ᐋᐴᓯᑕᓖᑦ ᐱᓂᐊᕐᓂᖏᑦ 3:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᕝᕙ ᐲᑦᑐᕉᓯ ᔪᐊᓇᓯᓗ ᑐᒃᓯᐊᕐᕕᒡᔪᐊᒧᐊᓕᕐᐴᒃ ᑐᒃᓯᐊᕐᓇᕐᓯᓕᕐᑎᓪᓗᒍ ᐃᑲᕐᕋᒥ, ᐅᓐᓄᓴᒃᑯᑦ 3ᒨᕐᑎᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 3:1 Iomraidhean Croise

ᐊᑕᓃᑦ ᓯᕗᓪᓖᑦ 18:36

ᑕᕝᕙᓂᓗ ᐅᓐᓄᒃᑯᑦ ᑐᓂᕐᕈᓯᓐᓂᖅ ᓇᓪᓕᐅᑎᖕᒪᑦ, ᐃᓔᑦᔭ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᖃᒡᓕᒋᐊᕐᓗᓂ ᐅᖃᕐᐳᖅ, “ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᐃᓴᕆᐊᓕᐅᓪᓗ ᒎᑎᖓ, ᐅᓪᓗᒥ ᖃᐅᔨᔭᐅᓕᕆᑦ ᐊᑕᓂᐅᒐᕕᑦ ᐃᓴᕆᐊᓕᐅᑉ ᒎᑎᖓ, ᐅᕙᖓᓗ ᐱᔨᒋᒐᕕᖓ, ᑕᒪᒃᑯᐊᓗ ᐱᓇᓱᐊᕐᑕᒃᑲ ᐅᖃᐅᓯᕆᓯᒪᔭᒃᑯᑦ ᐱᓇᓱᐊᖃᑦᑕᕋᒃᑭᑦ.

ᐃᓐᖏᕈᑎᑦ 55:17

ᐅᓐᓄᒃᑯᑦ, ᐅᓪᓛᒃᑯᓪᓗ, ᐅᓪᓗᑯᓪᓗ ᑐᒃᓯᐊᕈᒪᕗᖓ, ᓂᓪᓕᐊᓗᖓᓗ ᓂᐱᖃᕐᓗᖓ ᐅᖁᒤᒃᓴᕐᓂᕐᒧᑦ ᕿᐊᓗᖓ, ᓂᐱᒐᓗ ᑐᓴᕐᓂᐊᕐᐹ.

ᒨᓯᓯ ᐂᑉᐸᖏᑦ 29:39

ᐅᓪᓛᒃᑯᑦ ᓰᐱᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᓯᕐᑐᒃᓴᐅᕗᑎᑦ, ᐂᑉᐸᖓᓕ ᓰᐱᐅᑉ ᓄᕐᕋᖓ ᐅᓐᓄᒃᑯᑦ ᑐᓂᕐᕈᑎᒋᔭᒃᓴᕆᕙᑦ;

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᑖᓂᐊᓕᐅᑉ ᐊᒡᓚᖏᑦ 9:21

ᑐᒃᓯᐊᕐᑎᓪᓗᖓ ᓱᓕ, ᒊᐳᕆᐅᓕ, ᐊᖑᑦ ᑕᑯᓚᐅᕐᑕᕋ ᑕᑯᑎᑕᐅᓂᕐᒥ ᓯᕗᓪᓕᕐᒥᒃ, ᕾᕗᖅ ᓱᒃᑲᓕᔪᒥᒃ ᖃᖓᑕᓪᓗᓂ, ᐅᓐᓄᒃᓯᐅᑎᒥᒃ ᑐᓂᕐᕈᓯᕐᓂᖅ ᓇᓪᓕᐅᑎᓪᓗᐊᕐᑎᓪᓗᒍ.

