ᐋᐴᓯᑕᓖᑦ ᐱᓂᐊᕐᓂᖏᑦ 5:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᐃᖅᑲᐅᒪᓕᕆᑦᓯ ᒫᓐᓇᐅᔪᓐᓃᕐᑐᖅ ᑎᐅᑕᓯ ᐱᓇᓱᐊᓚᐅᕐᐳᖅ ᐊᔪᖏᑦᑐᐊᓘᔮᕐᓗᓂ, ᒪᓕᒃᑎᖃᓕᓚᐅᕐᐳᖅ 400ᓂᒃ ᐊᖑᑎᓂᒃ; ᑖᓐᓇᓕ ᑐᖁᑕᐅᖕᒪᑦ ᒪᓕᒃᑎᓕᒫᖏᑦ ᐊᒡᒍᓚᐅᕐᐳᑦ ᓄᖑᑐᐃᓐᓇᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:36 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:26

“ᐅᕝᕙᓗ, ᐅᖃᐅᑦᔭᐅᒍᑦᓯ, ‘ᑕᑯᒋᑦ, ᐃᓄᖃᖏᑦᑐᒦᑉᐳᖅ,’ ᑕᐅᕗᓐᖓᕐᑍᓕᒋᑦᓯ; ᐅᖃᕐᐸᑕ, ‘ᑕᑯᒋᑦ, ᐅᕙᓂ ᐃᒡᓗᕈᓯᕐᒥ ᐃᔨᕐᓯᒪᕗᖅ,’ ᐅᒃᐱᕆᓂᐊᕋᓯᒋᒃ.

ᒫᑎᐅᓯᐅᑉ ᐊᒡᓚᖏᑦ 24:5

ᐊᒥᓱᑦ ᐅᕙᓐᓂᒃ ᐱᑦᔪᑎᖃᕐᓂᕋᕐᓗᑎᒃ ᑎᑭᑦᓱᒫᕐᒪᑕ, ᐅᖃᕐᓗᑎᒃ, ‘᙭ᔅᑑᓯᐅᕗᖓ,’ ᐅᓄᕐᑐᓂᒡᓗ ᑕᒻᒪᕐᑎᑦᓯᔪᒫᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:38

ᑍᓐᓇᐅᖏᒃᑲᓗᐊᕐᐲᑦ ᐄᑦᔨᑉᑎᒥᐅᖅ ᐅᐃᒪᔮᓕᕐᑎᑦᓯᓚᐅᕐᑐᖅ ᐅᓇᑕᕐᑎᑦᓯᓇᓱᐊᕐᑐᓂᒃ 4000ᓂᒃ, ᐃᓄᖃᖏᑦᑐᒧᑦ ᐊᐅᓪᓚᖃᑎᖃᓚᐅᕐᑐᖅ?”

ᐋᐴᓯᑕᓖᑦ ᐱᓂᐊᕐᓂᖏᑦ 5:35

ᑲᑎᒪᔨᕐᔪᐊᓄᑦ ᐅᖃᕐᐳᖅ, “ᐃᓴᕆᐊᓕᒥᐅᖑᖃᑎᒃᑲ, ᐃᒃᐱᒍᓱᑦᓯᐊᓚᐅᕆᑦᓯ ᖃᓄᐃᓕᐅᕐᒪᖔᑦᓯ ᐊᖑᑎᓄᑦ ᑖᒃᑯᓄᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 8:9

ᐊᖑᑦᑕᐅᖅ ᓮᒨᓂᒥᒃ ᐊᑎᓕᒃ ᑕᕝᕙᓂ ᓄᓇᖃᓚᐅᕆᕗᖅ, ᐊᒥᓱᓂᒃ ᑲᒪᓂᐊᕐᑎᑦᓯᖃᑦᑕᕐᑐᖅ ᐃᓅᖃᑎᒌᓂᒃ ᓴᒥᐊᕆᐊᕐᒥᐅᓂᒃ ᐊᖓᒃᑰᓂᕐᒥᓄᑦ, ᐃᒻᒥᓂᒃ ᐊᔪᖏᑦᑐᐊᓘᓂᕋᕐᓗᓂ ᐅᖃᖃᑦᑕᕐᑐᖅ.

