ᐋᐴᓯᑕᓖᑦ ᐱᓂᐊᕐᓂᖏᑦ 24:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᓐᖏᒍᑎᔪᒪᓐᖏᓚᒋᑦ; ᓯᕗᓕᕕᓂᑦᑕ ᒎᑎᖓ ᑐᒃᓯᐊᕐᕕᒋᕙᒃᐸᕋ, ᒫᓐᓇ ᐊᑕᓂᕐᒧᑦ ᒪᓕᒡᑎᐅᓂᕐᒥᒃ ᐃᓚᐅᕗᖓ, ᑖᒃᑯᐊ ᓱᓕᖏᑦᑐᒧᑦ ᐅᒃᐱᕈᓯᐅᓂᕋᕐᑕᖓᓐᓄᑦ, ᐅᒃᐱᕈᓱᑦᓯᐊᕐᐳᖓ ᒨᓯᓯᐅᑉ ᐱᖁᔭᖏᓐᓂᒃ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᑎᑎᕋᕐᓯᒪᔪᓂᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 24:14 Iomraidhean Croise

ᑯᕉᓂᑲ ᓯᕗᓪᓖᑦ 29:18

ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᔧᑰᓪᓗ, ᓯᕗᓕᑦᑕᓗ ᒎᑎᖓᑦ, ᑕᒪᓐᓇ ᐃᓱᖃᖏᑦᑐᒧᑦ ᑲᔪᓯᑎᓚᐅᕈᒃ ᐃᓄᖁᑎᕕᑦ ᐆᒻᒪᑎᖓᑕ ᐃᓱᒪᖏᓐᓂ, ᐆᒻᒪᑎᖏᓪᓗ ᐃᓕᖕᓄᑦ ᑐᕌᕐᑎᑦᓮᓐᓇᒃᑭᑦ.

ᐃᓐᖏᕈᑎᑦ 119:46

ᐃᓕᓮᑦᔪᑎᒋᔭᑎᑦ ᐅᖃᐅᓯᕆᓂᐊᕐᐸᒃᑲ ᐊᖓᔪᖅᑳᕐᔪᐊᓄᑦ, ᑕᒪᑐᒧᖓᓗ ᑲᓐᖑᓱᒃᑎᑕᐅᓂᐊᕐᓇᖓ.

ᒨᓯᓯ ᐂᑉᐸᖏᑦ 3:15

ᒎᑎᓗ ᐅᖃᕆᕗᖅ ᒨᓯᓯᒧᑦ, “ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐅᕙᖓ ᐊᑕᓂᖅ ᓯᕗᓪᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓᑕ ᑎᓕᕚᑎᑦ ᑍᒃᑯᓄᖓ ᑍᒪᓐᓇ ᐊᑎᕾᓐᓇᕐᓂᐊᕐᐳᖓ ᐃᓱᖃᖏᑦᑐᒧᑦ, ᑍᒫᒃ ᑕᕝᕙ ᑭᖑᕚᑦᓯ ᑍᖃᑦᑕᕆᐊᖃᓛᕐᐹᖓ.

ᐂᒨᓯᐅᑉ ᐊᒡᓚᖏᑦ 8:14

ᐊᖏᕈᑎᓕᐅᕐᑐᓪᓗ ᓴᒥᐊᕆᐊᑉ ᒎᑎᓐᖑᐊᖓᒍᑦ ᐊᓯᒪᒃᑯᑦ, ᐃᒫᒃ ᐅᖃᕐᓗᑎᒃ, ‘ᑖᓐ ᑭᖑᕚᖏᑦ ᒎᑎᓯ ᐃᓅᖕᒪᑦ! ᐱᐊᕐᓯᐸᐅᓪᓗ ᒎᑎᖓ ᐃᓅᖕᒪᑦ!’ ᑖᒃᑯᐊ ᐅᕐᕈᔪᒫᕐᐳᑦ ᒪᑭᓐᓂᐊᕈᓐᓁᕐᓗᑎᒡᓗ.”

