ᐋᐴᓯᑕᓖᑦ ᐱᓂᐊᕐᓂᖏᑦ 4:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑲᑎᒪᔨᕐᔪᐊᑦ ᑲᒪᓂᐊᓕᕐᐳᑦ ᐲᑦᑐᕉᓯᐅᑉ ᔪᐊᓇᓯᐅᓪᓗ ᓯᕘᕋᖏᓐᓂᖏᖕᓂᒃ, ᖃᐅᔨᒪᓪᓗᑎᒡᓗ ᐃᓕᓐᓂᐊᕐᓯᒪᖏᒻᒪᑎᒃ, ᐃᓄᑐᐃᓐᓇᐅᓪᓗᑎᒃ, ᖃᐅᔨᒪᓚᐅᕐᐳᑦ ᔩᓱᓯᒥᒃ ᐃᓚᖃᖃᑦᑕᓚᐅᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:13 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 11:25

ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ;

ᒫᑎᐅᓯᐅᑉ ᐊᒡᓚᖏᑦ 26:71

ᑕᕝᕙᓐᖓᑦ ᐊᓂᓕᕐᑎᓪᓗᒍ, ᐱᔨᑲᑖᑦᑕᐅᖅ ᐊᕐᓇᐅᑉ ᐅᖃᖅᑲᐅᔫᑉ ᐊᓯᐊᑕ ᑕᑯᒐᒥᐅᒃ, ᖃᓂᒋᔭᒥᓃᑦᑐᓄᑦ ᐅᖃᕐᐳᖅ, “ᐅᓇ ᔩᓱᓯᒥᒃ ᓈᓴᕇᑎᒥᐅᒥᒃ ᐃᓚᖃᓚᐅᕐᑐᖅ.”

ᒫᑎᐅᓯᐅᑉ ᐊᒡᓚᖏᑦ 26:73

ᐊᑯᓂᐅᓗᐊᕐᑎᓐᓇᒍ ᓇᖏᕐᑐᑦ ᐃᓚᖓᑦᑕ ᐲᑦᑐᕉᓯ ᐅᐸᒃᓗᒍ, ᐅᖃᐅᑎᕚ, “ᑖᒃᑯᓇᖓᑦ ᐃᓚᒋᔭᐅᕗᑎᑦ, ᐅᖃᓪᓚᐅᓯᕐᐱᑦ ᓇᓗᓁᓕᖕᒪᑎᑦ!”

ᓘᑲᓯᐅᑉ ᐊᒡᓚᖏᑦ 22:8

ᔩᓱᓯᐅᑉ ᐲᑦᑐᕉᓯᒃᑯᒃ ᔪᐊᓇᓯᒃᑯᒃ ᑎᓕᕚᒃ, ᐅᖃᐅᑎᓪᓗᒋᒃ, “ᐂᓕᕆᑦᓯᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕈᑎᒃᓴᕗᑦ ᐊᑐᐃᓐᓇᕈᕆᐊᕐᑐᕐᓗᒍ, ᓂᕆᖃᑎᒌᖁᓪᓗᑕ.”

ᔪᐊᓇᓯᐅᑉ ᐊᒡᓚᖏᑦ 19:26

ᔩᓱᓯᐅᓪᓕ ᐊᓈᓇᓂ ᑕᑯᒐᒥᐅᒃ, ᐃᓕᓐᓂᐊᕐᑎᓗ ᓇᒡᓕᒋᔭᓂ ᑕᕝᕙᓂ ᓇᖏᖃᑕᐅᔪᖅ; ᐊᓈᓇᒥᓄᑦ ᐅᖃᕐᐳᖅ, “ᐊᕐᓈᖅ, ᑕᑯᒋᑦ, ᑕᕝᕙ ᐃᕐᓃᑦ!”

ᔪᐊᓇᓯᐅᑉ ᐊᒡᓚᖏᑦ 7:15

ᔫᑎᑦ ᐊᖓᔪᖅᑳᖏᑦ ᑲᒪᔪᐊᓘᓕᕐᐳᑦ ᐅᖃᕐᓗᑎᒃ, “ᖃᓄᐊᓗᖑᓇ ᖃᐅᔨᒪᔪᐊᓘᓕᕐᐹ ᐃᓕᓐᓂᐊᕐᕕᖕᒥ ᐃᓕᓐᓂᐊᓚᐅᕐᓯᒪᓇᓃ?”

