ᐋᐴᓯᑕᓖᑦ ᐱᓂᐊᕐᓂᖏᑦ 6:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᒎᑎᐅᑉ ᐅᖃᐅᓯᖏᑦ ᐅᒃᐱᕆᔭᐅᓕᕐᐸᓪᓕᐊᕗᑦ; ᐃᓕᓐᓂᐊᕐᑎᑦ ᔨᕉᓴᓕᒻᒥ ᐅᓄᕐᑐᐊᓘᓕᓚᐅᕐᐳᑦ ᐃᓚᕙᓪᓕᐊᓪᓗᑎᒃ, ᑐᓂᕐᕈᓯᕐᑎᑦᓯᔨᑦ ᐊᒥᓱᑦ ᓈᓚᒡᓗᑎᒃ ᐅᒃᐱᓕᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:7 Iomraidhean Croise

ᑯᕉᓂᑲ ᐂᑉᐸᖏᑦ 29:34

ᑐᓂᕐᕈᓯᕐᑎᑦᓯᔩᓪᓕ ᐅᓄᓐᖏᓗᐊᕐᒪᑕ ᑐᖁᕅᔪᓐᓇᓚᐅᓐᖏᓚᑦ ᑐᓂᕐᕈᑎᒃᓴᓕᒫᓂᒃ ᐃᑯᐊᓪᓚᒋᐊᓕᖕᓂᒃ; ᑍᒤᒻᒪᑦ ᐃᓅᖃᑎᖏᑕ ᐃᓚᖏᑦ ᓕᕔᑏᑦ ᐃᑲᔪᓕᓚᐅᕐᐳᑦ ᐱᔭᕇᓚᐅᕐᑎᓐᓇᒋᑦ ᑐᓂᕐᕈᓯᕐᑎᑦᓯᔩᑦ ᐊᓯᖏᑦ ᐃᒻᒥᖕᓂᒃ ᐃᑦᔪᕐᓁᓕᑎᓚᐅᖏᓐᓂᖏᓐᓂ, ᓕᕔᑏᑦ ᐊᔪᐃᓐᓇᕐᓂᕐᓴᐅᓚᐅᕐᒪᑕ ᐃᑦᔪᕐᓁᑎᑕᐅᓯᒪᓂᕐᓴᐅᓚᐅᕐᐳᑦ ᐆᒻᒪᑎᒥᒃᑎᒍᑦ ᑐᓂᕐᕈᓯᕐᑎᑦᓯᔨᓂᑦ ᐃᒻᒥᖕᓂᒃ ᐃᑦᔪᕐᓁᓕᑎᑦᓴᕆᐊᓕᖕᓂᑦ.

ᑯᕉᓂᑲ ᐂᑉᐸᖏᑦ 30:24

ᕼᐃᓯᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ ᑲᑎᒪᔪᓄᑦ ᑐᓂᓯᓚᐅᕐᐳᖅ 1,000ᓂᒃ ᐃᒻᒧᒃᓯᐅᒊᑦ ᐸᖕᓂᖏᓐᓂᒃ 7,000ᓂᒡᓗ ᓰᐱᓂᒃ. ᐊᖓᔪᖅᑳᓪᓗ ᑐᓂᓯᓚᐅᕆᕗᑦ ᑲᑎᒪᔪᓄᑦ 1,000ᓂᒃ ᐃᒻᒧᒃᓯᐅᒊᑦ ᐸᖕᓂᖏᓐᓂᒃ 10,000ᓂᒡᓗ ᓰᐱᓂᒃ. ᑐᓂᕐᕈᓯᕐᑎᑦᓯᔩᓪᓗ ᐅᓄᕐᑐᕐᔪᐊᑦ ᐃᒻᒥᖕᓂᒃ ᐃᑦᔪᕐᓁᓕᑎᓚᐅᕐᐳᑦ.

ᐃᓐᖏᕈᑎᑦ 132:16

ᑐᓂᕐᕈᓯᕐᑎᑦᓯᔨᖏᑦ ᐊᓐᓄᕌᕐᑎᓐᓂᐊᕐᐸᒃᑲ ᐱᐅᓕᔭᐅᓂᕐᒥᒃ, ᐃᑦᔪᕐᓁᑦᑐᖁᑎᖏᓪᓗ ᖁᕕᐊᓱᖕᓂᕐᒧᑦ ᕾᒐᓛᕐᓂᐊᕐᐳᑦ.