ᒤᑲᐅᑉ ᐊᒡᓚᖏᑦ 4:2

ᐃᓅᖃᑎᒌᒡᔪᐊᑦ ᐂᒍᑎᒃ ᐅᖃᕈᒫᕐᐳᑦ, “ᕾᓗᓯ, ᐊᑕᓂᐅᑉ ᖃᖅᑲᖓᓄᐊᓚᐅᕐᑕ, ᔧᑰᑉ ᒎᑎᖓᑕ ᐃᒡᓗᖓᓄᑦ; ᐃᓕᓐᓂᐊᕐᑎᓐᓂᐊᕐᒪᑎᒍᑦ ᐱᓂᐊᕐᓂᕐᒥᓂᒃ, ᐃᓅᓯᖃᓕᕐᓗᑕᓗ ᐱᓂᐊᕐᑕᐅᖁᔭᖓᓂᒃ.” ᓮᐅᓂᒥᑦ ᐱᖁᔧᑦ ᐱᒋᐊᕈᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᐱᒋᐊᕐᓗᓂ ᔨᕉᓴᓕᒥᑦ.

ᒫᑎᐅᓯᐅᑉ ᐊᒡᓚᖏᑦ 10:32

“ᑭᓇᑐᐃᓐᓇᖅ ᐃᓄᖕᓄᑦ ᐅᖃᐅᓯᖃᕐᐸᑦ ᐅᕙᓐᓂᒃ, ᐅᕙᖓᑦᑕᐅᖅ ᑍᒫᑦᓮᓐᓇᖅ ᐅᖃᐅᓯᕆᓛᕐᐸᕋ ᐊᑖᑕᓐᓄᑦ ᕿᓚᖕᒦᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 22:40

ᑖᒃᑯᖕᓄᖓ ᐱᖁᔮᖕᓄᑦ ᒪᕐᕉᖕᓄᑦ ᐱᖁᔭᓕᒫᑦ, ᓇᓚᐅᑦᑍᔪᓪᓗ ᐊᔪᕆᕐᑐᐃᑦᔪᑎᖏᑦ ᑐᓐᖓᕕᖃᕐᐳᑦ.”

ᒫᑎᐅᓯᐅᑉ ᐊᒡᓚᖏᑦ 7:12

“ᑍᒤᒻᒪᑦ ᐃᓅᖃᑎᑦᓯᓐᓄᑦ ᐱᓇᓱᐊᕐᕕᐅᔪᒪᓂᑦᓯᑎᑐᑦ, ᑍᒫᓪᓗᐊᖅ ᐱᓇᓱᐊᕐᑐᒃᓴᐅᕗᓯ: ᑕᒪᓐᓇ ᑍᒤᓕᐅᕐᓂᖅ ᒨᓯᓯᐅᑉ ᐱᖁᔭᖏᑕ ᑐᑭᒋᖕᒪᒍ, ᓇᓚᐅᑦᑍᔪᓪᓗ ᐊᔪᕆᕐᑐᐃᑦᔪᑎᒋᓪᓗᓂᐅᒃ.”

ᓘᑲᓯᐅᑉ ᐊᒡᓚᖏᑦ 1:70

ᐅᖃᕐᓯᒪᒐᒥ ᓇᓚᐅᑦᑍᔪᖁᑎᒥᒍᑦ ᐃᑦᔪᕐᓁᑦᑐᑎᒍᑦ,

ᓘᑲᓯᐅᑉ ᐊᒡᓚᖏᑦ 16:16

“ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᓚᐅᕐᐳᑦ ᔪᐊᓇᓯ ᐹᑉᑎᑎᕆᔨ ᑎᑭᓪᓗᒍ; ᑭᖑᓂᖓᒍᑦ ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᖃᕐᑐᑦ ᐅᖃᐅᓯᐅᓕᕐᐳᑦ, ᐅᓄᕐᑐᐊᓗᐃᑦ ᐊᔪᐃᓐᓇᕐᓗᑎᒃ ᐃᑎᕋᓱᓕᕐᒪᑕ.

