ᐋᐴᓯᑕᓖᑦ ᐱᓂᐊᕐᓂᖏᑦ 7:44 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁴ “ᓯᕗᓕᕕᓂᕗᑦ ᐊᖏᖃᑎᒌᒍᑎᒥᒃ ᐱᖁᔭᕐᑕᓕᖕᒥᒃ ᑐᐱᕐᒥᒃ ᐱᓯᒪᓚᐅᕐᐳᑦ ᐃᓄᖃᖏᑦᑐᒥ. ᑖᓐᓇ ᓴᓇᔭᐅᓯᒪᓚᐅᕐᐳᖅ ᒎᑎᐅᑉ ᓴᓇᔭᐅᖁᔨᓂᖓᑐᑦ ᒨᓯᓯᒧᑦ, ᒪᓕᒡᓯᒪᓪᓗᓂ ᒨᓯᓯᐅᑉ ᑕᑯᑎᑕᐅᑦᔪᑎᒋᓚᐅᕐᑕᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:44 Iomraidhean Croise

ᑯᕉᓂᑲ ᓯᕗᓪᓖᑦ 28:11

ᑍᕕᑎᐅᓪᓗ ᐃᕐᓂᓂ ᓲᓗᒨᓂ ᑐᓂᕚ ᐆᒃᑑᑎᒃᓴᓂᒃ ᑐᒃᓯᐊᕐᕕᒡᔪᐊᒃᓴᐅᑉ ᐊᕙᑖᓄᑦ, ᐃᒡᓗᒃᓴᖏᓐᓄᑦ ᑮᓇᐅᔭᖃᐅᑎᒃᓴᖏᓐᓄᑦ, ᑲᑎᒪᕕᒃᓴᓄᑦ ᖁᕝᕙᓯᖕᓂᕐᓴᓄᑦ, ᑲᑎᒪᕕᒃᓴᓄᓪᓗ ᐊᒃᐸᓯᖕᓂᕐᓴᓄᑦ, ᓂᑲᒍᓱᖕᓂᐅᓪᓗ ᐃᒃᓯᕙᐅᑕᖓᑕ ᐃᓂᒃᓴᖓᓄᑦ;

ᑯᕉᓂᑲ ᓯᕗᓪᓖᑦ 28:19

ᐊᑕᓂᐅᑉ ᖃᐅᔨᑎᓚᐅᕐᐹᖓ ᑎᑎᕋᕐᓯᒪᔪᑎᒍᑦ ᑖᒃᑯᐊᓕᒫᑦ ᐊᒡᒐᖕᒥᓄᑦ ᑎᑎᕋᓚᐅᕐᒪᒋᑦ ᐅᕙᓐᓄᑦ, ᓴᓇᔭᐅᔭᕆᐊᖃᓛᕐᒪᑕ ᐸᕐᓇᒃᑕᐅᓯᒪᓂᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 24:6

ᑕᕝᕙ ᐊᖓᔪᖅᑳᕐᔪᐊᑉ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓ ᔨᕼᐅᐃᐊᑕ ᕾᖁᕚ, ᐅᖃᐅᑎᒡᓗᒍᓗ, “ᓱᖕᒪᑦ ᐱᖁᔨᓚᐅᓐᖏᓚᑎᑦ ᓕᕔᑎᓂᒃ ᐂᒃᓯᖁᓪᓗᒋᑦ ᔫᑕᒥᑦ ᔨᕉᓴᓕᒥᓪᓗ ᑲᑎᕐᓱᐃᖁᓪᓗᒋᑦ ᑮᓇᐅᔭᓂᒃ ᒎᑎᐅᑉ ᐱᔨᖓᑕ ᒨᓯᓯᐅᑉ ᑐᓂᔭᐅᖃᑦᑕᖁᓯᒪᔭᖏᓐᓂᒃ, ᐃᓴᕆᐊᓕᒥᐅᓂᑦ ᑐᒃᓯᐊᕆᐊᕐᐸᒃᑐᓂᑦ ᑐᐱᕐᒧᑦ ᐊᑕᓂᐅᑉ ᓇᔪᕐᑕᖓᓄᑦ?”

ᒨᓯᓯ ᐂᑉᐸᖏᑦ 25:40

ᑲᒪᑦᓯᐊᕐᓗᑎᑦ ᐃᒫᖎᓚᑦᔪᑎᒋᔭᓐᓂᒃ ᓴᓇᔪᒃᓴᐅᕗᑎᑦ, ᐃᓕᖕᓄᑦ ᑕᑯᑎᑦᔪᑎᒋᓚᐅᕐᑕᓐᓂᒃ ᖃᖅᑲᒥ ᒪᓕᒡᓗᑎᑦ.”

