50 ᑕᒪᒃᑯᐊ ᐅᕙᖓ ᓇᖕᒥᓂᖅ ᓴᓇᓯᒪᓐᖏᓚᒃᑳ?’”
ᐅᓪᓗᓂᒃ ᐱᖓᓲᔪᕐᑐᓂᒃ ᐊᑕᓂᐅᑉ ᓄᓇᕐᔪᐊᖅ ᕿᓚᒡᓗ ᓴᓇᓚᐅᕐᒪᒍ, ᐃᒪᕐᔪᐊᕐᓗ ᐃᒪᕐᒥᐅᑕᓕᒫᓪᓗ, ᐅᓪᓗᓪᓕ 7ᖓᓐᓂ ᑕᕾᕐᓯᓚᐅᕐᐳᖅ. ᑍᒤᒻᒪᑦ ᐊᑕᓂᐅᑉ ᓴᐸᑎ ᐅᓪᓗᓄᑦ ᐊᑦᔨᐅᑎᓐᓇᒍ ᓇᓗᓁᓚᐅᕐᐹ ᐃᑦᔪᕐᓁᑎᓪᓗᒍᓗ.
ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐊᑕᓂᖅ ᒎᑎᐅᖕᒪᑦ ᐃᓱᖃᖏᑦᑐᒧᑦ, ᐱᓐᖑᕐᑎᑦᓯᓯᒪᔪᖅ ᓄᓇᕐᔪᐊᕐᒥᒃ ᐃᓱᐊᓃᑦ ᐃᓱᐊᓄᑦ. ᓄᑮᕈᑎᔪᓐᓇᓐᖏᓚᖅ ᑕᖃᔪᓐᓇᕋᓂᓗ, ᓯᓚᑐᓂᖓᓗ ᖃᐅᔨᔭᐅᔪᓐᓇᕋᓂ.
ᐊᑕᓂᖅ ᐃᓕᖕᓂᒃ ᐅᑎᕐᑎᑦᓯᔪᖅ ᐃᒻᒥᓄᑦ, ᐃᒡᓕᐊᑉ ᐃᓗᐊᓂ ᓴᓇᓚᐅᕐᑐᖅ ᐃᓕᖕᓂᒃ; ᐃᒫᒃ ᐅᖃᕐᐳᖅ, “ᐊᑕᓂᐅᕗᖓ, ᑕᒤᓐᓂᒃ ᓴᓇᓚᐅᕐᑐᖅ, ᐃᓄᑑᑦᔨᓪᓗᖓ ᕿᓚᖕᒥᒃ ᐃᓯᕕᑦᓯᓚᐅᕐᐳᖓ, ᓄᓇᓗ ᓯᐊᒻᒪᒃᓗᒍ ᓴᓇᓚᐅᕐᐸᕋ;
ᐅᕙᖓ ᓄᓇᕐᔪᐊᖅ ᓴᓇᓚᐅᕐᐸᕋ, ᐃᓄᒋᓂᐊᕐᑕᖏᓐᓂᒡᓗ ᓴᖅᑭᑎᑦᓯᓪᓗᖓ; ᐊᒡᒐᓐᓄᓪᓗ ᕿᓔᑦ ᐃᓯᕕᑎᓚᐅᕐᐸᒃᑲ, ᕿᓚᖕᒦᑦᑐᓪᓗ ᐋᖅᑭᒃᓯᒪᕗᑦ ᐱᖁᔨᓂᕋ ᒪᓕᒡᓗᒍ.
ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.
ᐃᒫᒃ ᐅᖃᐅᑎᔭᒃᓴᕆᕙᑎᑦ, “ᒎᑎᓯ ᑕᒪᒃᑯᐊ, ᓴᓇᓚᐅᖏᓐᓇᒥᒃ ᕿᓚᖕᒥᒃ ᓄᓇᒥᒡᓗ, ᐊᓯᐅᔪᒫᕐᐳᑦ ᓄᓇᒥ ᕿᓚᐅᓪᓗ ᐊᑖᓂ.”
“ᐊᑕᓃᖅ ᐊᑕᓂᐅᓂᕐᐹᖑᔪᑎᑦ ᕿᓚᒃ ᓄᓇᕐᔪᐊᕐᓗ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ, ᐃᓕᖕᓄᑦ ᐊᔪᕐᓇᕐᑐᖃᖏᒻᒪᑦ.
“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.
ᒎᑎ ᑖᓐᓇ ᓴᓇᓚᐅᕐᑐᖅ ᓯᓚᕐᔪᐊᕐᒥᒃ ᐃᓗᓕᖏᓐᓂᒡᓗ ᑕᒤᓐᓂᒃ, ᐊᑕᓂᐅᕗᖅ ᕿᓚᖕᒥ ᓄᓇᒥᓗ, ᐃᓄᖕᒧᑦ ᓴᓇᔭᐅᓯᒪᔪᓂ ᐃᓂᖃᓐᖏᓚᖅ,
