ᐋᐴᓯᑕᓖᑦ ᐱᓂᐊᕐᓂᖏᑦ 7:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᒎᑎᐅᑉ ᐂᑉᕋᕼᐋᒻ ᓄᓇᒥᒃ ᓇᖕᒥᓂᕐᑖᕐᑎᓚᐅᓐᖏᓛ ᒥᑭᔪᒥᒡᓘᓐᓃᑦ, ᒎᑎᐅᑉ ᐊᖏᕐᕕᒋᓚᐅᕐᐹ ᑕᒪᑐᒥᖓ ᓄᓇᒥᒃ ᑭᖑᕚᒃᓴᖏᓪᓗ ᓇᖕᒥᓂᖃᖁᓪᓗᒋᑦ, ᑍᑦᓱᒪᓂ ᑕᒪᑐᒥᖓ ᐊᖏᕐᕕᐅᑎᓪᓗᒍ ᐂᑉᕋᕼᐋᒻ ᕿᑐᕐᖓᖃᓚᐅᓐᖏᓚᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 7:5 Iomraidhean Croise

ᒨᓯᓯ ᓯᕗᓪᓖᑦ 12:7

ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᓄᑦ ᓄᓇᑖᖑᑎᑦᓱᒫᕐᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᓴᖅᑭᕝᕕᐅᓚᐅᕐᓂᕐᒥᓄᑦ.

ᒨᓯᓯ ᓯᕗᓪᓖᑦ 13:15

ᑕᒪᓐᓇ ᓄᓇ ᑕᑯᔧᑦ ᑕᒪᕐᒥᒃ ᑐᓂᓂᐊᕐᐸᕋ ᐃᓕᖕᓄᑦ ᑭᖑᕚᕐᓄᓪᓗ, ᑕᒪᓐᓇᓗ ᐱᒋᔪᒫᕐᐸᑦ ᐃᓱᖃᖏᑦᑐᒧᑦ.

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᒨᓯᓯ ᓯᕗᓪᓖᑦ 16:2

ᑍᒤᒻᒪᑦ ᐅᐃᓂ ᐂᑉᕋᒻ ᐅᖃᐅᑎᕚ, “ᑕᑯᓕᕆᑦ, ᐊᑕᓂᐅᑉ ᕿᑐᕐᖓᕐᑖᕈᓐᓇᕐᑎᖏᒻᒪᖓ; ᐱᔨᒐᑐᕐᖑᓇ ᐱᖃᑎᒋᓚᐅᕈᒃ ᐃᒻᒪᖄᓕ ᕿᑐᕐᖓᕐᑖᕈᓐᓇᕐᐳᖅ ᕿᑐᕐᖓᒃᓴᓐᓂᒃ.” ᐂᑉᕋᐅᓪᓗ ᓴᕅᑉ ᐅᖃᐅᓯᖏᑦ ᓈᓚᓚᐅᕐᐰᑦ.

ᒨᓯᓯ ᓯᕗᓪᓖᑦ 17:8

ᑕᒪᓐᓇᓗ ᓄᓇ ᐃᓕᖕᓄᑦ ᑐᓂᓂᐊᕐᐸᕋ, ᑭᖑᕚᒃᓴᕐᓄᓪᓗ ᑭᖑᓂᕐᓂ. ᑕᒪᓐᓇ ᓄᓇ ᓂᐅᕐᕈᐊᖑᕕᒋᔧᑦ, ᑕᒪᓐᓇᓕᒫᕐᓗ ᓄᓇ ᑬᓇᓂ, ᓄᓇᒋᔪᒫᕐᐸᓯ ᐃᓱᖃᖏᑦᑐᒧᑦ; ᐅᕙᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᒨᓯᓯ ᓯᕗᓪᓖᑦ 23:4

“ᑕᒫᓂ ᓂᐅᕐᕈᐊᖑᒐᒪ ᓄᓇᖃᕐᑐᑐᖃᐅᓇᖓᓗ ᓄᓇᑦᓯᓐᓂ; ᓂᐅᕕᕈᓐᓇᕐᑎᑕᐅᔪᒪᕗᖓ ᓄᓇᒥᒃ ᐃᓗᕕᕐᕕᒃᓴᒥᒃ, ᐃᓗᕕᕐᓯᔪᓐᓇᖁᓪᓗᖓ ᑐᖁᔨᐊᕆᓯᒪᔭᓐᓂᒃ.”

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᓂᕼᐃᒤᐊᐅᑉ ᐊᒡᓚᖏᑦ 9:8

ᓇᒡᕚᓚᐅᕐᐸᑦ ᐆᒻᒪᑎᒥᒍᑦ ᐅᒃᐱᕐᓂᖓ ᑲᔪᓯᓂᖃᕐᑎᓪᓗᒍ ᐃᓕᖕᓄᑦ, ᐊᖏᖃᑎᒌᓚᐅᕐᐳᓯᒡᓗ ᓄᓇᒥᒃ ᑬᓇᓂᒥᒃ ᑐᓂᓂᐊᕐᓂᕋᕐᓗᒍ, ᐅᑯᐊ ᓄᓇᖁᑎᖓᓐᓂᑦ, ᕼᐃᑍᑎᒃᑯᑦ, ᐊᒧᕅᑎᑯᓪᓗ, ᐱᕆᔧᑎᒃᑯᓪᓗ, ᔨᐳᓮᑎᒃᑯᓪᓗ, ᒋᕐᒐᓮᑎᒃᑯᓪᓗ, ᓄᓇᒋᔭᐅᖁᓪᓗᒋᑦ ᑭᖑᕚᖏᓐᓄᑦ. ᐊᖏᕐᓂᕆᓚᐅᕐᑍᑦ ᑲᔪᓯᑎᓚᐅᕐᐸᑦ, ᐅᒃᐱᕐᓇᑦᓯᐊᕋᕕᑦ.

