ᐋᐴᓯᑕᓖᑦ ᐱᓂᐊᕐᓂᖏᑦ 6:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑍᒤᒻᒪᑦ, ᐃᓅᖃᑎᒃᑲ, ᓂᕈᐊᓚᐅᕆᑦᓯ ᐊᖑᑎᓂᒃ 7ᓂᒃ ᖃᐅᔨᒪᔭᕆᑦᓯᐊᕐᑕᑦᓯᓐᓂᒃ, ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᓂᒃ ᓯᓚᑐᓂᖃᕐᑐᓂᒃ, ᐱᔨᑦᓯᕐᓂᕐᒧᑦ ᑕᒪᑐᒧᖓ ᑲᒪᔨᐅᓂᐊᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 6:3 Iomraidhean Croise

ᒨᓯᓯ ᐂᑉᐸᖏᑦ 18:21

ᐃᓄᖕᓂᓪᓕ ᓂᕈᐊᕐᑐᒃᓴᐅᕗᑎᑦ ᐱᔪᓐᓇᑦᓯᐊᕐᑐᓂᒃ, ᒎᑎᒥᒡᓗ ᓈᓚᑦᓯᐊᕐᑐᓂᒃ, ᐅᒃᐱᕆᔭᒃᓴᐅᑦᓯᐊᕐᑐᓂᒃ ᓯᓔᕐᕆᔭᐅᔭᖏᑦᑐᓂᒡᓗ; ᑍᒤᑦᑐᑦ ᑕᓯᐅᕐᑎᓐᖑᕐᑎᓚᐅᒃᑭᑦ ᐃᓄᖕᓄᑦ 1,000ᓄᑦ, ᐃᓚᖏᑦ 100ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ.

ᐂᓮᐊᓯᐅᑉ ᐊᒡᓚᖏᑦ 28:26

ᑕᕝᕙ ᑖᑦᓱᒪ ᐊᔪᕆᕐᑐᕐᓯᒪᕚ ᓱᓕᔪᒥᒃ ᐱᓇᓱᐊᖁᓪᓗᒍ; ᒎᑎᐅᑉ ᐊᔪᕆᕐᑐᕐᓯᒪᖕᒪᒍ.

ᐂᓮᐊᓯᐅᑉ ᐊᒡᓚᖏᑦ 28:6

ᓱᓕᑦᓯᐊᕐᑐᒥᒃ ᐃᖅᑲᕐᑐᐃᑎᑦᓯᔪᒫᕐᐳᖅ ᐃᖅᑲᕐᑐᐃᔨᓂᒃ ᐃᒃᓯᕙᐅᑕᒥᓂ ᐃᖅᑲᕐᑐᐃᔪᓂᒃ. ᓴᐱᕈᓐᓃᕐᑎᓪᓗᒋᓪᓗ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᓐᓂᒃ ᓴᐳᑦᔨᔩᑦ ᐅᓇᑕᕋᓱᐊᕐᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 23:8

ᕌᑉᐰᒥᒃ ᑍᔭᐅᔭᕆᐊᖃᓐᖏᓚᓯ, ᐃᓘᓐᓇᓯ ᖃᑕᓐᖑᑎᒌᑐᐃᓐᓇᕋᑦᓯ, ᐊᑕᐅᓯᑐᐊᒥᒡᓕ ᕌᑉᐰᖃᕐᐳᓯ.

ᔪᐊᓇᓯᐅᑉ ᐊᒡᓚᖏᑦ 21:23

ᑕᕝᕙ ᔩᓱᓯᐅᑉ ᒪᓕᒃᑎᖏᑦ ᐅᖃᖃᑦᑕᐅᑎᓕᕐᐳᑦ ᐅᓇ ᐃᓕᓐᓂᐊᕐᑎ ᑐᖁᓂᐊᓐᖏᓚᖅ; ᔩᓱᓯ ᐅᖃᓚᐅᓐᖏᓚᖅ ᑐᖁᓂᐊᖏᓐᓂᕋᕐᓗᓂᐅᒃ; ᐅᖃᓚᐅᕐᐳᕐᓕ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:15

