ᐋᐴᓯᑕᓖᑦ ᐱᓂᐊᕐᓂᖏᑦ 8:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐲᑦᑐᕉᓯᐅᓪᓕ ᐅᖃᐅᑎᕚ, “ᑮᓇᐅᔭᑎᑦ ᐊᓯᕈᕐᑕᐅᖃᑎᒋᔭᒃᓴᕆᕙᑎᑦ, ᐃᓱᒪᖃᕋᕕᑦ ᒎᑎᐅᑉ ᑐᓂᕐᕈᑖᓂᒃ ᑮᓇᐅᔭᓄᑦ ᐱᑎᑕᐅᔪᓐᓇᕋᓱᒋᓪᓗᑎᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:20 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:26

ᐱᐅᖏᑦᑑᑉ ᐃᓱᒪᒋᔭᖏᑦ ᐊᑕᓂᐅᑉ ᓇᕐᕈᒋᕔᑦ, ᐱᐅᖏᓐᓂᖃᕐᖏᑦᑐᓪᓕ ᐅᖃᐅᓯᖏᑦ ᑐᓐᖓᒋᕔᑦ.

ᐂᓮᐊᓯᐅᑉ ᐊᒡᓚᖏᑦ 55:1

“ᐊᑏ ᐃᒥᕈᒃᑐᓕᒫᑦ, ᐃᒪᖃᕐᑐᒧᑦ ᕾᓕᕐᓕᑦ; ᑮᓇᐅᔭᖃᖏᑦᑐᓪᓗ, ᕾᓕᕐᓕᑦ, ᓂᐅᕕᕐᓗᑎᒃ ᓂᕆᓕᕐᓕᑦ! ᕾᓗᓯ ᓂᐅᕕᓕᕆᑦᓯ ᕔᓂᒥᒃ ᐃᒻᒧᖕᒥᒡᓗ ᑮᓇᐅᔮᓄᖏᑦᑐᖅ ᐊᑭᖃᖏᑦᑐᓂᒡᓕ.

ᑖᓂᐊᓕᐅᑉ ᐊᒡᓚᖏᑦ 5:17

ᑖᓂᐊᓕᐅᑉ ᐊᖓᔪᖅᑳᕐᔪᐊᖅ ᑭᐅᕚ, “ᑐᓂᕐᕈᑎᑎᑦ ᐱᓯᒪᓕᒃᑭᑦ, ᐊᑭᓕᐅᑎᑎᓪᓗ ᐊᓯᓐᓄᑦ ᑐᓂᓗᒋᑦ: ᐊᖓᔪᖅᑳᕐᔪᐊᕐᓕ ᑎᑎᕋᕐᓯᒪᔪᓂᒃ ᐅᖃᓕᒫᕈᑎᓂᐊᕐᐸᕋ, ᑐᑭᖓᓂᒡᓗ ᐅᖃᐅᑎᓗᒍ.

ᓴᑲᕅᐊᐅᑉ ᐊᒡᓚᖏᑦ 5:4

ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᒪᑦ, ᓱᒋᐊᕐᑕᐅᑦᔪᑎᒃᓮᑦ ᑖᒃᑯᐊ ᐊᐅᓪᓚᕐᑎᓐᓂᐊᕐᓂᕋᕐᓗᒋᑦ, ᐃᑎᕐᓂᐊᕐᐳᓪᓗ ᑎᒡᓕᒃᐸᒃᑐᓕᒫᑦ ᐃᒡᓗᖏᓐᓄᑦ, ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᓪᓗ ᐃᒡᓗᖏᓐᓄᑦ. ᐅᐸᒃᑕᒥᓂᓗ ᐃᒡᓗᒥ ᑕᕝᕙᓃᖏᓐᓇᕐᓂᐊᕐᐳᖅ ᓯᖁᒥᓐᓂᐊᕐᐹᓗ, ᕿᔪᐃᓪᓗ ᐅᔭᕋᖏᓪᓗ.”

