ᐋᐴᓯᑕᓖᑦ ᐱᓂᐊᕐᓂᖏᑦ 5:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 5:31 Iomraidhean Croise

ᐃᓐᖏᕈᑎᑦ 89:19

ᑍᑦᓱᒪᓂ ᑕᑯᑎᑦᔪᑎᒃᑯᑦ ᐅᖃᓪᓚᖃᑦᑕᓚᐅᕐᐳᑎᑦ ᐃᑦᔪᕐᓁᑦᑐᖁᑎᖕᓄᑦ, ᐅᖃᕐᓗᑎᑦ: “ᐃᑲᔪᕐᑕᐅᑦᔪᑎᒃᓴᒥᒃ ᐋᖅᑭᒃᓯᓚᐅᕐᐳᖓ ᐱᔪᓐᓇᕐᓂᖃᕐᑐᒧᑦ, ᐃᓄᒋᐊᒃᑐᕐᔪᐊᓂᓪᓗ ᓂᕈᐊᕐᓯᒪᔭᕋ ᐊᖏᔪᕈᕐᑎᓚᐅᕐᐸᕋ.

ᐃᓐᖏᕈᑎᑦ 89:24

ᓱᖁᓯᔪᐃᑦᑑᓂᕐᒪ ᓇᒡᓕᒍᓱᖕᓂᕐᒪᓗ ᐃᓚᒋᓂᐊᕐᐹ; ᑖᑦᓱᒪ ᐱᔪᓐᓇᕐᓂᖓ ᐊᑎᓐᓂ ᐊᖏᔪᕈᕐᑎᑕᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 43:11

ᐅᕙᖓ, ᐅᕙᖓᐅᕗᖅ ᐊᑕᓂᖅ, ᓴᓂᒃᑯᑦ ᐊᓯᓐᓂᒃ ᐱᐅᓕᔨᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 43:3

ᐅᕙᖓ ᐊᑕᓂᐅᒐᒪ ᒎᑏᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐱᐅᓕᔩᑦ; ᐄᑦᔨᑉᑎ ᑐᓂᕙᕋ ᐃᓕᖕᓄᑦ ᐊᑭᓕᐅᑎᒋᓪᓗᒍ, ᐃᑎᐅᐱᐊᓗ ᓰᐸᓗ ᐃᓕᖕᓄᑦ ᑕᐅᕐᓰᑦᔪᑎᒋᓪᓗᒋᒃ.

ᐂᓮᐊᓯᐅᑉ ᐊᒡᓚᖏᑦ 45:21

ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 17:24

ᐱᕈᕐᑐᓕᒫᑦ ᓇᐹᕐᑐᑦ ᓇᑎᕐᓇᒦᑦᑐᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᖅ ᓇᐹᕐᑐᒥᒃ ᑕᑭᔪᒥᒃ ᓇᑲᑦᓯᒐᒪ, ᓇᐹᕐᑐᕐᓗ ᐳᒃᑭᑦᑐᖅ ᐳᕐᑐᓯᑎᓪᓗᒍ, ᓇᐹᕐᑐᕐᓗ ᐆᒻᒪᐅᒐᓗᐊᖅ ᑐᖁᓕᑎᑉᐸᕋ, ᓇᐹᕐᑐᕐᓗ ᐸᓐᓇᑰᒐᓗᐊᖅ ᐆᒻᒪᕈᕐᑎᑉᐸᕋ. ᐅᕙᖓ ᐊᑕᓂᖅ ᑍᒫᒃ ᐅᖃᕐᓯᒪᒐᒪ, ᑍᒫᒡᓗ ᐱᓇᓱᐊᕐᓂᐊᕐᓗᖓ.”

ᐃᓯᑭᐊᓕᐅᑉ ᐊᒡᓚᖏᑦ 34:24

ᐅᕙᖓᓗ ᐊᑕᓂᖅ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᐱᔨᒐᓗ ᑍᕕᑎ ᑖᒃᑯᓄᖓ ᐊᖓᔪᖅᑳᖑᔪᒫᕐᐳᖅ; ᐅᕙᖓ ᐊᑕᓂᖅ, ᑍᒫᒃ ᐅᖃᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 37:25

