ᐋᐴᓯᑕᓖᑦ ᐱᓂᐊᕐᓂᖏᑦ 5:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓄᒋᐊᒃᑐᕐᔪᐊᑦ ᑎᑭᓚᐅᕐᐳᑦ ᔨᕉᓴᓕᐅᑉ ᖃᓂᒋᔭᖓᓂ ᓄᓇᖃᕐᑐᑦ, ᖃᓂᒪᔪᓂᒃ ᑕᕝᕗᓐᖓᐅᑦᔨᓪᓗᑎᒃ ᐊᓂᕐᓂᕐᓗᖕᓄᓪᓗ ᐃᑎᕐᑕᐅᓯᒪᔪᓂᒃ; ᑕᒪᕐᒥᒃ ᐋᖅᑭᒃᑕᐅᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:16 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 2:16

ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.

ᒫᑎᐅᓯᐅᑉ ᐊᒡᓚᖏᑦ 4:24

ᑐᓴᐅᒪᔭᐅᓕᕐᐳᖅ ᓄᓇᒥ ᓯᕆᐊᓕᒫᒥ, ᐃᓄᐃᑦ ᑕᕝᕗᓐᖓᐅᑦᔨᕗᑦ ᖃᓂᒪᔪᖁᑎᒥᖕᓂᒃ, ᐊᑦᔨᒌᖏᑦᑐᓂᒃ ᖃᓂᒻᒪᓯᖃᕐᑐᓂᒃ, ᐃᓕᖅᑯᓯᕐᓗᒡᑐᓂᒡᓗ, ᐊᓂᕐᓂᕐᓗᖕᒧᓪᓗ ᐃᑎᕐᕕᐅᓯᒪᔪᓂᒃ, ᖀᕐᓱᕐᐸᒃᑐᓂᒡᓗ, ᓄᑭᖃᖏᑦᑐᓂᒡᓗ, ᔩᓱᓯᐅᑉ ᑕᒪᕐᒥᒃ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 8:16

ᐅᓐᓄᖕᒪᑦ, ᐃᓄᐃᑦ ᔩᓱᓯᒧᐊᕈᑦᔨᕗᑦ ᐊᓂᕐᓂᕐᓗᖕᓄᑦ ᐃᓗᒻᒥᕐᑕᐅᓯᒪᔪᓂᒃ ᐊᒥᓱᓂᒃ; ᔩᓱᓯᐅᑉ ᐊᓂᕐᓂᕐᓗᐃᑦ ᐃᓄᖕᓂᑦ ᐊᓂᑎᑉᐰᑦ ᐅᖃᐅᓯᕐᒧᑦ, ᖃᓂᒪᔪᓪᓗ ᑕᒪᕐᒥᒃ ᐋᖅᑭᒃᐰᑦ.

ᓘᑲᓯᐅᑉ ᐊᒡᓚᖏᑦ 5:17

ᐅᓪᓗᐃᑦ ᑖᒃᑯᐊ ᐃᓚᖓᓐᓂ, ᔩᓱᓯ ᐊᔪᕆᕐᑐᐃᑎᓪᓗᒍ, ᐹᕆᓯᑦ ᐱᖁᔭᓂᒡᓗ ᐃᓕᓮᔩᑦ ᑕᕝᕙᓃᖃᑕᐅᓚᐅᕆᕗᑦ, ᑕᕝᕗᓐᖓᕐᓯᒪᓪᓗᑎᒃ ᓄᓇᓕᖕᓂᑦ ᒐᓕᓕᐊᒦᑦᑐᓕᒫᓂᑦ, ᔫᑎᐊᒥᓪᓗ, ᔨᕉᓴᓕᒻᒥᓪᓗ; ᐊᑕᓂᐅᑉ ᐱᔪᓐᓇᕐᓂᖓ ᓇᔫᑎᖕᒪᑦ ᑖᑦᓱᒪᓂ, ᖃᓂᒪᔪᑦ ᐋᖅᑭᒃᑕᐅᓚᐅᕐᐳᑦ.

