ᐋᐴᓯᑕᓖᑦ ᐱᓂᐊᕐᓂᖏᑦ 26:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:20 Iomraidhean Croise

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 18:11

ᑍᒤᒻᒪᑦ, ᔫᑕᐅᑉ ᔨᕉᓴᓕᐅᓪᓗ ᐃᓄᖏᑦ ᐅᖃᐅᑎᒃᑭᑦ, ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᑲᑉᐱᐊᓇᕐᑐᒥᒃ ᑎᑭᑦᑐᒃᓴᒥᒃ ᐃᓕᑦᓯᓐᓄᑦ ᐋᖅᑭᒃᓱᐃᓕᕐᐳᖓ, ᖃᓄᐃᓕᒋᐊᕈᑎᒃᓴᓂᒡᓗ ᐅᐸᓗᖕᒊᔭᕐᓗᖓ, ᐱᐅᖏᑦᑐᓕᓂᑦᓯᓐᓂᑦ ᓵᒋᐊᓕᕆᑦᓯ ᐊᖅᑯᑎᑦᓯᓐᓂᑦ ᐱᓂᐊᕐᓂᓯᓗ ᐋᖅᑭᒋᐊᓕᕐᓯᐅᒃ.’

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:40

ᐱᐅᓯᕆᔭᕗᑦ ᕿᒥᕐᕈᓗᒋᑦ ᖃᐅᔨᓴᓚᐅᕐᓚᕗᑦ, ᐊᑕᓂᕐᒧᓪᓗ ᐅᑎᕐᓗᑕ.

ᕼᐆᓯᐊᑉ ᐊᒡᓚᖏᑦ 12:6

ᒎᑎᖕᓄᑦ ᐃᑲᔪᕐᑕᐅᓗᑎᑦ ᑖᑦᓱᒧᖓ ᐅᑎᓕᕆᑦ, ᓇᒡᓕᖕᓂᕐᒥᒃ ᒪᓕᑦᓯᐊᕐᓂᕐᒥᒡᓗ ᑎᒍᒥᐊᑦᓯᐊᓕᕆᑦ, ᐅᑕᖅᑭᑦᓯᐊᕐᓗᑎᓪᓗ ᒎᑎᖕᓂᒃ ᑲᔪᓯᑦᓯᐊᕐᓗᑎᑦ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 3:2

ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᒪᑦ!”

ᒫᑎᐅᓯᐅᑉ ᐊᒡᓚᖏᑦ 3:8

ᖃᕿᐊᓕᕐᓂᓯ ᓇᓗᓁᓕᕐᓯᐅᒃ ᐱᓂᐊᕐᓂᑦᓯᒍᑦ,

ᒫᑎᐅᓯᐅᑉ ᐊᒡᓚᖏᑦ 4:17

ᑕᕝᕙᓐᖓᑦ ᐱᒋᐊᕐᓗᒍ ᔩᓱᓯ ᐊᔪᕆᕐᑐᐃᓯᕗᖅ, ᐅᖃᕐᓗᓂ: “ᖃᕿᐊᓕᕆᑦᓯ, ᕿᓚᐅᑉ ᐊᑕᓂᐅᕕᐊ ᖃᒡᓕᓕᕐᒪᑦ!”

ᒫᑎᐅᓯᐅᑉ ᐊᒡᓚᖏᑦ 9:13

ᐊᑏ ᖃᐅᔨᓴᑦᓯᐊᓚᐅᕆᑦᓯ, ᒎᑎᐅᑉ ᐅᖃᐅᓯᖏᓐᓂ ᖃᓄᖅ ᑐᑭᖃᕐᒪᖔᑦ, ᐃᒫᒃ ᐅᖃᕐᓯᒪᔪᖅ: ‘ᓂᑲᒍᓱᖕᓂᖅ ᐱᔪᒪᕙᕋ, ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ.’ ᓇᓛᒎᑦᓯᐊᕐᑐᓂᒃ ᑎᑭᑦᔪᑎᖃᕐᓯᒪᓐᖏᓚᖓ, ᐊᔪᕐᑐᓕᔪᓂᒡᓕ ᕾᖁᔨᔭᕐᑐᕐᐳᖓ.”

ᒫᑯᓯᐅᑉ ᐊᒡᓚᖏᑦ 6:12

ᑕᕝᕙ ᐃᓕᓐᓂᐊᕐᑎᖏᑦ ᐊᐅᓪᓚᕐᐳᑦ ᐊᔪᕆᕐᑐᐃᓪᓗᑎᒃ ᐃᓄᐃᑦ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 1:16

ᐅᑎᕐᑎᑦᓯᔪᒫᕐᐳᖅ ᐃᓴᕆᐊᓕᒥᐅᓂᒃ ᐊᒥᓱᓂᒃ ᐊᑕᓂᕐᒧᑦ ᑖᒃᑯᐊ ᒎᑎᖓᓐᓄᑦ.