ᒨᓯᓯ ᓯᑕᒪᖏᑦ 28:4

ᓰᐱᐅᑉ ᓄᕐᕋᖓ ᐊᑕᐅᓯᖅ ᐅᓪᓛᒃᑯᑦ ᑐᓂᕐᕈᑎᒋᖃᑦᑕᕐᓂᐊᕐᐸᓯ, ᓰᐱᐅᓪᓗ ᓄᕐᕋᖓᑕ ᐂᑉᐸᖓ ᐅᓐᓄᒃᑯᑦ ᑐᓂᕐᕈᑎᒋᖃᑦᑕᕐᓂᐊᕐᐸᓯ,

ᒫᑎᐅᓯᐅᑉ ᐊᒡᓚᖏᑦ 17:1

ᐅᓪᓗᐃᑦ ᐱᖓᓲᔪᕐᑐᑦ ᑭᖑᓂᖓᒍᑦ ᔩᓱᓯᐅᑉ ᐲᑦᑐᕉᓯ ᔧᒥᓯᑯᒃᓗ ᔪᐊᓇᓯᑯᒃ ᓄᑲᕇᒃ, ᐃᓚᒋᓪᓗᒋᑦ ᖃᖅᑲᒧᑦ ᐳᕐᑐᔪᒧᑦ ᒪᔪᐊᕈᑎᕔᑦ, ᐃᓚᑐᐊᕆᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 26:37

ᐅᑯᐊ ᐃᓚᒋᓚᐅᕐᐰᑦ ᐲᑦᑐᕉᓯ ᓯᐱᑎᐅᓪᓗ ᐃᕐᓂᖏᒃ ᒪᕐᕉᒃ, ᑕᕝᕙ ᔩᓱᓯ ᕿᒃᓵᖕᓂᕐᒧᑦ ᐊᖏᔪᕐᔪᐊᒧᑦ ᐅᖁᒤᒃᓴᕐᓂᕐᒧᓪᓗ ᑎᑭᑕᐅᕐᕗᖅ.

ᒫᑎᐅᓯᐅᑉ ᐊᒡᓚᖏᑦ 27:45

ᐅᓪᓗᖅ ᕿᑎᕋᓕᕐᑎᓪᓗᒍ ᓄᓇᕐᔪᐊᖅ ᑖᕐᓯᓚᐅᕐᐳᖅ, ᐃᑲᕐᕋᓂᒃ ᐱᖓᓱᓂᒃ ᑖᓚᐅᕐᐳᖅ.

ᓘᑲᓯᐅᑉ ᐊᒡᓚᖏᑦ 1:10

ᐃᓄᒋᐊᒃᑐᕐᔪᐊᑦ ᓯᓚᑖᓂ ᑐᒃᓯᐊᕐᑎᓪᓗᒋᑦ ᑎᐱᑦᓯᐊᕆᒃᑐᖅ ᐳᔫᕐᑎᑕᐅᑎᓪᓗᒍ,

ᓘᑲᓯᐅᑉ ᐊᒡᓚᖏᑦ 18:10

“ᐊᖑᑏᖕᓂᒃ ᒪᕐᕉᖕᓂᒃ ᑐᒃᓯᐊᕐᕕᒡᔪᐊᕐᒧᑦ ᑐᒃᓯᐊᕆᐊᕐᑐᖃᓚᐅᕐᐳᖅ, ᐂᑉᐸᖓ ᐹᕆᓯ, ᐂᑉᐸᖓᓗ ᕉᒪᒥᐅᑦ ᑮᓇᐅᔧᕐᑎᑦᓯᔨᖓ.

ᓘᑲᓯᐅᑉ ᐊᒡᓚᖏᑦ 22:8

ᔩᓱᓯᐅᑉ ᐲᑦᑐᕉᓯᒃᑯᒃ ᔪᐊᓇᓯᒃᑯᒃ ᑎᓕᕚᒃ, ᐅᖃᐅᑎᓪᓗᒋᒃ, “ᐂᓕᕆᑦᓯᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕈᑎᒃᓴᕗᑦ ᐊᑐᐃᓐᓇᕈᕆᐊᕐᑐᕐᓗᒍ, ᓂᕆᖃᑎᒌᖁᓪᓗᑕ.”