ᐃᓐᖏᕈᑎᑦ 132:9

ᑐᓂᕐᕈᓯᕐᑎᑦᓯᔨᖁᑎᑎᑦ ᐊᓐᓄᕌᕐᓯᒪᓚᐅᕐᓕ ᓇᓛᒎᕐᓂᕐᒥᒃ, ᐃᑦᔪᕐᓁᑦᑐᖁᑎᑎᓪᓗ ᖁᕕᐊᓱᖕᓂᕐᒧᑦ ᕾᒐᓛᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 19:30

ᐊᒥᓱᑦ ᓯᕗᓪᓕᐅᔪᑦ ᑭᖑᓪᓕᐅᔪᒫᕐᐳᑦ, ᐅᓄᕐᑐᓪᓗ ᑭᖑᓪᓕᐅᔪᑦ ᓯᕗᓪᓕᐅᔪᒫᕐᐳᑦ.”

ᓘᑲᓯᐅᑉ ᐊᒡᓚᖏᑦ 2:34

ᓯᒥᐅᓂᐅᑉ ᓮᒻᒪᕐᑎᑉᐰᑦ ᐊᓈᓇᖓᓄᑦ ᒥᐊᕆᒧᑦ ᐅᖃᕐᓗᓂ, “ᑕᑯᒋᑦ, ᐅᓇ ᓄᑕᕋᑯᓗᒃ ᐅᓄᕐᑐᓄᑦ ᐃᓴᕆᐊᓕᒥᐅᓄᑦ ᑲᑕᒍᑕᐅᔪᒫᕐᐳᖅ ᒪᑭᑦᔪᑕᐅᔪᒫᕐᓗᓂᓗ, ᓇᓗᓁᒃᑯᑕᐅᔪᒫᕐᐳᖅ ᐊᑭᕋᕐᑐᑕᐅᓗᓂ.

ᔪᐊᓇᓯᐅᑉ ᐊᒡᓚᖏᑦ 12:42

ᓱᓕᓕ ᔫᑎᑦ ᐊᖓᔪᖅᑳᖏᑦ ᐊᒥᓱᑦ ᔩᓱᓯ ᐅᒃᐱᕆᒐᓗᐊᕐᐹᑦ, ᐹᕆᓯᓪᓕ ᐱᓪᓗᒋᑦ ᓴᖅᑭᔮᕐᑐᒥᒃ ᐅᖃᐅᓯᖃᓐᖏᓚᑦ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑕᐅᔪᒪᓇᑎᒃ:

ᐋᐴᓯᑕᓖᑦ ᐱᓂᐊᕐᓂᖏᑦ 12:24

ᒎᑎᐅᓪᓕ ᐅᖃᐅᓯᖏᑦ ᓯᐊᒻᒪᕐᐸᓪᓕᐊᕗᑦ ᐱᕙᓪᓕᐊᑐᐃᓐᓇᕐᓗᑎᒃᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 13:8

ᑖᑦᓱᒪᓕ ᐊᖓᒃᑰᑉ ᒍᕇᑭᑎᑐᑦ ᐃᓔᒪᓯᒥᒃ ᐊᑎᓕᐅᑉ ᐊᑭᕋᕐᑐᕐᐹᒃ, ᐊᖓᔪᖅᑳᖅ ᐅᒃᐱᕐᓂᕐᒥᒃ ᑕᒪᑐᒥᖓ ᑲᒪᔪᓐᓃᕐᑎᓐᓇᓱᐊᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 19:20

ᑍᒫᒃ ᐊᑕᓂᐅᑉ ᐅᖃᐅᑕᐅᓂᖓ ᐱᔪᓐᓇᕐᓂᕐᒥᒃ ᓴᖅᑭᑎᑦᓯᓪᓗᓂ ᐱᕙᓪᓕᐊᕗᖅ ᓇᒧᑐᐃᓐᓇᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 2:47

ᒎᑎᒥᒃ ᓂᕐᑐᐃᖃᑦᑕᓚᐅᕐᐳᑦ, ᐃᓄᓕᒫᓄᓪᓗ ᖁᕕᐊᒋᔭᐅᓪᓗᑎᒃ. ᖃᐅᑕᒫᓪᓗ ᐊᑕᓂᖅ ᐱᐅᓕᔭᐅᕙᓪᓕᐊᔪᓂᒃ ᐃᓚᑖᕐᑎᑉᐸᓪᓕᐊᓚᐅᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:20