ᐃᓯᑭᐊᓕᐅᑉ ᐊᒡᓚᖏᑦ 33:24

“ᐃᓅᑉ ᐃᕐᓂᖓ, ᐃᓄᐃᑦ ᐃᒡᓗᒐᓴᒡᔪᐊᕕᓂᕐᓂ ᓄᓇᖃᕐᑐᑦ ᐃᓴᕆᐊᓕᒥ ᐅᕾᓐᓇᓕᕐᒪᑕ, ‘ᐂᑉᕋᕼᐋᒻ ᐊᑕᐅᓯᐅᓪᓗᓂ ᓄᓇᒥᒃ ᑐᓂᓯᕕᐅᓚᐅᕐᐳᖅ; ᐅᓄᕐᑑᒐᑦᑕᓕ; ᓄᓇᒥᒃ ᑐᓂᓯᕕᐅᔭᕆᐊᖃᕐᓂᕐᓴᐅᕗᒍᑦ.’

ᒨᓯᓯ ᑕᓪᓕᒪᖏᑦ 10:11

ᐊᑕᓂᐅᓪᓗ ᐅᖃᐅᑎᓚᐅᕐᐹᖓ ᐃᓕᑦᓯᓐᓂᒃ ᑕᓯᐅᕐᓯᖁᓪᓗᖓ, ᓄᓇᑖᕈᓐᓇᖁᓪᓗᓯ ᓯᕗᓕᕕᓂᑦᓯᓐᓄᑦ ᐊᖏᕈᑎᒋᓯᒪᓚᐅᕐᑕᖓᓂᒃ.”

ᒨᓯᓯ ᑕᓪᓕᒪᖏᑦ 11:9

ᑕᕝᕙ ᑕᒫᓂ ᐊᑯᓂ ᐃᓅᔪᓐᓇᕐᓂᐊᕐᐳᓯ ᓄᓇᒥ ᓂᕿᒃᓴᖃᑦᓯᐊᕐᑐᒥ ᐊᔪᕐᓴᕐᓇᖏᑦᑐᒥᓗ ᐊᑕᓂᐅᑉ ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᖓᓂᒃ ᓯᕗᓕᕕᓂᑦᓯᓐᓄᑦ ᑭᖑᕚᖏᓐᓄᓪᓗ.

ᒨᓯᓯ ᑕᓪᓕᒪᖏᑦ 2:5

ᑖᒃᑯᐊ ᐅᓇᑕᕋᓱᐊᕐᑕᒃᓴᕆᓐᖏᓚᓯ, ᑖᒃᑯᐊ ᓄᓇᖓᓐᓂᒃ ᒥᑭᔪᒥᒡᓘᓐᓃᑦ ᐃᑎᒐᒃᑎᑐᑦ ᐊᖏᑎᒋᔪᒥᒡᓘᓐᓃᑦ ᑐᓂᓯᕕᒋᓂᐊᖏᓐᓇᑦᓯ. ᑕᒪᓐᓇ ᓄᓇᒋᔭᖓᑦ ᓰᐊᕆ; ᐄᓴᐅᑉ ᑭᖑᕚᖏᓐᓄᑦ ᓄᓇᒋᔭᐅᖁᓪᓗᒍ ᑐᓂᓯᒪᒐᒃᑯ.

ᒨᓯᓯ ᑕᓪᓕᒪᖏᑦ 34:4

ᑕᕝᕙ ᐊᑕᓂᐅᑉ ᐅᖃᐅᑎᕚ, “ᑕᒪᓐᓇ ᑕᕝᕙ ᓄᓇ ᐅᖃᕕᒃᓗᖓ ᐊᖏᕈᑎᒋᓚᐅᕐᑕᕋ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ, ᐅᖃᐅᑎᓪᓗᒋᑦ, ‘ᑭᖑᕚᕐᓄᑦ ᑕᒪᓐᓇ ᑐᓂᔪᒫᕐᐸᕋ.’ ᐃᓕᖕᓄᑦ ᑕᑯᔭᐅᑎᑉᐸᕋ, ᑕᒪᐅᖓᓕ ᓄᓇᒧᑦ ᐃᑎᕐᓂᐊᓐᖏᓚᑎᑦ.”

ᒨᓯᓯ ᑕᓪᓕᒪᖏᑦ 9:5

ᐱᐅᔫᓂᓯᓕ ᐋᖅᑭᑦᓯᐊᕐᓯᒪᓂᓯᓗ ᐱᑦᔪᑎᒋᓇᒋᑦ ᐊᑕᓂᐅᑉ ᒎᑎᑦᓯ ᑖᒃᑯᐊ ᓄᓇᖏᓐᓂᒃ ᓄᓇᑖᕐᑎᓯᒪᓐᖏᓛᓯ. ᐃᓅᖃᑎᒌᒡᔪᐊᓪᓕ ᓄᓇᖏᓐᓂᑦ ᐊᓂᑎᓐᓂᐊᕐᐰᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ ᐊᖏᕈᑎᒋᓯᒪᔭᓂᓗ ᓯᕗᓕᕕᓂᑦᓯᓐᓄᑦ ᐱᑦᔪᑎᒋᓪᓗᒍ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.