ᓄᓇᖃᕈᒫᕐᐳᑦ ᐱᔨᓐᓄᑦ ᔧᑯᒧᑦ ᓄᓇᑖᕆᔭᐅᑎᓚᐅᕐᑕᓐᓂ ᓯᕗᓕᕕᓂᖏᑕ ᓄᓇᖃᕐᕕᒋᓚᐅᕐᑕᖓᓂ; ᑖᒃᑯᐊᓗ ᕿᑐᕐᖓᖏᑦ ᕿᑐᕐᖓᖏᑕᓗ ᕿᑐᕐᖓᖏᑦ ᑕᕝᕙᓂ ᓄᓇᖃᕈᒫᕐᐳᑦ ᐃᓱᖃᖏᑦᑐᒧᑦ; ᑍᕕᑎᓗ ᐱᔨᒐ ᐊᖓᔪᖅᑳᖑᔪᒫᕐᐳᖅ ᑕᕝᕙᓂ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 10:21

ᓯᕗᓪᓕᕐᒥᒡᓕ ᐅᖃᐅᑎᔪᒪᕙᒋᑦ ᒪᒃᐱᕐᑐᖅᑲᑦ ᓱᓕᑦᓯᐊᕐᓂᕐᒥᒃ ᐅᖃᐅᓯᓖᑦ ᖃᓄᖅ ᐅᖃᕐᒪᖔᑕ, ᑭᐊᓘᓐᓃᑦ ᑕᒪᑐᒥᖓ ᐃᑲᔪᕐᓯᓐᖏᓛᖓ ᒤᑰᑉ ᑭᓯᐊᓂ, ᑖᑦᓱᒪ ᐊᖓᔪᖅᑳᕕᑦ.”

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 1:21

ᐃᕐᓂᕐᒥᒃ ᐃᕐᓂᔪᒫᕐᐳᖅ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᒪᒋᑦ ᐊᔪᕐᓂᖏᓐᓂᑦ.”

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᒫᑯᓯᐅᑉ ᐊᒡᓚᖏᑦ 2:10

ᖃᐅᔨᓂᐊᕋᑦᓯ ᐃᓅᑉ ᐃᕐᓂᖓ ᐱᔪᓐᓇᕐᓂᖃᕐᒪᑦ ᑕᒫᓂ ᓄᓇᒥ ᐊᔪᕐᓂᕐᓂᒃ ᐃᓱᒪᒋᔪᓐᓁᕐᓯᔪᓐᓇᕐᒪᑦ,” ᑖᑦᓱᒧᖓ ᓄᑭᖃᖏᑦᑐᒧᑦ ᐅᖃᕐᐳᖅ,

ᒫᑯᓯᐅᑉ ᐊᒡᓚᖏᑦ 4:12

ᑍᒪ, ‘ᐃᔨᒥᖕᓄᑦ ᑕᑯᒐᓗᐊᕐᓗᑎᒃ, ᐃᓕᑕᕐᓯᖁᓇᒋᑦ, ᓯᐅᑎᒥᖕᓄᓪᓗ ᑐᓵᒐᓗᐊᕐᓗᑎᒃ, ᑐᑭᓯᖁᓇᒋᑦ; ᑍᒤᓐᖏᒃᑯᑎᒃ ᒎᑎᒧᑦ ᓵᒋᐊᕋᔭᕐᒪᑕ, ᑖᑦᓱᒪ ᐃᓱᒪᒋᔪᓐᓁᕐᕕᒋᒐᔭᕐᒪᒋᑦ ᐊᔪᕐᓂᖏᓐᓂᑦ.’”

ᓘᑲᓯᐅᑉ ᐊᒡᓚᖏᑦ 2:11

ᐅᓪᓗᒥ ᑕᕝᕙ ᐱᐅᓕᔨ ᐊᑕᓂᖅ ᙭ᔅᑑᓯ ᐃᕐᓂᐊᖑᖕᒪᑦ ᑍᕕᑎᐅᑉ ᐃᒡᓗᒐᓴᖏᓐᓂ.

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 4:42

ᐊᕐᓇᒧᑦ ᐅᖃᕐᐳᑦ, “ᒫᓐᓇ ᐅᒃᐱᓕᕐᐳᒍᑦ ᐅᖃᐅᓯᕐᑎᑦ ᐱᑦᔪᑎᒋᑐᐃᓐᓇᕐᓇᒋᑦ, ᐅᕙᒍᓪᓕ ᓇᖕᒥᓂᖅ ᑐᓴᕋᑦᑎᒍ, ᑐᑭᓯᓪᓗᑕᓗ ᐃᓛᒃ ᑖᓐᓇ ᓱᓕᔪᒥᒃ ᐱᐅᓕᔨᐅᖕᒪᑦ ᓯᓚᕐᔪᐊᕐᒥᐅᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:23

