ᐋᐴᓯᑕᓖᑦ ᐱᓂᐊᕐᓂᖏᑦ 26:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓴᐳᑎᓂᐊᕐᐸᒋᑦ ᔫᑎᐅᖃᑎᖕᓂᑦ, ᔫᑎᐅᖏᑦᑐᓂᓪᓗ, ᑖᒃᑯᓄᖓ ᑎᓕᓕᕐᐸᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:17 Iomraidhean Croise

ᑯᕉᓂᑲ ᓯᕗᓪᓖᑦ 16:35

ᐅᖃᕐᓗᓯᓗ: “ᓴᐳᑎᑎᒍᑦ, ᒎᑎ ᐱᐅᓕᔨᕗᑦ, ᑲᑎᕐᓱᕐᓗᑕᓗ ᐱᐅᓕᑎᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂᑦ, ᐊᑎᕐᓂᒃ ᐃᑦᔪᕐᓁᑦᑐᒥᒃ ᖁᔭᓕᖁᓪᓗᑕ, ᐅᐱᒋᓗᑎᓪᓗ ᐃᓕᖕᓂᒃ ᓂᕐᑐᐃᖁᓪᓗᑕ.”

ᐃᓐᖏᕈᑎᑦ 34:19

ᐃᓱᐊᕐᑐᑦ ᐅᓄᕐᑐᓂᒃ ᐅᖁᒤᒃᓴᕈᑎᖃᕈᓐᓇᕐᒪᑕ, ᐊᑕᓂᐅᓪᓕ ᓴᐳᑎᕔᑦ ᑕᒤᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 1:19

ᑖᒃᑯᐊ ᐅᓇᑕᕈᒫᕐᐹᑎᑦ; ᓵᓚᒋᔭᐅᓂᐊᓐᖏᓚᑎᓪᓕ, ᐅᕙᖓ ᐱᖃᑎᒋᓂᐊᕋᒃᑭᑦ ᓴᐳᑎᓯᒪᓗᑎᑦ. ᐅᕙᖓ ᐊᑕᓂᐅᔪᖓ ᐅᖃᕐᐳᖓ ᑕᒪᑐᒥᖓ.”

ᔨᕆᒤᐊᐅᑉ ᐊᒡᓚᖏᑦ 1:8

ᑲᑉᐱᐊᒋᑦᑍᓕᑭᑦ, ᐃᓚᒋᓂᐊᕐᐸᒋᑦ ᓴᐳᑎᓯᒪᓗᑎᑦ, ᐅᕙᖓ ᐊᑕᓂᐅᓪᓗᖓ ᐅᖃᕐᐳᖓ!”

ᐃᓯᑭᐊᓕᐅᑉ ᐊᒡᓚᖏᑦ 3:5

ᐅᖃᐅᓯᖃᖃᑎᒋᓐᖏᑕᕐᓄᑦ ᑎᓕᖏᓐᓇᒃᑭᑦ ᓇᓗᓇᕐᑐᒥᒡᓘᓐᓃᑦ ᐅᖃᐅᓯᓕᖕᓄᑦ, ᐃᓴᕆᐊᓕᐅᓪᓕ ᑭᖑᕚᖏᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:50

ᔫᑎᓪᓕ ᐅᐃᒪᔮᕐᑎᑦᓯᓕᕐᐳᑦ ᐊᕐᓇᓂᒃ ᐅᒃᐱᕐᑐᓂᒃ ᐱᓪᓚᕆᐅᑎᑕᐅᔪᓂᒃ, ᐊᖑᑎᓂᒡᓗ ᐊᐅᓚᑦᓯᔨᐅᔪᓂᒃ ᓄᓇᓕᖕᓂ, ᐊᑭᕋᕐᑐᕐᑕᐅᑎᑦᓯᓕᕐᓗᑎᒃ ᐸᐅᓗᓯᒥᒃ ᐸᕐᓇᐹᓯᒥᒡᓗ, ᐊᐅᓪᓚᕐᑎᓪᓗᒋᒡᓗ ᓄᓇᓕᖕᓂᑦ:

ᐋᐴᓯᑕᓖᑦ ᐱᓂᐊᕐᓂᖏᑦ 16:39

ᑖᒃᑯᐊ ᑎᒍᔭᐅᓯᒪᕕᖕᒧᐊᕐᓗᑎᒃ ᑖᒃᑯᓄᖓ ᒪᒥᐊᒋᐊᕐᑐᕐᐳᑦ. ᐊᓂᑎᓪᓗᒋᓪᓗ ᑎᒍᔭᐅᓯᒪᕕᖕᒥᑦ, ᕿᓄᕕᒋᕚᑦ ᐃᒡᓗᒐᓴᖕᓂᑦ ᐊᐅᓪᓚᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:10

ᐅᓐᓄᐊᖑᓕᕐᒪᑦ, ᐅᒃᐱᕐᑑᖃᑎᒌᑦ ᐸᐅᓗᓯᒃᑯᒃ ᓮᓚᓯᒃᑯᒃ ᐊᐅᓪᓚᕐᑎᓕᕐᐹᑦ ᐱᕆᐊᒧᑦ; ᑍᑯᖓ ᑎᑭᓐᓇᒥᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐴᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:14

ᐅᒃᐱᕐᑑᖃᑎᒌᑦ ᐸᐅᓗᓯ ᐊᐅᓪᓚᕐᑎᑉᐹᑦ ᐃᒪᐅᑉ ᖃᓂᒋᔮᓄᑦ, ᓮᓚᓯᓕ ᑎᒧᑎᓗ ᐱᕆᐊᒥᑦ ᓅᓐᖏᓚᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 18:10

ᐃᓚᒋᒐᒃᑭᑦ, ᑭᓇᒧᓪᓘᓐᓃᑦ ᐅᐸᒃᑐᕐᑕᐅᓂᐊᓐᖏᓚᑎᑦ ᐊᓐᓂᕐᑕᐅᔭᕐᑐᕐᓗᑎᑦ, ᐊᒥᓱᓂᒃ ᐃᓄᖁᑎᖃᕋᒪ ᑕᕝᕙᓂ ᐃᒡᓗᒐᓴᖕᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 25:3

ᕕᓯᑕᓯ ᐊᔪᐃᓐᓈᕆᓪᓗᒍ ᐱᖁᓇᓱᐊᕐᐹᑦ ᐊᖏᕐᑕᐅᔪᒪᓪᓗᑎᒃ ᐸᐅᓗᓯ ᔨᕉᓴᓕᒻᒧᐊᕈᑎᔭᐅᖁᓪᓗᒍ, ᑕᕝᕗᓐᖓᐅᑦᔭᐅᓕᕐᐸᑦ ᐅᐸᓗᖕᒊᕐᓯᒪᒐᒥᒃ ᐊᖅᑯᑖᓂ ᑐᖁᑦᓱᒪᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 28:28

“ᑕᒪᓐᓇ ᐱᓪᓗᒍ ᖃᐅᔨᒪᖁᕙᑦᓯ ᒎᑎᐅᑉ ᐱᐅᓕᒃᓯᓂᖓ ᑐᕌᖓᑎᑕᐅᓕᕐᐳᖅ ᔫᑎᐅᖏᑦᑐᓄᑦ; ᑖᒃᑯᐊ ᓈᓚᒍᓐᓇᕐᒪᑕ.” [

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᕉᒪᒥᐅᓄᑦ 11:13

ᐃᓕᑦᓯᓕ ᔫᑎᐅᖏᑦᑐᓯ ᐅᖃᕐᕕᒋᕙᑦᓯ; ᐋᐴᓯᑕᓕᐅᒐᒪ ᔫᑎᐅᖏᑦᑐᓄᑦ, ᑕᒪᓐᓇ ᐱᔨᑦᓯᕐᓂᕋ ᓂᕐᑑᑎᒋᓂᐊᕐᐸᕋ.

ᕉᒪᒥᐅᓄᑦ 15:16

ᐱᔨᑦᓯᕐᑎᐅᖁᓪᓗᖓ ᙭ᔅᑑᓯ ᔩᓱᓯᒥᒃ ᔫᑎᐅᖏᑦᑐᓄᑦ ᑐᓂᕐᕈᓯᕐᑎᑦᓯᔨᑎᑐᑦ ᐱᓇᓱᐊᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ, ᔫᑎᐅᖏᑦᑐᑦ ᑐᓂᕐᕈᑕᐅᓗᑎᒃ ᓈᒻᒪᒋᔭᐅᖁᓪᓗᒋᑦ ᒎᑎᒧᑦ, ᐃᑦᔪᕐᓁᑎᑕᐅᓗᑎᒡᓗ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.

