ᐋᐴᓯᑕᓖᑦ ᐱᓂᐊᕐᓂᖏᑦ 8:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᒃᐱᑦᓯᐊᕐᑐᑦ ᐊᖑᑎᑦ ᓯᑎᐹᓇᓯᐅᑉ ᑎᒥᖓ ᐃᓗᕕᕐᐹᑦ ᐊᖏᔪᒥᒡᓗ ᐅᒡᒍᐊᕈᑎᒋᓪᓗᒍ ᕿᐊᑦᔪᑎᒋᕚᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:2 Iomraidhean Croise

ᒨᓯᓯ ᓯᕗᓪᓖᑦ 23:2

ᓵᕋᓗ ᑐᖁᓚᐅᕐᐳᖅ ᓄᓇᒥ ᑭᕆᐊᑦ-ᐊᕋᐸᒥ (ᑍᔭᐅᔪᖅ ᕼᐃᐸᕋᓐᒥᒃ) ᑬᓇᓂᒥ, ᐂᑉᕋᕼᐋᒻᓗ ᐅᐸᒃᓗᒍ ᕿᒃᓵᒍᑎᒋᕚ ᓵᕋ ᕿᐊᑦᔪᑎᒋᓪᓗᒍ.

ᒨᓯᓯ ᓯᕗᓪᓖᑦ 50:9

ᑕᑉᐸᐅᖓ ᒪᔪᐊᖃᑕᐅᓚᐅᕆᕗᑦ ᐊᖓᔪᖅᑳᕐᓯᐅᑏᑦ ᐊᒃᓴᓗᐊᓖᑦ ᕿᒻᒥᕐᔪᐊᕐᒦᑦᑐᓪᓗ; ᐃᖏᕐᕋᖃᑎᓕᒫᖏᑦ ᑲᑎᓪᓗᒋᑦ ᐃᓄᒐᓴᒡᔪᐊᖑᓚᐅᕐᐳᑦ.

ᓴᒧᐃᓕ ᐂᑉᐸᖏᑦ 3:31

ᑕᕝᕙ ᑍᕕᑎᐅᑉ ᔪᐊᐱᒃᑯᑦ ᐃᓚᖏᓪᓗ ᐅᖃᐅᑎᕔᑦ, “ᐊᓐᓄᕌᓯ ᐊᓕᒃᑐᕐᓯᒋᑦ, ᐊᓐᓄᕌᕐᓗᓯᓗ ᐊᕐᔭᓕᓂᑎᕐᓯᒪᔪᓂᒃ, ᕿᒃᓵᒍᑎᖃᓪᓗᓯ ᐋᑉᓄᒥᒃ.” ᐃᓗᕕᕐᑕᐅᓕᕐᑎᓪᓗᒍᓗ ᐊᖓᔪᖅᑳᕐᔪᐊᖅ ᑍᕕᑎ ᐱᓱᓚᐅᕐᐳᖅ ᐃᒃᓯᕐᕕᐊᑕ ᑭᖑᓂᖓᓂ.

ᑯᕉᓂᑲ ᐂᑉᐸᖏᑦ 32:33

ᕼᐃᓯᑬᐊᓗ ᑕᕾᕐᓯᓕᕐᐳᖅ ᓯᕗᓕᖏᑕ ᐃᓂᖏᓐᓂ, ᐃᓗᕕᕐᐹᓪᓗ ᐃᓗᕕᕐᓂ ᖁᑦᑎᖕᓂᕐᓴᓂ ᑍᕕᑎᐅᑉ ᐃᕐᓂᖏᑕ ᐃᓂᖏᓐᓂ; ᔫᑕᒥ ᔨᕉᓴᓕᒥᓗ ᓄᓇᖃᕐᑐᓕᒫᑦ ᐅᐱᓐᓇᕐᑎᓚᐅᕐᐹᑦ ᑐᖁᑎᓪᓗᒍ. ᐃᕐᓂᖓᓗ ᒫᓇᓯ ᐊᖓᔪᖅᑳᓐᖑᓚᐅᕐᐳᖅ ᑖᑦᓱᒥᖓ ᐃᓇᖐᓪᓗᓂ.

