ᐋᐴᓯᑕᓖᑦ ᐱᓂᐊᕐᓂᖏᑦ 6:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑐᓴᓚᐅᕐᐸᕗᑦ ᐅᖃᕐᑎᓪᓗᒍ, ᑖᓐᓇᒎᖅ ᔩᓱᓯ ᓈᓴᕇᑎᒥᐅᖅ ᐆᒥᖓ ᑐᒃᓯᐊᕐᕕᒡᔪᐊᕐᒥᒃ ᐊᓯᕈᐃᓂᐊᕐᒪᑦ, ᐃᓕᖅᑯᓯᕗᑦ ᐊᓯᑦᔨᕐᓗᓂᒋᑦ ᒨᓯᓯᒥᑦ ᐱᓯᒪᔭᕗᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 6:14 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 65:15

ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 26:12

ᔨᕆᒤᐊᐅᑉ ᐊᖓᔪᖅᑳᑦ ᐃᓄᐃᓪᓗ ᐅᖃᐅᑎᓕᕐᐰᑦ, “ᐊᑕᓂᐅᑉ ᐅᖃᕆᐊᕐᑐᖁᓚᐅᕐᒪᖓ ᑐᒃᓯᐊᕐᕕᒃᔪᐊᑉ ᓄᓇᓖᓪᓗ ᐊᓯᕈᕐᑕᐅᓂᒃᓴᖏᑦ ᐅᖃᐅᓯᕆᖁᓪᓗᓂᒋᑦ ᐅᖃᐅᓰᑦ ᑐᓴᕐᑕᓯ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 26:18

“ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ, ᒤᑲ ᒧᕆᓯᑎᒥᐅᖅ ᓇᓚᐅᑦᑍᓚᐅᕐᐳᖅ ᐅᖃᕐᓗᓂᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓮᐅᓂ ᐱᕈᕐᓰᕕᒃᑎᑐᑦ ᐋᖅᑭᒃᓱᕐᑕᐅᔪᒫᕐᐳᖅ; ᔨᕉᓴᓕᒻᓗ ᐅᔭᕋᓛᖑᓂᕐᑎᑐᑦ ᖃᑦᑎᒃᓯᓯᒪᓗᓂ, ᑐᒃᓯᐊᕐᕕᒡᔪᐊᓪᓗ ᐃᓂᒋᔭᖓ ᐃᕕᒃᓱᒐᕐᓄᑦ ᐱᕈᕐᕕᐅᓯᒪᓗᓂ ᓂᐊᖁᑦᑕᕕᓂᑐᐃᓐᓇᐅᓕᕈᒫᕐᐳᖅ.’

ᑖᓂᐊᓕᐅᑉ ᐊᒡᓚᖏᑦ 9:26

ᓇᓪᓕᐅᓐᓃᑦ 62 7ᐃᕐᑐᕐᓯᒪᔪᑦ ᐊᓂᒍᕐᐸᑕ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᑐᖁᑕᐅᔪᒫᕐᐳᖅ ᐃᒻᒥᓂᒃ ᐱᑦᔪᑎᒋᓇᓂ: ᐊᖓᔪᖅᑳᕐᓗ ᑎᑭᑦᓱᒫᕐᐳᖅ ᐃᒡᓗᒐᓮᑦ ᓱᕋᒃᑎᕐᓗᒋᑦ ᐃᑦᔪᕐᓁᑦᑐᕕᒡᓗ. ᐃᓱᐊ ᑕᕝᕙ ᓇᓪᓕᐅᑎᔪᒫᕐᐳᖅ ᓄᓇᑐᑦ ᖄᒥᑦᑐᒥᑦ ᑎᑭᑕᐅᔪᑐᑦ; ᐅᓇᑕᕐᓂᕐᓗ ᑲᔪᓰᓐᓇᕈᒫᕐᐳᖅ ᐃᓱᐊᓄᑦ, ᑲᑉᐱᐊᓇᕐᑐᑦ ᐊᑐᕈᒫᕐᓂᖏᑦ ᐋᖅᑭᒃᑕᐅᔭᕇᕐᒪᑕ.

ᕼᐆᓯᐊᑉ ᐊᒡᓚᖏᑦ 3:4

ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᓴᑲᕅᐊᐅᑉ ᐊᒡᓚᖏᑦ 11:1

ᐅᒃᑯᐊᑎᑦ ᒪᑐᐃᒃᑭᑦ ᓕᐸᓇᓃ, ᓇᐹᕐᑐᖁᑎᑎᑦ ᑐᑭᓕᐊᕐᑐᑦ ᓰᑕᕇᑦ ᐃᑯᒪᒧᑦ ᓄᖑᑕᐅᖁᓪᓗᒋᑦ!

