ᐋᐴᓯᑕᓖᑦ ᐱᓂᐊᕐᓂᖏᑦ 6:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᖑᑎᑦ ᖃᐅᔨᔭᐅᑦᑍᓕᓪᓗᑎᒃ, ᐊᑭᓖᕗᑦ ᐊᖑᑎᓂᒃ ᓴᒡᓗᖁᔨᓪᓗᑎᒃ ᐃᒫᒃ ᐅᖃᖁᓪᓗᒋᑦ, “ᐅᓇ ᑐᓴᓚᐅᕐᑕᕗᑦ ᐅᖃᕐᓂᕐᓘᑎᖃᕐᑎᓪᓗᒍ ᒨᓯᓯᒥᒃ ᒎᑎᒥᒡᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 6:11 Iomraidhean Croise

ᒨᓯᓯ ᐂᑉᐸᖏᑦ 23:1

“ᓱᓕᖏᑦᑐᒥᒃ ᐅᖃᐅᓯᖃᕐᓗᓯ ᐃᓅᖃᑎᑦᓯᓐᓄᑦ ᓯᐊᒻᒪᕐᑎᑦᓯᔪᒃᓴᐅᓐᖏᓚᓯ, ᐸᓯᔭᒃᓴᐅᔪᒥᒡᓗ ᐃᑲᔪᕐᑐᕐᑐᒃᓴᐅᓐᖏᓚᓯ, ᓱᓕᖏᑦᑐᒥᒃ ᖃᐅᔨᓯᒪᓂᕋᕐᓂᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 26:11

ᑐᓂᕐᕈᓯᕐᑎᑦᓯᔩᓪᓗ, ᓇᓚᐅᑦᑍᔪᓪᓗ, ᐊᖓᔪᖅᑳᓄᑦ ᐃᓄᖕᓄᓪᓗ ᐅᖃᕐᐳᑦ, “ᐅᓇ ᐊᖑᑦ ᑐᖁᑕᒃᓴᓐᖑᕐᑐᒃᓴᐅᕗᖅ, ᓄᓇᓕᖁᑎᕗᑦ ᐊᓯᕈᕐᑕᐅᓂᐊᕐᓂᕋᕐᓗᒋᑦ ᐅᖃᐅᓯᖃᕐᒪᑦ, ᓇᖕᒥᓂᕐᓗ ᐅᖃᐅᓯᕆᔭᖏᑦ ᑐᓴᕐᐸᓯ.”

ᔨᕆᒤᐊᐅᑉ ᐊᒡᓚᖏᑦ 37:13

ᑭᓯᐊᓂᓕ ᐱᓐᔭᒥᓂᒥᒃ ᐊᑎᖃᕐᑐᒃᑯᑦ ᐃᑎᕐᑕᕐᕕᒃᑯᑦ ᐊᓂᔭᕐᑐᓕᕐᑎᓪᓗᒍ, ᐅᓇᑕᕐᑏᑦ ᖃᐅᔨᓴᕐᑎᐅᔪᑦ ᐊᖓᔪᖅᑳᖓᑦᑕ ᐂᕅᐊᐅᑉ ᓯᓕᒤᐊᐅᑉ ᐃᕐᓂᖓᑕ, ᕼᐊᓇᓁᐊᐅᑉ ᑭᖑᕚᖓᑕ ᔨᕆᒤᐊ ᑎᒍᕚ, ᐅᖃᐅᑎᓪᓗᒍᓗ, “ᑲᐅᓪᑎᐊᒥᐅᓄᑦ ᕿᒫᓇᓱᐊᕐᐳᑎᑦ!”

ᒨᓯᓯ ᐱᖓᔪᖏᑦ 24:16

ᓇᓪᓕᐊᑦ ᐊᑕᓂᐅᑉ ᐊᑎᖓᓂᒃ ᐅᖃᕐᓂᕐᓘᑎᖃᕐᑐᖅ ᑐᖁᑕᒃᓴᐅᕗᖅ ᓄᓇᖃᑎᒌᓪᓗ ᐅᔭᖅᑲᓄᑦ ᒥᓪᓗᕐᑕᒃᓴᕆᕚᑦ. ᐃᓴᕆᐊᓕᒥᐅᖑᒃᐸᓪᓘᓐᓃᑦ ᐃᓴᕆᐊᓕᒥᐅᖑᖏᑉᐸᓪᓘᓐᓃᑦ, ᐊᑕᓂᐅᑉ ᐊᑎᖓᓂᒃ ᐅᖃᕐᓂᕐᓘᑎᖃᕐᐸᑦ ᑐᖁᑕᒃᓴᐅᕗᖅ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᔪᐊᓇᓯᐅᑉ ᐊᒡᓚᖏᑦ 16:3

ᑍᒤᓕᐅᕐᕕᐅᔪᒫᕐᐳᓯ ᐊᑖᑕᒐᓗ ᐅᕙᒍᒃ ᖃᐅᔨᒪᖏᓐᓇᒥᑎᒃᑯᒃ.

