ᐋᐴᓯᑕᓖᑦ ᐱᓂᐊᕐᓂᖏᑦ 5:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑲᒪᓇᕐᑐᓕᓃᑦ ᓇᓗᓁᒃᑯᑍᓪᓗ ᐊᒥᓱᑦ ᐊᑐᕐᑕᐅᓚᐅᕐᐳᑦ ᐃᓄᖕᓂ ᐋᐴᓯᑕᓕᒃᑎᒍᑦ. ᐅᒃᐱᕐᑑᖃᑎᒌᑦ ᑲᑎᒪᖃᑦᑕᓚᐅᕐᐳᑦ ᓲᓗᒨᓂᐅᑉ ᑐᕐᓲᖓᓂᒃ ᑍᔭᐅᔪᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 5:12 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 26:9

ᓱᖕᒪᑦ ᐅᖃᐅᓯᖃᕐᐱᑦ ᐊᑕᓂᐅᑉ ᐊᑎᖓᓂ ᓮᓗᐊᑎᑐᑦ ᑍᒤᑕᐅᓂᐊᕐᓂᕋᕐᓗᒋᑦ, ᐃᒡᓗᒐᓴᒡᔪᐊᓪᓗ ᐊᓯᕈᕐᑕᐅᓂᐊᕐᓂᕋᕋᕕᒋᑦ ᐃᓄᐃᕈᑎᓂᐊᕐᓂᕋᕐᓗᒋᓪᓗ?” ᐃᓄᓕᒫᓪᓗ ᔨᕆᒤᐊ ᐃᓗᒪᕚᑦ ᐊᑕᓂᐅᑉ ᐃᒡᓗᖓᓃᓪᓗᑎᒃ.

ᒫᑯᓯᐅᑉ ᐊᒡᓚᖏᑦ 16:20

ᐃᓕᓐᓂᐊᕐᑎᑦ ᐊᔪᕆᕐᑐᐃᔭᕐᑐᕐᐳᑦ ᓇᒧᑐᐃᓐᓇᓕᒫᖅ, ᐊᑕᓂᐅᑉ ᐱᓇᓱᐊᖃᑎᒋᕔᑦ ᐊᔪᕆᕐᑐᐃᓂᖏᑕ ᓱᓕᓂᖏᑦ ᓇᓗᓁᒃᑯᑕᖃᓚᐅᕐᐳᑦ ᑲᒪᓇᕐᑐᓕᓂᒃᑯᑦ ᐱᓇᓱᐊᕐᑕᖏᑎᒍᑦ.

ᔪᐊᓇᓯᐅᑉ ᐊᒡᓚᖏᑦ 10:23

ᔩᓱᓯ ᐱᓱᒃᑎᓪᓗᒍ ᑐᒃᓯᐊᕐᕕᒡᔪᐊᕐᒥ, ᓲᓗᒨᓂᐅᑉ ᑐᕐᓲᖓᓂᒃ ᑍᔭᐅᔪᒃᑯᑦ.

ᔪᐊᓇᓯᐅᑉ ᐊᒡᓚᖏᑦ 4:48

ᔩᓱᓯᐅᑉ ᐅᖃᐅᑎᕚ, “ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᑕᑯᖏᒃᑯᑦᓯ ᐅᒃᐱᕈᒪᓐᖏᓚᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:14

ᐊᑕᖏᕐᓗᑎᒃ ᐊᑕᐅᓯᐅᓕᖅᑲᖓᑦᓯᐊᕐᓗᑎᒃ ᑲᑦᓱᖕᒊᕐᓯᒪᑦᓯᐊᕐᓗᑎᒃ ᑐᒃᓯᐊᖃᑦᑕᓚᐅᕐᐳᑦ, ᐊᕐᓁᑦ ᐃᓚᒋᓪᓗᒋᑦ ᒥᐊᕆᓗ ᔩᓱᓯᐅᑉ ᐊᓈᓇᖓ, ᖃᑕᓐᖑᑎᖏᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 14:3

ᑖᒃᑯᐊᒃ ᐊᑯᓂ ᑕᕝᕙᓃᑉᐴᒃ ᐊᔪᕆᕐᑐᐃᓪᓗᑎᒃ ᓯᕘᕋᓇᑎᒃ ᐊᑕᓂᖅ ᐱᑦᔪᑎᒋᓪᓗᒍ, ᐅᖃᐅᓯᕆᔭᖏᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓴᖅᑭᑎᑦᓯᕗᑦ ᓱᓕᑦᓯᐊᕐᓂᖓᓂᒡᓗ, ᐱᔪᓐᓇᕐᓂᖃᕐᑎᑕᐅᕗᓪᓗ ᑲᒪᓇᕐᑐᓕᓪᓗᑎᒃ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᑎᑕᐅᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 16:18

ᐅᓪᓗᓂᒃ ᐊᒥᓱᓂᒃ ᑖᓐᓇ ᑍᒤᓕᐅᕐᐳᖅ. ᐸᐅᓗᓯᐅᑉ ᐊᖏᔪᒥᒃ ᐊᑲᐅᒋᔪᓐᓃᕋᒥᐅᒃ, ᓵᕝᕕᒋᓪᓗᒍ ᐊᓂᕐᓂᕐᓗᒃ ᐅᖃᐅᑎᕚ, “ᔩᓱᓯ ᙭ᔅᑑᓯᐅᑉ ᐊᑎᖓᓂ ᐅᖃᐅᑎᕙᒋᑦ ᐆᒪᓐᖓᑦ ᐊᕐᓇᒥᑦ ᐊᓂᒋᑦ.” ᐊᓂᕐᓂᕐᓗᒃ ᑕᕝᕙᑦᓮᓐᓇᖅ ᑖᑦᓱᒪᖓᑦ ᐊᕐᓇᒥᑦ ᐊᓂᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 19:11

