ᐋᐴᓯᑕᓖᑦ ᐱᓂᐊᕐᓂᖏᑦ 26:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐅᓄᕐᑐᐃᕐᓱᕐᖢᖓ ᓱᒋᐊᕐᑕᐅᑎᖃᑦᑕᓚᐅᕐᐸᒃᑲ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᔩᓱᓯᒥᒃ ᐅᒃᐱᕆᔭᖃᕈᓐᓃᖁᓪᓗᒋᑦ ᐅᖃᕐᑎᓐᓇᓱᖃᑦᑕᓚᐅᕐᐸᒃᑲ; ᐊᖏᔪᒥᒃ ᓂᓐᖓᐅᑎᓯᒪᒐᒃᑭᑦ ᐊᑭᕋᕐᑐᕐᓂᕐᒧᑦ ᐊᒡᓛᑦ ᓄᓇᓖᑦ ᐊᓯᖏᓐᓄᑦ ᐅᖓᓯᒃᑐᓄᑦ ᕿᓂᖃᑦᑕᓚᐅᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:11 Iomraidhean Croise

ᐃᓐᖏᕈᑎᑦ 102:8

ᐅᓪᓗᓕᒫᖅ ᐊᑭᕋᕐᑐᕐᑎᒪ ᐅᖃᕐᓂᕐᓘᑎᒋᕚᖓ; ᐅᕙᓐᓂᒃ ᒥᑕᐅᑎᒃᓴᕐᑐᑦ ᐊᑎᓐᓂᒃ ᐅᖃᕐᓂᕐᓘᑦᔨᖃᑦᑕᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:3

ᑕᒪᓐᓇ ᑕᒪᑦᔭ ᐱᐅᖏᑦᑐᖅ ᑕᒪᑭᕐᓗᓂ ᐊᑐᕐᑕᐅᔪᖅ ᓯᕿᓂᐅᑉ ᐊᑖᓂ; ᐊᑦᔨᒌᒃᑐᒥᒃ ᑕᒪᕐᒥᒃ ᐱᓂᐊᕐᕕᐅᖕᒪᑕ. ᓱᓕᔪᒥᒃ ᐃᓄᐃᑦ ᐆᒻᒪᑎᖏᑦ ᑕᒪᕐᒥᒃ ᐱᐅᖏᑦᑐᒥᒃ ᑕᑕᒻᒪᑕ; ᐃᓱᒤᕈᑎᓂᐅᔮᕐᑐᒥᒃ ᐆᒻᒪᑎᖏᑦ ᑕᑕᑉᐳᑦ ᐃᓅᓂᕐᒥᖕᓂ, ᑕᒪᑐᒪᓗ ᑭᖑᓂᖓᒍᑦ ᑐᖁᕙᒃᐳᑦ.

ᒫᑎᐅᓯᐅᑉ ᐊᒡᓚᖏᑦ 10:17

ᖃᐅᔨᓴᑦᓯᐊᕆᑦᓯ, ᐊᖑᑏᑦ ᐃᓚᖏᓐᓄᑦ ᑎᒍᔭᐅᔪᒫᕐᐳᓯ ᐃᖅᑲᕐᑐᕐᑕᐅᕕᖕᒧᓪᓗ ᐋᑕᐅᓗᓯ, ᐃᓯᖁᔭᐅᔪᓐᓃᕈᒫᕐᐳᓯᓗ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ.

ᒫᑯᓯᐅᑉ ᐊᒡᓚᖏᑦ 13:9

“ᐃᓕᑦᓯ ᓇᖕᒥᓂᖅ ᖃᐅᔨᓴᕆᑦᓯ; ᑎᒍᔭᐅᔪᒫᕐᐳᓯ ᐃᖅᑲᕐᑐᐃᕕᖕᒧᑦ ᐱᑎᑕᐅᓗᓯ; ᐋᓐᓂᕐᓯᕐᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ; ᐋᑕᐅᔪᒫᕐᐳᓯ ᐊᐅᓚᑦᓯᔨᓄᑦ ᐊᖓᔪᖅᑳᕐᔪᐊᓄᓪᓗ ᓇᖏᖁᓪᓗᓯ ᓵᖏᓐᓂ ᐅᕙᖓ ᐱᑦᔪᑎᒋᓗᖓ, ᓇᓗᓁᕐᓯᔪᓐᓇᖁᓪᓗᓯ ᑖᒃᑯᓄᖓ.

ᒫᑯᓯᐅᑉ ᐊᒡᓚᖏᑦ 3:28

“ᓱᓕᔪᒥᒃ ᐅᖃᐅᑎᕙᑦᓯ, ᐃᓄᐃᑦ ᐊᔪᕐᑐᓕᓂᕐᓂᑦ ᒎᑎᒥᒡᓘᓐᓃᑦ ᐅᖃᕐᓂᕐᓗᒃᓯᒪᒐᓗᐊᕐᐸᑕ ᐃᓱᒪᒋᔪᓐᓁᕐᕕᐅᔪᒫᕐᐳᑦ;

ᓘᑲᓯᐅᑉ ᐊᒡᓚᖏᑦ 15:17

ᑍᒪᓕ ᐃᖅᑬᓕᕋᒥ ᐃᓱᒪᓕᕐᐳᖅ, ᐊᑖᑕᒪ ᐃᖅᑲᓁᔭᕐᑎᖁᑎᖏᑦ ᓂᕿᒃᓴᒥᒃ ᐊᒥᒐᕐᓯᖏᑦᓯᐊᕐᐳᑦ, ᐅᕙᖓᓕ ᒫᓂ ᐱᕐᓕᓕᕐᐳᖓ!

