ᐋᐴᓯᑕᓖᑦ ᐱᓂᐊᕐᓂᖏᑦ 5:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐲᑦᑐᕉᓯᐅᑉ ᐅᖃᐅᑎᕚ, “ᓲᖅ ᐅᐃᓪᓗ ᐊᖏᖃᑎᒌᒃᓯᒪᕕᓰᒃ ᐊᑕᓂᐅᑉ ᐊᓂᕐᓂᖓ ᐆᒃᑐᕈᒪᓪᓗᒎ? ᑕᑯᒋᑦ, ᐊᖑᑏᑦ ᐅᐃᖕᓂᒃ ᐃᓗᕕᕐᓯᖅᑲᐅᔪᑦ ᐃᑎᓕᕐᐳᑦ, ᑖᒃᑯᓇᓐᖓᑦ ᐊᒡᔭᕐᑕᐅᓗᑎᑦ ᐊᓐᓂᓯᔭᐅᓂᐊᕆᕗᑎᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:9 Iomraidhean Croise

ᒨᓯᓯ ᓯᕗᓪᓖᑦ 20:13

ᒎᑎᐅᓪᓕ ᐊᑖᑕᒪ ᓇᔪᕐᑕᖓᓂᑦ ᑎᓕᓕᕐᒪᖓ ᓄᓇᒧᑦ ᓄᓇᒋᓐᖏᑕᓐᓄᑦ, ᐊᕐᓇᖅ ᐅᖃᐅᑎᓚᐅᕐᐸᕋ, ‘ᐅᕙᓐᓂᒃ ᐱᑦᓯᐊᖁᕙᒋᑦ ᐃᒫᒃ: ᓄᓇᓕᖕᓄᑦ ᑕᒤᓐᓄᑦ ᐅᐸᒃᑕᑦᑎᓐᓄᑦ ᐅᕙᓐᓂᒃ ᐊᓂᖃᕐᓂᕋᖃᑦᑕᖁᕙᒋᑦ.’”

ᐊᑕᓃᑦ ᐂᑉᐸᖏᑦ 6:32

ᐃᓔᓴᓕ ᐊᖏᕐᕋᕐᓯᒪᕗᖅ ᐃᒡᓗᒥᓂ, ᐃᓄᐃᑦ ᐊᖓᔪᖅᑳᖏᓐᓂᒃ ᐃᓚᖃᕐᓗᓂ, ᐊᖓᔪᖅᑳᕐᔪᐊᖅ ᐃᒡᓗᖓᓄᑦ ᑎᑭᖏᓐᓂᕐᒥᓂ ᑎᓕᓯᕗᖅ ᐅᖃᐅᑦᔨᔭᕐᑐᕐᑐᒥᒃ ᐃᓔᓴᒥᒃ, ᓱᓕ ᑎᑭᓚᐅᕐᑎᓐᓇᒋᑦ ᐃᓔᓴᐅᑉ ᐊᖓᔪᖅᑳᑦ ᐃᒃᓯᕙᖃᑎᓂ ᐅᖃᕐᕕᒋᕔᑦ, “ᑕᑯᓐᖏᓚᓰ ᑍᓐᓇ ᐃᓄᐊᕐᑎ ᑎᓕᓯᒻᒪᕆᓕᕐᒥᔪᖅ ᓂᐊᖁᐃᕐᑕᐅᖁᓪᓗᓂᖓ? ᑍᒃᑯᐊ ᑎᓕᔭᖏᑦ ᑎᑭᐅᑎᒃᐸᑕ ᐅᒃᑯᐊᖅ ᐅᒃᑯᐊᕐᓗᒍ ᓇᔪᒻᒥᓂᐊᕐᐸᓯ ᐅᒃᑯᐃᕐᑕᐅᑦᑍᓕᑎᓪᓗᒍ, ᐊᖓᔪᖅᑳᖓᑦ ᑭᖑᓂᖓᓐᓂ ᒪᓕᒡᕙᓗᖓ ᑐᓴᕐᓴᐅᖕᒪᑦ.”

ᐃᓐᖏᕈᑎᑦ 50:18

ᑎᒡᓕᑐᔪᒥᒃ ᑕᑯᒐᑦᓯ ᐊᖏᖃᑎᒋᓚᐅᕐᐸᓯ, ᓄᓕᐊᕇᖕᓂᕐᒥᒡᓗ ᐊᓯᕈᐃᔪᓂ ᑍᒤᓕᐅᖃᑕᐅᓯᒪᕗᓯ.