ᓘᑲᓯᐅᑉ ᐊᒡᓚᖏᑦ 13:3

ᐅᖃᐅᑎᕙᑦᓯ, ᑍᒤᓐᖏᓚᖅ; ᐃᓕᑦᓯᑦᑕᐅᖅ ᐱᐅᖏᑦᑐᓕᓂᑦᓯᓐᓂᒃ ᑐᓄᑦᓯᓂᐊᓐᖏᒍᑦᓯ, ᑍᒫᒃᑕᐅᖅ ᑐᖁᔪᒫᕆᕗᓯ.

ᓘᑲᓯᐅᑉ ᐊᒡᓚᖏᑦ 13:5

ᐅᖃᐅᑎᕙᑦᓯ, ᑍᒤᓐᖏᓚᖅ; ᐃᓕᑦᓯᑦᑕᐅᖅ ᐱᐅᖏᓐᓂᑦᓯᓐᓂᒃ ᖃᕿᐊᓕᕐᓂᐊᖏᒃᑯᑦᓯ ᑍᒫᒃᑕᐅᖅ ᑐᖁᔪᒫᕆᕗᓯ.”

ᓘᑲᓯᐅᑉ ᐊᒡᓚᖏᑦ 15:10

ᑍᒫᒃᑕᐅᖅ ᐅᖃᐅᑎᕙᑦᓯ, ᒎᑎᐅᑉ ᐂᖏᓖᖁᑎᖏᑦ ᐊᖏᔪᒥᒃ ᖁᕕᐊᓱᒃᑎᑕᐅᕗᑦ ᐊᔪᕐᑐᓕᔪᖅ ᐊᑕᐅᓯᖅ ᓵᒋᐊᕐᐸᑦ.”

ᓘᑲᓯᐅᑉ ᐊᒡᓚᖏᑦ 15:7

ᑍᒫᒃᑕᐅᖅ ᐅᖃᐅᑎᕙᑦᓯ, ᐊᖏᓂᕐᓴᒥᒃ ᕿᓚᖕᒥ ᖁᕕᐊᓲᑎᒋᔭᐅᓂᐊᕐᐳᖅ ᐊᔪᕐᑐᓕᔪᖅ ᐊᑕᐅᓯᖅ ᓵᒋᐊᕐᐸᑦ ᐊᒡᓛᑦ ᑍᒃᑯᓇᓐᖓᑦ 99ᓂᑦ ᐃᓗᐊᕐᑐᓂᑦ ᓵᒋᐊᕆᐊᖃᖏᑦᑐᓂᑦ ᖁᕕᐊᓲᑕᐅᓂᕐᓴᐅᕗᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:19

“ᑍᒤᒻᒪᑦ ᐃᓱᒪᒋᕙᕋ ᔫᑎᐅᖏᑦᑐᑦ ᒎᑎᒧᑦ ᓵᒋᐊᕐᑐᑦ ᐅᖁᒤᑎᑕᒃᓴᕆᖏᓐᓇᑦᑎᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 17:30

ᑍᒪᓐᖓᓂᑦ ᐃᓄᐃᑦ ᓇᓗᔫᓂᖏᑦ ᒎᑎᐅᑉ ᓱᖁᑎᒋᓚᐅᓐᖏᓔᑦ, ᒫᓐᓇᓕ ᐱᖁᔨᕗᖅ ᐃᓄᐃᑦ ᓇᓂᑐᐃᓐᓇᖅ ᐱᐅᖏᑦᑐᓕᓂᕐᒥᖕᓂᑦ ᖃᕿᐊᓕᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 20:21

ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:17

ᓴᐳᑎᓂᐊᕐᐸᒋᑦ ᔫᑎᐅᖃᑎᖕᓂᑦ, ᔫᑎᐅᖏᑦᑐᓂᓪᓗ, ᑖᒃᑯᓄᖓ ᑎᓕᓕᕐᐸᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:19

“ᑍᒫᒡᓕ, ᐊᖓᔪᖅᑳᕐᔪᐊᖅ ᐊᒍᕆᐹ, ᑕᑯᑎᑕᐅᓂᕋ ᒪᓕᑦᓯᐊᓚᐅᕐᐸᕋ ᕿᓚᖕᒥᑦ ᐱᔪᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 9:35

ᓔᑕᒥ ᓵᕋᓐᒥᓗ ᓄᓇᖃᕐᑐᑦ ᑖᑦᓱᒥᖓ ᑕᑯᒐᒥᒃ ᐊᑕᓂᕐᒧᑦ ᓵᒋᐊᕐᐳᑦ.