ᓘᑲᓯᐅᑉ ᐊᒡᓚᖏᑦ 21:12

ᑕᒪᒃᑯᐊ ᐱᓚᐅᖅᑳᕐᑎᓐᓇᒋᑦ ᑎᒍᔭᐅᔪᒫᕐᐳᓯ, ᐊᑭᕋᕐᑐᕐᑕᐅᓗᓯ, ᐋᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ ᑎᒍᔭᐅᓯᒪᕕᖕᒧᐊᕐᑕᐅᔪᒫᕐᐳᓯᓗ, ᐊᖓᔪᖅᑳᕐᔪᐊᓄᑦ ᐊᐅᓚᑦᓯᔨᓄᓪᓗ ᐱᑎᑕᐅᔪᒫᕐᐳᓯ ᐅᕙᖓ ᐱᑦᔪᑎᒋᓗᖓ.

ᓘᑲᓯᐅᑉ ᐊᒡᓚᖏᑦ 6:11

ᔫᑎᑦ ᓂᓐᖓᒃᐳᑦ ᐅᖃᖃᑎᒌᓕᕐᓗᑎᒃ ᖃᓄᖅ ᔩᓱᓯ ᐱᓂᐊᕐᒪᖔᕐᒥᑦᔪᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:45

ᔫᑎᓪᓕ ᐃᓄᒋᐊᒃᑐᐊᓗᖕᓂᒃ ᑕᑯᒐᒥᒃ ᐊᑲᐅᒃᓴᕈᓐᓃᕐᐳᑦ ᓵᓐᖓᔭᐅᓂᕐᓴᐅᔪᒪᓪᓗᑎᒃ; ᐅᖃᐅᓯᕐᒥᖕᓄᑦ ᓵᓚᖃᕋᓱᐊᕐᐳᑦ ᐸᐅᓗᓯᒥᒃ ᐱᐅᒋᔭᐅᔪᓐᓃᑎᓇᓱᐊᕐᖢᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 18:6

ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 22:19

ᑭᐅᕙᕋ, ‘ᐊᑕᓃᖅ ᐃᓄᐃᑦ ᑖᒃᑯᐊ ᖃᐅᔨᒪᕗᑦ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ ᐃᑎᕐᐸᓚᐅᕋᒪ ᑎᒍᔭᐅᑎᑦᓯᔭᕐᑐᕐᓗᖓ ᐊᓇᐅᓕᕐᑕᐅᑎᑦᓯᔪᒪᓪᓗᖓᓗ ᐃᓕᖕᓄᑦ ᐅᒃᐱᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 22:5

ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ, ᔫᑎᓪᓗ ᐊᖓᔪᖅᑳᓕᒫᖏᑦ ᓇᓗᓁᕐᓯᔪᓐᓇᕐᐳᑦ ᑕᒪᑐᒥᖓ. ᑍᒃᑯᓇᓐᖓᑦ ᐊᒡᓛᑦ ᑎᑎᖅᑲᓂᒃ ᑎᒍᓯᔪᓐᓇᕈᑎᒃᓴᓂᒃ ᓇᒃᓴᕐᑎᑕᐅᓚᐅᕐᐳᖓ ᔫᑎᐅᖃᑎᒥᖕᓄᑦ ᑕᒫᓯᑰᓯᒦᑦᑐᓄᑦ, ᑍᑯᓐᖓᓚᐅᕐᐳᖓᓗ ᐅᒃᐱᕐᑐᑦ ᑎᒍᔭᕐᑐᕐᓗᒋᑦ ᔨᕉᓴᓕᒻᒧᐊᕈᑎᔪᒪᓪᓗᒋᑦ ᓱᒋᐊᕐᑕᐅᖁᓪᓗᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:1

ᓴᐅᓗᓯ ᓱᓕ ᑲᑉᐱᐊᓇᕐᑐᒦᑎᑦᓯᓚᐅᕐᐳᖅ ᐊᑭᕋᕐᑐᕐᓂᕐᒥᓂᒃ ᑲᔪᓯᑎᑦᓯᓪᓗᓂ ᑐᖁᕅᔪᒪᓪᓗᓂᓗ ᐊᑕᓂᐅᑉ ᒪᓕᒃᑎᖏᓐᓂᒃ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᐊᐳᖅ,

ᔧᒥᓯᐅᑉ ᐊᒡᓚᖏᑦ 2:7

ᑖᒃᑯᐊ ᐅᖃᕐᓂᕐᓘᑎᖃᕐᐸᐳᑦ ᐱᐅᔪᒥᒃ ᑍᔭᐅᑦᔪᑎᑦᓯᓐᓂᒃ ᓇᕐᕈᓇᕐᓯᑎᑦᓯᓇᓱᐊᕐᓗᑎᒃ.

ᐲᑦᑐᕉᓯ ᐂᑉᐸᖏᑦ 2:16

ᓱᐊᒃᑕᐅᓚᐅᕐᐳᕐᓕ ᐊᔪᕐᑐᓕᓂᖓ; ᓯᐅᑎᖅᑯᕐᑐᔪᖅ ᐊᑐᕐᑕᖓ ᐅᖃᓚᐅᕐᒪᑦ ᐃᓅᑉ ᐅᖃᐅᓯᖓᓂᒃ ᐊᑐᕐᓗᓂ ᓄᖅᑲᕐᑎᓚᐅᕐᐹᓗ ᓇᓚᐅᑦᑍᔫᑉ ᐱᓂᐊᕐᓂᕐᓗᖕᓂᕆᓇᓱᐊᕐᑕᖓ.