ᐋᐴᓯᑕᓖᑦ ᐱᓂᐊᕐᓂᖏᑦ 26:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐸᐅᓗᓯ ᐸᓯᔭᒃᓴᐅᖏᓐᓂᕐᒥᓂᒃ ᑍᒫᒃ ᓇᓗᓁᕐᓯᑎᓪᓗᒍ, ᕕᓯᑕᓯᐅᑉ ᕾᒐᓛᕐᕕᒋᕚ, “ᐸᐅᓗᓯ, ᐃᓱᒤᕈᑎᓕᕐᑐᑎᑦ; ᐃᓕᓯᒪᓂᐊᓗᖕᓄᑦ ᑐᑭᖃᕈᓐᓃᕐᑎᑕᐅᕗᑎᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:24 Iomraidhean Croise

ᐊᑕᓃᑦ ᐂᑉᐸᖏᑦ 9:11

ᔨᕼᐆ ᐊᖓᔪᖅᑳᖑᖃᑎᒥᓄᑦ ᐅᑎᕐᒪᑦ ᐃᓚᖓᑦᑕ ᐊᐱᕆᕚ, “ᖃᓄᐃᑦᑐᖃᖏᒃᑲᓗᐊᕐᐹ ᓱᖕᒪᓂᓐᓇ ᑐᑮᕈᓯᒪᔪᕐᔫᔮᕐᑐᖅ ᐃᓕᖕᓂᒃ ᑕᑯᔭᕐᑐᐃᕚ?” ᔨᕼᐆᓪᓕ ᑭᐅᕚ, “ᐊᖑ ᑍᓐᓇ ᖃᐅᔨᒪᕙᓯ ᖃᓄᐃᑦᑐᓂᒡᓗ ᐅᖃᐅᓯᖃᓲᖑᖕᒪᖔᑦ ᖃᐅᔨᒪᒋᕙᓯ.”

ᔨᕆᒤᐊᐅᑉ ᐊᒡᓚᖏᑦ 29:26

ᐊᑕᓂᐅᑉ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᑦ ᔨᕼᐅᐃᐊᑕᐅᑉ ᐃᓂᖓᓂ ᑲᒪᔨᒻᒪᕆᐅᓕᖁᓪᓗᑎᑦ ᑐᒃᓯᐊᕐᕕᒡᔪᐊᒥ, ᑍᒤᒻᒪᑦ ᐱᔭᒃᓴᖃᕐᐳᑎᑦ ᐃᓱᒪᖃᑦᓯᐊᖏᑦᑐᑦ ᐅᕝᕙᓘᓐᓃᑦ ᒎᑎᒧᑦ ᐅᖃᕐᑎᒋᔭᐅᓐᖑᐊᕐᑐᑦ ᐊᑦᑐᖏᐅᓯᕐᑕᐅᕙᖁᓪᓗᒋᑦ ᐊᕐᓵᕐᑑᔭᓄᑦ ᖁᖓᓯᕈᓯᕐᑕᐅᓯᒪᓗᑎᒃ ᓴᕕᕋᔭᖕᒥᒃ.

ᕼᐆᓯᐊᑉ ᐊᒡᓚᖏᑦ 9:7

ᐅᓪᓗᐃᑦ ᓱᒋᐊᕐᑕᐅᕖᑦ ᑎᑭᑉᐳᑦ, ᐅᓪᓗᐃᓪᓗ ᐊᑭᓕᕐᑕᐅᕖᑦ ᑎᑭᑉᐳᑦ; ᐃᓴᕆᐊᓕ ᖃᐅᔨᓂᐊᕐᐳᖅ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓯᓔᑦᑑᕗᖅ, ᐊᓂᕐᓂᓕᕆᔪᕐᓗ ᐃᓱᒤᕈᑎᕗᖅ, ᐱᐅᖏᑦᑐᓕᓂᓯ ᐊᖏᓗᐊᕐᓂᖓᓄᑦ ᐆᒥᓱᖕᓂᓯᓗ ᐊᖏᓗᐊᕐᓂᖓᓄᑦ.

