ᐋᐴᓯᑕᓖᑦ ᐱᓂᐊᕐᓂᖏᑦ 3:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑭᖑᕚᖑᕗᓯ ᓇᓚᐅᑦᑍᔪᑦ ᒎᑎᐅᓪᓗ ᐊᖏᕈᑎᒋᓯᒪᔭᖓᓄᑦ ᓯᕗᓪᓕᕕᓂᑦᓯᓐᓄᑦ ᐃᓚᐅᕗᓯ, ᐂᑉᕋᕼᐋᒻᒧᑦ ᐅᖃᓚᐅᕐᒪᑦ, ‘ᐃᕝᕕᑦ ᑭᖑᕚᖏᑎᒍᑦ ᐃᓄᓕᒫᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 3:25 Iomraidhean Croise

ᒨᓯᓯ ᓯᕗᓪᓖᑦ 12:3

ᓮᒻᒪᕐᑎᑦᓱᒫᕐᐸᒃᑲ ᐃᓕᖕᓂᒃ ᓮᒻᒪᕐᑎᑦᓯᔪᑦ; ᓇᕐᕈᓇᕐᑎᑦᓯᔪᑦ ᓇᕐᕈᓇᕐᓯᑎᑦᓱᒫᕐᐸᒃᑲ; ᐊᖅᑯᑎᒋᓗᑎᓪᓗ ᐃᓚᒌᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ.”

ᒨᓯᓯ ᓯᕗᓪᓖᑦ 17:19

ᒎᑎᐅᑉ ᑭᐅᕚ, “ᑍᒫᖑᓐᖏᓚᖅ, ᓄᓕᐊᕕᑦ ᓵᕋᐅᑉ ᐃᕐᓂᕐᑖᕐᑎᑦᓱᒫᕐᐹᑎᑦ, ᐊᑎᖃᕐᑎᑦᓱᒫᕐᐸᓪᓗ ᐂᓴᑭᒥᒃ, ᐊᖏᖃᑎᒌᒃᓯᒪᓂᕋ ᑲᔪᓯᑎᓐᓂᐊᕋᒃᑯ ᑖᑦᓱᒨᓇ ᑭᖑᕚᒃᓴᖏᓐᓄᑦ ᐊᖏᖃᑎᒌᒍᑎᓕᐊᕋ ᑕᒪᓐᓇ ᐃᓱᖃᖏᑦᑑᖕᒪᑦ ᑭᖑᕚᖏᓐᓄᓪᓗ ᑐᕌᖓᔪᒫᕆᕗᖅ ᑭᖑᓂᖓᓂ.

ᒨᓯᓯ ᓯᕗᓪᓖᑦ 18:18

ᖃᐅᔨᒪᒐᒪ ᐂᑉᕋᕼᐋᒻ ᑭᖑᕚᒃᓴᖏᑦ ᐃᓄᒐᓴᒡᔪᐊᓐᖑᕈᒫᕐᒪᑕ ᐱᔪᓐᓇᕐᑐᕐᔪᐊᖑᓗᑎᒡᓗ, ᑖᑦᓱᒨᓇᓗ ᐃᓅᖃᑎᒌᒡᔪᐊᑦ ᓮᒻᒪᕐᑎᑦᓱᒫᕐᐸᒃᑲ.

ᒨᓯᓯ ᓯᕗᓪᓖᑦ 20:7

ᒫᓐᓇᓕ, ᐊᕐᓇᖅ ᐅᐃᖓᓄᑦ ᐅᑎᕐᑎᓕᕈᒃ; ᑖᑦᓱᒪ ᐅᐃᖓ ᒎᑎᒧᑦ ᐅᖃᕐᑎᒋᔭᐅᖕᒪᑦ, ᑖᑦᓱᒪᓗ ᑐᒃᓯᐅᑎᓂᐊᕐᐹᑎᑦ ᐃᓅᓂᐊᕐᐳᑎᓪᓗ. ᐅᑎᕐᑎᓐᓂᐊᖏᒃᑯᕕᐅᒡᓕ, ᖃᐅᔨᒪᓕᕆᑦ ᓱᓕᓪᓗᖓ ᐅᖃᐅᑎᕙᒋᑦ ᑐᖁᓂᐊᕋᕕᑦ, ᐃᓚᑎᓪᓗ ᑕᒪᕐᒥᒃ.”