ᒐᓔᑎᐊᒥᐅᓄᑦ 2:6

ᑍᒃᑯᓄᖓ ᑕᓯᐅᕐᑎᐅᓇᓱᒃᑑᒐᓗᐊᑦ ᖃᓄᐃᑑᒐᓗᐊᕐᒪᖔᑕ ᐅᕙᓐᓄᓪᓕ ᐃᓱᒫᓗᓇᖏᒻᒪᑕ; ᒎᑎ ᐃᓔᓐᓇᕐᓯᐅᖏᒻᒪᑦ, ᑍᒃᑯᓂᖓ ᐅᖃᐅᓯᖃᕐᐳᖓ, ᑕᓯᐅᕐᑎᐅᓇᓱᒃᑑᒐᓗᐊᑦ ᐅᕙᓐᓂᒃ ᐃᓱᒪᑖᑎᑦᓯᒃᑲᓐᓂᖏᒻᒪᑕ.

ᒐᓔᑎᐊᒥᐅᓄᑦ 6:3

ᐱᐅᔪᕆᔪᖃᕐᐸᓪᓕ ᓱᓇᐅᖏᑦᑑᒐᓗᐊᕐᓗᓂ, ᑖᓐᓇ ᓇᖕᒥᓂᕐᒥᓂᒃ ᐅᐃᕕᕐᕆᕗᖅ.

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

ᐲᑦᑐᕉᓯ ᐂᑉᐸᖏᑦ 2:2

ᐅᓄᕐᑐᓄᑦ ᒪᓕᒃᑕᐅᓕᕈᒫᕐᐳᑦ ᐱᔪᒥᓇᖏᑦᑐᓂᒃ ᐱᓂᐊᕐᓂᕆᔭᖏᑦ ᑕᒪᓐᓇ ᒥᒃᓯᖃᕐᓂᑰᕐᓂᖅ ᐃᓄᖕᓄᑦ ᐱᐅᖏᓐᓂᕋᕐᑕᐅᓗᓂ ᐅᖃᐅᓯᐅᖃᑦᑕᓕᕈᒫᕐᐳᖅ.

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:3

ᑕᕝᕙ ᐂᖏᓕᐅᑉ ᐊᓂᕐᓂᒃᑯᑦ ᐂᑎᑉᐹᖓ ᐃᓄᖃᖏᑦᑐᒧᑦ, ᑕᕝᕙᓂᓗ ᑕᑯᕗᖓ ᐊᕐᓇᒥᒃ ᐆᒪᔪᐊᓗᖕᒥ ᐊᐅᐸᕐᑐᒥ ᐃᑭᒪᔪᒥᒃ ᑖᓐᓇᓗ ᐆᒪᔪᐊᓗᒃ ᑎᑎᕋᕐᕕᒋᓯᒪᕗᖅ ᑎᒥᓕᒫᒥᒍᑦ ᒎᑎᒥᒃ ᐅᖃᕐᓂᕐᓘᑎᖃᕐᑐᓂᒃ, ᓂᐊᖁᖃᕐᐳᕐᓗ 7ᓂᒃ ᓇᒡᔪᖃᕐᓗᓂᓗ ᖁᓕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:5

ᖃᐅᖓᒍᓪᓗ ᑎᑎᕋᕐᓯᒪᔪᖃᕐᐳᖅ ᐊᑎᕐᒥᒃ ᓇᓗᓇᕐᑐᒥᒃ: “ᐹᐱᓘᓂ ᐊᔪᖏᑦᑐᕐᔪᐊᖅ, ᐊᖑᓐᓂᐊᕐᑏᑦ ᐊᓈᓇᖓᑦ ᓄᓇᕐᔪᐊᒥ ᓇᕐᕈᓇᕐᑐᓕᓃᑦ.”