ᐅᒃᐱᕐᑐᑦ ᐊᑕᖏᕐᓗᑎᒃ 120 ᖃᓂᒋᔭᖓᓃᓚᐅᕐᐳᑦ, ᐅᓪᓗᐃᑦ ᐃᓚᖓᓐᓂ ᑲᑎᒪᑎᓪᓗᒋᑦ ᐲᑦᑐᕉᓯ ᓂᑯᕕᑉᐳᖅ ᐅᖃᕐᓗᓂ,

ᐋᐴᓯᑕᓖᑦ ᐱᓂᐊᕐᓂᖏᑦ 1:21

“ᑍᒤᒻᒪᑦ ᐊᑲᐅᓈᕋᔭᕐᐳᖅ ᓂᕈᐊᕈᑦᑕ ᐊᖑᑏᑦ ᐃᓚᖓᓐᓂᒃ ᑍᒪᓐᖓᑦ ᐃᓚᒋᖃᑦᑕᕐᓯᒪᔭᑦᑎᓐᓂᒃ ᐊᑕᓂᖅ ᔩᓱᓯ ᐃᖏᕐᕋᖃᑎᒋᓪᓗᑎᒍ ᑎᑭᑉᐸᒃᓗᑕ ᐊᐅᓪᓚᕐᐸᒃᓗᑕᓗ,

ᐋᐴᓯᑕᓖᑦ ᐱᓂᐊᕐᓂᖏᑦ 10:22

ᑖᒃᑯᐊ ᑭᐅᕚᑦ, “ᑰᓂᓕᐅᓯᐅᑉ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᑎᓕᕚᑎᒍᑦ, ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒡᓗ ᐃᒃᐱᒋᔭᖃᑦᓯᐊᕐᓗᓂ, ᔫᑎᓕᒫᑦ ᐊᑲᐅᓂᕋᕐᑕᖓᑦ, ᒎᑎᐅᑉ ᐂᖏᓕᖓᓄᑦ ᐅᖃᐅᑦᔭᐅᓪᓗᓂ ᕾᖁᔭᐅᖁᖕᒪᑎᑦ ᐃᒡᓗᒥᓄᑦ, ᐅᖃᐅᓯᕐᓂᒃ ᑐᓴᕈᒪᓪᓗᓂ ᐃᓕᖕᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:23

ᑖᒃᑯᑎᒎᓇᖅ ᑎᑎᖅᑲᓂᒃ ᓇᒃᓴᕐᑎᑦᓯᕗᑦ ᐃᒤᓕᔪᓂᒃ: “ᐅᒃᐱᕐᑑᖃᑎᑦᑎᓐᓄᑦ, ᐋᐴᓯᑕᓖᑦ ᐅᒃᐱᕐᑑᖃᑎᒌᓪᓗ ᓯᕗᓕᕐᑎᖏᑦ, ᑎᑎᕋᕐᐳᑦ ᐅᒃᐱᕐᑐᓄᑦ ᔫᑎᐅᖏᑦᑐᓄᑦ ᐊᓐᑎᐅᑭᐊᒦᑦᑐᓄᑦ ᓯᕆᐊᒦᑦᑐᓄᓪᓗ ᓯᓕᓯᐊᒦᑦᑐᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 16:2

ᑎᒧᑎ ᐅᓐᓂᕐᓯᐅᑎᒋᔭᐅᑦᓯᐊᕐᐳᖅ ᐅᒃᐱᕐᑑᖃᑎᒌᓄᑦ ᓕᔅᑐᕋᒥ ᐂᑯᓂᐊᒥᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:4

ᑕᒪᕐᒥᒡᓗ ᐃᓗᒻᒥᕐᑕᐅᕗᑦ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ, ᐅᖃᐅᓯᕐᓄᑦ ᐅᖃᐅᓯᕆᓐᖏᑕᒥᖕᓄᑦ ᐅᖃᓪᓚᓕᕐᐳᑦ, ᑍᒫᒃ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᕈᓐᓇᕐᓯᑎᒻᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 22:12