ᒨᓯᓯ ᓯᕗᓪᓖᑦ 22:18

ᑭᖑᕚᒃᑯᓪᓗ ᐃᓅᖃᑎᒌᒡᔪᐊᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ, ᓂᐱᒐ ᓈᓚᓚᐅᕋᕕᐅᒃ.”

ᒨᓯᓯ ᓯᕗᓪᓖᑦ 26:4

ᑭᖑᕚᑎᑦ ᐅᓄᕐᑐᕐᔪᐊᓐᖑᕐᑎᑦᓱᒫᕐᐸᒃᑲ ᕿᓚᐅᑉ ᐅᓪᓗᕆᐊᖏᑎᑐᑦ, ᑕᒪᒃᑯᐊᓗ ᓄᓇᒋᔭᐅᔪᓕᒫᑦ ᑐᓂᔪᒫᕐᐸᒃᑲ ᑭᖑᕚᕐᓄᑦ; ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒌᒡᔪᐊᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ;

ᒨᓯᓯ ᓯᕗᓪᓖᑦ 28:14

ᑭᖑᕚᑎᑦ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᓄᓇᖁᑎᖏᓪᓗ ᐅᖓᓯᒃᑐᓄᑦ ᑎᑭᐅᒪᔪᒫᕐᐳᑦ; ᐸᐅᖓ ᐅᓄᖓᓗ ᓯᑭᓂᐅᑉ ᓄᐃᕕᐊᑕ ᓇᓛᓄᑦ ᓂᐱᕕᐊᑕᓗ ᓇᓛᓄᑦ; ᐃᕝᕕᓪᓗ ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒋᒡᔪᐊᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.

ᑯᕉᓂᑲ ᓯᕗᓪᓖᑦ 16:16

ᐊᖏᖃᑎᒌᒍᑎᒋᓚᐅᕐᑕᓂ ᐂᑉᕋᕼᐋᒧᑦ, ᐅᖃᕕᒃᓗᓂ ᐊᖏᕈᑎᒋᓚᐅᕐᐹ ᐂᓴᑭᒧᑦ,

ᑯᕉᓂᑲ ᓯᕗᓪᓖᑦ 16:17

ᓇᓗᓁᒃᑲᓐᓂᓚᐅᕐᐹ ᔧᑯᒧᑦ ᐊᑐᕐᑕᐅᖁᓯᒪᔭᓂ, ᐃᓴᕆᐊᓕᒧᑦ ᐊᖏᖃᑎᒌᖕᓂᓐᖑᕐᑎᓚᐅᕐᐹ ᐃᓱᖃᖏᑦᑐᒧᑦ,

ᓂᕼᐃᒤᐊᐅᑉ ᐊᒡᓚᖏᑦ 9:8

ᓇᒡᕚᓚᐅᕐᐸᑦ ᐆᒻᒪᑎᒥᒍᑦ ᐅᒃᐱᕐᓂᖓ ᑲᔪᓯᓂᖃᕐᑎᓪᓗᒍ ᐃᓕᖕᓄᑦ, ᐊᖏᖃᑎᒌᓚᐅᕐᐳᓯᒡᓗ ᓄᓇᒥᒃ ᑬᓇᓂᒥᒃ ᑐᓂᓂᐊᕐᓂᕋᕐᓗᒍ, ᐅᑯᐊ ᓄᓇᖁᑎᖓᓐᓂᑦ, ᕼᐃᑍᑎᒃᑯᑦ, ᐊᒧᕅᑎᑯᓪᓗ, ᐱᕆᔧᑎᒃᑯᓪᓗ, ᔨᐳᓮᑎᒃᑯᓪᓗ, ᒋᕐᒐᓮᑎᒃᑯᓪᓗ, ᓄᓇᒋᔭᐅᖁᓪᓗᒋᑦ ᑭᖑᕚᖏᓐᓄᑦ. ᐊᖏᕐᓂᕆᓚᐅᕐᑍᑦ ᑲᔪᓯᑎᓚᐅᕐᐸᑦ, ᐅᒃᐱᕐᓇᑦᓯᐊᕋᕕᑦ.

