ᐋᐴᓯᑕᓖᑦ ᐱᓂᐊᕐᓂᖏᑦ 3:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑖᓐᓇ ᐃᑦᔪᕐᓁᑦᑐᖅ ᐊᑲᐅᔪᕐᓗ ᓇᕐᕈᒋᓚᐅᕐᐸᓯ, ᐃᓄᐊᕐᓯᒪᔪᒥᒃ ᐊᓂᑎᑕᐅᖁᔨᖔᓚᐅᕐᐳᓯ,

ᐋᐴᓯᑕᓖᑦ ᐱᓂᐊᕐᓂᖏᑦ 3:14 Iomraidhean Croise

ᐃᓐᖏᕈᑎᑦ 16:10

ᑕᕐᓂᕋ ᑐᖁᖓᔪᑦ ᐃᓂᖓᓃᑦᓮᓐᓇᕐᓂᐊᓐᖏᓚᖅ, ᐃᑦᔪᕐᓁᑦᑐᖁᑎᕕᓪᓗ ᑎᒥᖓ ᓱᕈᕐᓂᕐᒥᒃ ᖃᐅᔨᑎᓐᓂᐊᓐᖏᓚᑦ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒫᑎᐅᓯᐅᑉ ᐊᒡᓚᖏᑦ 27:20

ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖏᑦ ᔫᑎᓄᓪᓗ ᐊᖓᔪᖅᑲᐅᔪᑦ ᐃᓄᖕᓂᒃ ᐃᓱᒪᓕᐅᕆᕗᑦ ᐸᕋᐹᓯᒥᒃ ᕿᓄᖁᓪᓗᒋᑦ, ᔩᓱᓯ ᑐᖁᑕᐅᖁᓪᓗᒍ.

ᒫᑯᓯᐅᑉ ᐊᒡᓚᖏᑦ 1:24

ᕾᒐᓛᓕᕐᐳᖅ, “ᐅᕙᑦᑎᓐᓂᒃ ᖃᓄᐃᓕᐅᕆᐊᕐᑐᕐᐲᑦ ᔩᓱᓯ ᓈᓴᕇᑎᒥᐅᖅ? ᐅᕙᑦᑎᓐᓂᒃ ᐊᓯᕈᐃᔭᕐᑐᕐᐲᑦ? ᖃᐅᔨᒪᕗᖓ ᑭᓇᐅᖕᒪᖔᕐᐱᑦ; ᒎᑎᐅᑉ ᐃᑦᔪᕐᓁᑦᑐᖁᑎᒋᕚᑎᑦ.”

ᒫᑯᓯᐅᑉ ᐊᒡᓚᖏᑦ 15:11

ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᐃᓄᒐᓴᒡᔪᐊᓂᒃ ᐃᓱᒻᒥᕐᑐᐃᓚᐅᕐᐳᑦ ᐸᕋᐹᓯᒥᒃ ᐱᔪᒪᖔᖁᓪᓗᒋᑦ ᑖᓐᓇ ᐊᓂᑎᑕᐅᖔᖁᓪᓗᒍ.

ᒫᑯᓯᐅᑉ ᐊᒡᓚᖏᑦ 15:7

ᑍᑦᓱᒪᓂ ᑎᒍᔭᐅᓯᒪᔪᖃᓚᐅᕐᐳᖅ ᐸᕋᐹᓯᒥᒃ ᐊᑎᓕᖕᒥᒃ ᑖᓐᓇ ᑎᒍᔭᐅᓚᐅᕐᑐᖅ ᐃᓄᖕᒥᒃ ᑐᖁᑦᓯᓚᐅᕐᒪᑦ ᐱᔮᕆᓪᓗᑎᒃ ᐱᕋᔭᒃᑐᐊᓘᑎᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᓘᑲᓯᐅᑉ ᐊᒡᓚᖏᑦ 23:25

ᐰᓛᑑᓯᐅᑉ ᐊᓂᑎᑕᐅᑯᓕᕐᐹ ᐸᕋᐹᓯ ᑎᒍᔭᐅᓯᒪᕕᖕᒦᑦᑐᖅ ᐃᓄᐃᑦ ᐊᓂᑎᑕᐅᖁᔭᖓᑦ, ᐅᐃᒪᔮᕐᑎᑦᓯᓂᖓᓄᑦ ᐃᓄᐊᕐᓯᒪᓂᖓᓄᓪᓗ ᑎᒍᔭᐅᓯᒪᔪᖅ, ᔩᓱᓯ ᐱᔭᐅᑎᓕᕐᐹ ᐃᓄᐃᑦ ᐱᔪᒪᔭᖏᑦ ᒪᓕᒡᓗᒋᑦ; ᐃᓱᒪᕐᓲᑎᒋᓗᒍ ᐱᓂᐊᕐᕕᒋᓂᐊᕐᒪᑦᔪᒃ.

ᔪᐊᓇᓯᐅᑉ ᐊᒡᓚᖏᑦ 16:10

ᓇᓛᒎᕐᓂᖅ ᐱᑦᔪᑎᒋᓪᓗᒍ, ᐊᑖᑕᒧᐊᕐᓂᐊᕐᐳᖓ, ᑕᑯᓂᐊᕈᓐᓃᕐᐸᑦᓯᓐᖓᓗ;

ᔪᐊᓇᓯᐅᑉ ᐊᒡᓚᖏᑦ 18:40

ᑕᕝᕙ ᕾᒐᓛᓕᕐᐳᑦ, “ᑖᑦᓱᒥᖓᐅᖏᑦᑐᖅ, ᐸᕋᐹᓯᒥᒡᓕ!” (ᐸᕋᐹᓯᓕ ᐱᕋᔭᐅᕗᖅ.)