ᑯᕉᓂᑲ ᐂᑉᐸᖏᑦ 35:25

ᔨᕆᒤᐊᓗ ᐅᒡᒍᐊᕐᓗᓂ ᕿᒃᓵᒃᐳᖅ ᔫᓮᐊ ᐱᓪᓗᒍ; ᐊᖑᑎᑦ ᐊᕐᓁᓪᓗ ᐃᓐᖏᕐᑏᑦ ᔫᓮᐊᒥᒃ ᐅᖃᐅᓯᖃᕐᐳᑦ ᐅᒡᒍᐊᕈᑎᒋᓪᓗᒍ ᕿᒃᓵᓂᒃᑯᑦ ᐅᓪᓗᒥᒧᑦ ᑎᑭᓪᓗᒍ. ᐃᓴᕆᐊᓕᒥᐅᓂᑦ ᑕᒪᓐᓇ ᐱᐅᓯᕐᑖᕆᔭᐅᑎᑕᐅᓚᐅᕐᐳᖅ; ᑕᑯᒋᑦ, ᑕᒪᒃᑯᐊ ᐊᒡᓚᒃᓯᒪᕗᖅ ᐅᒡᒍᐊᕈᑎᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 22:10

ᕿᐊᑦᔪᑎᒋᑦᑍᓕᓯᐅᒃ ᑐᖁᖓᔪᖅ, ᕿᒃᓴᐅᑎᒋᓇᒍᓗ, ᕿᐊᑦᔪᑎᖃᖔᕐᑐᒃᓴᐅᕗᓯᓕ ᐊᐅᓪᓚᕈᑦᔭᐅᓯᒪᔪᓂᒃ, ᐅᑎᕐᓂᐊᕈᓐᓁᕐᒪᑕ ᓄᓇᑐᖃᕐᒥᖕᓂᒃ ᑕᑯᓂᐊᕈᓐᓁᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 22:18

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᔨᕼᐅᐃᐊᑭᒻ ᐱᑦᔪᑎᒋᓪᓗᒍ ᔫᑕᒧᑦ ᐊᖓᔪᖅᑳᕐᔪᐊᖑᔪᖅ ᔫᓮᐊᐅᑉ ᐃᕐᓂᖓ, “ᑐᖁᒃᐸᑦ ᕿᒃᓵᒍᑕᐅᔪᒫᓐᖏᓚᖅ ᖃᑕᓐᖑᑎᖏᓐᓄᑦ ᓇᔭᖏᓐᓄᓪᓗ ᐅᒡᒍᐊᕐᓇᕋᔭᕋᓗᐊᕐᐳᖅ, ᕿᐊᑦᔪᑕᐅᓐᖏᓚᕐᓕ, ᐊᖓᔪᖅᑳᕐᔪᐊᖃᕐᑐᓄᑦ ᐅᒡᒍᐊᕐᓇᕋᓗᐊᕐᐳᖅ, ᐊᖓᔪᖅᑳᕐᔪᐊᖑᓂᖓ ᐱᑦᔪᑎᒋᓪᓗᒍ.

ᒨᓯᓯ ᓯᑕᒪᖏᑦ 20:29

ᐃᓄᒋᐊᒃᑐᕐᔪᐊᓪᓕ ᖃᐅᔨᒐᒥᒃ ᐂᕉᓂ ᑐᖁᖕᒪᑦ ᕿᒃᓵᓚᐅᕐᐳᑦ ᐅᓪᓗᓂᒃ 30ᓂᒃ, ᐃᓴᕆᐊᓕᒥᐅᓕᒫᑦ.