ᒫᑎᐅᓯᐅᑉ ᐊᒡᓚᖏᑦ 10:8

ᖃᓂᒪᔪᑦ ᐋᖅᑭᒃᓯᒋᒃ, ᑐᖁᖓᔪᓪᓗ ᐆᒻᒪᕐᑎᓪᓗᒋᑦ, ᓯᕘᕋᒋᔭᐅᔪᓂᒡᓗ ᐸᕐᑎᕐᑐᑦ ᐸᕐᑎᕈᓐᓃᕐᑎᓯᒋᒃ, ᐊᓂᕐᓂᕐᓗᐃᓪᓗ ᐃᓄᖕᓂᑦ ᐊᓂᑎᓪᓗᒋᑦ. ᐊᑭᖃᖏᑦᑐᒥᒃ ᑐᓂᓯᕕᐅᒐᑦᓯ ᐊᑭᖃᖏᑦᑐᒥᒃᑕᐅᖅ ᑐᓂᓯᐅᒃ.

ᒫᑎᐅᓯᐅᑉ ᐊᒡᓚᖏᑦ 15:19

ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 1:18

(ᑖᑦᓱᒪ ᔫᑕᓯᐅᑉ ᐊᔪᕐᑐᓕᓂᕆᓚᐅᕐᑕᒥ ᐊᑭᖓᓄᑦ ᐱᕈᕐᓰᕕᖕᒥᒃ ᓂᐅᕕᓚᐅᕐᐳᖅ; ᑕᕝᕙᓂ ᐃᔪᒃᑲᕋᒥ ᑐᖁᓚᐅᕐᐳᖅ, ᖄᕐᓗᓂ ᐃᕐᕋᕕᓕᒫᖏᓪᓗ ᐊᓂᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:45

ᐅᒃᐱᕐᑐᑦ ᔫᑎᓪᓚᕇᑦ ᐲᑦᑐᕉᓯᐅᑉ ᐃᓚᒋᔭᖏᑦ ᑲᒪᓂᐊᕐᐳᑦ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᔭᐅᓂᖓᓂᒃ, ᔫᑎᐅᖏᑦᑐᓄᑦ ᐊᒡᓛᑦ ᑯᕕᔭᐅᖕᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:17

ᑕᕝᕙ ᒎᑎ ᑐᓂᓯᒃᐸᑦ ᑖᒃᑯᓄᖓ ᑕᒪᑐᒥᖓᑦᓮᓐᓇᖅ ᐅᕙᑦᑎᓐᓄᑦ ᑐᓂᓚᐅᕐᑕᒥᓂᒃ ᐅᒃᐱᓕᕐᑎᓪᓗᑕ ᐊᑕᓂᕐᒧᑦ ᔩᓱᓯ ᙭ᔅᑑᓯᒧᑦ, ᖃᓄᕐᓕ ᑍᒪ ᒎᑎ ᐊᒡᕕᐊᕋᓱᐊᕋᔭᕐᐸᕋ?”

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 8:19

ᐅᖃᕐᓗᓂ, “ᐱᔪᓐᓇᕐᓂᕐᑕᐅᖅ ᑕᒪᓐᓇ ᐅᕙᓐᓄᑦ ᑐᓂᓚᐅᕐᓯᒃᑯᒃ, ᐸᑎᒻᒥᔭᒃᑲ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖃᑦᑕᖁᓪᓗᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:22

ᑍᒤᒻᒪᑦ ᖃᕿᐊᓕᓕᕆᑦ ᐱᐅᖏᑦᑐᐊᓗᖕᒥᑦ ᑕᒪᑐᒪᓐᖓᑦ ᐱᓇᓱᐊᕐᑕᕐᓂᑦ, ᐊᑕᓂᕐᒧᑦ ᑐᒃᓯᐊᕐᓗᑎᑦ, ᐊᔪᕐᓇᕐᑎᑕᐅᓐᖏᑉᐸᑦ, ᐃᓱᒪᒋᔪᓐᓁᕐᕕᐅᖁᓪᓗᑎᑦ ᐆᒻᒪᑎᖕᓃᑦᑐᒥᑦ ᓈᒻᒪᓐᖏᑦᑐᒥᑦ.