“ᐊᓇᓁᐊᓯᒥᒃ ᐊᑎᓕᐅᑉ, ᑕᕝᕙᓂ ᑕᑯᔭᕐᑐᓚᐅᕐᐹᖓ ᑖᓐᓇ ᐅᒃᐱᑦᓯᐊᕐᑑᓪᓗᓂ ᐱᖁᔭᓂᒃ ᒪᓕᑦᓯᐊᕐᐳᖅ, ᔫᑎᓂᑦ ᓄᓇᖃᑎᖏᓐᓂᑦ ᐱᓪᓗᕆᒃᑐᖁᑕᐅᔪᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 28:14

ᑕᕝᕙᓂ ᐅᒃᐱᕐᑑᖃᑎᒌᓂᒃ ᑲᑎᓯᒐᑦᑕ, ᑖᒃᑯᐊ ᓇᔪᕐᑕᐅᑬᓐᓇᕈᒪᕗᑦ ᐱᓇᓱᐊᕈᓯᓕᒫᒥᒃ. ᑕᕝᕙᓐᖓᑦ ᕉᒪᒧᐊᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:2

ᑍᒤᒻᒪᑦ ᐋᐴᓯᑕᓖᑦ 12 ᑲᑎᖁᔨᓕᕐᐳᑦ ᐅᒃᐱᕐᑑᖃᑎᒌᓕᒫᓂᒃ ᐅᖃᐅᑎᓪᓗᒋᑦ, “ᓈᒻᒪᓐᖏᓚᖅ ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᐃᖃᑦᑕᕈᓐᓃᕈᑦᑕ ᓂᕿᓕᕆᑐᐃᓐᓇᓕᕐᓗᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 6:5

ᐅᒃᐱᕐᑑᖃᑎᒌᓕᒫᑦ ᐋᐴᓯᑕᓖᑦ ᐅᖃᐅᓯᖏᓐᓂᒃ ᐊᑲᐅᒃᓴᓚᐅᕐᐳᑦ, ᓂᕈᐊᓚᐅᕐᐳᑦ ᓯᑎᐹᓇᓯᒥᒃ, ᐅᒃᐱᕐᓂᖃᑦᓯᐊᕐᑐᒥᒃ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᒥᒃ, ᐱᓕᑉᐴᓯᒥᒡᓗ, ᐳᕈᑯᕉᓯᒥᒡᓗ, ᓁᑲᓄᐊᕆᒥᒡᓗ, ᑍᒨᓂᒥᒡᓗ, ᐸᕐᒥᓈᓯᒥᒡᓗ, ᓂᑯᓚᓯᒥᒡᓗ, ᑖᓐᓇ ᔫᑎᓐᖑᕐᑎᑕᐅᓯᒪᔪᖅ ᐊᓐᑎᐅᑭᐊᒥᐅᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 6:6

ᑖᒃᑯᐊ ᐋᐴᓯᑕᓕᖕᓄᑦ ᐱᑎᑕᐅᕗᑦ, ᐋᐴᓯᑕᓖᑦ ᑐᒃᓯᐅᑎᕔᑦ ᐸᑎᒻᒥᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:30

ᐅᒃᐱᕐᑑᖃᑎᒌᑦ ᖃᐅᔨᒐᒥᒃ, ᓴᐅᓗᓯ ᓯᓴᕆᐊᒧᐊᕈᑎᕚᑦ, ᑖᕐᓱᓯᒧᑦ ᐊᐅᓪᓚᕐᑎᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:8

ᐃᓚᖓᓐᓄᑦ ᐊᓂᕐᓂᖅ ᑐᓂᓯᕗᖅ ᓯᓚᑐᔪᓂᒃ ᐅᖃᐅᓯᖃᕐᑎᑦᓯᓂᕐᒥᒃ; ᐊᓯᐊᓄᓪᓗ ᐊᓂᕐᓂᖅ ᑖᓐᓇᑦᓮᓐᓇᖅ ᑐᓂᓯᕗᖅ ᖃᐅᔨᒪᓂᕐᑖᕐᑎᑎᓪᓗᓂ ᐅᖃᓪᓚᒃᑎᑦᓯᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:3