ᒫᑯᓯᐅᑉ ᐊᒡᓚᖏᑦ 6:29

ᔪᐊᓇᓯᐅᓪᓕ ᐃᓕᓐᓂᐊᕐᑎᖏᑕ ᑕᒪᓐᓇ ᑐᓴᕋᒥᑦᔪᒃ, ᑕᕝᕗᓐᖓᕐᐳᑦ ᑎᒥᖓ ᐂᓪᓗᒍ, ᐃᓗᕕᕐᕆᐊᕐᑐᕐᓗᒍ.

ᓘᑲᓯᐅᑉ ᐊᒡᓚᖏᑦ 2:25

ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 10:2

ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒃ ᐃᒃᐱᒋᔭᖃᑦᓯᐊᕐᓗᓂ ᐃᒡᓗᒥᐅᖃᑎᓂ ᐃᓚᒋᓪᓗᒋᑦ, ᑐᓂᓯᖃᑦᑕᓚᐅᕐᐳᖅ ᐃᓄᖕᓄᑦ ᐊᓐᓂᕈᓱᒐᓂ, ᒎᑎᒧᑦ ᑐᒃᓯᐊᖃᑦᑍᓐᓇᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 2:5

ᔫᑎᑕᖃᓚᐅᕐᐳᖅ ᔨᕉᓴᓕᒻᒥ ᓄᓇᖃᕐᑐᓂᒃ, ᐅᒃᐱᕋᓱᐊᑦᓯᐊᕐᑐᓂᒃ ᓄᓇᓕᖕᓂᑦ ᓇᑭᑐᐃᓐᓇᖅ ᐱᓯᒪᔪᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 8:3

ᓴᐅᓗᓯᐅᑉ ᐅᒃᐱᕐᑑᖃᑎᒌᑦ ᓄᖑᓐᓇᓱᐊᓕᕐᐰᑦ, ᐃᒡᓗᓄᑦ ᐃᑎᖃᑦᑕᕐᓗᓂ ᐅᒃᐱᕐᑐᑦ ᐊᖑᑎᑦ ᐊᕐᓁᓪᓗ ᑎᒍᓪᓗᒋᑦ ᑎᒍᔭᐅᓯᒪᕕᖕᒧᐊᕐᑎᑉᐰᑦ.

ᒨᓯᓯ ᑕᓪᓕᒪᖏᑦ 34:8

ᐃᓴᕆᐊᓕᒥᐅᓂᑦ ᕿᒃᓵᒍᑕᐅᓚᐅᕐᐳᖅ ᐅᓪᓗᓂᒃ 30ᓂᒃ ᒧᐊᐱᐅᑉ ᓇᕐᓴᖓᓃᓪᓗᑎᒃ; ᐊᒻᒪ ᐅᓪᓗᐃᑦ ᕿᐊᕖᑦ ᕿᒃᓵᒡᕖᓪᓗ ᐃᓱᓕᒻᒪᑕ.

ᓴᒧᐃᓕ ᓯᕗᓪᓖᑦ 28:3

ᑍᑦᓱᒪᓂ ᓴᒧᐃᓕ ᑐᖁᖓᓕᓚᐅᕐᒪᑦ, ᐃᓴᕆᐊᓕᒥᐅᓕᒫᓪᓗ ᕿᒃᓵᐅᑎᒋᓚᐅᕐᐹᑦ ᐃᓗᕕᓚᐅᕐᐹᓪᓗ ᓄᓇᖓᓂ ᕌᒪᒥ. ᓴᐅᓕᐅᓪᓗ ᓯᕗᓂᕐᒥᒃ ᖃᐅᔨᓇᓱᐊᕐᑏᑦ ᐊᖓᒃᑰᓇᓱᐊᕐᑏᓪᓗ ᐊᐅᓪᓚᕐᑎᓚᐅᕐᓯᒪᕔᑦ ᐃᓴᕆᐊᓕᒥᑦ.