ᒫᑯᓯᐅᑉ ᐊᒡᓚᖏᑦ 3:21

ᐃᓚᖏᑦ ᓇᖕᒥᓂᖏᑦ ᑕᒪᑐᒥᖓ ᑐᓴᕋᒥᒃ, ᐅᐸᒍᑎᕗᑦ ᑕᕝᕙᓐᖓᑦ ᐊᓂᑎᑦᓱᒪᓪᓗᒍ, ᐃᓄᐃᑦ ᐅᖃᖃᑦᑕᓕᕐᒪᑕ, “ᔩᓱᓯ ᐃᓱᒤᕈᑎᓂᕋᕐᓗᒍ.”

ᔪᐊᓇᓯᐅᑉ ᐊᒡᓚᖏᑦ 7:15

ᔫᑎᑦ ᐊᖓᔪᖅᑳᖏᑦ ᑲᒪᔪᐊᓘᓕᕐᐳᑦ ᐅᖃᕐᓗᑎᒃ, “ᖃᓄᐊᓗᖑᓇ ᖃᐅᔨᒪᔪᐊᓘᓕᕐᐹ ᐃᓕᓐᓂᐊᕐᕕᖕᒥ ᐃᓕᓐᓂᐊᓚᐅᕐᓯᒪᓇᓃ?”

ᔪᐊᓇᓯᐅᑉ ᐊᒡᓚᖏᑦ 8:48

ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ ᐅᖃᕐᑎᓪᓗᑕ ᓴᒥᐊᕆᐊᕐᒥᐅᑕᐅᕗᑎᑦ ᐊᓂᕐᓂᕐᓗᖕᒥᒡᓗ ᐃᓗᒻᒥᕐᑕᐅᓯᒪᓪᓗᑎᑦ?”

ᔪᐊᓇᓯᐅᑉ ᐊᒡᓚᖏᑦ 8:52

ᑕᕝᕙ ᔫᑎᑦ ᐅᖃᐅᑎᕚᑦ, “ᒫᓐᓇ ᖁᓚᕐᓇᖏᑦᑐᒥᒃ ᑐᑭᓯᕗᒍᑦ ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᒐᕕᑦ. ᐂᑉᕋᕼᐋᒻ ᑐᖁᓚᐅᕐᐳᖅ, ᓇᓚᐅᑦᑍᔪᓪᓗ ᑐᖁᓚᐅᕆᕗᑦ; ᐃᕝᕕᓪᓕ ᐅᖃᕐᐳᑎᑦ, ‘ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ ᑖᓐᓇ ᑐᖁᓂᐊᓐᖏᓚᖅ.’

ᐋᐴᓯᑕᓖᑦ ᐱᓂᐊᕐᓂᖏᑦ 17:32

ᑖᒃᑯᐊ ᑐᓴᕋᒥᒃ ᑐᖁᖓᔪᑦ ᒪᑭᓐᓂᒃᓴᖓᓐᓂᒃ, ᐃᓚᖏᑦ ᒥᑕᐅᑎᖃᕐᐳᑦ; ᐃᓚᖏᓪᓕ ᐅᖃᕐᐳᑦ, “ᑕᒪᑐᒥᖓ ᐅᖃᐅᓯᖃᕐᑎᓪᓗᑎᑦ ᑐᓴᒃᑲᓐᓂᕈᒪᕗᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 22:1

“ᐃᓅᖃᑎᒌᖑᔪᓯ ᐊᖓᔪᒃᖠᐅᔪᓯᓗ, ᐅᕙᓐᓂᒃ ᑐᑭᓯᔭᐅᑎᓐᓇᓱᐊᕐᑎᓪᓗᖓ, ᓈᓚᓚᐅᕐᓯᓐᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:25

ᐸᐅᓗᓯ ᓇᓗᓇᕈᓐᓁᕐᑎᑦᓯᕗᖅ ᓇᓛᒎᑦᓯᐊᕐᓂᕐᒥᒃ ᓇᖕᒥᓂᕐᓗ ᐱᓯᒪᑦᓯᐊᕈᓐᓇᕐᓂᕐᒥᒃ, ᐃᖅᑲᕐᑐᕐᑕᐅᔪᒫᕐᓂᕐᒥᒃ, ᕖᓕᒃᓯ ᓯᕘᕋᓕᕐᓗᓂ ᐅᖃᕐᐳᖅ, “ᒫᓐᓇ ᐊᓂᑲᓚᐅᕆᑦ; ᐱᕕᒃᓴᑖᑲᓐᓂᕈᑦᑕ ᕾᖁᓛᕆᕙᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:27