ᒨᓯᓯ ᑕᓪᓕᒪᖏᑦ 15:9

ᐅᑦᔨᕐᑐᑦᓯᐊᕆᑦᓯ, ᐱᐅᖏᑦᑐᒥᒃ ᐆᒻᒪᑎᑦᓯᓐᓂ ᐃᓱᒪᖁᓇᓯ, ᐅᖃᕐᓗᓯ, ‘ᐊᕐᕌᒍᑦ 7ᖓ, ᐊᑭᓕᒃᓴᓂᒃ ᓴᒃᑯᐃᕕᒃ ᖃᓂᓗᐊᓕᕐᒪᑦ,’ ᓈᒻᒪᒋᖏᓪᓗᒍᓗ ᖃᑕᓐᖑᑏᑦ ᑕᑯᓐᓇᕐᓗᒍ, ᑐᓂᓯᕕᒋᖏᒃᑯᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐱᑦᔪᑎᒋᓗᑎᑦ, ᑕᕝᕙ ᐊᔪᕐᑐᓕᓯᒪᓕᕋᔭᕐᐳᑎᑦ.

ᒨᓯᓯ ᑕᓪᓕᒪᖏᑦ 7:26

ᒎᑎᓐᖑᐊᕆᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᐊᖏᕐᕋᑦᓯᓐᓄᑦ ᓇᒃᓴᕐᑐᒃᓴᐅᓐᖏᓚᓯ, ᑖᒃᑯᐊ ᓯᕗᓂᕐᓗᒃᑎᑕᐅᓂᖏᑎᑐᑦ ᑎᑭᕝᕕᐅᖁᓇᓯ. ᑍᒤᒻᒪᑦ ᒎᑎᓐᖑᐊᑦ ᐆᒥᒋᔭᒃᓴᕆᕙᓯ ᐱᐅᒋᖏᓪᓗᒋᓪᓗ, ᑕᒪᒃᑯᐊ ᑍᒤᑦᑐᑦ ᐊᑕᓂᐅᑉ ᓯᕗᓂᕐᓗᒃᑎᒻᒪᒋᑦ.”

ᑎᒧᑎᒧᑦ ᓯᕗᓪᓖᑦ 6:9

ᐊᒃᓗᐃᑦᑐᒪᔪᓪᓕ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᐅᑎᓂᐊᕐᐳᑦ, ᓂᒐᕐᑎᑕᐅᓗᑎᒃ, ᓯᓔᓐᓂᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐃᒃᖠᒎᕐᓂᕐᓄᓪᓗ ᐊᔪᓕᕐᓇᕐᑐᓄᑦ ᑕᒪᓐᓇ ᑕᕝᕙ ᐃᓄᖕᓂᒃ ᑲᑕᒃᑎᑦᓯᕙᒃᑐᖅ ᐊᓯᕈᕐᑕᐅᑎᑦᓯᕙᒡᓗᓂᓗ.

ᔧᒥᓯᐅᑉ ᐊᒡᓚᖏᑦ 5:3

ᒎᓗᓯ ᓯᐅᓪᕕᕆᓯᓗ ᒪᓐᖏᕐᑐᕆᕗᑦ, ᒪᓐᖏᕐᑐᕆᓂᖏᓪᓗ ᓇᓗᓁᒃᑯᑕᐅᓂᐊᕐᐳᑦ ᐱᒋᐊᕐᑕᐅᑦᔪᑎᒃᓴᑦᓯᓐᓄᑦ ᑎᒥᓯᓗ ᓂᕆᔭᐅᔪᒫᕐᐳᖅ ᐃᑯᒪᐅᑉ ᓄᖒᑦᓯᓂᖓᑐᑦ. ᑕᒪᑦᔭ ᑲᑎᕐᓱᕐᓯᒪᔭᓯ ᐊᔪᕐᓴᖏᑦᔪᑎᒋᓯᒋᒃ ᐅᓪᓗᐃᑦ ᑭᖑᓪᓕᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:15

ᑮᓇᐅᔭᓕᐅᕋᓱᐊᕐᑏᑦ, ᐊᔪᕐᓴᕈᓐᓃᕐᓯᒪᔪᖅ ᓂᐅᕐᕈᑎᖃᖃᑦᑕᕐᓂᕐᒧᑦ ᐃᒡᓗᒐᓴᒡᔪᐊᓂ ᑖᒃᑯᓇᓂ, ᐅᖓᓯᒋᔮᓂ ᓇᖏᕈᒫᕐᐳᑦ, ᐊᓯᕈᕐᑕᐅᓂᖓᓄᑦ ᐱᖃᓯᐅᑎᔭᐅᔪᒪᖏᓪᓗᑎᒃ, ᕿᐊᓗᑎᒃ ᐅᒡᒍᐊᕐᓗᑎᒡᓗ ᓂᓪᓕᐊᔪᒫᕐᐳᑦ,