ᒐᓔᑎᐊᒥᐅᓄᑦ 2:9

ᔧᒥᓯ, ᓰᐸᓯᓗ, ᔪᐊᓇᓯᓗ, ᑖᒃᑯᐊ ᐅᒃᐱᕐᑑᖃᑎᒌᓄᑦ ᐊᖓᔪᖅᑳᕆᔭᐅᔪᑦ, ᖃᐅᔨᑦᓯᐊᓚᐅᕐᐳᑦ ᒎᑎᒧᑦ ᐱᔭᒃᓴᖃᕐᑎᑕᐅᓂᓐᓂᒃ ᑕᒪᑐᒥᖓ; ᑍᒤᒻᒪᑦ ᐅᕙᓐᓂᒃ ᐸᕐᓇᐹᓯᒥᒡᓗ ᑎᓕᓯᓚᐅᕐᐳᑦ, ᓇᓗᓁᕐᓯᓪᓗᑎᒃ ᐱᓇᓱᐊᖃᑎᒌᖕᓂᑦᑎᓐᓂᒃ. ᐊᖏᖃᑎᒌᓚᐅᕐᐳᒍᓪᓗ ᐸᓇᐹᓯᓗ ᐅᕙᒍᒃ ᔫᑎᐅᖏᑦᑐᓄᑦ ᐱᓇᓱᐊᕐᓂᐊᕐᓗᓄᒃ ᑍᒃᑯᐊ ᔫᑎᓄᑦ ᐱᓇᓱᐊᕐᓂᐊᕐᓗᑎᒃ.

ᑎᒧᑎᒧᑦ ᓯᕗᓪᓖᑦ 2:7

ᑕᒪᑐᒧᖓ ᑎᓕᔭᐅᓯᒪᕗᖓ ᐊᔪᕆᕐᑐᐃᖁᓪᓗᖓ ᐋᐴᓯᑕᓕᓐᖑᕐᑎᑕᐅᓪᓗᖓᓗ, ᓱᓕᓪᓗᖓ ᐅᖃᕐᐳᖓ ᓴᒡᓗᓐᖏᓚᖓ, ᔫᑎᐅᓐᖏᑦᑐᓂᒃ ᐃᓕᓐᓂᐊᕐᑎᑦᓯᖁᓪᓗᖓ ᐅᒃᐱᕐᓂᑯᑦ ᓱᓕᓂᑯᓪᓗ.

ᑎᒧᑎᒧᑦ ᐂᑉᐸᖏᑦ 1:11

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᑎᓕᔭᐅᓯᒪᕗᖓ ᐊᔪᕆᕐᑐᐃᔨᐅᖁᓪᓗᖓ ᐋᐴᓯᑕᓕᐅᖁᓪᓗᖓᓗ, ᐃᓕᓮᔨᐅᖁᓪᓗᖓᓗ.

ᑎᒧᑎᒧᑦ ᐂᑉᐸᖏᑦ 3:11

ᐊᑭᕋᕐᑐᕐᑕᐅᓂᒃᑲ, ᐋᓐᓂᐊᑎᑕᐅᓂᒃᑲ, ᐊᓐᑎᐅᑭᐊᒥ ᐱᓂᐊᕐᕕᐅᓯᒪᓂᕋ, ᐂᑯᓂᐊᒥ, ᓕᔅᑐᕋᒥᓗ, ᐊᑭᕋᕐᑐᕐᑕᐅᓂᕐᒥᒡᓗ ᐊᖏᔪᒥᒃ ᐊᓂᒍᐃᔪᓐᓇᓚᐅᕋᒪ; ᐊᑕᓂᐅᓪᓕ ᓴᐳᑎᓚᐅᕐᐹᖓ ᑕᒪᒃᑯᓇᖓᑦ ᑕᒤᓐᓂᑦ.