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐃᓐᖏᕈᑎᑦ 96:7

ᐊᑕᓂᖅ ᑐᓂᓯᕕᒋᓯᐅᒃ, ᐃᓚᒌᖑᔪᓯ ᐃᓅᖃᑎᒌᒡᔪᐊᓂ, ᐊᑕᓂᖅ ᑐᓂᓯᕕᒋᓯᐅᒃ ᓂᕐᑐᕐᓇᕐᓂᕐᒥᒃ ᓴᓐᖏᓂᕐᒥᒡᓗ!

ᓘᑲᓯᐅᑉ ᐊᒡᓚᖏᑦ 1:72

ᓂᑲᒍᓱᖕᓂᓂ ᓴᖅᑭᑎᑦᓱᒪᓪᓗᒍ ᓯᕗᓕᕕᓂᑦᑎᓐᓄᑦ, ᐊᖏᕐᓯᒪᓂᓂᓗ ᐃᑦᔪᕐᓁᑦᑐᖅ ᐃᖅᑲᐅᒪᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 13:26

“ᐃᓴᕆᐊᓕᒥᐅᖑᖃᑎᒃᑲ, ᐂᑉᕋᕼᐋᒻ ᑭᖑᕚᖏᑦ, ᐃᓕᑦᓯᓗ ᐅᕙᓃᑦᑐᓯ ᒎᑎᒥᒃ ᓯᕘᕋᔪᓯ, ᐅᕙᑦᑎᓐᓄᑦ ᐅᖃᐅᓰᑦ ᑕᒪᒃᑯᐊ ᐱᐅᓕᔭᐅᓇᕐᑐᑦ ᑐᓂᔭᐅᓯᒪᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:39

ᑕᒪᓐᓇ ᐃᓕᑦᓯᓐᓄᑦ ᐊᖏᕈᑕᐅᓯᒪᕗᖅ ᕿᑐᕐᖓᑦᓯᓐᓄᓪᓗ ᐅᖓᓯᒃᑐᒦᑦᑐᓄᓪᓗ ᑕᒤᓐᓄᑦ, ᐊᑕᓂᐅᑉ ᒎᑎᑦᑕ ᐃᒻᒥᓄᑦ ᕾᖁᔭᓕᒫᖏᓐᓄᑦ.”

ᕉᒪᒥᐅᓄᑦ 15:8

ᐅᖃᐅᑎᕙᑦᓯ ᙭ᔅᑑᓯ ᐱᔨᓐᖑᓚᐅᕐᒪᑦ ᔫᑎᓄᑦ ᑭᐱᓯᒪᔪᓄᑦ ᒎᑎᐅᑉ ᓱᓕᑦᓯᐊᕐᓂᖓ ᓴᖅᑭᑎᑕᐅᖁᓪᓗᒍ, ᓯᕗᓕᕕᓂᖏᓐᓄᑦ ᐊᖏᕈᑎᒋᓯᒪᔭᖓᑕ ᑲᔪᓯᑎᑕᐅᓂᖓᒍᑦ.