ᓘᑲᓯᐅᑉ ᐊᒡᓚᖏᑦ 16:29

ᐂᑉᕋᕼᐋᒻ ᐅᖃᐅᑎᕚ, ‘ᖃᑕᓐᖑᑎᑎᑦ ᒨᓯᓯᐅᑉ ᓇᓚᐅᑦᑍᔪᓪᓗ ᐊᒡᓚᖏᓐᓂᒃ ᐱᖃᕐᐳᑦ ᑍᒃᑯᓇᓐᖓᑦ ᐅᖃᐅᑦᔭᐅᓕᕐᓕᑦ.’

ᓘᑲᓯᐅᑉ ᐊᒡᓚᖏᑦ 24:27

ᔩᓱᓯᐅᑉ ᓇᓗᓁᕐᓯᕕᒋᑦᓯᐊᕐᐹᒃ ᐱᒋᐊᕐᓗᓂ ᒨᓯᓯᐅᑉ ᐊᒡᓚᖏᓐᓂᑦ ᓇᓚᐅᑦᑍᔪᓪᓗ ᐊᒡᓚᖏᓐᓂᑦ ᐊᒡᓚᓕᒫᑦ ᓇᓗᓁᔭᕐᐰᑦ ᐃᒻᒥᓂᒃ ᐅᖃᐅᓯᖃᕐᓯᒪᔪᓕᒫᑦ.

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᔪᐊᓇᓯᐅᑉ ᐊᒡᓚᖏᑦ 1:45

ᐱᓕᑉᐴᓯᐅᑉ ᓈᑕᓁ ᑲᑎᒐᒥᐅᒃ ᐅᖃᐅᑎᕚ, “ᑲᑎᓯᕗᒍᑦ ᒨᓯᓯᐅᑉ ᐱᖁᔭᖏᓐᓂ ᓇᓚᐅᑦᑍᔪᓪᓗ ᑎᑎᕋᐅᓯᕆᓚᐅᕐᑕᖓᓂᒃ, ᔩᓱᓯ ᓈᓴᕇᑎᒥᐅᒥᒃ, ᔫᓯᐱᐅᑉ ᐃᕐᓂᖓᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:43

ᓇᓚᐅᑦᑍᔪᑦ ᑕᒪᕐᒥᒃ ᑖᑦᓱᒥᖓ ᓇᓗᓁᕐᓯᕗᑦ, ᐅᖃᕐᓗᑎᒃ ᑖᑦᓱᒧᖓ ᐅᒃᐱᕐᑐᑦ ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᐅᓂᕐᒥᒃ ᐱᑎᑕᐅᕗᑦ, ᑖᑦᓱᒪ ᐊᑎᖓᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:15

ᒨᓯᓯᐅᑉ ᐱᖁᔭᖏᑦ ᓇᓚᐅᑦᑍᔪᓪᓗ ᐅᖃᐅᓯᖏᑦ ᐅᖃᓕᒫᕐᑕᐅᔭᕇᕐᒪᑕ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᑦᑕ ᐊᖓᔪᖅᑳᖏᑕ ᐅᖃᐅᑦᔭᐅᔭᕐᑐᖁᕚᒃ ᐅᖃᕐᓗᓂ, “ᐃᓅᖃᑎᒃᑲ, ᐱᕙᓪᓕᕈᑎᒃᓴᒥᒃ ᐃᓄᖕᓄᑦ ᐅᖃᐅᓯᒃᓴᖃᕈᑦᓯ ᐅᖃᓪᓚᖁᔨᕗᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:5

ᐅᒃᐱᕐᑐᓪᓕ ᐃᓚᖏᑦ ᐹᕆᓯᓄᑦ ᐃᓚᒋᔭᐅᔪᑦ ᐅᖃᓕᕐᐳᑦ, “ᑍᒃᑯᐊ ᑭᐱᔭᐅᔭᕆᐊᖃᕐᐳᑦ ᒨᓯᓯᐅᓪᓗ ᐱᖁᔭᖏᓐᓂᒃ ᒪᓕᖁᔭᐅᓗᑎᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 19:23