ᑍᕕᑎᐅᑉ ᑭᖑᕚᖓ ᐃᓴᕆᐊᓕᒥᐅᓄᑦ ᒎᑎᐅᑉ ᐱᐅᓕᔨᓐᖑᕐᑎᓚᐅᕐᐹ, ᔩᓱᓯ, ᑍᒫᒃ ᐱᓂᐊᕐᓂᕋᕐᓯᒪᒐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:36

“ᐃᓕᑦᓯ ᐃᓴᕆᐊᓕᒥᐅᖑᔪᓯ ᑕᒪᑦᓯ, ᖃᐅᔨᒪᑦᓯᐊᓕᕆᑦᓯ ᔩᓱᓯ ᑭᑭᐊᒃᑐᓚᐅᕐᑕᓯ, ᑖᓐᓇ ᒎᑎᐅᑉ ᐊᑕᓂᓐᖑᕐᑎᓚᐅᕐᐹ ᙭ᔅᑑᓯᓐᖑᕐᑎᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 3:15

ᑐᖁᑕᐅᑎᑦᓯᓚᐅᕐᐳᓯ ᐃᓅᓯᕐᑖᕐᑎᑦᓯᔨᒥᒃ, ᑖᓐᓇ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ. ᑕᒪᑐᒥᖓ ᖃᐅᔨᓯᒪᓪᓗᑕ ᓇᓗᓁᕐᓯᔨᐅᕗᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 3:26

ᒎᑎᐅᑉ ᐱᔨᓂ ᓂᕈᐊᕋᒥᐅᒃ ᑎᓕᓚᐅᕐᐹ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ, ᓮᒻᒪᕐᑎᑦᓯᓂᖓᒍᑦ ᑕᒪᑦᓯ ᐊᑐᓂᑦ ᐊᔪᕐᑐᓕᓂᕐᒥᒃ ᕿᒤᖁᓪᓗᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:11

ᐅᔭᕋᒃ ᑖᓐᓇᐅᕗᖅ ᐃᓕᑦᓯ ᐃᒡᓗᓕᐅᕐᓗᓯ ᓇᕐᕈᒋᓚᐅᕐᑕᓯ, ᑖᓐᓇ ᑎᕆᖅᑯᕆᔭᐅᓕᕐᐳᖅ ᐊᑐᕆᐊᖃᕐᓂᕐᐹᖑᓪᓗᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:10

ᓇᓪᓕᐊᓐᓂᒃ ᐃᓱᒪᒋᔪᓐᓁᕐᓯᒍᑦᓯ, ᐅᕙᖓᑦᑕᐅᖅ ᐃᓱᒪᒋᔪᓐᓁᕐᕕᒋᕙᕋ. ᐃᓱᒪᒋᔪᓐᓁᕐᓯᒍᒪ ᖃᓄᑐᐃᓐᓇᖅ, ᐃᓱᒪᒋᔪᓐᓁᕐᕕᒋᕙᕋ ᙭ᔅᑑᓯᐅᑉ ᓵᖓᓂ ᐱᑦᔪᑎᒋᓪᓗᓯ.

ᐃᐱᓯᒥᐅᓄᑦ 1:7

ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

ᐱᓕᐱᒥᐅᓄᑦ 3:20

ᐅᕙᒍᓪᓕ ᓄᓇᒋᔭᕗᑦ ᕿᓚᖕᒦᑉᐳᖅ, ᑕᑉᐹᓐᖓᓪᓗ ᕿᓚᓈᕐᓗᑕ ᐅᑕᖅᑭᕙᕗᑦ ᐱᐅᓕᔨ, ᔩᓱᓯ ᙭ᔅᑑᓯ ᐊᑕᓂᕗᑦ.

ᑯᓘᓯᐊᒥᐅᓄᑦ 1:14

ᑖᑦᓱᒨᓇ ᐱᐅᓕᔭᐅᒐᑦᑕ, ᑕᕝᕙ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᓂᕐᒥᑦ.

ᑍᑑᓯᒧᑦ 1:4

ᑍᑑᓯᒧᑦ, ᐅᒃᐱᕐᓂᑯᑦ ᓱᓕᔪᒥᒃ ᐃᕐᓂᓐᓄᑦ ᑕᒪᑐᒧᖓ ᐊᑕᐅᓯᐅᑦᔪᑎᒋᔭᑦᑎᓐᓄᑦ. ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ ᐱᐅᓕᔨᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑦᓯᓂᖓᓂᒡᓗ ᑐᓂᓯᕕᐅᖁᕙᒋᑦ.

