ᐋᐴᓯᑕᓖᑦ ᐱᓂᐊᕐᓂᖏᑦ 26:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑕᒪᓐᓇ ᑕᕝᕙ ᐊᖏᕐᓂᖅ ᓂᕆᐅᒋᔭᐅᓚᐅᕐᑐᖅ ᑭᖑᕚᖑᖃᑎᒌᓄᑦ 12ᓄᑦ, ᑍᒪᓐᖓᑦ ᑐᒃᓯᐊᕐᓂᕐᒥᖕᓄᑦ ᐅᓪᓘᑎᓪᓗᒍ ᐅᓐᓄᐊᒥᓗ, ᐊᖓᔪᖅᑳᕐᔪᐊᖅ, ᑕᒪᓐᓇ ᑕᕝᕙ ᓂᕆᐅᖕᓂᖅ ᐱᑦᔪᑎᒋᓪᓗᒍ ᔫᑎᑦ ᐸᓯᓇᓱᐊᕐᐹᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 26:7 Iomraidhean Croise

ᐄᓱᕋᐅᑉ ᐊᒡᓚᖏᑦ 6:17

ᐃᑦᔪᕐᓁᑎᑦᓯᑎᓪᓗᒋᑦ ᑐᒃᓯᐊᕐᕕᒡᔪᐊᒥᒃ ᑐᓂᕐᕈᓯᓚᐅᕐᐳᑦ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓂᒃ 100ᓂᒃ, ᓰᐱᐅᓪᓗ ᐊᖑᓴᓪᓗᖏᓐᓂᒃ 200ᓂᒃ, ᓰᐱᐅᓪᓗ ᓄᕐᕋᐅᔭᖏᓐᓂᒃ 400ᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ 12ᓂᒃ ᐊᔪᕐᓂᕐᒧᑦ ᑐᓂᕐᕈᑎᓂᒃ, ᐃᓴᕆᐊᓕᒥᐅᑦ ᑭᖑᕚᕇᖏᑦ ᐊᑐᓂᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 8:35

ᐊᐅᓪᓚᕈᑦᔭᐅᓯᒪᕕᖕᒥᖕᓂᑦ ᐅᑎᕐᑐᕕᓂᓕᒫᑦ ᑐᓂᕐᕈᓯᓚᐅᕐᐳᑦ ᐃᑭᑕᐅᓂᐊᕐᑐᓂᒃ ᑐᓂᕐᕈᑎᒃᓴᐅᓪᓗᑎᒃ ᐃᓴᕆᐊᓕᒥᐅᑦ ᒎᑎᖓᓄᑦ: ᑐᓂᕐᕈᓯᓚᐅᕐᐳᑦ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓂᒃ 12ᓂᒃ ᐃᓴᕆᐊᓕᒥᐅᓕᒫᓄᑦ, 96ᓂᒃ ᓰᐱᐅᑉ ᐊᖑᓴᓪᓗᖏᓐᓂᒃ, 77ᓂᒃ ᓰᐲᑦ ᓄᕐᕋᐅᔭᖏᓐᓂᒃ, 12ᓂᒡᓗ ᒎᑦᓯᓂᒃ ᐊᖑᑎᓂᒃ ᐊᔪᕐᑐᓕᓂᕐᒧᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᒧᑦ. ᐆᒪᔪᐃᑦ ᐃᑯᐊᓪᓚᒃᑕᐅᓚᐅᕐᐳᑦ ᑐᓂᕐᕈᑕᐅᔪᓕᒫᑦ ᐊᑕᓂᕐᒧᑦ.

ᐃᓐᖏᕈᑎᑦ 135:2

ᐃᓕᑦᓯ ᐊᑕᓂᐅᑉ ᐃᒡᓗᖓᓂ ᓂᑯᕕᖓᔪᓯ, ᒎᑎᑦᑕ ᐃᒡᓗᖓᑕ ᐊᓃᕐᕕᖓᓂ!

ᒫᑎᐅᓯᐅᑉ ᐊᒡᓚᖏᑦ 19:28

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓅᑉ ᐃᕐᓂᖓ ᐃᒃᓯᕙᐅᑕᕐᔪᐊᕐᒥᓄᑦ ᐱᕕᐊᕐᓇᕐᑐᒧᑦ ᐃᖏᓪᓗᓂ ᓄᑖᒥᒃ ᐱᒋᐊᒃᑲᓐᓂᓕᕐᐸᑦ, ᑕᕝᕙ ᐃᓕᑦᓯ ᒪᓕᒃᑎᐅᔪᓯ ᐅᕙᓐᓄᑦ, ᐃᒃᓯᕙᖃᑕᐅᔪᒫᕐᐳᓯ ᐃᒃᓯᕙᐅᑕᕐᔪᐊᓂ 12ᓂ, ᐃᓴᕆᐊᓕᒥᐅᑦ ᑭᖑᕚᕇᑦ 12 ᐊᖓᔪᖅᑲᐅᕕᒋᓗᒋᑦ.

ᓘᑲᓯᐅᑉ ᐊᒡᓚᖏᑦ 2:25

ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.

