ, “ᑐᒃᓯᐊᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐱᑦᔪᑎᒋᓗᑕ ᑐᖁᖁᓇᑕ; ᒫᓐᓇ ᖃᐅᔨᕗᒍᑦ ᐊᔪᕐᑐᓕᓂᑦᑕ ᐊᓯᐊᒍᑦ ᐊᔪᕐᑐᓕᒃᑲᓐᓂᓚᐅᕋᑦᑕ, ᐊᖓᔪᖅᑳᕐᔪᐊᕐᑖᕈᒪᓪᓗᑕ ᑐᒃᓯᐊᓚᐅᕐᓂᑦᑎᓐᓄᑦ.”

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.