ᑖᒃᑯᐊ ᑕᒪᑐᒥᖓ ᑐᓴᕋᒥᒃ, ᒎᑎ ᓂᕐᑐᕐᐹᑦ. ᐅᖃᕐᓗᑎᒃ, “ᐸᐅᓗᓰ, ᖃᐅᔨᒪᕗᑎᑦ ᔫᑎᑦ 1000ᓂᑦ ᐅᓄᕐᓂᕐᓴᒻᒪᕇᑦ ᐅᒃᐱᓕᕐᒪᑕ, ᑕᒪᕐᒥᒡᓗ ᒨᓯᓯᐅᑉ ᐱᖁᔭᖏᓐᓂᒃ ᐊᑐᕈᒪᒻᒪᕆᓕᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 6:1

ᑍᑦᓱᒪᓂ ᐃᓕᓐᓂᐊᕐᑎᑦ ᐅᓄᕐᓯᕙᓪᓕᐊᑎᓪᓗᒋᑦ, ᔫᑎᑦ ᒍᕇᑭᑎᑐᑦ ᐅᖃᐅᓯᓖᑦ, ᐂᕙᖃᑎᖃᓕᓚᐅᕐᐳᑦ ᐄᑉᕉᐃᓂᒃ ᐅᐃᒡᒐᕐᓂᖁᑎᒥᖕᓂᒃ ᑲᒪᒋᔭᐅᑦᓯᐊᖏᓐᓂᕅᓪᓗᑎᒃ ᖃᐅᑕᒫᑦ ᑐᓂᐅᕋᑕᐅᖃᑦᑕᕐᑐᑦ ᐱᑦᔪᑎᒋᓪᓗᒋᑦ.

ᕉᒪᒥᐅᓄᑦ 1:5

ᑖᑦᓱᒨᓇ ᐱᑎᑕᐅᕗᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐋᐴᓯᑕᓕᓐᖑᕐᑎᑕᐅᓪᓗᑕ ᐃᓄᓕᒫᑦ ᕾᖁᔭᐅᖁᓪᓗᒋᑦ, ᓈᓚᒍᓐᓇᕐᓯᖁᓪᓗᒋᓪᓗ ᐅᒃᐱᕐᓂᑯᑦ.

ᕉᒪᒥᐅᓄᑦ 16:26

ᒫᓐᓇᓕ ᓇᓗᓇᕈᓐᓃᕐᑎᑕᐅᖕᒪᑕ ᓇᓚᐅᑦᑍᔪᑦ ᑎᑎᖅᑲᖏᓐᓄᑦ ᐃᓅᖃᑎᒌᒡᔪᐊᓄᑦ, ᒎᑎᐅᑉ ᐃᓱᖃᖏᑦᑑᑉ ᐱᖁᔨᓂᖓᓄᑦ, ᐅᒃᐱᕐᑐᑦ ᓈᓚᒍᓐᓇᕐᓯᖁᓪᓗᒋᑦ ᑖᑦᓱᒥᖓ.

ᒐᓔᑎᐊᒥᐅᓄᑦ 1:23

ᐅᖃᐅᓯᑐᐃᓐᓇᕐᑎᒍᓪᓕ ᖃᐅᔨᒪᔭᐅᓚᐅᕐᐳᖓ ᐅᖃᕐᑐᖃᖃᑦᑕᓚᐅᕐᒪᑦ, “ᐅᕙᑦᑎᓐᓂᒃ ᐊᑭᕋᕐᑐᓚᐅᕐᑐᖅ ᒫᓐᓇ ᐊᔪᕆᕐᑐᐃᕙᓕᕆᕗᖅ ᐅᒃᐱᕐᓂᕐᒥᒃ ᓄᖅᑲᕐᑎᓐᓇᓱᐊᓚᐅᕐᑕᒥᓂᒃ.”