ᑍᑑᓯᒧᑦ 2:10

ᑎᒡᓕᒐᕐᕕᖃᖏᓪᓗᑎᒡᓗ, ᓴᖅᑭᑎᑦᓯᖔᕐᑐᒃᓴᐅᕗᓪᓕ ᐱᓂᐊᑦᓯᐊᕐᓂᕐᒥᒃ ᑲᔪᓯᑦᓯᐊᕐᓂᕐᒥᒡᓗ, ᒎᑎᐅᑉ ᐱᐅᓕᔨᑦᑕ ᐊᔪᕆᕐᑑᑖᓂᒃ ᓂᕐᑐᕐᓇᕐᑎᑦᓯᖁᓪᓗᒋᑦ ᖃᓄᓕᒫᖅ ᐱᓂᐊᕐᓂᕐᒥᒃᑎᒍᑦ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐄᑉᕈᐃᓄᑦ 2:10

ᒎᑎᐅᑉ ᓈᒻᒪᒋᓚᐅᕐᒪᒍ, ᑖᑦᓱᒨᓇ ᓱᓇᓕᒫᑦ ᓴᖅᑭᑎᑕᐅᓯᒪᖕᒪᑕ, ᑖᑦᓱᒪᖓᓪᓗ ᓱᓇᓕᒫᑦ ᐱᓯᒪᓪᓗᑎᒃ, ᐋᓐᓂᐊᑎᑕᐅᓂᒃᑯᑦ ᓈᒻᒪᑦᓯᐊᓕᖁᓪᓗᒍ ᕿᑐᕐᖓᐅᓕᕐᑐᓂᒃ ᐊᒥᓱᓂᒃ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᓕᖁᓪᓗᒋᑦ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.

ᐲᑦᑐᕉᓯ ᐂᑉᐸᖏᑦ 1:1

ᓮᒨᓂ ᐲᑦᑐᕉᓯᒥᑦ, ᐱᔨᒋᔭᐅᓪᓗᓂ ᐋᐴᓯᑕᓕᐅᔪᒥᑦ ᔩᓱᓯ ᙭ᔅᑑᓯᒧᑦ, ᐱᑖᕐᓯᒪᔪᓄᑦ ᐅᒃᐱᕐᓂᕐᒥᒃ ᐱᕕᐊᕐᓇᕐᑐᒥᒃ ᐅᕙᑦᑎᑐᑦ ᒎᑎᑦᑕ ᐃᓗᐊᕐᑐᓐᖑᕐᑎᑦᓯᓂᖓᓄᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ:

ᐲᑦᑐᕉᓯ ᐂᑉᐸᖏᑦ 1:11

ᐱᕕᒃᓴᖃᕐᑎᑕᐅᑦᓯᐊᕐᓂᐊᕐᐳᓯᓗ ᐃᑎᕐᕕᒃᓴᕐᑖᖁᓪᓗᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᐅᓕᔨᑦᑕ ᐊᑕᓂᐅᕕᖓᓄᑦ ᐃᓱᖃᖏᑦᑐᒧᑦ.

ᐲᑦᑐᕉᓯ ᐂᑉᐸᖏᑦ 2:20

ᐃᓄᒃ ᕿᒤᓯᒪᓕᕐᑐᖅ ᓯᓚᕐᔫᑉ ᓴᓗᒤᓕᓇᕐᓂᖓᓂᒃ ᖃᐅᔨᑎᑕᐅᓂᕐᒥᒍᑦ ᐊᑕᓂᑦᑎᒍᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ, ᓵᓚᒋᔭᐅᒍᓂᓕ ᕿᓚᒃᑕᐅᒃᑲᓐᓂᕐᓗᓂᓗ ᑕᒪᒃᑯᓄᖓ, ᐱᐅᖏᑦᑐᒦᓐᓂᕐᓴᐅᓕᕐᓂᐊᕐᐳᖅ ᓯᕗᓪᓕᕐᒥᑦ.

ᐲᑦᑐᕉᓯ ᐂᑉᐸᖏᑦ 3:18

ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.

ᔪᐊᓇᓯ ᓯᕗᓪᓖᑦ 4:14

ᑕᑯᓯᒪᕗᒍᑦ ᓇᓗᓁᕐᓯᕗᒍᓪᓗ ᐊᑖᑕᐅᑉ ᐃᕐᓂᓂ ᑎᓕᓚᐅᕐᒪᒍ ᓯᓚᕐᔪᐊᕐᒥᐅᓄᑦ ᐱᐅᓕᔨᐅᖁᓪᓗᒍ.

ᔫᑎᐅᑉ ᐊᒡᓚᖏᑦ 1:25

ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.