ᓘᑲᓯᐅᑉ ᐊᒡᓚᖏᑦ 22:30

ᓂᕆᖃᑎᒋᔪᒫᕋᑦᓯ ᐃᒥᖃᑎᒋᓗᓯᓗ ᐊᑕᓂᐅᕕᖕᒪ ᓂᕆᕕᐊᓂ, ᐃᒃᓯᕙᔪᒫᕐᐳᓯᓗ ᐃᒃᓯᕙᐅᑕᕐᔪᐊᓂ ᐊᖓᔪᖅᑳᖑᓗᓯ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ 12ᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:31

ᑍᒤᒻᒪᑦ ᖃᐅᔨᓴᑦᓯᐊᓕᕆᑦᓯ, ᐃᖅᑲᐅᒪᓗᓯᓗ ᖁᕝᕕᐅᖃᑦᑕᕐᓗᖓ ᐅᓪᓗᒃᑯᑦ ᐅᓐᓄᐊᒃᑯᓪᓗ ᓄᖅᑲᓚᐅᕐᓯᒪᓇᖓ ᐊᔪᕆᕐᑐᖃᑦᑕᓚᐅᕋᑦᓯ ᐊᕐᕌᒍᓂᒃ ᐱᖓᓱᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 24:15

ᓂᕆᐅᖕᓂᖃᕐᐳᖓᓗ ᒎᑎᒥᑦ ᑖᒃᑯᐊ ᓂᕆᐅᖕᓂᕆᔭᖏᑕ ᐊᑦᔨᖓᓂᒃ, ᑐᖁᒥᓪᓗ ᒪᑭᓐᓂᖃᕈᒫᕐᒪᑦ ᑕᒤᓐᓄᑦ ᓇᓛᒎᕐᑐᓄᑦ ᓇᓛᒎᖏᑦᑐᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 26:2

“ᐊᖓᔪᖅᑳᕐᔪᐊᖅ ᐊᒍᕆᐸ, ᐊᖏᔪᐊᓗᖕᒥ ᖁᕕᐊᓲᑎᒋᕙᕋ ᐅᓪᓗᒥ ᓵᖕᓂ ᓇᖏᕋᒪ, ᐅᕙᓐᓂᒃ ᐅᖃᐅᓯᕆᔪᓐᓇᕐᓗᖓ ᔫᑎᑦ ᐸᓯᒃᖠᕋᓱᐊᕐᓂᖏᑦ ᐅᕙᓐᓂᒃ ᐱᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 26:3

ᐱᓗᐊᕐᑐᒥᒃ ᔫᑎᑦ ᐃᓕᖅᑯᓯᖏᑦ ᖃᐅᔨᒪᑦᓯᐊᕋᕕᒋᑦ ᐃᓱᒪᒋᔭᖏᓪᓗ; ᑍᒤᒻᒪᑦ ᐅᖃᕐᑎᓪᓗᖓ ᐅᑕᖅᑭᑦᓯᐊᕐᓗᑎᑦ ᓈᓚᒃᑕᐅᔪᒪᒐᓗᐊᕐᐳᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 28:20

ᑕᒪᑐᒧᖓ ᑕᕝᕙ ᑕᑯᔪᒪᓚᐅᕐᐸᑦᓯ ᐅᖃᓪᓚᒡᕕᒋᔪᒪᓪᓗᓯᓗ, ᐊᒻᒪᑦᑕᐅᖅ ᒪᑯᓄᖓ ᐊᕐᓵᕐᑑᔭᓄᑦ ᐊᑦᑐᖏᕐᓱᕐᑕᐅᓯᒪᕗᖓ ᐃᓴᕆᐊᓕᒥᐅᑦ ᓂᕆᐅᖕᓂᕆᔭᖓᓐᓂᒃ ᓂᕆᐅᖕᓂᖃᕐᓂᕋ ᐱᑦᔪᑎᒋᓪᓗᒍ.”

ᐱᓕᐱᒥᐅᓄᑦ 3:11

ᐊᔪᕐᓇᖏᑉᐸᑦ ᒪᑭᑎᑕᐅᔪᓐᓇᕈᒪᓪᓗᖓ ᑐᖁᒥᑦ ᐃᓅᓯᕐᒧᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:10

ᐅᓪᓘᑎᓪᓗᒍ ᐅᓐᓄᐊᒥᓗ ᐃᓗᖏᕐᓱᕐᓗᑕ ᑐᒃᓯᐊᕐᐳᒍᑦ ᓇᖕᒥᓂᖅ ᑕᑯᒃᑲᓐᓂᕈᒪᓪᓗᑕ ᐃᓕᑦᓯᓐᓂᒃ ᐃᑲᔪᒃᑲᓐᓂᕆᐊᖃᕈᑦᑕᓗ ᐅᒃᐱᕐᓂᑦᓯᓂᒃ ᐱᓇᓱᐊᕈᒪᓪᓗᑕ.

ᑎᒧᑎᒧᑦ ᓯᕗᓪᓖᑦ 5:5

ᐅᐃᒡᒐᕐᓂᕐᓕ ᐃᓄᑐᐊᖑᒃᐸᑦ ᐃᑲᔪᕐᑎᒃᓴᖃᕋᓂ, ᑍᒤᑦᑐᖅ ᒎᑎᒥᑦ ᑭᓯᐊᓂ ᓂᕆᐅᒃᐳᖅ, ᑐᒃᓯᐊᖏᓐᓇᕐᐳᕐᓗ ᐃᑲᔪᕐᑕᐅᔪᒪᓪᓗᓂ ᐅᓐᓄᐊᖑᒐᓗᐊᕐᐸᑦ ᐅᓪᓘᒐᓗᐊᕐᐸᓪᓗ;

ᔧᒥᓯᐅᑉ ᐊᒡᓚᖏᑦ 1:1

ᔧᒥᓯ, ᒎᑎᐅᑉ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᔨᖓ, ᑭᖑᕚᕇᓄᑦ 12ᓄᑦ ᓯᓚᕐᔪᐊᕐᒥ ᓇᓂᑐᐃᓐᓈᕐᑐᓄᑦ; ᑐᓐᖓᓱᒋᑦᓯ.