ᓴᑲᕅᐊᐅᑉ ᐊᒡᓚᖏᑦ 14:2

ᐃᓅᖃᑎᒌᒡᔪᐊᑦ ᑲᑎᑎᑦᓱᒫᕐᐸᒃᑲ ᐅᓇᑕᕆᐊᕐᑐᖁᓗᒋᑦ ᔨᕉᓴᓕᒥᒃ; ᓄᓇᓖᑦ ᓵᓚᒋᔭᐅᔪᒫᕐᐳᑦ, ᐃᒡᓗᐃᑦ ᐱᖁᑎᖏᑦ ᓱᕋᑦᑎᔭᐅᓗᑎᒃ ᑎᒡᓕᒐᕐᕕᐅᓗᑎᒡᓗ, ᐊᕐᓁᓪᓗ ᖁᓄᔪᕐᓂᐊᕐᑕᐅᓗᑎᒃ. ᓄᓇᓖᑦ ᐊᕝᕙᓪᓗᐊᖏᑦ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᐃᓚᖏᓪᓕ ᐊᒥᐊᒃᑯᑦ ᐃᒡᓗᒐᓴᒡᔪᐊᕐᓃᖏᓐᓇᕈᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 26:61

ᐅᖃᕐᓗᑎᒃ, “ᐅᓇ ᐊᖑᑦ ᐅᖃᓚᐅᕐᑐᖅ, ‘ᒎᑎᐅᑉ ᑐᒃᓯᐊᕐᕕᒃᔪᐊᖁᑎᖓ ᓯᖁᒥᑦᓱᓐᓇᕐᐸᕋ, ᐅᓪᓗᐃᓪᓕ ᐱᖓᔪᐊᓐᓂ ᐅᑎᕐᑎᓪᓗᒍ ᓇᑉᐸᕐᑎᑦᓱᓐᓇᕆᕙᕋ.’”

ᒫᑯᓯᐅᑉ ᐊᒡᓚᖏᑦ 14:58

“ᐅᓇ ᐅᖃᕐᑎᓪᓗᒍ ᑐᓴᓚᐅᕐᑕᕗᑦ, ‘ᑐᒃᓯᐊᕐᕕᒡᔪᐊᖅ ᓯᖁᒥᒍᒪᕙᕋ ᐊᒡᒐᓄᑦ ᓴᓇᔭᐅᓯᒪᔪᖅ, ᐅᓪᓗᐃᑦ ᐱᖓᓱᑦ ᓈᒃᐸᑕ ᐊᓯᐊᓂᒃ ᓴᓇᓂᐊᕆᕗᖓ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ.’”

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᓘᑲᓯᐅᑉ ᐊᒡᓚᖏᑦ 21:6

“ᑕᑯᔭᓯ ᑕᒪᒃᑯᐊ, ᐅᓪᓗᓂ ᓇᓪᓕᐅᑎᔪᒫᕐᑐᓂ ᐅᔭᕋᓕᒫᑦᓯᐊᑦ ᐊᑕᐅᓯᕐᒥᒡᓘᓐᓃᑦ ᐃᓂᒋᔭᒥᓂ ᐃᓕᓯᒪᔪᖃᕈᓐᓃᕈᒫᕐᐳᑦ ᐅᕐᕉᑎᑕᐅᔪᒫᕐᒪᑕ.”

ᔪᐊᓇᓯᐅᑉ ᐊᒡᓚᖏᑦ 2:19

ᔩᓱᓯᐅᑦ ᑭᐅᕔᑦ, “ᐅᓇ ᑐᒃᓯᐊᕐᕕᒡᔪᐊᖅ ᐊᓯᕈᕈᑦᓯᐅᒃ, ᐅᓪᓗᓂᒡᓗ ᐱᖓᓱᓂᒃ ᓇᑉᐸᕐᑎᑦᑐᒫᕐᐸᕋ.”

ᔪᐊᓇᓯᐅᑉ ᐊᒡᓚᖏᑦ 4:21

ᔩᓱᓯᐅᑉ ᐅᖃᐅᑎᕚ, “ᐊᕐᓈᖅ ᐅᒃᐱᕆᓐᖓ, ᓇᓪᓕᐅᑎᔪᒫᕐᐳᖅ ᐃᓄᐃᑦ ᑕᕝᕙᓂ ᖃᖅᑲᒥ ᔨᕉᓴᓕᒻᒥᓘᓐᓃᑦ ᐊᑖᑕᒧᑦ ᑐᒃᓯᐊᖃᑦᑕᕈᓐᓃᕐᕕᒃᓴᖓᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:1

ᐊᖑᑏᑦ ᐃᓚᖏᑦ ᑎᑭᓚᐅᕐᐳᑦ ᔫᑎᐊᒥᑦ ᐊᔪᕆᕐᑐᐃᓕᕐᓗᑎᒃ ᐅᒃᐱᕐᑑᖃᑎᒌᓂᒃ ᐃᒫᒃ, “ᑭᐱᔭᐅᖏᒃᑯᑦᓯ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᐱᐅᓕᔭᐅᔪᓐᓇᓐᖏᓚᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 21:21