ᒨᓯᓯ ᐂᑉᐸᖏᑦ 26:30

ᑐᐱᕐᓗ ᓇᑉᐸᕐᑎᑕᒃᓴᕆᕙᑦ ᑕᕝᕙᓂ ᖃᖅᑲᒥ ᐃᓕᖕᓄᑦ ᐃᒤᓕᐅᕆᐊᖃᕐᓂᖓᓂᒃ ᖃᐅᔨᑎᑦᓯᑦᔪᑎᒋᓯᒪᔭᕋ ᒪᓕᒡᓗᒍ.

ᒨᓯᓯ ᐂᑉᐸᖏᑦ 27:8

ᑖᓐᓇᓗ ᑐᓂᕐᕈᓯᕐᕕᒃ ᐊᓪᑕᕆ ᓴᓇᓯᒪᔪᒃᓴᐅᕗᖅ ᓵᑦᑐᔮᓂᑦ ᐃᓗᐊ ᐃᓗᓕᖃᖏᓪᓗᒍ, ᐃᓕᖕᓄᑦ ᑕᑯᑎᑦᓯᓯᒪᓂᕋ ᖃᖅᑲᒥ ᒪᓕᒡᓗᒍ ᓴᓇᔭᒃᓴᕆᕙᑦ.”

ᒨᓯᓯ ᐂᑉᐸᖏᑦ 38:21

ᒪᑯᐊ ᑕᕝᕙ ᐊᑐᕐᑕᐅᓚᐅᕐᑐᑦ ᓴᕕᕋᔧᑦ ᑐᐱᓕᐅᕐᑐᓄᑦ ᐊᑕᓂᐅᑉ ᓇᔪᒐᕆᔭᖓᓄᑦ, ᑕᕝᕙᓂ ᑖᒃᑯᐊᒃ ᐅᔭᕌᒃ ᐱᖁᔭᓂᒃ ᖁᓕᓂᒃ ᑎᑎᕋᕐᕕᐅᓯᒪᔪᑦ ᐃᓂᒃᓴᖃᕐᕕᒋᔭᖓᓂ. ᑕᒪᒃᑯᐊᓗ ᓇᓗᓁᕐᓯᒪᕗᑦ ᒨᓯᓯᐅᑉ ᐊᑐᒐᒃᓴᐅᓂᕋᓚᐅᕐᑕᖏᓐᓂᒃ ᒪᓕᒃᓯᒪᓪᓗᑎᒃ ᓕᕔᑎᒃᑯᓐᓂᑦ ᓴᓇᔭᐅᓚᐅᕐᑐᑦ ᐊᐅᓚᑦᓯᔨᖃᕐᑎᓪᓗᒋᑦ ᐃᑕᒫᕐᒥᒃ ᐂᕉᓂᐅᑉ ᐃᕐᓂᖓᓂᒃ.

ᒨᓯᓯ ᓯᑕᒪᖏᑦ 10:11

ᐱᔪᖃᓚᐅᕐᐳᖅ ᐅᓪᓗᐃᑦ 20ᖓᓂ ᑕᖅᑭᐅᑉ ᐂᑉᐸᖓᓂ, ᐊᕐᕌᒍᑉ ᐂᑉᐸᕆᓕᕐᑕᖓᓂ, ᓄᕗᔭ ᖁᒻᒧᐊᓚᐅᕐᐳᖅ ᑐᐱᕐᔪᐊᖅ ᐊᖏᕈᑎᑕᓕᐅᑉ ᖁᓛᓂᑦ.

ᒨᓯᓯ ᓯᑕᒪᖏᑦ 18:2

ᕾᖃᑎᒋᓗᒋᑦ ᖃᑕᓐᖑᑎᓯ ᓕᕔᑉ ᑭᖑᕚᖏᑦ, ᓯᕗᓕᕕᓂᕐᐱᑦ ᑭᖑᕚᖏᑦ, ᐃᓕᑦᓯᓐᓂᒃ ᐱᔨᑦᓯᕐᓂᐊᕐᒪᑕ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᓵᖓᓂ ᐱᓕᕆᑎᓪᓗᓯ.