ᓘᑲᓯᐅᑉ ᐊᒡᓚᖏᑦ 24:53

ᑍᒪᓐᖓᓪ ᑐᒃᓯᐊᕐᕕᒡᔪᐊᒦᑉᐳᑦ ᒎᑎ ᓂᕐᑐᕐᓗᒍ.

ᔪᐊᓇᓯᐅᑉ ᐊᒡᓚᖏᑦ 21:7

ᑕᕝᕙ ᐃᓕᓐᓂᐊᕐᑎᐅᑉ ᔩᓱᓯᐅᑉ ᓇᒡᓕᒋᔭᖓᑕ ᐲᑦᑐᕉᓯ ᐅᖃᐅᑎᕚ, “ᐊᑕᓂᐅᕗᖅ!” ᓮᒨᓂᓕ ᐲᑦᑐᕉᓯ ᑐᓴᕋᒥ ᐊᑕᓂᐅᖕᒪᑦ, ᐊᓐᓄᕌᓂ ᓯᓚᓪᓕᖅ ᐊᑎᕚ ᐲᕐᓯᒪᓚᐅᕋᒥᐅᒃ ᐱᓇᓱᐊᕐᓗᓂ, ᐃᒫᓄᓪᓗ ᒥᓯᒃᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 10:3

ᐅᓐᓄᓴᒃᑯᑦ 3 ᖃᓂᒋᔮᓂ ᑕᑯᑎᑕᐅᓚᐅᕐᐳᖅ, ᐃᓕᓴᕐᓇᑦᓯᐊᕐᑐᒥᒃ ᒎᑎᐅᑉ ᐂᖏᓖᖓᓂᒃ ᕾᔪᒥᒃ ᐅᖃᕐᑐᒥᒃ ᑖᑦᓱᒧᖓ, “ᑰᓂᓕᐅᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:30

ᑰᓂᓕᐅᓯ ᐅᖃᕐᐳᖅ, “ᐅᓪᓗᐃᑦ ᓯᑕᒪᐅᓕᕐᐳᑦ, ᑍᒤᓪᓗᐊᓕᕐᑎᓪᓗᒍ ᐃᒡᓗᓐᓂ ᑐᒃᓯᐊᕐᑎᓪᓗᖓ ᐅᓐᓄᓴᒃᑯᑦ 3ᒧᐊᕐᑎᓪᓗᒍ; ᑕᑯᒋ, ᐊᖑᒻᒥᒃ ᓴᖅᑭᑦᑐᖃᑲᓪᓚᓚᐅᕐᐳᖅ ᖃᐅᒪᔪᕐᔪᐊᓂᒃ ᐊᓐᓄᕌᓕᖕᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:46

ᖃᐅᑕᒫᑦ ᑲᑎᒪᖃᑦᑕᓚᐅᕐᐳᑦ ᑐᒃᓯᐊᕐᕕᒡᔪᐊᒥ ᐊᑕᐅᑦᓯᒃᑯᑦ, ᓂᐊᖂᔭᒥᒃ ᐊᒡᒍᐃᕙᒃᓗᑎᒃ ᐊᖏᕐᕋᒥᖕᓂ, ᖁᕕᐊᓱᒡᓗᑎᒃ ᓂᕆᖃᑎᒌᖃᑦᑕᓚᐅᕐᐳᑦ ᐆᒻᒪᑎᒥᒃᑎᒍᑦ ᐊᓐᓂᕈᑦᔨᓂᖃᕋᑎᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 3:3

ᐲᑦᑐᕉᓯᒃᑯᒃ ᔪᐊᓇᓯᒃᑯᒃ ᑐᒃᓯᐊᕐᕕᒡᔪᐊᕐᒧᑦ ᐃᑎᕆᐊᕐᑐᕐᑑᒃ ᑕᑯᒐᒥᒋᒃ, ᑐᒃᓯᕋᓕᕐᐳᖅ ᑮᓇᐅᔭᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 3:4