ᔪᐊᓇᓯᐅᑉ ᐊᒡᓚᖏᑦ 9:29

ᖃᐅᔨᒪᕗᒍᑦ ᒎᑎᐅᑉ ᒨᓯᓯ ᐅᖃᖃᑎᒋᖃᑦᑕᓚᐅᕐᒪᒍ, ᑍᓐᓇᓕ ᐊᖑᑦ, ᖃᐅᔨᒪᓐᖏᓚᕗᑦ ᓇᑭᑦ ᐱᓯᒪᖕᒪᖔᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:21

ᑍᑲᓐᖓᑦ ᐱᒋᐊᓕᕋᑖᕐᓂᖓᓂᑦ ᓄᓇᓕᓕᒫᓂ ᒨᓯᓯᐅᑉ ᐱᖁᔭᖏᑦ ᐊᔪᕆᕐᑐᐃᑦᔪᑕᐅᒪᑕ ᓴᐸᑎᑕᒫᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 18:6

ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 21:28

ᕾᒐᓛᓕᕐᐳᑦ, “ᐃᓴᕆᐊᓕᒥᐅᑕᐅᔪᓯ ᐃᑲᔪᕐᑎᒍᑦ! ᐅᒫ ᐃᓄᐃᑦ ᓇᓂᑐᐃᓐᓇᖅ ᓄᓇᖃᕐᑐᑦ ᐊᔪᕆᕐᑐᖃᑦᑕᕐᒪᒋᑦ ᐃᓅᖃᑎᕗᓪᓗ ᐱᖁᔭᓂᒃ ᑐᒃᓯᐊᕐᕕᒡᔪᐊᒥᒡᓗ ᒪᓕᖁᓇᒋᑦ, ᒫᓐᓇ ᒍᕇᑭᓂᒃ ᐊᒡᓛᑦ ᑐᒃᓯᐊᕐᕕᒡᔪᐊᕐᒧᑦ ᐃᑎᕐᑎᑦᓯᓯᒪᓕᕐᐳᖅ ᐃᑦᔪᕐᓁᑦᑐᒥᒃ ᓇᕐᕈᓇᕐᓯᑎᑦᓯᓪᓗᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 25:3

ᕕᓯᑕᓯ ᐊᔪᐃᓐᓈᕆᓪᓗᒍ ᐱᖁᓇᓱᐊᕐᐹᑦ ᐊᖏᕐᑕᐅᔪᒪᓪᓗᑎᒃ ᐸᐅᓗᓯ ᔨᕉᓴᓕᒻᒧᐊᕈᑎᔭᐅᖁᓪᓗᒍ, ᑕᕝᕗᓐᖓᐅᑦᔭᐅᓕᕐᐸᑦ ᐅᐸᓗᖕᒊᕐᓯᒪᒐᒥᒃ ᐊᖅᑯᑖᓂ ᑐᖁᑦᓱᒪᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 25:7

ᐸᐅᓗᓯ ᑕᕝᕗᓐᖓᕐᒪᑦ ᔫᑎᑦ ᔨᕉᓴᓕᒻᒥᑦ ᐱᓯᒪᔪᑦ ᐊᕙᑖᓂ ᓇᖏᕐᐳᑦ, ᐊᒥᓱᓂᒃ ᐱᓪᓚᕆᐊᓗᖕᓂᒃ ᐸᓯᔭᐅᑦᔪᑎᖏᓐᓂᒃ ᓴᖅᑭᑎᑦᓯᕗᑦ, ᓇᖕᒥᓂᕐᓘᓐᓃᑦ ᓱᓕᓂᖏᓐᓂᒃ ᓇᓗᓁᕈᓐᓇᓐᖏᑕᒥᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 26:11

