ᐋᐴᓯᑕᓖᑦ ᐱᓂᐊᕐᓂᖏᑦ 4:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᐃᓚᒌᒃᑐᓂ ᐊᔪᕐᓴᕐᑐᖃᓚᐅᓐᖏᓚᖅ, ᐱᕈᕐᓰᕕᖁᑎᓖᑦ ᐃᒡᓗᖁᑎᓖᓪᓗ ᓂᐅᕐᕈᑎᖃᕌᖓᒥᒃ, ᐊᑭᓕᐅᑕᐅᔪᓂᒃ ᑲᑎᑦᓯᖃᑦᑕᓚᐅᕐᐳᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 4:34 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 19:21

ᔩᓱᓯᐅᑉ ᐅᖃᐅᑎᕚ, “ᓈᒻᒪᑦᓯᐊᕈᒪᒍᕕᑦ, ᐱᖁᑎᓕᒫᑎᑦ ᓂᐅᕐᕈᑎᒋᔭᕐᑐᒃᑭᑦ, ᑮᓇᐅᔭᕐᑖᑎᓪᓗ ᐊᔪᕐᓴᕐᑐᓄᑦ ᑐᓂᕐᕈᑎᒋᓗᒋᑦ, ᑕᕝᕙ ᐱᖁᑎᖃᑦᓯᐊᕐᓂᐊᕐᐳᑎᑦ ᕿᓚᖕᒥ; ᐊᑏ ᕾᓕᕆᑦ, ᒪᓕᒡᓗᖓ.”

ᒫᑯᓯᐅᑉ ᐊᒡᓚᖏᑦ 10:21

ᔩᓱᓯᐅᑉ ᑕᑯᓴᕐᓗᒍ ᓇᒡᓕᒋᓪᓗᓂᐅᒃ ᐅᖃᐅᑎᕚ, “ᐊᑕᐅᓯᕐᒥᒃ ᓱᓕ ᐱᓐᖏᓚᑎᑦ; ᐂᓗᑎᑦ ᐱᖁᑎᖕᓂᒃ ᓂᐅᕐᕈᑎᖃᕆᐊᕐᑐᕆᑦ, ᑮᓇᐅᔭᕐᑖᑎᓪᓗ ᐊᔪᕐᓴᕐᑐᓄᑦ ᑐᓂᕐᕈᑎᒋᓗᒋᑦ, ᑕᕝᕙ ᐱᒃᓴᖃᑦᓯᐊᕐᓂᐊᕐᐳᑎᑦ ᕿᓚᖕᒥ; ᐊᑏ ᕾᓕᕆᑦ, ᒪᓕᒡᓗᖓ.”

ᓘᑲᓯᐅᑉ ᐊᒡᓚᖏᑦ 12:33

ᐱᖁᑎᓯ ᓂᐅᕐᕈᑎᒋᓯᐅᒃ, ᑮᓇᐅᔧᑦ ᑐᓂᓗᒋᑦ ᐊᔪᕐᓴᕐᑐᓄᑦ; ᐴᒃᓴᕐᑖᕆᑦᓯ ᐱᑐᖃᓐᖑᕐᓂᐊᖏᑦᑐᓂᒃ, ᐱᒃᓴᕐᑖᕐᓗᓯᓗ ᕿᓚᖕᒥ ᓄᖑᓐᓂᐊᖏᑦᑐᓂᒃ, ᑎᒡᓕᒃᑎᓄᑦ ᐱᔭᐅᔪᓐᓇᖏᑦᑐᓂᒃ, ᖁᐱᕐᕈᓄᓪᓗ ᖃᓪᓗᓈᕐᑕᓂᒃ ᓂᕆᓲᓄᑦ ᓱᒃᑯᑕᐅᓂᐊᖏᑦᑐᓂᒃ.

ᓘᑲᓯᐅᑉ ᐊᒡᓚᖏᑦ 16:9

“ᐅᖃᐅᑎᕙᑦᓯ, ᐃᓚᓐᓈᖃᕋᓱᐊᕆᑦᓯ ᓯᓚᕐᔪᐊᕐᒥᐅᑦ ᐊᔪᕐᓴᖏᑦᔪᑎᖏᑦ ᐊᑐᕐᓗᒋᑦ, ᐊᔪᕐᓴᓕᕈᑦᓯ ᑐᓐᖓᓱᒃᑎᑕᐅᖁᓪᓗᓯ ᐊᖏᕐᕋᒃᓴᑦᓯᓄᑦ ᐃᓱᖃᖏᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 22:35

ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᑍᑦᓱᒪᓂ ᑎᓕᓚᐅᕋᑦᓯ ᑮᓇᐅᔭᒃᑯᕕᓕᔭᖁᓇᓯ ᐃᒃᐱᐊᕐᔪᓕᔭᖁᓇᓯᓗ ᐃᑎᒐᒍᑎᓕᔭᕋᓯᓘᓐᓃᑦ, ᓱᓇᑐᐃᓐᓇᕐᒥᒃ ᑭᓐᖒᒪᔭᖃᓚᐅᕐᐱᓰ?” ᑖᒃᑯᐊ ᑭᐅᕚᑦ, “ᓱᓇᒥᒡᓘᓐᓃᑦ ᑭᓐᖒᒪᔭᖃᓚᐅᓐᖏᓚᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:45

ᐱᖁᑎᑎᒃ ᓄᓇᖁᑎᑎᒡᓗ ᓂᐅᑦᕈᑎᒋᓚᐅᕐᐰᑦ ᐊᑭᖏᑦ ᐅᒃᐱᕐᑐᓕᒫᓄᑦ ᑐᓂᐅᖅᑲᐅᑎᒋᓪᓗᒋᑦ, ᐱᔭᕆᐊᖃᕐᓂᖏᑦ ᒪᓕᒡᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:37

ᑖᑦᓱᒪ ᐱᕈᕐᓰᕕᖁᑎᓂ ᓂᐅᕐᕈᑎᒋᕚ, ᐊᑭᖏᑦ ᐋᑉᐰᑦ, ᑐᓂᓪᓗᒋᑦ ᐋᐴᓯᑕᓕᖕᓄ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:14

ᐊᑦᔨᒌᖁᓪᓗᓯᓕ ᒫᓐᓇ ᐊᔪᕐᓴᖏᓐᓇᑦᓯ ᐃᓕᑦᓯᓐᓂᑦ ᐱᖃᕐᑎᑕᐅᖁᓪᓗᒋᑦ ᐱᔭᕆᐊᖃᕐᑕᖏᓐᓂᒃ, ᑍᒫᒃᑕᐅᖅ ᐱᔭᕆᐊᖃᓕᕈᑦᓯ ᑖᒃᑯᓇᓐᖓᑦ ᐱᑎᑕᐅᒐᔭᕋᑦᓯ, ᑍᒫᒃ ᑕᕝᕙ ᐊᑦᔨᒌᒥᒃ ᐱᒐᔭᕐᐳᓯ.

ᒨᓯᓯ ᑕᓪᓕᒪᖏᑦ 2:7

ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᓇᓱᐊᕐᓯᒪᔭᑦᓯᒍᑦ ᑕᒤᑎᒍᑦ. ᑖᑦᓱᒪᓗ ᑲᒪᒋᑦᓯᐊᕐᓯᒪᕚᓯ ᑕᒪᐅᓇ ᓄᓇᒃᑯᑦ ᐃᓄᖃᖏᑦᑐᒃᑯᑦ ᐃᖏᕐᕋᑎᓪᓗᓯ, ᑖᑦᓱᒪᓗ ᐃᓚᒋᓚᐅᕐᐹᓯ ᑖᒃᑯᓇᓂ ᐊᕐᕌᒍᓂ 40ᓂ, ᓱᓇᓕᒫᑦᓯᐊᓂᒡᓗ ᑭᓐᖒᒪᒋᔭᑦᓯᓐᓂᒃ ᑐᓂᓯᕕᒋᓯᒪᓪᓗᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:12

ᑍᒤᓕᐅᕐᑎᓪᓗᓯ ᑕᕝᕙ ᐃᒃᐱᒋᔭᐅᑦᓯᐊᕈᓐᓇᕐᓯᓂᐊᕐᐳᓯ ᐅᒃᐱᖏᑦᑐᓄᑦ, ᐊᓯᑦᓯᓐᓄᑦ ᐅᑕᖅᑭᑐᐃᓐᓇᕐᓂᐊᓐᖏᓚᓯ.

ᑎᒧᑎᒧᑦ ᓯᕗᓪᓖᑦ 6:19

ᑍᒤᓕᐅᕈᑎᒃ ᐱᒃᑯᒥᓇᕐᑐᕐᔪᐊᓂᒃ ᑐᓐᖓᕕᓕᐅᕐᓂᐊᕐᐳᑦ ᓯᕗᓂᒃᓴᒥᖕᓂ, ᐃᓅᓯᕐᒥᒃ ᓵᓚᖃᐅᑎᒃᓴᕐᑖᕈᒫᕐᐳᑦ ᐃᓅᓯᓪᓚᕆᖕᒥᒃ.

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.