ᐊᕐᕌᒎᒃ ᒪᕐᕉᒃ ᐊᓂᒍᕐᑎᓪᓗᒋᒃ, ᕖᓕᒃᓯ ᑭᖑᕝᕕᕐᑕᐅᕗᖅ ᐴᑭᐅᓯ ᕕᓯᑕᓯᒧᑦ; ᕖᓕᒃᓯ ᔫᑎᓄᑦ ᐊᑲᐅᒋᔭᐅᔪᒪᒐᒥ, ᐸᐅᓗᓯ ᑎᒍᔭᐅᓯᒪᕕᖕᒦᑏᓐᓇᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 26:11

ᐅᓄᕐᑐᐃᕐᓱᕐᖢᖓ ᓱᒋᐊᕐᑕᐅᑎᖃᑦᑕᓚᐅᕐᐸᒃᑲ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᔩᓱᓯᒥᒃ ᐅᒃᐱᕆᔭᖃᕈᓐᓃᖁᓪᓗᒋᑦ ᐅᖃᕐᑎᓐᓇᓱᖃᑦᑕᓚᐅᕐᐸᒃᑲ; ᐊᖏᔪᒥᒃ ᓂᓐᖓᐅᑎᓯᒪᒐᒃᑭᑦ ᐊᑭᕋᕐᑐᕐᓂᕐᒧᑦ ᐊᒡᓛᑦ ᓄᓇᓖᑦ ᐊᓯᖏᓐᓄᑦ ᐅᖓᓯᒃᑐᓄᑦ ᕿᓂᖃᑦᑕᓚᐅᕐᐸᒃᑲ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:23

ᐅᕙᒍᓪᓕ ᐊᔪᕆᕐᑐᐃᑦᔪᑎᖃᕐᐳᒍᑦ ᙭ᔅᑑᓯᒥᒃ ᑭᑭᐊᒃᑐᕐᑕᐅᓚᐅᕐᑐᒥᒃ, ᔫᑎᓄᑦ ᐅᒃᐱᕈᒪᖏᑦᔪᑕᐅᔪᒥᒃ, ᔫᑎᐅᖏᑦᑐᓄᓪᓗ ᓯᓔᓐᓂᐅᓇᓱᒋᔭᐅᓪᓗᓂ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:10

᙭ᔅᑑᓯ ᐱᑦᔪᑎᒋᓪᓗᒍ ᓯᓔᑦᑑᔭᕐᐳᒍᑦ, ᐃᓕᑦᓯᓕ ᙭ᔅᑑᓯᒥ ᓯᓚᑐᕗᓯ. ᓴᓐᖐᑦᑑᕗᒍᑦ, ᐃᓕᑦᓯᓕ ᓴᓐᖏᔫᕗᓯ. ᐅᐱᒋᔭᐅᕗᓯ, ᐅᕙᒍᓪᓕ ᓇᕐᕈᒋᔭᐅᕗᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:13

ᐃᓱᒤᕈᑎᔫᔮᕈᑦᑕ, ᒎᑎ ᐱᑦᔪᑎᒋᓪᓗᒍ ᑍᒤᑉᐳᒍᑦ; ᐃᓱᒪᖃᑦᓯᐊᕈᑦᑕ, ᐃᓕᑦᓯ ᐱᓪᓗᓯ ᑍᒤᑉᐳᒍᑦ.

ᑎᒧᑎᒧᑦ ᐂᑉᐸᖏᑦ 3:15

ᓄᑕᕋᐅᓂᕐᓂᓪᓗ ᐊᒡᓔᑦ ᖃᐅᔨᒪᒐᕕᒋᑦ ᐱᐅᓕᔭᐅᓐᓇᕐᑐᒥᒃ ᖃᐅᔨᑎᑦᓯᔪᓐᓇᕐᓂᖏᓐᓂᒃ ᐅᒃᐱᕐᓂᒃᑯᑦ ᙭ᔅᑑᓯ ᔩᓱᓯᒥᒃ.