ᕉᒪᒥᐅᓄᑦ 4:13

ᐂᑉᕋᕼᐋᒻ ᑭᖑᕚᖏᓪᓗ ᒎᑎᐅᑉ ᐊᖏᕐᕕᒋᓚᐅᕐᐰᑦ, ᓯᓚᕐᔪᐊᕐᒥᒃ ᐱᒃᓴᖃᕐᑎᓐᓂᐊᕐᓂᕋᕐᓗᒋᑦ ᐱᖁᔭᓂᒃ ᓈᓚᑦᓯᐊᕐᓂᕐᒥᖕᓄᑦ ᐱᑦᔪᑎᖃᕋᑎᒃ ᐃᓗᐊᕐᑑᓂᕋᕐᑕᐅᓂᕐᒥᒍᓪᓕ ᐅᒃᐱᕐᓂᕐᒥᖕᓄᑦ.

ᒐᓔᑎᐊᒥᐅᓄᑦ 3:16

ᑍᒫᒃ ᒎᑎ ᐊᖏᕐᓯᒪᕗᖅ ᐂᑉᕋᕼᐋᒻᒧᑦ ᑭᖑᕚᖓᓄᓪᓗ. ᐅᖃᕐᓯᒪᖏᒻᒪᑦ, “ᑭᖑᕚᖏᓐᓄᑦ,” ᐅᓄᕐᑐᓄᑦ ᑐᑭᖃᕐᓗᓂ; ᑭᓯᐊᓂᓕ ᐅᖃᖔᕐᐳᖅ “ᑭᖑᕚᖓᓄᑦ,” ᐊᑕᐅᓯᕐᒥᒃ ᐅᖃᐅᓯᖃᕐᓗᓂ, ᓇᓗᓇᓐᖏᓚᖅ ᙭ᔅᑑᓯᒥᒃ ᐅᖃᕐᓯᒪᖕᒪᑕ.

ᒐᓔᑎᐊᒥᐅᓄᑦ 3:29

ᑕᕝᕙ ᙭ᔅᑑᓯᒥᐅᑕᐅᒍᕕᑦ, ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᐳᑎᑦ, ᐊᖏᕈᑕᐅᓯᒪᔪᒥᒡᓗ ᑭᖑᕐᖑᑦᔨᖃᑕᐅᔪᒫᓕᕐᐳᑎᑦ.

ᒐᓔᑎᐊᒥᐅᓄᑦ 3:8

ᐊᒡᓔᑦ, ᓯᕗᓂᒃᓴᒥᒃ ᓇᓗᓁᕐᓯᓚᐅᕐᒪᑕ ᔫᑎᐅᖏᑦᑐᑦ ᒎᑎᐅᑉ ᐸᓯᔭᒃᓴᐅᔪᓐᓃᕐᑎᑦᓱᒫᕐᒪᒋᑦ ᐅᒃᐱᕐᓂᖏᑎᒍᑦ, ᑍᒤᒻᒪᑦ ᐂᑉᕋᕼᐋᒻ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕐᕕᐅᔭᕇᕐᓂᕐᐳᖅ ᓯᕗᓂᖓᒍᑦ, ᐃᒫᒃ, “ᐃᕝᕕᑦ ᐊᖅᑯᑎᒋᓗᑎᑦ ᐃᓅᖃᑎᒌᒡᔪᐊᓕᒫᑦ ᓮᒻᒪᕐᑎᑕᐅᔪᒫᕐᐳᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:6

ᑭᖑᓂᖓᒍᑦ ᑕᑯᒋᕗᖓ ᐂᖏᓕᒥᒃ ᓯᓚᒃᑯᑦ ᖁᕝᕙᓯᓈᕐᓗᓂ ᖃᖓᑕᔪᒥᒃ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓄᖑᓱᐃᑦᑐᓂᒃ ᐅᖃᐅᓯᒃᓴᓕᒃ ᓄᓇᕐᔪᐊᕐᒥᐅᓄᑦ, ᐃᓅᖃᑎᒌᒡᔪᐊᓕᒫᓄᑦ ᑭᖑᕚᕇᓄᑦ ᐅᖃᐅᓯᖃᑎᒌᖏᑦᑐᓄᑦ ᐃᓄᓕᒫᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.