ᔪᐊᓇᓯᐅᑉ ᐊᒡᓚᖏᑦ 7:49

ᐅᑯᐊ ᐃᓄᒐᓴᒡᔪᐊᑦ, ᐱᖁᔭᓂᒃ ᖃᐅᔨᒪᖏᑦᑐᑦ, ᐊᓯᕈᕐᑕᐅᔪᒫᕐᐳᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:14

ᑖᓐᓇ ᐋᖅᑭᒃᑕᐅᔪᖅ ᑕᑯᓐᓇᕋᒥᑦᔪᒃ ᓇᖏᖃᑎᒋᔭᖓᒃ, ᑲᑎᒪᔪᑦ ᐅᖃᐅᓯᒃᓴᖃᕈᓐᓃᕐᐳᑦ ᐊᑭᕋᕐᑐᕈᑎᒃᓴᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:19

ᐲᑦᑐᕉᓯᐅᑉ ᔪᐊᓇᓯᐅᓪᓗ ᑭᐅᕔᑦ, “ᐃᓱᒪᒃᓴᕐᓯᐅᓕᕆᑦᓯ, ᓈᒻᒪᖕᒪᖔᑦ ᒎᑎᐅᑉ ᓵᖓᓂ ᐃᓕᑦᓯᓐᓂᒃ ᓈᓚᒃᑯᑦᑕ, ᐅᕝᕙᓘᓐᓃᑦ ᒎᑎᒥᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 4:29

ᒫᓐᓇ ᐊᑕᓃᖅ, ᓯᕘᕋᓵᕆᑦᔪᑎᖏᑦ ᑕᑯᓚᐅᒃᑭᑦ, ᐱᔨᑎᑦ ᐅᖃᐅᓯᕆᖁᔭᕐᓂᒃ ᐅᖃᕈᓐᓇᕐᑎᒃᑭᑦ ᓯᕘᕋᖏᓪᓗᑎᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 4:31

ᑐᒃᓯᐊᕐᒪᑕ, ᑖᓐᓇ ᑲᑎᒪᕝᕕᒋᔭᖓᑦ ᐊᐅᓚᕗᖅ; ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ ᑕᒪᕐᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᓕᓚᐅᕐᐳᑦ ᓯᕘᕋᓇᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:27

ᐸᕐᓇᐹᓯᐅᑉ ᐃᓚᓕᐅᕐᐹ ᐋᐴᓯᑕᓕᖕᓄᑦ ᐱᑎᓪᓗᓂᐅᒃ, ᐸᕐᓇᐹᓯᐅᑉ ᐅᖃᐅᑎᑦᓯᐊᓕᕐᐰᑦ ᓴᐅᓗᓯᐅᑉ ᐊᑕᓂᕐᒥᒃ ᑕᑯᑎᑕᐅᓚᐅᕐᓂᖓᓂᒃ ᐊᖅᑯᒻᒦᑎᓪᓗᒍ, ᐅᖃᕐᕕᐅᓚᐅᕐᓂᖓᓂᒡᓗ ᐊᑕᓂᕐᒧᑦ, ᑕᒫᓯᑰᓯᒥ ᓯᕘᕋᓇᓂ ᐊᔪᕆᕐᑐᐃᔪᑎᖃᖃᑦᑕᓚᐅᕐᓂᖓᓂᒃ ᔩᓱᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:28

ᓴᐅᓗᓯᐅᓪᓕ ᓇᔪᓕᕐᐰᑦ ᔨᕉᓴᓕᒻᒥᐅᑦ ᐃᓅᖃᑎᒋᑦᓯᐊᓕᕐᓗᒋᑦ, ᓯᕘᕋᓇᓂ ᐊᔪᕆᕐᑐᐃᔪᑎᖃᖃᑦᑕᕐᐳᖅ ᐊᑕᓂᕐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:27

ᒎᑎᓕ ᓂᕈᐊᓚᐅᕐᐳᖅ ᓯᓚᕐᔪᐊᕐᒥᐅᓄᑦ ᓯᓔᓐᓇᓱᒋᔭᐅᔪᑦ ᐊᑐᕐᓗᒋᑦ ᓯᓚᑐᔪᑦ ᑲᓐᖑᓱᒃᑎᑦᓱᒪᓪᓗᒋᑦ, ᓯᓚᕐᔪᐊᕐᒥᐅᓂᓪᓗ ᓴᓐᖐᓐᓇᓱᒋᔭᐅᔪᓂᒃ ᒎᑎ ᓂᕈᐊᓚᐅᕐᐳᖅ ᓯᓚᕐᔪᐊᕐᒥ ᓴᓐᖏᔪᑦ ᑲᓐᖑᓱᒃᑎᑦᓱᒪᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:25

ᐃᓱᒪᒥᓂᓗ ᐃᔨᕐᓯᒪᔭᖏᑦ ᓴᖅᑭᑎᑕᐅᒐᔭᕐᐳᑦ; ᐅᑯᓗᓂᓗ, ᒎᑎ ᑐᒃᓯᐊᕐᕕᒋᓕᕋᔭᕐᐹ, ᓇᓗᓁᕐᓯᓗᓂᓗ; ᒎᑎ ᓱᓕᓪᓚᕆᒃᑐᒥᒃ ᐊᑯᓐᓇᑦᓯᓐᓃᓐᓂᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:12

ᑍᒤᑦᑐᒥᒃ ᑕᕝᕙ ᓂᕆᐅᖕᓂᖃᕋᑦᑕ, ᓱᓇᒥᒡᓘᓐᓃᑦ ᓯᕘᕋᓐᖏᓚᒍᑦ.