ᐋᐴᓯᑕᓖᑦ ᐱᓂᐊᕐᓂᖏᑦ 7:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ “ᒨᓯᓯ ᐃᓴᕆᐊᓕᒥᐅᓂᑦ ᓇᕐᕈᒋᔭᐅᓚᐅᕐᑐᖅ ᐅᖃᐅᑦᔭᐅᓪᓗᓂ ‘ᑭᐊ ᐊᐅᓚᑦᓯᔨᓐᖑᕐᑎᒻᒪᑏᑦ ᐃᖅᑲᕐᑐᐃᔨᓐᖑᕐᑎᓪᓗᑎᓪᓗ ᐅᕙᑦᑎᓐᓅᑦ?’ ᑖᓐᓇ ᑎᓕᔭᐅᓚᐅᕐᐳᖅ ᒎᑎᒧᑦ, ᐊᐅᓚᑦᓯᔨᐅᖁᓪᓗᒍ ᓴᐳᑦᔨᔨᐅᖁᓪᓗᒍᓗ, ᐂᖏᓕᒥᒃ ᐊᖅᑯᑎᖃᕐᓗᓂ ᐅᕐᐱᒐᕐᓂ ᐃᑯᐊᓚᔪᒥ ᑕᑯᓚᐅᕐᑕᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:35 Iomraidhean Croise

ᐃᓐᖏᕈᑎᑦ 75:7

ᒎᑎᓕ ᐋᖅᑭᒃᓱᐃᔨᐅᕗᖅ, ᐂᑉᐸᖓ ᐅᕐᕈᑎᑉᐹ, ᐂᑉᐸᖓᓗ ᐊᖏᔪᕈᕐᑎᓪᓗᒍ.

ᐃᓐᖏᕈᑎᑦ 77:20

ᐃᓄᖁᑎᑎᑦ ᓰᐱᑎᑐᑦ ᑲᑎᓐᖓᔪᑎᑐᑦ ᑕᓯᐅᓚᐅᕐᐸᑎᑦ ᒨᓯᓯᐅᑉ ᐂᕉᓂᐅᓪᓗ ᐊᐅᓚᑦᓯᓂᖏᑦ ᐊᑐᕐᓗᒋᑦ.

ᒨᓯᓯ ᐂᑉᐸᖏᑦ 14:19

ᒎᑎᐅᓪᓗ ᐂᖏᓕᖓ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᖏᑕ ᓯᕗᓂᖓᓃᑉᐸᒃᑐᖅ ᓅᑉᐳᖅ ᑭᖑᓂᖔᖓᓄᐊᕐᓗᓂ, ᓄᕗᔭᓗ ᖁᒻᒧᑦ ᑕᑭᑦᑐᑯᑖᒃ ᓅᒃᑭᕗᖅ,

ᒨᓯᓯ ᐂᑉᐸᖏᑦ 14:24

ᐅᓪᓗᕐᑖᕐᐸᓪᓕᐊᓕᕐᑎᓪᓗᒍᓗ ᐊᑕᓂᐅᑉ ᐄᑦᔨᑉᑎᒥᐅᑦ ᐅᓇᑕᕐᑐᒃᓴᖁᑎᖏᑦ ᑕᐅᑐᒃᐰᑦ ᓄᕗᔮᓗᖕᒥᑦ ᐃᑯᐊᓚᔪᒥᑦ ᐅᐃᒻᒪᒃᑎᑉᐰᓪᓗ.

ᒨᓯᓯ ᐂᑉᐸᖏᑦ 2:14

ᑖᑦᓱᒪᓗ ᑭᐅᕚ, “ᑭᐊ ᐅᕙᑦᑎᓐᓄᑦ ᐊᖓᔪᖅᑳᓐᖑᕐᑎᑉᐹᑏᑦ ᐃᖅᑲᕐᑐᐃᖁᓪᓗᑎᑦ, ᑐᖁᓐᓂᐊᓕᕆᕕᖔ ᑍᑦᓱᑐᓇᖅ ᐄᑦᔨᑉᑎᒥᐅᑕᕐᑐᑦ ᑐᖁᓚᐅᕐᑕᕐᑐᑦ?” ᒨᓯᓯᓗ ᓯᕘᕋᓕᕐᐳᖅ ᐃᓱᒪᓕᕐᓗᓂᓗ, “ᐃᓄᖕᓂᑦ ᖃᐅᔨᔭᐅᓐᓂᕐᐳᖓ ᖃᓄᐃᓕᐅᕐᓂᕆᓚᐅᕐᑕᓐᓂᒃ.”