ᒨᓯᓯ ᓯᑕᒪᖏᑦ 9:15

ᐅᓪᓗᒥ ᑐᐱᕐᔪᐊᑉ ᓇᑉᐸᕐᑕᐅᕕᖓᓂ, ᓄᕗᔭᐅᑉ ᑐᐱᕐᔪᐊᖅ ᐅᓕᓚᐅᕐᐹ, ᑐᐱᖅ ᐊᖏᕈᑎᑕᓕᒃ; ᐅᓐᓄᖕᒥᑦ ᐅᓪᓛᒧᑦ ᑎᑭᓪᓗᒍ ᑐᐱᕐᔪᐊᑉ ᖁᓛᓃᓚᐅᕐᐳᖅ ᑕᐅᑦᑐᖃᕐᓗᓂ ᐃᑯᒪᑎᑐᑦ.

ᐄᑉᕈᐃᓄᑦ 8:2

ᑖᓐᓇᓗ ᐱᔨᑦᓯᕐᑎᐅᕗᖅ ᐃᑦᔪᕐᓁᓐᓂᕐᐸᐅᔪᒥ, ᑐᐱᕐᒥ ᑐᒃᓯᐊᕐᕕᖕᒥ ᐋᖅᑭᑦᓯᐊᕐᓯᒪᔪᒥ ᐊᑕᓂᐅᑉ ᓇᑉᐸᕐᑎᓯᒪᔭᖓᓂ, ᐃᓄᖕᒧᑦ ᓇᑉᐸᕐᑎᑕᐅᓯᒪᓐᖏᑦᑐᖅ.

ᐄᑉᕈᐃᓄᑦ 8:5

ᑖᒃᑯᐊᓕ ᐱᓇᓱᐊᕐᑕᖓᑦ ᐃᑦᔪᕐᓁᑦᑐᕕᖕᒥ ᐊᑦᔨᑐᐃᓐᓇᐅᕗᑦ ᑕᕐᕋᑐᐃᓐᓇᐅᓪᓗᑎᒡᓗ ᕿᓚᖕᒦᑦᑐᒧᑦ. ᑍᒤᒻᒪᑦ ᒨᓯᓯ ᑐᐱᓕᐅᕐᓂᐊᓕᕐᒪᑦ ᐊᖏᖃᑎᒌᒍᑕᐅᓯᒪᔪᕐᑕᓕᖕᒥᒃ, ᐅᖃᐅᑦᔭᐅᓚᐅᕐᐳᖅ: “ᑲᒪᑦᓯᐊᕆᑦ ᑕᒤᓐᓂᒃ ᑕᑯᑎᑕᐅᑦᔪᑎᒋᓚᐅᕐᑕᕐᓂᒃ ᖃᖅᑲᒦᑎᓪᓗᑎᑦ ᓴᓇᖁᓪᓗᑎᑦ ᑍᒫᓪᓗᐊᖅ ᐊᑦᔨᒋᔭᐅᑎᓪᓗᒍ.”

ᔮᓱᐊᑉ ᐊᒡᓚᖏᑦ 18:1

ᓄᓇ ᐅᓇᑕᕐᓂᒃᑯᑦ ᐱᑖᕆᒐᒥᑦᔪᒃ, ᐃᓴᕆᐊᓕᒥᐅᓕᒫᑦ ᑲᑎᕗᑦ ᓮᓗᐊᒥ, ᑕᕝᕙᓂᓗ ᑐᐱᖅ ᐊᑕᓂᐅᑉ ᓇᔪᕐᑕᖓ ᓇᑉᐸᕐᐹᑦ ᑲᑎᒪᕕᒃᓴᕆᓪᓗᒍ.

ᔮᓱᐊᑉ ᐊᒡᓚᖏᑦ 3:14

ᑕᕝᕙ ᐃᓄᐃᑦ ᐊᐅᓪᓚᕋᒥᒃ ᑕᖕᒫᕐᓯᒪᕕᖕᒥᓂᑦ, ᐃᑳᕆᐊᕐᑐᓕᕐᓗᑎᒃ ᔪᐊᕐᑕᓂᐅᑉ ᑰᖓᓄᑦ ᑐᓂᕐᕈᓯᕐᑎᑦᓯᔩᑦ ᓯᕗᓪᓕᐅᓚᐅᕐᐳᑦ ᐊᒡᔭᕐᓯᓪᓗᑎᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓᓂᒃ ᐃᓄᐃᑦ ᓯᕗᓂᖓᓂ,