ᒎᑎ ᑲᒪᓇᕐᑐᕐᔪᐊᓂᒃ ᐱᓇᓱᐊᓚᐅᕐᐳᖅ ᐸᐅᓗᓯ ᐊᖅᑯᑎᒋᓪᓗᒍ,

ᐋᐴᓯᑕᓖᑦ ᐱᓂᐊᕐᓂᖏᑦ 2:46

ᖃᐅᑕᒫᑦ ᑲᑎᒪᖃᑦᑕᓚᐅᕐᐳᑦ ᑐᒃᓯᐊᕐᕕᒡᔪᐊᒥ ᐊᑕᐅᑦᓯᒃᑯᑦ, ᓂᐊᖂᔭᒥᒃ ᐊᒡᒍᐃᕙᒃᓗᑎᒃ ᐊᖏᕐᕋᒥᖕᓂ, ᖁᕕᐊᓱᒡᓗᑎᒃ ᓂᕆᖃᑎᒌᖃᑦᑕᓚᐅᕐᐳᑦ ᐆᒻᒪᑎᒥᒃᑎᒍᑦ ᐊᓐᓂᕈᑦᔨᓂᖃᕋᑎᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 28:9

ᐸᐅᓗᓯ ᑍᒫᒃ ᐋᖅᑭᒃᓯᖕᒪᑦ, ᕿᑭᕐᑕᒥᐅᑦ ᐊᓯᖏᑦ ᖃᓂᒻᒪᓯᓖᑦ ᕾᑕᐅᒋᕗᑦ, ᐋᖅᑭᒃᑕᐅᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 3:11

ᐊᖑᑦ ᐲᑦᑐᕉᓯᒥᒃ ᔪᐊᓇᓯᒥᒡᓗ ᑎᒍᒥᐊᕐᑎᓪᓗᒍ ᓱᓕ, ᐃᓄᐃᑦ ᑐᐊᕕᕐᓗᑎᒃ ᑖᒃᑯᓄᓐᖓᕐᐳᑦ ᑲᒪᒻᒪᕆᒡᓗᑎᒃ, ᑕᕝᕗᖓ ᓲᓗᒨᓂᐅᑉ ᑐᕐᓲᖓᓂᒃ ᑍᔭᐅᔪᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:30

ᐱᔪᓐᓇᕐᓃᑦ ᓴᖅᑭᑎᓚᐅᕈᒃ ᐋᖅᑮᖃᑦᑕᕐᓂᒃᑯᑦ, ᑲᒪᓇᕐᑐᓕᓂᕐᓂᒃ ᓇᓗᓁᒃᑯᑕᕐᓂᒡᓗ ᐱᔪᖃᖁᓪᓗᒍ ᐱᔨᕕᑦ ᐃᑦᔪᕐᓁᑦᑑᑉ ᔩᓱᓯᐅᑉ ᐊᑎᖓᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:33

ᑕᕝᕙᓂ ᐊᖑᒻᒥᒃ ᑲᑎᓯᕗᖅ ᐃᓂᐊᓯᒥᒃ ᐊᑎᓕᖕᒥᒃ, ᑖᓐᓇ ᓄᑭᖃᕋᓂ ᓇᓚᓚᐅᕐᐳᖅ ᐊᕐᕌᒍᓂᒃ 8ᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:40

ᐲᑦᑐᕉᓯᐅᑉ ᑕᕝᕙᓃᑦᑐᓕᒫᑦ ᐊᓂᖁᒐᒥᒋᑦ ᓰᖅᑯᕐᓗᓂ ᑐᒃᓯᐊᕐᐳᖅ; ᑎᒥᖓ ᓵᕝᕕᒋᓪᓗᓂᐅᖅ ᐅᖃᐅᑎᕚ, “ᑕᐱᓵ, ᒪᑭᑦᑎᑦ.” ᑖᓐᓇ ᐅᐃᑉᐳᖅ, ᐲᑦᑐᕉᓯ ᑕᑯᒐᒥᐅᒃ ᐃᖏᑉᐳᖅ.

ᕉᒪᒥᐅᓄᑦ 15:19

ᓇᓗᓁᒃᑯᑍᑦ ᑲᒪᓇᕐᑐᓕᓃᓪᓗ ᐱᔪᓐᓇᕐᓂᖏᑎᒍᑦ, ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᔨᕉᓴᓕᒻᒥᑦ ᐱᒋᐊᕐᓗᖓ ᐃᓔᕆᑲᒻ ᑎᑭᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ ᐅᖃᐅᓯᖃᕐᓯᒪᕗᖓ ᑕᒤᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:12

ᐋᐴᓯᑕᓕᐅᑉ ᓱᓕᓂᖏᑕ ᓇᓗᓁᒃᑯᑕᖏᑦ ᐃᓕᑦᓯᓐᓂ ᐱᓇᓱᐊᕐᑕᐅᓚᐅᕐᐳᑦ ᕿᓄᐃᓵᕐᓂᒃᑯᑦ, ᓇᓗᓁᕐᓯᕕᐅᓃᑦ ᑲᒪᓇᕐᑐᓕᓃᓪᓗ ᐱᔪᓐᓇᕐᓂᕐᔪᐊᓪᓗ.

ᐄᑉᕈᐃᓄᑦ 2:4

ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.