ᒐᓔᑎᐊᒥᐅᓄᑦ 6:10

ᑍᒤᒻᒪᑦ, ᐱᕕᒃᓴᖃᕐᓂᑦᑎᓐᓂ, ᐃᓅᖃᑎᓕᒫᑦᑎᓐᓂᒃ ᐱᓂᐊᕐᕕᖃᑦᓯᐊᕐᑐᒃᓴᐅᕗᒍᑦ, ᐅᒃᐱᕐᑑᖃᑎᕗᓪᓕ ᐱᓗᐊᕐᓗᒋᑦ.

ᑯᓘᓯᐊᒥᐅᓄᑦ 1:6

ᐅᖃᐅᓰᑦ ᑐᓴᕈᒥᓇᕐᑐᑦ ᑎᑭᐅᑎᓯᒪᖕᒪᑕ ᐃᓕᑦᓯᓐᓄᑦ, ᓯᓚᕐᔪᐊᕐᒥᐅᓕᒫᓄᓪᓗ ᓯᐊᒻᒪᓕᕐᒪᑕ ᐱᕈᕐᑎᑦᓯᓪᓗᑎᒃ ᐊᖏᓕᕙᓪᓕᐊᑎᑦᓯᓪᓗᑎᒡᓗ, ᑍᒫᒃᑕᐅᖅ ᐃᓕᑦᓯᓐᓂ ᐱᒋᐊᕐᓯᒪᒋᕗᑦ, ᑍᒪᓐᖓᓂᑦ ᑐᓴᕋᑦᓯᐅᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓱᓕᓂᖓᓗ ᑐᑭᓯᓪᓗᒍ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᑎᒧᑎᒧᑦ ᐂᑉᐸᖏᑦ 2:9

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕙᖕᓂᓐᓄᑦ ᐊᒃᓱᕈᕐᓇᕐᑐᒦᑉᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᑕᐅᓯᒪᓪᓗᖓ ᐱᕋᔭᒃᑎᑐᑦ. ᒎᑎᐅᓪᓕ ᐅᖃᐅᓯᖓ ᕿᓚᒃᓱᕐᑕᐅᓯᒪᓐᖏᓚᖅ.

ᐄᑉᕈᐃᓄᑦ 11:8

ᐅᒃᐱᕐᓂᑯᑦ ᐂᑉᕋᕼᐋᒻ ᓈᓚᓚᐅᕐᐳᖅ ᐊᐅᓪᓚᖁᔭᐅᓕᕋᒥ ᓄᓇᒃᓴᒧᑦ ᑭᖑᕐᖑᑎᔭᒃᓴᒥᓄᑦ; ᐊᐅᓪᓚᓚᐅᕐᐳᖅ ᓇᒧᓐᖓᐅᓂᐊᕐᓂᕐᒥᓂᒃ ᖃᐅᔨᒪᖏᒃᑲᓗᐊᕐᓗᓂ.

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᔫᑎᐅᑉ ᐊᒡᓚᖏᑦ 1:20

ᐃᓕᑦᓯᓕ ᓇᒡᓕᒋᔭᒃᑲ, ᐃᓕᑦᓯᓐᓂᒃ ᐱᕙᓪᓕᐊᑎᓕᕆᑦᓯ ᐅᒃᐱᕐᓂᑯᑦ ᐃᑦᔪᕐᓁᑦᑐᒃᑯᑦ; ᑐᒃᓯᐊᕐᓗᓯ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ;

ᔫᑎᐅᑉ ᐊᒡᓚᖏᑦ 1:3

ᓇᒡᓕᖕᓇᕐᑐᓯ, ᑎᑎᕋᐅᓯᖃᕈᒪᓯᒪᒐᒪ ᐱᐅᓕᔭᐅᓯᒪᖃᑎᒌᖕᓂᑦᑎᓐᓂᒃ, ᐱᔭᕆᐊᖃᓪᓚᕆᒐᓱᒋᒐᒪ ᑎᑎᕋᕐᕕᒋᓗᓯ ᑕᒪᒃᑯᓂᖓ ᑲᔪᖏᕐᓴᕐᓗᓯ ᐅᒃᐱᕐᓂᒃᑯᑦ ᐃᑦᔪᕐᓁᑎᑕᐅᔪᓄᑦ ᑐᓂᔭᐅᓯᒪᔪᖅ ᑲᔪᓯᑦᔪᑎᒋᑦᓯᐊᕐᓗᒍ ᓯᕐᓂᒋᓗᒍᓗ ᐱᖁᓪᓗᓯ.