ᐋᐴᓯᑕᓖᑦ ᐱᓂᐊᕐᓂᖏᑦ 13:28

ᓇᓂᓯᔪᓐᓇᖏᒃᑲᓗᐊᕋᒥᒃ ᑐᖁᑕᐅᑦᔪᑎᒃᓴᖓᓂᒃ, ᐰᓛᑑᓯᒥᒃ ᑎᓕᓯᓚᐅᕐᐳᑦ ᑖᓐᓇ ᑐᖁᑕᐅᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 2:27

ᑐᖁᖓᔪᑦ ᐃᓂᖓᓄᑦ ᑕᕐᓂᕋ ᕿᒪᖕᓂᐊᖏᓐᓇᕕᐅᒃ, ᐃᑦᔪᕐᓁᑦᑐᖁᑏᑦ ᐃᒍᓇᖁᓂᐊᓐᖏᓚᑦ ᐃᓗᕕᕐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 22:14

ᐅᖃᐅᑎᕚᖓ, ‘ᓯᕗᓕᕕᓂᑦᑕ ᒎᑎᖓᑕ ᓂᕈᐊᕐᒪᑎᑦ ᖃᐅᔨᖁᓪᓗᓂᑎᑦ ᐱᔪᒪᔭᖓᓂᒃ, ᖃᐅᔨᖁᓪᓗᑎᑦ ᓇᓛᒎᑦᓯᐊᕐᑐᑐᐊᖑᔪᒥᒃ, ᑐᓴᖁᓪᓗᑎᑦ ᐅᖃᐅᓯᕐᓂᒃ ᓇᖕᒥᓂᖅ ᐅᖃᐅᓯᕆᔭᖏᓐᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 4:27

“ᓇᓗᓇᖏᒻᒪᑦ ᓄᓇᓕᖕᓂ ᐅᕙᓂ ᐃᕉᑕᓯ, ᐴᓐᑎᐅᓯ ᐰᓛᑑᓯᓗ ᔫᑎᐅᖏᑦᑐᓪᓗ, ᐃᓴᕆᐊᓕᒥᐅᓪᓗ ᑲᑐᑦᔨᓕᓚᐅᕐᒪᑕ, ᐱᔨᒋᔧᑦ ᐃᑦᔪᕐᓁᑦᑐᖅ ᔩᓱᓯ ᙭ᔅᑑᓯᖁᑎᒋᔧᑦ ᐊᑭᕋᕐᑐᕐᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 5:28

ᐅᖃᕐᓗᓂ, “ᐊᒃᓱᕈᕐᓗᑕ ᐃᓕᑦᓯᓐᓂᒃ ᐃᓂᕐᑎᕆᓚᐅᕐᐳᒍᑦ ᐊᔪᕆᕐᑐᐃᖃᑦᑕᖁᓇᑕ ᑖᑦᓱᒪ ᐊᑎᖓᓂ, ᐃᓕᑦᓯᓕ ᔨᕉᓴᓕᒻᒥᐅᑦ ᑕᒪᕐᒥᐊᓗᒃ ᑐᓴᕐᑎᓕᕐᐸᓯ ᐊᔪᕆᕐᑐᐃᓂᑦᓯᓐᓄᑦ, ᐅᕙᑦᑎᓐᓂᒃ ᑍᑦᓱᒪ ᑐᖁᑕᐅᓂᖓᓄᑦ ᓵᑕᒃᓴᐅᓂᕅᖃᑦᑕᕐᓗᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:52

ᓇᓚᐅᑦᑍᔪᑦ ᓇᓪᓕᐊᑦ ᓯᕗᓕᕕᓂᑦᓯᓐᓂᑦ ᐊᑭᕋᕐᑐᕐᑕᐅᓚᐅᓐᖏᓛᖅ? ᑐᖁᑕᐅᓚᐅᕐᐳᑦ ᑍᒃᑯᐊ ᓯᕗᓂᖓᓂ ᐅᖃᐅᓯᒃᓴᖅᑲᕐᑎᑕᐅᓚᐅᕐᑐᑦ ᑎᑭᑦᓱᒫᕐᑐᒥᒃ ᓇᓛᒎᕐᑐᒥᒃ ᒎᑎᐅᑉ ᐱᔨᖓᓂᒃ, ᑖᓐᓇ ᐱᔭᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᔧᒥᓯᐅᑉ ᐊᒡᓚᖏᑦ 5:6

ᑐᖁᑕᒃᓴᓐᖑᕐᑎᑦᓯᓚᐅᕐᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᖢᒋᓪᓗ; ᑖᒃᑯᐊᓗ ᐊᑭᕋᕐᑐᓚᐅᓐᖏᓛᓯ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;

ᔪᐊᓇᓯ ᓯᕗᓪᓖᑦ 2:1

ᕿᑐᕐᖔᑯᓗᒃᑲ, ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᐊᔪᕐᑐᓕᖁᓇᓯ; ᐊᔪᕐᑐᓕᔪᖃᕐᐸᓪᓕ, ᑐᒃᓯᐅᑦᔨᔨᖃᕐᐳᒍᑦ ᐊᑖᑕᒥ, ᑕᕝᕙ ᔩᓱᓯ ᙭ᔅᑑᓯᒥᒃ ᐱᐅᔪᑐᐊᖑᔪᒥᒃ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.