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:16

ᐊᑕᓂᕐᒧᓪᓕ ᐃᓄᒃ ᓵᒋᐊᕐᐸᑦ ᒪᑐᐊᖅ ᑕᕝᕙ ᐲᕐᑕᐅᒐᔭᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:10

ᕿᒃᓵᒃᑎᑕᐅᓂᖅ ᒎᑎᒥᑦ ᐱᔪᖅ ᖃᕿᐊᓕᕐᓂᖃᕐᑎᑦᓯᖕᒪᑦ ᐱᐅᓕᔭᐅᓂᕐᒧᑦ ᑭᖑᓂᖓᒍᓪᓗ ᐅᒡᒍᐊᕐᓇᕐᓂᖃᕋᓂ, ᕿᒃᓵᒃᑎᑕᐅᓂᕐᓕ ᓯᓚᕐᔪᐊᕐᒥᑦ ᐱᔪᖅ ᑐᖁᑎᑦᓯᕗᖅ.

ᐃᐱᓯᒥᐅᓄᑦ 4:17

ᐊᑕᓂᐅᑉ ᐱᖁᔨᓂᖓᒍᑦ ᐃᓂᕐᑎᕐᐸᑦᓯ, ᐅᒃᐱᖏᑦᑐᑎᑐᑦ ᐃᓅᔭᕆᐊᖃᕈᓐᓃᕋᑦᓯ, ᐊᑐᖏᑦᑐᓂᒃ ᐃᓱᒪᖃᕐᓗᑎᒃ ᐃᓅᓇᓱᐊᕐᑐᑎᑐᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:11

ᒎᑎᓗ ᕿᓚᖕᒦᑦᑐᖅ ᐅᖃᕐᓂᕐᓗᒡᕕᒋᕚᑦ ᐋᓐᓂᐊᓂᑎᒃ ᐊᔪᐊᕐᓂᑎᒡᓗ ᐱᓪᓗᒋᑦ, ᓱᓕᓕ ᖃᕿᐊᓕᓚᐅᓐᖏᓚᑦ ᐱᓂᐊᕐᓂᕆᔭᒥᖕᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:21

ᖃᕿᐊᓕᕐᕕᒃᓴᖃᕐᑎᓚᐅᕋᓗᐊᕐᐸᕋ, ᑭᓯᐊᓂᓕ ᓄᓕᐊᕐᓂᒃᑯᑦ ᐊᑐᕐᓂᕐᓗᖕᓂᕐᒥᑦ ᖃᕿᐊᓕᕈᒪᓚᐅᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:5

ᐃᖅᑬᓕᕆᑦ ᓇᑭᑦ ᑲᑕᒃᐸᓪᓕᐊᓕᕐᓂᕐᒪᖔᕐᐱᑦ, ᖃᕿᐊᓕᕐᓗᑎᑦ ᓯᕗᓪᓕᕐᒥᒃ ᐱᓇᓱᐊᕐᐸᓚᐅᕐᑕᑎᑦ ᐱᓇᓱᐊᓕᒃᑭᑦ. ᑍᒤᓐᓂᐊᖏᒃᑯᕕᑦ, ᕾᓗᖓ ᖃᐅᒻᒪᖅᑯᑎᕕᑦ ᐃᓂᖓ ᐲᕆᐊᕐᑐᕈᒫᕐᐸᕋ, ᖃᕿᐊᓕᖏᒃᑯᕕᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:3

ᐃᖅᑬᓕᕆᑦ ᐃᓕᖕᓄᑦ ᐊᔪᕆᕐᑑᑕᐅᓯᒪᔪᓂᒃ ᑐᓴᕐᓯᒪᔭᕐᓂᒡᓗ; ᓈᓚᒡᓗᒋᑦ, ᖃᕿᐊᓕᕆᑦ. ᑐᐸᖕᓂᐊᖏᒃᑯᕕᑦ, ᑎᒡᓕᒃᑎᑐᑦ ᑎᑭᓐᓂᐊᕐᐸᒋᑦ, ᖃᐅᔨᒪᓂᐊᓐᖏᓚᑎᓪᓗ ᖃᖓ ᑎᑭᕝᕕᒋᓂᐊᕐᑕᓐᓂᒃ.