ᑍᑦᓱᒪᓂ ᐃᐱᓲᓯᒥ ᐃᓗᐊᖏᑦᔪᑎᒃᓴᖃᒻᒪᕆᓕᕐᐳᑦ ᐊᑕᓂᕐᒧᑦ ᒪᓕᒡᑎᐅᓂᖅ ᐱᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 19:9

ᐃᓚᖏᓪᓕ ᓯᑎᔪᐊᓘᖕᒪᑕ ᐅᒃᐱᕈᒪᖏᒻᒪᑕᓗ, ᐊᑕᓂᕐᒧᑦ ᒪᓕᒃᑎᐅᓂᖅ ᐱᐅᖏᑦᑐᐊᓘᓂᕋᕐᓗᒍ ᐅᖃᐅᓯᕆᖃᑦᑕᒪᑦᔪᒃ ᐃᓄᖕᓄᑦ, ᐸᐅᓗᓯᐅᑉ ᕿᒪᒃᐰᑦ, ᐃᓕᓐᓂᐊᕐᑐᑦ ᐃᓚᒋᓪᓗᒋᑦ, ᖃᐅᑕᒫᑦ ᐅᖃᖃᑎᒋᓕᕐᐰᑦ ᐃᓕᓐᓂᐊᕐᕕᖕᒥ ᑍᕋᓅᓯᒥᒃ ᐊᑎᓕᖕᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 22:14

ᐅᖃᐅᑎᕚᖓ, ‘ᓯᕗᓕᕕᓂᑦᑕ ᒎᑎᖓᑕ ᓂᕈᐊᕐᒪᑎᑦ ᖃᐅᔨᖁᓪᓗᓂᑎᑦ ᐱᔪᒪᔭᖓᓂᒃ, ᖃᐅᔨᖁᓪᓗᑎᑦ ᓇᓛᒎᑦᓯᐊᕐᑐᑐᐊᖑᔪᒥᒃ, ᑐᓴᖁᓪᓗᑎᑦ ᐅᖃᐅᓯᕐᓂᒃ ᓇᖕᒥᓂᖅ ᐅᖃᐅᓯᕆᔭᖏᓐᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 24:22

ᕖᓕᒃᓯ ᐊᑕᓂᕐᒧᑦ ᒪᓕᒡᑎᐅᓂᕐᒥᒃ ᑐᓴᐅᒪᑦᓯᐊᕋᒥ ᑐᓴᕋᓱᐊᕐᓂᓂ ᑖᒃᑯᓇᓐᖓᑦ ᓄᖅᑲᕐᑎᑉᐹ, ᐅᖃᕐᓗᓂ, “ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᓔᓯᐊᓯ ᑎᑭᑉᐸᑦ, ᖃᓄᐃᓕᖓᓛᕐᒪᖔᕐᐱᑦ ᑐᑭᓯᓛᕐᐳᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:5

“ᐅᓇ ᐊᖑᑦ ᖃᐅᔨᔭᕗᑦ ᐃᓅᖃᑎᒌᓂᒃ ᓱᕋᒃᑎᕆᔨᐅᖕᒪᑦ, ᔫᑎᓂᒃ ᓇᓂᑐᐃᓐᓇᖅ ᐅᐃᒪᔮᕐᑎᑦᓯᕙᒃᓗᓂ, ᐊᖓᔪᖅᑳᕆᔭᐅᔪᕐᓗ ᓈᓴᕇᑎᒥᐅᓄᑦ ᐅᒃᐱᕐᑐᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 25:8

ᐸᐅᓗᓯ ᐃᒻᒥᓂᒃ ᓴᐳᓐᓂᐊᕐᓗᓂ ᐅᖃᕐᐳᖅ, “ᓱᕅᓚᐅᓐᖏᓚᖓ ᔫᑎᑦ ᐱᖁᔭᖏᓐᓂᒃ, ᑐᒃᓯᐊᕐᕕᒡᔪᐊᓪᓗ ᐱᖁᔭᖏᓐᓂᒃ, ᓰᓴᕆᐅᑉ ᐱᖁᔭᖏᓐᓂᒡᓘᓐᓃᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:22