ᒨᓯᓯ ᐂᑉᐸᖏᑦ 32:34

ᒫᓐᓇᓕ ᐅᑎᓕᕆᑦ, ᐃᓄᐃᓪᓗ ᑕᓯᐅᕆᐊᕐᑐᓕᒃᑭᑦ ᑕᕝᕗᖓ ᐃᓕᖕᓄᑦ ᐅᖃᐅᑎᒋᓯᒪᔭᓐᓄᑦ. ᑕᑯᒋᓪᓗ ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑭᓯᐊᓂᓕ ᖃᖓᑐᐃᓐᓇᖅ ᓱᒋᐊᕐᓯᕕᒃᓴᕋ ᓇᓪᓕᐅᑎᒃᐸᑦ ᐃᓄᐃᑦ ᑖᒃᑯᐊ ᓱᒋᐊᕈᒫᕐᐸᒃᑲ ᐊᔪᕐᑐᓕᓯᒪᓂᖏᑦ ᒪᓕᒡᓗᒋᑦ.”

ᒨᓯᓯ ᐂᑉᐸᖏᑦ 33:2

ᐂᖏᓕᖁᑎᒐᓗ ᑎᓕᓂᐊᕐᐸᕋ ᐃᓕᑦᓯᓐᓂᒃ ᓯᕗᓕᖁᓪᓗᒍ, ᕿᒫᑎᓐᓂᐊᕐᐸᒃᑲᓗ ᑬᓇᓂᒥᐅᑦ, ᐊᒧᕅᑎᒃᑯᓪᓗ, ᕼᐃᑍᑎᒃᑯᓪᓗ, ᐱᕆᔧᑎᒃᑯᓪᓗ, ᕼᐃᕔᑎᓪᓗ, ᔨᐳᓮᑎᓪᓗ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᒨᓯᓯ ᓯᑕᒪᖏᑦ 20:16

ᐊᑕᓂᕐᒧᓪᓕ ᓂᓪᓕᐊᒐᑦᑕ, ᓂᐱᕗᑦ ᑐᓴᓚᐅᕐᐰᑦ, ᐂᖏᓕᒥᒡᓗ ᑎᓕᓯᓪᓗᓂ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ; ᒫᓐᓇᓕ ᑲᑎᓯᒦᑉᐳᒍᑦ, ᐃᒡᓗᒐᓴᖕᓂ ᓄᓇᖁᑎᑦᓯ ᖃᓂᒋᔮᓂ ᓯᓚᑖᓃᑦᑐᒥ.

ᒫᑯᓯᐅᑉ ᐊᒡᓚᖏᑦ 12:26

ᑐᖁᖓᔪᑦ ᒪᑭᑎᑕᐅᓂᖓᓂᒃ ᐅᖃᕐᓯᒪᔪᓂᒃ ᐊᒡᓚᖕᓂ ᐊᑐᐊᕐᓯᓚᐅᕐᓯᒪᓐᖏᓚᓰ ᒨᓯᓯᐅᑉ ᐊᒡᓚᖏᓐᓂ ᐅᖃᐅᓯᖃᕐᑐᓂᒃ ᐅᕐᐱᒐᕐᒥᒃ ᐃᑯᐊᓚᔪᒥᒃ, ᑕᕝᕙᓂ ᐅᓂᒃᑲᐅᓯᕐᒥ ᒎᑎᐅᑉ ᒨᓯᓯ ᐅᖃᐅᑎᓚᐅᕐᒪᒍ, ‘ᐅᕙᖓ ᐂᑉᕋᕼᐋᒻ ᒎᑎᖓ, ᐂᓴᑭᐅᓪᓗ ᒎᑎᖓ, ᔧᑰᓪᓗ ᒎᑎᖓ?’

ᓘᑲᓯᐅᑉ ᐊᒡᓚᖏᑦ 19:14

ᓄᓇᖃᑎᖏᑕ ᑖᓐᓇ ᐊᖓᔪᖅᑳᖅ ᐆᒥᒋᒐᒥᑦᔪᒃ, ᑎᓕᓯᕗᑦ ᐅᖃᕆᐊᕐᑐᕐᑐᓂᒃ, ‘ᐅᓇ ᐊᖓᔪᖅᑳᕐᔪᐊᕐᑖᕆᔪᒪᓐᖏᑕᕗᑦ.’

ᔪᐊᓇᓯᐅᑉ ᐊᒡᓚᖏᑦ 18:40

ᑕᕝᕙ ᕾᒐᓛᓕᕐᐳᑦ, “ᑖᑦᓱᒥᖓᐅᖏᑦᑐᖅ, ᐸᕋᐹᓯᒥᒡᓕ!” (ᐸᕋᐹᓯᓕ ᐱᕋᔭᐅᕗᖅ.)

ᔪᐊᓇᓯᐅᑉ ᐊᒡᓚᖏᑦ 19:15

ᕾᒐᓛᓕᕐᐳᓪᓕ, “ᑕᒫᓃᓇᓂ, ᑕᒫᓃᓇᓂ, ᑭᑭᐊᒃᑐᕐᑕᐅᓕ!” ᐰᓛᑑᓯᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᓯ ᑭᑭᐊᒃᑐᒐᒃᓴᕆᕙᕌ?” ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᑭᐅᕗᑦ, “ᐊᖓᔪᖅᑳᕐᔪᐊᖃᓐᖏᓚᒍᑦ ᓰᓴᕆᐅᑉ ᐊᓯᐊᓂᒃ!”