ᐅᓄᕐᑐᐃᕐᓱᕐᖢᖓ ᓱᒋᐊᕐᑕᐅᑎᖃᑦᑕᓚᐅᕐᐸᒃᑲ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᔩᓱᓯᒥᒃ ᐅᒃᐱᕆᔭᖃᕈᓐᓃᖁᓪᓗᒋᑦ ᐅᖃᕐᑎᓐᓇᓱᖃᑦᑕᓚᐅᕐᐸᒃᑲ; ᐊᖏᔪᒥᒃ ᓂᓐᖓᐅᑎᓯᒪᒐᒃᑭᑦ ᐊᑭᕋᕐᑐᕐᓂᕐᒧᑦ ᐊᒡᓛᑦ ᓄᓇᓖᑦ ᐊᓯᖏᓐᓄᑦ ᐅᖓᓯᒃᑐᓄᑦ ᕿᓂᖃᑦᑕᓚᐅᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 6:10

ᓯᑎᐹᓇᓯ ᓯᓚᑐᓂᖃᕐᑎᑕᐅᓂᖓᓄᑦ ᐊᓂᕐᓂᕐᒧᑦ ᐅᖃᐅᑎᒋᔭᖏᑦ ᑭᐅᒪᔪᓐᓇᓚᐅᓐᖏᓛᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:12

ᑍᒤᓕᖕᒪᑕ ᐅᐃᒪᔮᕐᑎᑦᓯᓕᕐᐳᑦ ᐃᓄᖕᓂᒃ ᔫᑎᓪᓗ ᐊᖓᔪᖅᑳᖏᓐᓂᒃ ᐱᖁᔭᓂᒡᓗ ᐃᓕᓮᔨᓂᒃ, ᑖᒃᑯᐊ ᓯᑎᐹᓇᓯ ᑎᒍᕚᑦ ᑲᑎᒪᔨᕐᔪᐊᓄᓪᓗ ᐋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 6:13

ᑎᒍᔭᐅᑎᑦᓯᔪᑦ ᑲᑎᒪᔨᕐᔪᐊᓄᐊᕐᑎᑦᓯᕗᑦ ᐊᖑᑎᓂᒃ ᓯᑎᐹᓇᓯᒥᒃ ᓴᒡᓗᑎᖃᕐᓂᐊᕐᑐᓂᒃ, ᐅᖃᕐᓗᑎᒃ, “ᐅᓇ ᐊᖑᑦ ᐊᑭᕋᕐᑐᕐᓗᓂ ᑐᒃᓯᐊᕐᕕᒡᔪᐊᑦᑎᓐᓂᒃ ᐃᑦᔪᕐᓁᑦᑐᒥᒃ ᒨᓯᓯᐅᓪᓗ ᐱᖁᔭᖏᓐᓂᒃ ᐅᖃᐅᓯᖃᖃᑦᑕᕐᑐᖅ;

ᕉᒪᒥᐅᓄᑦ 3:8

ᓱᖕᒪᓪᓕ ᐅᖃᓐᖏᓚᒍᑦ, ᓱᓕᖏᑦᑐᒥᒃ ᐅᖃᕐᓂᕐᓘᑕᐅᑎᓪᓗᑕ, ᐃᓚᖏᓐᓂᓪᓗ ᐅᖃᕐᓂᕋᕐᑕᐅᒐᑦᑕ, “ᐊᔪᕐᑐᓕᓚᐅᕐᑕ ᐱᐅᔪᖅ ᓴᖅᑭᖁᓪᓗᒍ?” ᑍᒤᓕᔪᑦ ᐃᒋᑕᐅᑦᔪᑎᒃᓴᖓᑦ ᓈᒻᒪᓈᕐᐳᖅ.

ᑎᒧᑎᒧᑦ ᓯᕗᓪᓖᑦ 1:13

ᓯᕗᕐᖓᒍᑦ ᐅᖃᕐᓂᕐᓘᑎᖃᕐᐸᓚᐅᕐᑎᓪᓗᖓ ᑖᑦᓱᒥᖓ, ᐊᑭᕋᕐᑐᕐᑎᐅᓪᓗᖓ, ᐃᓴᒍᓱᖃᕐᓇᖓᓗ. ᒎᑎᐅᓪᓕ ᓂᑲᒋᓚᐅᕐᐹᖓ ᑍᑦᓱᒪᓂ ᐅᒃᐱᕐᓂᖃᓚᐅᖏᓐᓇᒪ ᖃᓄᐃᓕᐅᕐᓂᒃᑲᓗ ᖃᐅᔨᒪᓚᐅᕐᓇᒋᑦ.