ᓘᑲᓯᐅᑉ ᐊᒡᓚᖏᑦ 6:18

ᐊᓂᕐᓂᕐᓗᖕᓄᑦ ᐃᓗᒻᒥᕐᑕᐅᓯᒪᔪᑦ ᑕᕝᕗᓐᖓᓚᐅᕆᕗᑦ ᐋᖅᑭᒃᑕᐅᓪᓗᑎᒃ.

ᓘᑲᓯᐅᑉ ᐊᒡᓚᖏᑦ 9:11

ᐃᓄᒋᐊᒃᑐᑦ ᖃᐅᔨᒐᒥᒃ, ᒪᓕᒃᓴᕐᐹᑦ; ᔩᓱᓯᐅᑉ ᑐᓐᖓᓱᒃᑎᑉᐰᑦ ᐅᖃᓪᓚᒡᕕᒋᓪᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ, ᐋᖅᑭᒃᑕᐅᔭᕆᐊᓖᑦ ᐋᓐᓂᐊᔪᑦ ᐋᖅᑭᒃᐰᑦ.

ᔪᐊᓇᓯᐅᑉ ᐊᒡᓚᖏᑦ 14:12

ᓱᓕᔪᒥᒃ ᐅᖃᐅᑎᕙᑦᓯ, ᐅᕙᓐᓄᑦ ᐅᒃᐱᕐᑑᑉ ᐱᓂᐊᕐᓃᑦ ᐱᓂᐊᕐᓂᕆᔭᒃᑲ ᐱᓂᐊᕈᑎᒋᓂᐊᕆᕔᑦ; ᐊᖏᓂᕐᓴᓂᒡᓗ ᑖᒃᑯᓇᖓᑦ ᐱᓇᓱᐊᕈᒫᕐᐳᖅ, ᐊᑖᑕᒧᑦ ᐂᓂᐊᕋᒪ.

ᐋᐴᓯᑕᓖᑦ ᐱᓂᐊᕐᓂᖏᑦ 4:30

ᐱᔪᓐᓇᕐᓃᑦ ᓴᖅᑭᑎᓚᐅᕈᒃ ᐋᖅᑮᖃᑦᑕᕐᓂᒃᑯᑦ, ᑲᒪᓇᕐᑐᓕᓂᕐᓂᒃ ᓇᓗᓁᒃᑯᑕᕐᓂᒡᓗ ᐱᔪᖃᖁᓪᓗᒍ ᐱᔨᕕᑦ ᐃᑦᔪᕐᓁᑦᑑᑉ ᔩᓱᓯᐅᑉ ᐊᑎᖓᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:15

ᖃᓂᒪᔪᑦ ᐊᒡᓛᑦ ᐊᖅᑯᑎᓄᐊᕈᑦᔭᐅᓚᐅᕐᐳᑦ; ᓯᓂᒡᕕᖕᒥ ᓇᓪᓚᖓᑎᓪᓗᒋᑦ ᐊᑭᕋᐅᑎᓃᑦᑐᑦ, ᐲᑦᑐᕉᓯ ᓴᓂᖅᑯᓕᕐᐸᑦ ᑕᕐᕋᖓᓄᑦ ᑖᓪᓕᕐᑕᐅᒍᑎᒃ ᐋᖅᑭᑕᐅᔪᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:17

ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ ᐃᓚᒋᔭᓐᖏᓪᓗ ᓵᑦᔪᓰᑦ, ᐃᓱᒪᒋᔭᐅᓐᖏᓗᐊᕋᓱᒋᓕᕋᒥᒃ ᓈᒻᒪᒃᓴᕈᒃᓃᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:9

ᐃᓚᖓᓪᓗ ᐅᒃᐱᕐᓂᕐᒥᒃ ᑐᓂᓯᕕᐅᕗᖅ ᐊᓂᕐᓂᕐᒥᑦ ᑕᕝᕙᓐᖓᑦᓮᓐᓇᖅ; ᐃᓚᖓᓪᓗ ᑎᒥᒃᑯᑦ ᐋᖅᑭᒃᓯᓂᕐᒥᒃ ᑐᓂᓯᕕᐅᕗᖅ ᐊᓂᕐᓂᕐᒥᑦ ᑖᑦᓱᒪᓐᖓᑦᓮᓐᓇᖅ.

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.