ᒎᑎᐅᓪᓕ ᐃᑲᔪᐃᓐᓇᕐᐹᖓ ᐅᓪᓗᒥᒧᑦ ᑎᑭᓪᓗᒍ, ᒫᓐᓇᓗ ᓇᖏᕐᐳᖓ ᓇᓗᓁᕐᓯᔪᓐᓇᕐᓗᖓ ᐊᑦᔨᒌᒃᑐᒥᒃ ᐃᓄᖕᓄᑦ ᐊᑦᔨᒌᖏᑦᑐᓄᑦ, ᐅᖃᐅᓯᖃᕐᐳᖓ ᓇᓚᐅᑦᑍᔪᑦ ᒨᓯᓯᐅᓪᓗ ᓇᓪᓕᐅᑎᓂᐊᕐᓂᕋᕐᓯᒪᔭᖏᑕ ᐊᓯᐊᒎᖏᑦᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 26:27

ᐊᖓᔪᖅᑳᕐᔪᐊᖅ ᐊᒍᕆᐹ, ᓇᓚᐅᑦᑍᔪᓂᒃ ᐅᒃᐱᕈᓱᒃᐲᑦ? ᖃᐅᔨᒪᕗᖓ ᐅᒃᐱᕆᒐᕕᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:4

“ᔫᑎᓕᒫᑦ ᖃᐅᔨᒪᖕᒪᑕ ᓱᕈᓯᐅᓂᓐᓂᑦ ᑍᑲᓐᖓᑦ ᐃᓕᖅᑯᓯᕆᔭᓐᓂᒃ, ᐃᓅᓯᓕᒫᓐᓂ ᓄᓇᒋᔭᑦᑎᓐᓂ, ᔨᕉᓴᓕᒻᒦᓐᓂᓐᓂᓗᑦᑕᐅᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 26:6

ᒫᓐᓇᓕ ᐃᖅᑲᕐᑐᕐᑕᐅᑦᔪᑎᖃᕐᐳᖓ ᓂᕆᐅᖕᓂᖃᕐᓂᓐᓄᑦ ᒎᑎᐅᑉ ᐊᖏᕈᑎᒋᓚᐅᕐᑕᖓᓂᒃ ᓯᕗᓕᕕᓂᑦᑎᓐᓄᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 28:22

ᑐᓴᕈᒪᔪᐊᓘᕗᒍᓪᓕ ᐃᓱᒪᒋᔭᕐᓂᒃ; ᖃᐅᔨᒪᒐᑦᑕ ᓇᓂᑐᐃᓐᓇᖅ ᐃᓄᐃᑦ ᐊᑭᕋᕐᑐᖃᑦᑕᕐᒪᑕ ᑕᒪᑐᒧᖓ ᐃᓚᐅᕕᒋᔭᕐᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 28:23

ᐸᐅᓗᓯᒥᒡᓗ ᑲᑎᒪᖃᑎᖃᕐᕕᒃᓴᒥᖕᓂᒃ ᐅᓪᓗᒥᒃ ᓇᓗᓁᕐᓯᕗᑦ, ᓇᓪᓕᐅᑎᖕᒪᓪᓗ ᐅᓄᕐᓂᕐᓴᒻᒪᕆᐊᓗᐃᑦ ᕾᕗᑦ ᓇᔪᕐᑕᖓᓄᑦ. ᐅᓪᓛᒥᑦ ᐱᒋᐊᕐᓗᒍ ᐅᓐᓄᒧᑦ ᑎᑭᓪᓗᒍ, ᓇᓗᓇᕈᓐᓃᕐᑎᑦᓯᕗᕐᓗ ᐅᖃᐅᓯᖃᕐᓗᓂ ᒎᑎᐅᑉ ᐊᑕᓂᐅᕕᖓᓂᒃ ᔩᓱᓯᒥᒡᓗ ᑐᑭᓯᔭᐅᑎᑦᓯᓇᓱᐊᕐᐳᖅ ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:13

