ᐋᐴᓯᑕᓖᑦ ᐱᓂᐊᕐᓂᖏᑦ 28:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐸᐅᓗᓯᒥᒡᓗ ᑲᑎᒪᖃᑎᖃᕐᕕᒃᓴᒥᖕᓂᒃ ᐅᓪᓗᒥᒃ ᓇᓗᓁᕐᓯᕗᑦ, ᓇᓪᓕᐅᑎᖕᒪᓪᓗ ᐅᓄᕐᓂᕐᓴᒻᒪᕆᐊᓗᐃᑦ ᕾᕗᑦ ᓇᔪᕐᑕᖓᓄᑦ. ᐅᓪᓛᒥᑦ ᐱᒋᐊᕐᓗᒍ ᐅᓐᓄᒧᑦ ᑎᑭᓪᓗᒍ, ᓇᓗᓇᕈᓐᓃᕐᑎᑦᓯᕗᕐᓗ ᐅᖃᐅᓯᖃᕐᓗᓂ ᒎᑎᐅᑉ ᐊᑕᓂᐅᕕᖓᓂᒃ ᔩᓱᓯᒥᒡᓗ ᑐᑭᓯᔭᐅᑎᑦᓯᓇᓱᐊᕐᐳᖅ ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:23 Iomraidhean Croise

ᒫᑯᓯᐅᑉ ᐊᒡᓚᖏᑦ 4:34

ᐊᑦᔨᐅᔪᑦ ᐊᓯᐊᒍᑦ ᐅᖃᓪᓚᒃᕕᒋᓐᖏᓔᑦ, ᐃᓕᓐᓂᐊᕐᑎᓂ ᐃᓚᑐᐊᕆᓕᕌᖓᒥᒋᑦ, ᐅᖃᐅᓯᕆᖅᑲᐅᔭᒥᓂᒃ ᐊᑦᔨᐅᔪᓂᒃ ᑕᒤᓐᓂᒃ ᓇᓗᓁᕐᓯᕕᒋᖃᑦᑕᕐᐰᑦ.

ᓘᑲᓯᐅᑉ ᐊᒡᓚᖏᑦ 16:28

ᑕᓪᓕᒪᓂᒃ ᖃᑕᓐᖑᑎᖃᕋᒪ, ᑖᑦᓱᒪ ᐅᖃᐅᑎᓂᐊᕐᒪᒋᑦ, ᐅᕗᖓ ᐋᓐᓂᐊᓇᕐᑐᒧᐊᖁᓇᒋᑦᑕᐅᖅ.’

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᔪᐊᓇᓯᐅᑉ ᐊᒡᓚᖏᑦ 4:34

ᔩᓱᓯᐅᑉ ᐅᖃᐅᑎᕔᑦ, “ᓂᕆᔭᒃᓴᒃᑲ ᑕᕝᕙ ᑎᓕᔨᒪ ᐱᔪᒪᔭᖓᓂᒃ ᓈᓚᒡᓗᖓ, ᐱᓇᓱᐊᕐᑕᐅᖁᓯᒪᔭᖓᓗ ᐱᔭᕇᕐᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 1:3

ᐋᓐᓂᐊᑎᑕᐅᓂᕐᒥ ᑭᖑᓂᖓᓂ ᐅᓪᓗᓂᒃ 40ᓂᒃ ᓴᖅᑭᖃᑦᑕᓚᐅᕐᐳᖅ ᑖᒃᑯᓄᖓ ᐅᓄᕐᑐᐃᕐᓱᕐᓗᓂ, ᒪᑭᓯᒪᓪᓚᕆᖕᓂᕐᒥᓂᒃ ᖁᓚᖏᑦᓯᐊᓕᕈᑎᒃᓮᑦ ᐊᑐᕐᓗᒋᑦ, ᐅᖃᖃᑎᒋᓪᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 18:28

ᐅᖃᕈᓐᓇᑦᓯᐊᕐᓂᕐᒥᓄᓪᓗ ᔫᑎᑦ ᓵᓚᒋᕔᑦ ᐃᓄᐃᑦ ᑕᒃᑯᐊᓂ, ᐊᒡᓔᑦ ᐅᖃᐅᓯᖏᑦ ᓇᓗᓁᓕᓪᓗᒋᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 18:4

ᐅᖃᖃᑎᖃᖃᑦᑕᕐᐳᖅ ᓴᐸᑎᐅᓕᕌᖓᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓂ, ᑐᑭᓯᑎᓐᓇᓱᐊᕐᓗᒋᑦ ᔫᑎᑦ ᒍᕇᑭᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 19:8

ᐸᐅᓗᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐳᖅ, ᑕᖅᑭᓂᒃ ᐱᖓᓱᓂ ᑕᑉᕙᓃᓕᕐᓗᓂ, ᐃᓄᐃᑦ ᐅᖃᖃᑎᒋᖃᑦᑕᕐᐰᑦ ᓯᕘᕋᓇᓂ, ᑐᑭᓯᑎᓐᓇᓱᐊᕐᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 23:11

ᐅᓐᓄᐊᖑᓕᕐᑎᓪᓗᒍᓕ ᐸᐅᓗᓯᐅᑉ ᓴᓂᐊᓂ ᐊᑕᓂᖅ ᓇᖏᕐᓗᓂ ᐅᖃᕐᐳᖅ, “ᓯᕘᕋᓂᐊᕐᓇᒃ, ᔨᕉᓴᓕᒻᒥ ᐅᖃᐅᓯᖃᓚᐅᕋᕕᑦ ᐅᕙᓐᓂᒃ, ᑍᒫᒃᑕᐅᖅ ᕉᒪᒥ ᐅᖃᐅᓯᕆᔭᕆᐊᖃᕆᕙᕐᒪ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:14

ᐊᓐᖏᒍᑎᔪᒪᓐᖏᓚᒋᑦ; ᓯᕗᓕᕕᓂᑦᑕ ᒎᑎᖓ ᑐᒃᓯᐊᕐᕕᒋᕙᒃᐸᕋ, ᒫᓐᓇ ᐊᑕᓂᕐᒧᑦ ᒪᓕᒡᑎᐅᓂᕐᒥᒃ ᐃᓚᐅᕗᖓ, ᑖᒃᑯᐊ ᓱᓕᖏᑦᑐᒧᑦ ᐅᒃᐱᕈᓯᐅᓂᕋᕐᑕᖓᓐᓄᑦ, ᐅᒃᐱᕈᓱᑦᓯᐊᕐᐳᖓ ᒨᓯᓯᐅᑉ ᐱᖁᔭᖏᓐᓂᒃ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᑎᑎᕋᕐᓯᒪᔪᓂᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 26:6

ᒫᓐᓇᓕ ᐃᖅᑲᕐᑐᕐᑕᐅᑦᔪᑎᖃᕐᐳᖓ ᓂᕆᐅᖕᓂᖃᕐᓂᓐᓄᑦ ᒎᑎᐅᑉ ᐊᖏᕈᑎᒋᓚᐅᕐᑕᖓᓂᒃ ᓯᕗᓕᕕᓂᑦᑎᓐᓄᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 28:31

ᒎᑎᐅᑉ ᐊᑕᓂᐅᕕᖓᓂᒃ ᐊᔪᕆᕐᑐᐃᑦᔪᑎᖃᕐᓗᓂ ᐃᓕᓐᓂᐊᕐᑎᑦᓯᑦᔪᑎᖃᕐᓗᓂᓗ ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᓯᕘᕋᓇᓂ ᐊᒡᕕᐊᕐᑕᐅᓇᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 8:35

ᑕᕝᕙ ᐱᓕᑉᐴᓯᐅᑉ ᐅᖃᓪᓚᒡᕕᒋᓕᕐᐹ; ᑖᒃᑯᐊ ᒎᑎᐅᑉ ᐅᖃᐅᓯᖏᓐᓃᑦᑐᑦ ᐱᒋᐊᕈᑎᒋᓪᓗᒋᑦ, ᐊᔪᕆᕐᑐᓕᕐᐹ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔩᓱᓯᒥᒃ.

ᐰᓕᒨᓂᒧᑦ 1:2

ᐃᓚᒌᒃᑐᓄᓪᓗ ᐃᒡᓗᑦᓯᓐᓂ ᑲᑎᒪᖃᑦᑕᕐᑐᓄᑦ, ᓇᔭᑦᑎᓐᓄᓪᓗ ᐊᐱᐊᒧᑦ, ᐅᓇᑕᕐᑎᐅᖃᑎᑦᑎᓐᓄᓪᓗ ᐋᑭᐸᓯᒧᑦ.

ᐰᓕᒨᓂᒧᑦ 1:22

ᑍᒫᒃᑕᐅᖅ, ᓯᓂᒃᑕᕐᕕᒃᓴᓐᓂᒃ ᐋᖅᑭᓯᓯᒪᖁᕙᒋᑦ, ᓂᕆᐅᒃᑲᒪ ᑐᒃᓯᐊᕐᓂᓯ ᑭᐅᔭᐅᓂᐊᕐᒪᑕ ᐃᓕᖕᓄᑦ ᐅᑎᕈᓐᓇᖁᓪᓗᖓ.