ᑎᑭᒃᑯᒪᓗ, ᑎᑎᖅᑲᓂᒃ ᓇᓗᓁᕐᓯᓯᒪᔪᓂᒃ ᓇᒃᓴᕐᑎᑦᓯᔪᒫᕐᐳᖓ ᐊᖑᑎᓂᒃ ᓇᒃᓴᕐᑎᑕᐅᖁᔭᑦᓯᓐᓂᒃ, ᑐᓂᕐᕈᑎᑦᓯᓐᓂᒃ ᐋᑦᓯᓕᕐᐸᑕ ᔨᕉᓴᓕᒻᒧᑦ.

ᐃᐱᓯᒥᐅᓄᑦ 5:18

ᐋᖓᔮᕐᓂᐊᕋᓯ ᐅᐂᓂᑐᕐᓂᕐᒧᑦ, ᑕᒪᓐᓇ ᓱᒃᑯᑎᕆᑐᐃᓐᓇᕐᒪᑦ ᐃᓄᓯᑦᓯᓐᓂᒃ; ᐊᓂᕐᓂᕐᒥᒡᓕ ᐃᓗᒻᒥᕐᑕᐅᖔᓕᕆᑦᓯ.

ᒨᓯᓯ ᑕᓪᓕᒪᖏᑦ 1:13

ᓯᓚᑐᔪᓂᒃ ᓂᕈᐊᓚᐅᕆᑦᓯ, ᑐᑭᓯᒪᑦᓯᐊᕐᑐᓂᒃ, ᖃᐅᔨᒪᑦᓯᐊᕐᑐᓂᒡᓗ ᑭᖑᕚᕇᓂᑦ ᐊᑐᓂᑦ ᐱᓯᒪᔪᓂᒃ, ᑖᒃᑯᐊᓗ ᐊᖓᔪᖅᑳᓐᖑᕐᑎᓐᓂᐊᕐᐸᒃᑲ ᐃᓕᑦᓯᓐᓄᑦ.’

ᑎᒧᑎᒧᑦ ᓯᕗᓪᓖᑦ 5:10

ᐱᓇᓱᐊᑦᓯᐊᖃᑦᑕᕐᓯᒪᓗᓂ ᐅᖃᐅᓯᐅᑦᓯᐊᖃᑦᑕᓗᓂ; ᕿᑐᕐᖓᒥᓂᒃ ᐱᕈᕐᓮᑦᓯᐊᕐᓯᒪᓗᓂ, ᑐᓐᖓᒋᔭᐅᓗᓂ, ᐃᑦᔪᕐᓁᑦᑐᓪᓗ ᐃᑎᒐᖏᓐᓂᒃ ᐅᐊᓴᖃᑦᑕᕐᓗᓂ, ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓗᓂ, ᐱᐅᔪᒥᒡᓗ ᐱᓇᓱᐊᖃᑦᑕᕐᓗᓂ ᓱᓇᓕᒫᓂᒃ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔪᐊᓇᓯᐅᑉ ᐱᖓᔪᖏᑦ 1:12

ᑎᒥᑐᕆᐊᓯ ᑕᒤᓐᓄᑦ ᐱᑦᓯᐊᕐᓂᕋᕐᑕᐅᓪᓗᓂ ᐅᓐᓂᕐᓯᐅᑕᐅᕗᖅ, ᓱᓕᔫᓪᓗ ᓇᖕᒥᓂᖅ ᐅᓐᓂᕐᓯᐅᑎᒋᓯᒪᒋᕚ; ᐅᕙᖓᑦᑕᐅᖅ ᑖᑦᓱᒥᖓ ᐱᑦᓯᐊᕐᓂᕅᔪᓄᑦ ᐃᑲᔪᕐᑐᐃᖃᑕᐅᒋᕗᖓ, ᖃᐅᔨᒪᕗᓯᓗ ᓇᓗᓁᕐᓯᓂᕆᔭᕗᑦ ᑕᒪᓐᓇ ᓱᓕᖕᒪᑦ.