ᐂᑉᕋᕼᐋᒻ ᒎᑎᖓ ᐂᓴᑭᐅᓪᓗ ᒎᑎᖓ ᔧᑰᓪᓗ ᒎᑎᖓᑕ, ᓯᕗᓕᕕᓂᑦᑕᓗ ᒎᑎᖓᑕ, ᐱᔨᓂ ᔩᓱᓯ ᓂᕐᑐᕐᓇᕐᓯᑎᓚᐅᕐᐹ, ᑖᓐᓇ ᐊᖓᔪᖅᑳᓄᑦ ᑎᒍᔭᐅᑎᓚᐅᕐᑕᓯ ᓇᕐᕈᓇᕐᓯᑎᓚᐅᕐᑕᓯᓗ ᐰᓛᑑᓯᐅᑉ ᑕᒃᑯᐊᓂ, ᐰᓛᑑᓯᐅᑉ ᐊᓂᑎᑕᐅᖁᒐᓗᐊᕐᑎᓪᓗᓂᐅᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:30

ᓯᕗᓕᕕᓂᑦᑕ ᒎᑎᖓᑦᑕ ᔩᓱᓯ ᒪᑭᑎᓚᐅᕐᐹ ᑐᖁᒥᑦ, ᐃᓕᑦᓯ ᑐᖁᓚᐅᕐᑕᓯ ᓂᕕᓐᖓᕐᑎᓪᓗᒍ ᓴᓐᓂᖓᔪᓕᖕᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:32

‘ᓯᕗᓕᕕᓂᕐᐱᑦ ᒎᑎᒋᕚᖓ, ᐂᑉᕋᕼᐋᒻ, ᐂᓴᑭᐅᓪᓗ, ᔧᑰᓪᓗ ᒎᑎᖓᑦ.’ ᒨᓯᓯ ᑲᑉᐱᐊᓱᖕᓂᕐᒧᑦ ᓴᔪᓕᕋᒥ ᑕᑯᓐᓇᕆᐊᒃᓴᖅ ᐊᔪᓕᓚᐅᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 9:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᐊᕐᑐᓂᒃ ᑕᒫᓯᑰᓯᒧᑦ ᑎᑎᕋᕐᓯᒪᔪᓂᒃ ᑎᒍᓯᔪᓐᓇᕈᑎᒃᓴᓂᒃ ᐱᑎᑕᐅᔪᒪᓪᓗᓂ, ᓇᓂᓯᒍᓂ ᒪᓕᒃᑎᓂᒃ ᐊᑕᓂᐅᑉ ᐊᖅᑯᑎᖓᒎᕐᓂᕋᕐᑕᐅᔪᓂᒃ, ᑎᒍᓗᒋᑦ ᐊᖑᑎᑦ ᐊᕐᓁᓪᓗ ᔨᕉᓴᓕᒻᒧᑦ ᐅᑎᐅᑎᔪᒪᓪᓗᒋᑦ.

ᕉᒪᒥᐅᓄᑦ 1:9

ᒎᑎᐅᑉ ᐱᔨᑦᓯᕐᑕᒪ ᐱᔪᓐᓇᕐᓂᓕᒫᓐᓄᑦ ᐊᔪᕆᕐᑐᐃᓂᕐᒥᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᕐᓂᖓᓂᒃ, ᖃᐅᔨᒪᑦᓯᐊᕐᐹᖓ ᐃᖅᑲᐅᒤᓐᓇᕋᑦᓯ ᑐᒃᓯᐊᓕᕌᖓᒪ ᑐᒃᓯᐅᑎᖃᑦᑕᕋᑦᓯ,