ᑐᓴᕐᑎᑕᐅᓯᒪᓕᕐᐳᒍᑦ ᔫᑎᑦ ᔫᑎᐅᖏᑦᑐᓃᑦᑐᑦ ᐊᔪᕆᕐᑐᖃᑦᑕᕋᕕᒋᑦ ᒨᓯᓯᐅᑉ ᐱᖁᔭᖏᓐᓂᒃ ᒪᓕᖁᓇᒋᑦ, ᕿᑐᕐᖓᒥᖕᓂᒡᓗ ᑭᐱᓯᖁᓇᒋᑦ, ᔫᑎᓪᓗ ᐃᓕᖅᑯᓯᑐᖃᖏᓐᓂᒃ ᐊᑐᖁᖏᓐᓇᕕᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 25:8

ᐸᐅᓗᓯ ᐃᒻᒥᓂᒃ ᓴᐳᓐᓂᐊᕐᓗᓂ ᐅᖃᕐᐳᖅ, “ᓱᕅᓚᐅᓐᖏᓚᖓ ᔫᑎᑦ ᐱᖁᔭᖏᓐᓂᒃ, ᑐᒃᓯᐊᕐᕕᒡᔪᐊᓪᓗ ᐱᖁᔭᖏᓐᓂᒃ, ᓰᓴᕆᐅᑉ ᐱᖁᔭᖏᓐᓂᒡᓘᓐᓃᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:3

ᐱᓗᐊᕐᑐᒥᒃ ᔫᑎᑦ ᐃᓕᖅᑯᓯᖏᑦ ᖃᐅᔨᒪᑦᓯᐊᕋᕕᒋᑦ ᐃᓱᒪᒋᔭᖏᓪᓗ; ᑍᒤᒻᒪᑦ ᐅᖃᕐᑎᓪᓗᖓ ᐅᑕᖅᑭᑦᓯᐊᕐᓗᑎᑦ ᓈᓚᒃᑕᐅᔪᒪᒐᓗᐊᕐᐳᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 28:17

ᐅᓪᓗᐃᑦ ᐱᖓᓱᑦ ᐊᓂᒍᕐᒪᑕ ᐸᐅᓗᓯᐅᑉ ᔫᑎᑦ ᓯᕗᓕᕐᑎᖏᑦ ᑲᑎᖁᓕᕐᐰᑦ; ᑲᑎᒪᓕᕐᒪᑕ ᐅᖃᐅᑎᕔᑦ, “ᔫᑎᐅᖃᑎᒃᑳ, ᐃᓅᖃᑎᑦᑎᓐᓄᑦ ᐊᑭᕋᕐᑐᕐᓂᕐᒥᒃ ᐊᑐᓚᐅᕐᑎᓐᓇᖓ ᐃᓕᖅᑯᓯᑦᑎᓐᓄᓪᓘᓐᓃᑦ ᓯᕗᓕᕕᓂᑦᑎᓐᓄᓪᓘᓐᓃᑦ, ᔨᕉᓴᓕᒻᒥ ᑎᒍᔭᐅᓚᐅᕐᐳᖓ, ᕉᒪᒥᐅᓄᑦ ᑐᓂᔭᐅᓪᓗᖓ.

ᒐᓔᑎᐊᒥᐅᓄᑦ 3:19

ᓱᖕᒪᓪᓕ ᐱᖁᔭᕐᑕᖃᕐᐸ? ᑖᒃᑯᐊᓕ ᐃᓚᓕᐅᑦᔭᐅᓯᒪᕗᑦ ᐱᐅᖏᑦᑐᓕᓂᖅ ᖃᐅᔨᒪᔭᐅᖁᓪᓗᒍ, ᑐᓂᑦᔪᑕᐅᓯᒪᓂᖏᑦ ᐊᑑᑎᒃᓴᖃᓚᐅᕐᐳᑦ ᐂᑉᕋᕼᐋᒻ ᑭᖑᕚᒃᓴᖓ ᑎᑭᖏᓐᓂᖓᓂ ᑖᑦᓱᒧᖓ ᐊᖏᕈᑕᐅᓯᒪᔪᖅ ᑐᕌᖓᖕᒪᑦ; ᐱᖁᔧᑦ ᑐᓂᔭᐅᓚᐅᕐᐳᑦ ᐂᖏᓕᒃᑯᑦ ᐃᓄᒃ ᐊᖅᑯᓯᐅᑎᔭᐅᓪᓗᓂ ᑐᓂᔭᐅᓪᓗᑎᒃ.

ᒐᓔᑎᐊᒥᐅᓄᑦ 3:23

ᐅᒃᐱᕐᓂᒃᑯᓪᓕ ᑲᔪᓯᓂᖅ ᐊᑐᓕᓚᐅᕐᑎᓐᓇᒍ, ᐱᖁᔭᓄᑦ ᑎᒍᔭᐅᓯᒪᔪᑎᑐᑦ ᐊᔪᓕᕐᑎᑕᐅᓯᒪᓚᐅᕐᐳᒍᑦ, ᐅᒃᐱᕐᓂᒃᑰᕆᐊᖃᕐᓂᐅᑉ ᓴᖅᑭᑎᑕᐅᕕᐊ ᑎᑭᓪᓗᒍ.