ᐋᐴᓯᑕᓖᑦ ᐱᓂᐊᕐᓂᖏᑦ 7:49 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁹ ‘ᐊᑕᓂᖅ ᐅᖃᕐᐳᖅ, ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᕐᔪᐊᕐᓗ ᐃᑎᒐᖕᒪ ᐃᑯᕐᕋᕆᕚ. ᖃᓄᐃᑦᑐᒥᒃ ᐃᒡᓗᓕᐅᕈᒪᕕᓰ ᐅᕙᓐᓄᑦ? ᓇᓂᓗ ᐃᓂᖃᕈᓐᓇᕐᐳᖓ?

ᐋᐴᓯᑕᓖᑦ ᐱᓂᐊᕐᓂᖏᑦ 7:49 Iomraidhean Croise

ᐊᑕᓃᑦ ᓯᕗᓪᓖᑦ 22:19

ᒤᑬᐊ ᐅᖃᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᓐᓂᑦ ᑐᓴᕆᑦᓯ: ᐊᑕᓂᖅ ᑕᑯᕙᕋ ᐃᒃᓯᕙᐅᑕᕐᔪᐊᕐᒥᓂ ᐃᒃᓯᕙᔪᖅ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᐳᑦ ᑖᑦᓱᒪ ᐊᕙᑖᓂ, ᑕᓕᕐᐱᐊᓂ, ᓴᐅᒥᐊᓂᓗ;

ᐊᑕᓃᑦ ᓯᕗᓪᓖᑦ 8:27

“ᒎᑎ ᐃᓂᖃᕈᓐᓇᓪᓚᕆᒃᐹ ᓄᓇᒥ? ᑕᑯᒋᑦ, ᕿᓚᒃ ᕿᓚᐅᓪᓗ ᖁᑦᓯᖕᓂᕐᐹᖓ ᐃᓂᒋᒍᕕᐅᒃ ᒥᑭᓗᐊᕆᕙᑦ; ᐅᓇᓕ ᐃᒡᓗ ᓴᓇᔭᕋ ᑖᒃᑯᓇᓐᖓᑦ ᒥᑭᓐᓂᕐᓴᒻᒪᕆᐊᓘᕗᖅ?

ᑯᕉᓂᑲ ᐂᑉᐸᖏᑦ 6:18

“ᒎᑎᓕ ᐃᓄᖕᓂ ᐃᓂᖃᕈᓐᓇᕋᓗᐊᕐᐹ ᓄᓇᕐᔪᐊᒥ? ᑕᑯᒋᑦ, ᕿᓚᒃ ᕿᓔᓪᓗ ᖁᑦᓯᖕᓂᕐᐹᖏᑦ ᐃᓂᖃᕐᑎᑦᓯᔪᓐᓇᓐᖏᓚᑦ ᐃᓕᖕᓂᒃ; ᖃᓄᕐᓕ ᐅᓇ ᐃᒡᓗᓕᐊᕆᓚᐅᕐᑕᕋ ᐃᓂᖃᕐᑎᑦᓯᔪᓐᓇᕐᐸ!

ᐃᓐᖏᕈᑎᑦ 11:4

ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓃᑉᐳᖅ ᐃᑦᔪᕐᓁᑦᑐᕕᖁᑎᒥᓂ, ᐊᑕᓂᐅᑉ ᐃᒃᓯᕙᐅᑕᕐᔪᐊᖓ ᕿᓚᖕᒦᑉᐳᖅ; ᐃᔨᒋᓪᓗᓂ ᑕᑯᓐᓇᕐᐳᖅ, ᐃᔨᒥᓄᓪᓗ ᐃᓄᐃᑦ ᖃᐅᔨᓴᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 66:1

ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?

ᔨᕆᒤᐊᐅᑉ ᐊᒡᓚᖏᑦ 23:24

ᐃᓄᒃ ᐃᔨᕐᓯᒪᔪᓐᓇᕐᐹ ᖃᐅᔨᒪᓇᖏᑦᑐᒧᑦ ᑕᑯᔪᓐᓇᕐᓂᐊᓐᖏᑕᓐᓂᒃ? ᐊᑕᓂᖅ ᐅᖃᕐᐳᖅ. ᓇᓂᑐᐃᓐᓈᓐᖏᓚᖔ ᕿᓚᖕᒥ ᓄᓇᒥᓗ? ᐊᑕᓂᖅ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 23:22

ᐃᓄᒡᓕ ᕿᓚᖕᒥᒃ ᑍᖃᓯᐅᑦᔨᓗᓂ ᐅᖃᕕᒃᐸᑦ, ᑖᓐᓇ ᐊᖏᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓ ᑍᖃᓯᐅᑎᓪᓗᒍ, ᑕᕝᕙᓂᓗ ᐃᒃᓯᕙᔪᖅ ᐱᖃᓯᐅᑎᒋᕚ.

ᒫᑎᐅᓯᐅᑉ ᐊᒡᓚᖏᑦ 24:2

ᔩᓱᓯᐅᑉ ᐅᖃᐅᑎᕔᑦ, “ᑕᒪᒃᑯᐊᓕᒫᑦ ᑕᑯᒥᓇᕐᓂᖏᑦ ᑕᑯᒐᓗᐊᕐᑕᓯ, ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐅᔭᕅᑦ ᐃᓂᒥᓂ ᖃᓕᕇᒃᑐᖃᕈᓐᓃᕈᒫᕐᐳᑦ; ᐃᓘᓐᓇᓕᒫᖓ ᓯᖁᒥᑕᐅᔪᒫᕐᒪᑦ.”

ᔪᐊᓇᓯᐅᑉ ᐊᒡᓚᖏᑦ 4:21

ᔩᓱᓯᐅᑉ ᐅᖃᐅᑎᕚ, “ᐊᕐᓈᖅ ᐅᒃᐱᕆᓐᖓ, ᓇᓪᓕᐅᑎᔪᒫᕐᐳᖅ ᐃᓄᐃᑦ ᑕᕝᕙᓂ ᖃᖅᑲᒥ ᔨᕉᓴᓕᒻᒥᓘᓐᓃᑦ ᐊᑖᑕᒧᑦ ᑐᒃᓯᐊᖃᑦᑕᕈᓐᓃᕐᕕᒃᓴᖓᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.