ᕉᒪᒥᐅᓄᑦ 3:21

ᒎᑎᒧᓪᓕ ᐸᓯᔭᒃᓴᐅᔪᓐᓃᕐᓂᖅ ᓇᓗᓇᕈᓐᓃᕐᑎᑕᐅᕗᖅ ᐱᖁᔭᑦ ᐊᓯᐊᒍᑦ, ᐱᖁᔧᑦ ᓇᓚᐅᑦᑍᔪᓪᓗ ᑎᑎᕋᕐᓯᒪᔭᖏᑦ ᑕᒪᑐᒥᖓ ᓇᓗᓁᕐᓯᓯᒪᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:19

ᓇᓗᓇᓐᖏᓚᖅ ᐊᕕᒃᓯᒪᓂᖃᕆᐊᖃᕋᑦᓯ ᓇᓛᒎᕐᑐᑦ ᐊᑯᓐᓇᑦᓯᓐᓂ ᓇᓗᓇᖏᑦᑐᒥᒃ ᓴᖅᑭᔮᑦᓯᐊᖁᓪᓗᒋᑦ.

ᒐᓔᑎᐊᒥᐅᓄᑦ 5:20

ᒎᑎᓐᖑᐊᖃᕐᓂᖅ, ᐊᖓᒃᑰᓇᓱᐊᕐᓂᖅ, ᐊᑭᕋᕐᑐᕐᑎᒌᖕᓂᖅ, ᐂᕙᖃᑦᑕᐅᑎᓂᖅ, ᐱᔪᑑᔪᒪᓂᖅ, ᓂᓐᖓᐅᒪᓂᖅ, ᐊᖏᖃᑎᒌᒍᓐᓇᖏᓐᓂᖅ, ᑕᐱᕇᓕᓪᓗᑎᒃ ᐊᕕᒃᑐᕐᓂᖅ;

ᑎᒧᑎᒧᑦ ᐂᑉᐸᖏᑦ 1:3

ᒎᑎ ᖁᔭᒋᕙᕋ ᑖᒃᓇ ᐱᔨᑦᓯᕐᑕᕋ ᐃᓱᒫᓗᑎᖃᕐᓇᖓ, ᓲᕐᓗᑦᑕᐅᖅ ᓯᕗᓕᕕᓂᒃᑲ ᑍᒤᓚᐅᕐᒪᑕ, ᑍᒪᓐᖓᑦ ᐃᖅᑲᐅᒪᖃᑦᑕᐸᒋᑦ ᑐᒃᓯᐊᓕᕌᖓᒪ ᐅᓐᓄᒃᑯᑦ ᐅᓪᓗᒃᑯᓪᓗ.

ᑍᑑᓯᒧᑦ 3:10

ᐃᓄᒃ ᐃᓅᖃᑎᒥᓂᒃ ᐊᕕᑎᑦᓯᔪᖅ ᐊᑕᐅᓯᐊᕐᓗᒍ ᒪᕐᕈᐃᕐᑐᕐᓗᒍᓘᓐᓃᑦ ᐃᓂᕐᑎᓚᐅᖅᑳᕐᓗᒍ, ᑭᖑᓂᖓᒍᑦ ᑲᒪᒋᓇᓱᐊᒃᑲᓐᓂᕈᓐᓃᕈᒃ.

ᐲᑦᑐᕉᓯ ᓯᕗᓪᓖᑦ 1:11

ᖃᐅᔨᓇᓱᐊᓚᐅᕐᐳᑦ ᖃᖓᐅᓂᐊᕐᒪᖔᑦ ᖃᓄᕐᓗ ᓴᖅᑭᓐᓂᐊᕐᒪᖔᑦ ᙭ᔅᑑᓯᐅᑉ ᐊᓂᕐᓂᖓ ᑖᒃᑯᓇᓃᑦᑐᖅ ᑕᒪᑐᒥᖓ ᓇᓗᓁᕐᓯᓚᐅᕐᐳᖅ; ᙭ᔅᑑᓯᐅᑉ ᐋᓐᓂᐊᑎᑕᐅᓂᕐᒥᒃ ᐊᑐᕈᒫᕐᓂᖓᓂᒃ ᖁᕕᐊᓇᕐᑐᕐᔪᐊᒥᒡᓗ ᑭᖑᓂᖃᕈᒫᕐᓂᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.