ᐲᑦᑐᕉᓯᐅᑉ ᔪᐊᓇᓯᐅᓪᓗ ᕿᕕᐊᕐᓗᒍ ᑕᑯᓐᓈᓕᕐᐹᒃ, ᐅᖃᐅᑎᓪᓗᒍ, “ᑕᑯᓴᕐᑎᒍᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:13

ᑲᑎᒪᔨᕐᔪᐊᑦ ᑲᒪᓂᐊᓕᕐᐳᑦ ᐲᑦᑐᕉᓯᐅᑉ ᔪᐊᓇᓯᐅᓪᓗ ᓯᕘᕋᖏᓐᓂᖏᖕᓂᒃ, ᖃᐅᔨᒪᓪᓗᑎᒡᓗ ᐃᓕᓐᓂᐊᕐᓯᒪᖏᒻᒪᑎᒃ, ᐃᓄᑐᐃᓐᓇᐅᓪᓗᑎᒃ, ᖃᐅᔨᒪᓚᐅᕐᐳᑦ ᔩᓱᓯᒥᒃ ᐃᓚᖃᖃᑦᑕᓚᐅᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:25

ᐃᑎᕐᑐᖃᕐᐳᖅ ᐅᖃᕆᐊᕐᑐᕐᑐᒥᒃ ᑖᒃᑯᓄᖓ, “ᐊᖑᑏᑦ ᑎᒍᔭᐅᓯᒪᕕᖕᒧᐊᕐᑎᓚᐅᕐᑕᓯ ᑐᒃᓯᐊᕐᕕᒡᔪᐊᒦᑉᐳᑦ ᐊᔪᕆᕐᑐᐃᓪᓗᑎᒃ ᐃᓄᖕᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:14

ᐋᐴᓯᑕᓖᑦ ᔨᕉᓴᓕᒻᒦᑦᑐᑦ ᑐᓴᕋᒥᒃ ᓴᒥᐊᕆᐊᕐᒥᐅᑦ ᒎᑎᐅᑉ ᐅᖃᐅᓯᖏᓐᓂᒃ ᐃᓚᓕᐅᕐᓯᓕᕐᒪᑕ, ᑎᓕᓯᕗᑦ ᐲᑦᑐᕉᓯᒥᒃ ᔪᐊᓇᓯᒥᒡᓗ.

ᒐᓔᑎᐊᒥᐅᓄᑦ 2:9

ᔧᒥᓯ, ᓰᐸᓯᓗ, ᔪᐊᓇᓯᓗ, ᑖᒃᑯᐊ ᐅᒃᐱᕐᑑᖃᑎᒌᓄᑦ ᐊᖓᔪᖅᑳᕆᔭᐅᔪᑦ, ᖃᐅᔨᑦᓯᐊᓚᐅᕐᐳᑦ ᒎᑎᒧᑦ ᐱᔭᒃᓴᖃᕐᑎᑕᐅᓂᓐᓂᒃ ᑕᒪᑐᒥᖓ; ᑍᒤᒻᒪᑦ ᐅᕙᓐᓂᒃ ᐸᕐᓇᐹᓯᒥᒡᓗ ᑎᓕᓯᓚᐅᕐᐳᑦ, ᓇᓗᓁᕐᓯᓪᓗᑎᒃ ᐱᓇᓱᐊᖃᑎᒌᖕᓂᑦᑎᓐᓂᒃ. ᐊᖏᖃᑎᒌᓚᐅᕐᐳᒍᓪᓗ ᐸᓇᐹᓯᓗ ᐅᕙᒍᒃ ᔫᑎᐅᖏᑦᑐᓄᑦ ᐱᓇᓱᐊᕐᓂᐊᕐᓗᓄᒃ ᑍᒃᑯᐊ ᔫᑎᓄᑦ ᐱᓇᓱᐊᕐᓂᐊᕐᓗᑎᒃ.