ᐃᓐᖏᕈᑎᑦ 78:56

ᓱᓕᓕ ᐆᒃᑐᕋᓚᐅᕐᐳᑦ ᓂᓐᖓᒃᓴᕐᓗᒍᓗ ᒎᑎ ᖁᑦᓯᖕᓂᕐᐹᖑᔪᖅ, ᐱᖁᔭᖏᓪᓗ ᒪᓕᓚᐅᓐᖏᓔᑦ.

ᒨᓯᓯ ᐂᑉᐸᖏᑦ 17:2

ᒨᓯᓯᒧᓪᓗ ᓈᒻᒪᒃᓴᖏᑦᔪᑎᒥᖕᓂᒃ ᐅᖃᕆᐊᕐᑐᕐᐳᑦ ᐅᖃᕐᓗᑎᒡᓗ, “ᐃᒥᒐᒃᓴᑦᑎᓐᓂᒃ ᑐᓂᓯᕕᒋᓚᐅᕐᑎᒍᑦ.” ᒨᓯᓯᐅᓪᓗ ᑭᐅᕔᑦ, “ᓱᖕᒪᑦ ᓈᒻᒪᒃᓴᓐᖏᓚᓰ? ᓱᖕᒪᑦ ᐊᑕᓂᖅ ᐆᒃᑐᕐᐱᓯᐅᒃ?”

ᒨᓯᓯ ᐂᑉᐸᖏᑦ 17:7

ᑖᓐᓇᓗ ᐊᑦᓯᕐᑕᐅᕗᖅ ᒫᓴᒥᒃ ᒥᕆᐸᒥᒡᓗ. ᐃᓴᕆᐊᓕᒥᐅᑦ ᓈᒻᒪᒃᓴᓚᐅᖏᒻᒪᑕ, ᐊᑕᓂᕐᓗ ᐆᒃᑐᓚᐅᕐᒪᑦᔪᒃ ᐅᖃᕐᓗᑎᒃ, “ᐊᑕᓂᐅᑉ ᐃᓚᒋᕚᑎᒎᑦ? ᐃᓚᖏᓐᖏᓛᑎᒍᓪᓘᓐᓃᑦ?”

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:21

ᖃᐅᔨᒪᓕᕆᑦ, ᐱᐅᖏᑦᑐᑦ ᓱᒋᐊᕐᑕᐅᓐᖏᓮᓐᓇᕐᓂᐊᓐᖏᓚᑦ, ᐃᓱᐊᕐᑐᓪᓕ ᐱᓂᐊᕐᓯᒪᔭᒥᖕᓄᑦ ᐊᓐᓇᒃᑎᑕᐅᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:5

ᐱᐅᔪᕆᔪᓕᒫᑦ ᐊᑕᓂᕐᒧᑦ ᓇᕐᕈᓇᕐᐳᑦ, ᖃᐅᔨᒪᓕᕆᑦ ᐊᑕᓂᐅᑉ ᓱᒋᐊᓐᖏᓮᓐᓇᕐᓂᐊᓐᖏᓔᑦ.

ᒤᑲᐅᑉ ᐊᒡᓚᖏᑦ 7:3

ᐱᓇᓱᐊᕐᐳᑦ ᐱᐅᖏᑦᑐᓂᒃ ᐊᒡᒐᒥᖕᓄᑦ; ᐊᐅᓚᑦᓯᔨᐅᔪᑦ ᑐᓐᓂᕐᓴᕐᑕᐅᔪᒪᑐᐃᓐᓇᕐᐳᑦ, ᐃᖅᑲᕐᑐᐃᔩᓪᓗ ᐱᓕᕆᖃᑦᑕᕐᐳᑦ ᐊᑭᓕᕐᑕᐅᓂᒃᑯᑦ ᐃᓅᑉ ᐱᔪᒪᔭᖓᓂᒃ, ᐱᔪᓐᓇᕐᓂᓖᑦ ᐱᔪᒪᔭᑎᒃ ᐊᖓᔪᖅᑲᐅᓯᕈᑎᒋᕔᑦ; ᑲᑐᑦᔨᓪᓗᑎᒡᓗ ᓯᓔᕐᕆᒃᓯᕗᑦ.