ᐋᐴᓯᑕᓖᑦ ᐱᓂᐊᕐᓂᖏᑦ 2:36

“ᐃᓕᑦᓯ ᐃᓴᕆᐊᓕᒥᐅᖑᔪᓯ ᑕᒪᑦᓯ, ᖃᐅᔨᒪᑦᓯᐊᓕᕆᑦᓯ ᔩᓱᓯ ᑭᑭᐊᒃᑐᓚᐅᕐᑕᓯ, ᑖᓐᓇ ᒎᑎᐅᑉ ᐊᑕᓂᓐᖑᕐᑎᓚᐅᕐᐹ ᙭ᔅᑑᓯᓐᖑᕐᑎᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 3:22

ᒨᓯᓯ ᐅᖃᓚᐅᕐᒪᑦ, ‘ᐊᑕᓂᐅᑉ ᒎᑎᑦᓯ ᑎᓕᓯᕕᒋᔪᒫᕐᐹᓯ ᓇᓚᐅᑦᑍᔪᒥᒃ ᐃᓅᖃᑎᑦᓯ ᐃᓚᖓᓐᓂᒃ ᑍᒫᑦᓮᓐᓇᖅ ᑎᓕᓚᐅᕋᒥᖓ. ᓈᓚᒋᐊᖃᕈᒫᕐᐸᓯ ᖃᓄᑐᐃᓐᓇᖅ ᐅᖃᐅᑎᑐᐊᕐᐸᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 7:30

“ᐊᕐᕌᒍᑦ 40 ᐊᓂᒍᕐᑎᓪᓗᒋᑦ, ᓴᖅᑭᕝᕕᐅᓚᐅᕐᐳᖅ ᐂᖏᓕᒧᑦ ᐃᓄᖃᖏᑦᑐᒥ ᖃᖅᑲᐅᑉ ᓮᓁᑉ ᓴᓂᐊᓂ, ᐅᕐᐱᒐᕐᓂ ᐃᑯᐊᓚᔪᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᑯᓘᓯᐊᒥᐅᓄᑦ 1:15

ᔩᓱᓯ ᑕᑯᒃᓴᐅᓪᓗᓂ ᐊᑦᔨᒋᔭᐅᖕᒪᑦ ᒎᑎᒧᑦ ᑕᑯᒃᓴᐅᖏᑦᑐᒧᑦ, ᐃᕐᓂᐊᖑᖅᑳᕐᓯᒪᕗᖅ ᐱᓐᖑᕐᑎᑕᐅᓯᒪᔪᓕᒫᓂᑦ;

ᐄᑉᕈᐃᓄᑦ 2:2

ᐂᖏᓕᓂᑦ ᐅᖃᐅᓯᐅᓚᐅᕐᑐᑦ ᓱᓕᓚᐅᕐᒪᑕ ᓇᓪᓕᐊᑦ ᒪᓕᖏᑦᑐᖅ ᐊᔪᕐᑐᓕᔪᓪᓗ ᓱᒋᐊᕐᑕᐅᖃᑦᑕᓚᐅᕐᐳᖅ ᐱᓂᐊᕐᓂᖏᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!

ᓴᒧᐃᓕ ᓯᕗᓪᓖᑦ 10:27

ᐃᓚᖏᓪᓕ ᐊᑭᕋᕐᑐᕐᑐᑦ ᐅᖃᕐᐳᑦ, “ᖃᓅᖅ ᑖᑦᓱᒧᖓ ᐱᐅᓕᔭᐅᔪᓐᓇᕋᑦᑕ?” ᑕᕝᕙ ᑖᑦᓱᒥᖓ ᓇᕐᕈᓕᕐᐳᑦ, ᐂᑦᑐᕐᓇᒍᓗ ᐱᑖᒃᓴᖏᓐᓂᒃ. ᓴᐅᓕᓕ ᓮᒪᓂᖃᑦᓯᐊᓚᕐᐳᖅ.

ᓴᒧᐃᓕ ᓯᕗᓪᓖᑦ 12:8

ᔧᑯᒃᑯᑦ ᐃᓚᒌᑦ ᐄᑦᔨᑉᑎᒧᐊᕐᒪᑕ ᐄᑦᔨᑉᑎᒥᐅᓂᑦ ᐊᒃᓱᕈᕐᑎᑕᐅᓚᐅᕐᐳᑦ, ᐊᑕᓂᕐᒧᓪᓗ ᐃᓗᖏᕐᓱᕐᓗᑎ ᑐᒃᓯᐊᕐᒪᑕ ᐃᑲᔪᕐᑕᐅᔪᒪᓪᓗᑎᒃ, ᐊᑕᓂᐅᑉ ᑎᓕᓯᕕᒋᓚᐅᕐᐰᑦ ᒨᓯᓯᒥᒃ ᐂᕉᓂᒥᒡᓗ, ᑖᒃᑯᐊᒃ ᓯᕗᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᐴᒃ ᐄᑦᔨᑉᑎᒥᑦ, ᓄᓇᑖᕐᑎᓪᓗᒋᓪᓗ ᑕᒫᓂ ᓄᓇᒥ.