ᐋᐴᓯᑕᓖᑦ ᐱᓂᐊᕐᓂᖏᑦ 5:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᑐᒃᓯᐊᕐᕕᒡᔪᐊᑉ ᖃᐅᔨᓴᕐᑎᖏᑕ ᐊᖓᔪᖅᑳᖓᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᑕᒪᑐᒥᖓ ᑐᓴᕋᒥᒃ, ᐊᖏᔪᒥᒃ ᖁᐊᕐᓵᖓᓕᕐᐳᑦ ᖃᓄᖅ ᐱᔪᐊᓘᖕᒪᖔᑕ ᐃᓱᒪᓕᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:24 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᓘᑲᓯᐅᑉ ᐊᒡᓚᖏᑦ 22:4

ᔫᑕᓯ ᐅᖃᖃᑎᖃᕆᐊᕐᑐᕐᐳᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓂᒃ, ᑐᒃᓯᐊᕐᕕᒡᔪᐊᕐᒥᓗ ᖃᐅᔨᓴᕐᑏᑦ ᐊᖓᔪᖅᑳᖏᓐᓂᒃ, ᖃᓄᖅ ᔩᓱᓯᒥᒃ ᐱᔭᐅᑎᑦᓯᔪᓐᓇᕐᒪᖔᕐᒥ ᑖᒃᑯᓄᖓ.

ᓘᑲᓯᐅᑉ ᐊᒡᓚᖏᑦ 22:52

ᔩᓱᓯ ᐅᖃᕐᐳᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ ᑐᒃᓯᐊᕐᕕᒡᔪᐊᓪᓗ ᐊᖓᔪᖅᑳᖏᓐᓄᑦ ᐃᓄᐃᓪᓗ ᐊᖓᔪᖅᑲᖏᓐᓄᑦ, ᑕᕝᕗᓐᖓᕐᓯᒪᔪᑦ ᑎᒍᓯᔭᕐᑐᕐᓗᑎᒃ ᑖᑦᓱᒥᖓ, “ᕾᕕᓰ ᓴᕕᒡᔪᐊᓕᔭᕐᓗᓯ ᐊᓇᐅᑕᓕᔭᕐᓗᓯᓗ ᐱᕋᔭᒃᓯᒪᔪᒥᒃ ᑎᒍᓯᔭᕐᑐᕐᑐᑎᑐᑦ?

ᔪᐊᓇᓯᐅᑉ ᐊᒡᓚᖏᑦ 12:19

ᑕᕝᕙ ᐹᕆᓯᑦ ᐃᒻᒥᖕᓄᑦ ᐅᖃᖃᑦᑕᐅᑎᓕᕐᐳᑦ, “ᑕᑯᒋᑦ ᖃᓄᐃᓕᐅᕐᓂᕗᑦ ᐱᕙᓪᓖᓯᒪᖏᑦᓯᐊᕐᐳᖅ; ᑕᑯᒋᑦ, ᐃᓄᓕᒫᑦ ᒪᓕᓕᕐᐳᑦ ᔩᓱᓯᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:12

ᑲᒪᓂᐊᕐᓂᕐᒧᑦ ᓇᓗᓕᕐᓯᒪᓪᓗᑎᒃ ᐊᐱᕐᓱᖃᑦᑕᐅᑎᓕᕐᐳᑦ, “ᖃᓄᖅ ᑕᒪᓐᓇ ᑐᑭᖃᕐᐹ?”

ᐋᐴᓯᑕᓖᑦ ᐱᓂᐊᕐᓂᖏᑦ 4:1

ᐲᑦᑐᕉᓯᒃᑯᒃ ᔪᐊᓇᓯᒃᑯᒃ ᓱᓕ ᐃᓄᖕᓄᑦ ᐅᖃᓪᓚᒃᑎᓪᓗᒋᒃ, ᑐᓂᕐᕈᓯᕐᑎᑦᓯᔩᑦ, ᑐᒃᓯᐊᕐᕕᒡᔪᐊᓪᓗ ᖃᐅᔨᓴᕐᑎᖏᑕ ᐊᖓᔪᖅᑳᖓᑦ, ᓵᑦᔪᓰᓪᓗ ᕾᕗᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 4:21

ᑲᑎᒪᔨᕐᔪᐊᑦ ᑖᒃᑯᓂᖓ ᓯᕘᕋᓵᕐᓗᒋᒃ ᐃᓂᕐᑎᕆᒃᑲᓐᓂᕐᐳᑦ, ᐊᓂᑎᓪᓗᒋᒃ, ᓱᒋᐊᕐᑕᐅᑦᔫᑎᒃᓴᖏᖕᓂᒃ ᓇᓂᓯᖏᓐᓇᒥᒃ, ᐃᓄᐃᑦ ᐱᑦᔪᑎᒋᓪᓗᒋᑦ; ᐃᓄᓕᒫᑦ ᒎᑎᒥᒃ ᓂᕐᑐᐃᓕᕐᒪᑕ ᐋᖅᑭᒃᑕᐅᔪᖅ ᐱᑦᔪᑎᒋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 5:23

ᐅᖃᕐᓗᑎᒃ, “ᑎᒍᔭᐅᓯᒪᕕᖕᒧᑦ ᐃᑎᕋᑦᑕ, ᐅᒃᑯᐊᖏᑦ ᐊᑦᓱᖏᕐᓯᒪᖅᑲᐅᕗᑦ, ᖃᐅᔨᓴᕐᑏᓪᓗ ᐅᒃᑯᐊᑦ ᓴᓂᐊᓂ ᓇᖏᕐᓗᑎᒃ, ᒪᑐᐃᕋᑦᑎᒍ ᐃᓗᐊᓂ ᐃᓄᒃᑕᖃᓐᖏᓚᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:25

ᐃᑎᕐᑐᖃᕐᐳᖅ ᐅᖃᕆᐊᕐᑐᕐᑐᒥᒃ ᑖᒃᑯᓄᖓ, “ᐊᖑᑏᑦ ᑎᒍᔭᐅᓯᒪᕕᖕᒧᐊᕐᑎᓚᐅᕐᑕᓯ ᑐᒃᓯᐊᕐᕕᒡᔪᐊᒦᑉᐳᑦ ᐊᔪᕆᕐᑐᐃᓪᓗᑎᒃ ᐃᓄᖕᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:26

ᖃᐅᔨᓴᕐᑎᐅᑉ ᐊᖓᔪᖅᑳᖓᑦ ᐅᓇᑕᕐᑐᒃᓴᓂᒃ ᐃᓚᖃᕐᓗᓂ ᐊᓂᕗᑦ ᐋᐴᓯᑕᓖᑦ ᐂᓪᓗᒋᑦ, ᓲᖑᓵᕐᕕᒋᓐᖏᓔᓪᓕᑦ, ᐃᓄᐃᑦ ᓯᕘᕋᒋᒐᒥᒋᑦ ᒥᓪᓗᕐᑕᐅᓂᐊᕋᓱᒋᓪᓗᑎᒃ.