ᒨᓯᓯ ᓯᑕᒪᖏᑦ 14:22

ᐊᖑᑎᑦ ᐅᑯᐊ ᑕᑯᓯᒪᖕᒪᑕ ᐱᓐᓇᕐᓇᕐᓂᓐᓂᒃ ᓇᓗᓁᒃᑯᑕᓂᒡᓗ ᑲᒪᓇᕐᑐᓂᒃ ᐱᓂᐊᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥ ᐃᓄᖃᖏᑦᑐᒥᓗ, ᐆᒃᑐᕐᒪᖓᓗ ᒫᓐᓇ ᖁᓕᕕᒡᓗᑎᒃ ᓂᐱᓐᓂᒡᓗ ᓈᓚᓚᐅᕋᑎᒃ,

ᒫᑎᐅᓯᐅᑉ ᐊᒡᓚᖏᑦ 4:7

ᔩᓱᓯᐅᑉ ᑭᐅᕚ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᒋᕗᖅ, ‘ᐊᑕᓂᕐᒥᒃ ᒎᑎᖕᓂᒃ ᐆᒃᑐᕐᓗᒍ ᐱᔪᒥᓵᕆᔪᒃᓴᐅᓐᖏᓚᑎᑦ.’”

ᓘᑲᓯᐅᑉ ᐊᒡᓚᖏᑦ 16:2

ᐊᖓᔪᖅᑳᖓᑕ ᕾᖁᕚ ᐅᖃᐅᑎᓪᓗᒍ, ‘ᑐᓴᕐᑕᕋ ᑕᒪᓐᓇ ᓱᓕᕚ? ᑲᒪᒋᔭᑎᒃ ᐱᖁᑎᒃᑲ ᓇᓗᓁᑦᓯᐊᕐᓗᒋᑦ ᕾᓕᒃᑭᑦ, ᐱᖁᑎᓐᓂᒃ ᑲᒪᔨᐅᔭᕆᐊᖃᕈᓐᓃᕋᕕᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 15:10

ᒫᓐᓇᓕ ᓱᖕᒪᑦ ᒎᑎ ᐆᒃᑐᕋᓱᐊᕐᐱᓯᐅᒃ, ᐅᖁᒤᓐᓇᕐᑐᓂᒃ ᐃᓕᓯᔪᒪᓪᓗᓯ ᐃᓕᓐᓂᐊᕐᑎᓄᑦ ᓯᕗᓕᕕᓂᑦᑕᓘᓐᓃᑦ, ᐅᕙᒍᓪᓘᓐᓃᑦ ᐊᒡᔭᕈᓐᓇᓚᐅᖏᑕᑦᑎᓐᓃᒃ?

ᐋᐴᓯᑕᓖᑦ ᐱᓂᐊᕐᓂᖏᑦ 5:6

ᑕᕝᕙ ᐃᓅᓱᒃᑐᑦ ᐊᖑᑎᑦ ᐅᐸᒃᑲᒥᑦᔪᒃ ᑎᒥᖓ ᐃᒻᒧᓯᕐᓗᒍ ᐊᓐᓂᓯᕚᑦ ᐃᓗᕕᕆᐊᑐᕐᓗᒍ.

ᕉᒪᒥᐅᓄᑦ 10:15

ᖃᓄᕐᓗ ᐊᔪᕆᕐᑐᐃᒐᔭᕐᐹᑦ ᑎᓕᔭᐅᓯᒪᖏᓪᓗᑎᒃ? ᐊᒡᓚᓂ ᑎᑎᕋᕐᓯᒪᔪᖃᕐᒪᑦ, “ᐱᐅᔪᐊᓘᕗᑦ ᐃᓯᒐᖏᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᖢᑎᒃ ᑎᑭᐅᑦᔨᔪᑦ!”

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:9

᙭ᔅᑑᓯᒥᒃ ᐆᒃᑐᕐᓗᐃᓂᐊᕋᑕ ᑍᒃᑯᑎᑐᓇᖅ, ᐃᓚᖏᑦ ᑍᒤᓚᐅᕋᒥᒃ ᖁᓗᒋᐊᕌᓗᖕᓄᑦ ᑐᖁᑕᐅᓚᐅᕐᐳᑦ.