ᐋᐴᓯᑕᓖᑦ ᐱᓂᐊᕐᓂᖏᑦ 22:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖃᐅᑎᕚᖓ, ‘ᓯᕗᓕᕕᓂᑦᑕ ᒎᑎᖓᑕ ᓂᕈᐊᕐᒪᑎᑦ ᖃᐅᔨᖁᓪᓗᓂᑎᑦ ᐱᔪᒪᔭᖓᓂᒃ, ᖃᐅᔨᖁᓪᓗᑎᑦ ᓇᓛᒎᑦᓯᐊᕐᑐᑐᐊᖑᔪᒥᒃ, ᑐᓴᖁᓪᓗᑎᑦ ᐅᖃᐅᓯᕐᓂᒃ ᓇᖕᒥᓂᖅ ᐅᖃᐅᓯᕆᔭᖏᓐᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 22:14 Iomraidhean Croise

ᐊᑕᓃᑦ ᐂᑉᐸᖏᑦ 21:22

ᐊᑕᓂᖅ ᐃᓱᒪᒋᓚᐅᓐᖏᓛ ᓯᕗᓕᕕᓂᖏᑕ ᒎᑎᖓᑦ, ᐊᑕᓂᐅᓪᓗ ᐱᓂᐊᕐᑕᐅᖁᔭᖏᓐᓂᒃ ᐱᓇᓱᐊᓚᐅᓐᖏᓚᖅ.

ᑯᕉᓂᑲ ᓯᕗᓪᓖᑦ 12:17

ᑍᕕᑎᐅᓪᓗ ᐸᕐᕆᐊᕐᓗᒋᑦ ᑲᑎᒐᒥᒋᑦ ᐅᖃᐅᑎᕔᑦ, “ᕾᒍᑦᓯ ᐃᓚᓐᓈᖃᕈᒪᓗᓯ ᐃᑲᔪᕆᐊᕈᑦᓯ ᐅᕙᓐᓂᒃ, ᐆᒻᒪᑎᒐ ᐊᑕᐅᓯᓐᖑᖃᑕᐅᓂᐊᕐᐳᖅ ᐃᓕᑦᓯᓐᓄᑦ, ᐊᑭᕋᓐᓄᓪᓕ ᐱᔭᐅᒃᑬᔭᕐᑐᕈᑦᓯ, ᑕᒻᒪᓚᐅᖏᒃᑲᓗᐊᕐᑎᓪᓗᖓ, ᐊᑖᑕᑦᑕ ᒎᑎᖓᑕ ᑕᑯᓐᓇᕐᒪᓯ ᓱᒋᐊᕐᓂᐊᕐᐹᓯ.”

ᑯᕉᓂᑲ ᓯᕗᓪᓖᑦ 29:18

ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᔧᑰᓪᓗ, ᓯᕗᓕᑦᑕᓗ ᒎᑎᖓᑦ, ᑕᒪᓐᓇ ᐃᓱᖃᖏᑦᑐᒧᑦ ᑲᔪᓯᑎᓚᐅᕈᒃ ᐃᓄᖁᑎᕕᑦ ᐆᒻᒪᑎᖓᑕ ᐃᓱᒪᖏᓐᓂ, ᐆᒻᒪᑎᖏᓪᓗ ᐃᓕᖕᓄᑦ ᑐᕌᕐᑎᑦᓮᓐᓇᒃᑭᑦ.

ᑯᕉᓂᑲ ᐂᑉᐸᖏᑦ 28:25

ᔫᑕᐅᓪᓗ ᐃᒡᓗᒐᓴᓕᒫᖏᓐᓂ ᒎᑎᓐᖑᐊᓄᑦ ᑐᒃᓯᐊᕐᕕᖕᓂᒃ ᓴᓇᕗᖅ ᑎᐱᑦᓯᐊᕆᒃᑐᓂᒃ ᐃᑯᐊᓚᑎᑦᓯᕕᒃᓴᓂᒃ ᒎᑎᓐᖑᐊᓄᑦ, ᑕᒪᑐᒧᖓᓗ ᐊᑕᓂᖅ ᓂᓐᖓᒃᓴᓚᐅᕐᐹ, ᓯᕗᓕᖏᑕ ᒎᑎᖓᑦ.

ᑯᕉᓂᑲ ᐂᑉᐸᖏᑦ 30:19

ᐆᒻᒪᑎᒥᒍᑦ ᕿᓂᕐᑐᑦ ᒎᑎᒥᒃ, ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ, ᐃᑦᔪᕐᓁᓕᑎᑕᐅᑦᔪᑏᑦ ᒪᓕᒡᓗᒋᑦ ᓴᓗᒻᒪᕐᑎᑕᐅᓯᒪᖏᒃᑲᓗᐊᕐᑎᓪᓗᒋᑦ.”

ᐄᓱᕋᐅᑉ ᐊᒡᓚᖏᑦ 7:27

ᐄᓱᕋ ᐅᖃᓚᐅᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᓯᕗᓕᕕᓂᑦᑕ ᒎᑎᖓ ᐊᖓᔪᖅᑳᕐᔪᐊᖅ ᑍᒫᒃ ᐅᐱᒍᓱᒍᓐᓇᕐᑎᒻᒪᒍ ᐱᐅᓯᑎᑦᓯᓗᓂᓗ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᔨᕉᓴᓕᒦᑦᑐᒥᒃ.

ᒨᓯᓯ ᐂᑉᐸᖏᑦ 15:2

ᐊᑕᓂᖅ ᐱᔪᓐᓇᐅᑎᒋᕙᕋ ᐃᓐᖏᕈᑎᒋᓪᓗᒍᓗ, ᐱᐅᓕᔨᒋᓕᕐᓗᒍᓗ; ᑖᓐᓇ ᒎᑎᒋᕙᕋ, ᓂᕐᑐᕐᓂᐊᕐᐸᕋᓗ, ᐊᑖᑕᒪ ᒎᑎᖓ, ᑖᓐᓇ ᐊᖏᔪᕈᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 1:5

“ᓄᑕᕋᒃᓴᓐᖑᓚᐅᕐᑎᓐᓇᒃ ᓱᓕ ᓂᕈᐊᓚᐅᕐᐸᒋᑦ; ᐃᓅᓕᖅᑳᕐᑎᓐᓇᒡᓗ ᐃᑦᔪᕐᓁᑎᓚᐅᕐᐸᒋᑦ; ᑎᓕᓚᐅᕐᐸᒋᑦ ᐱᔪᖃᓛᕐᑐᒥᒃ ᐅᖃᕐᑎᒋᔪᒪᓪᓗᑎᑦ ᐃᓅᖃᑎᒌᒡᔪᐊᓄᑦ.”

ᑖᓂᐊᓕᐅᑉ ᐊᒡᓚᖏᑦ 2:23

ᖁᔭᒋᕙᒋᑦ ᓂᕐᑐᕐᐸᒋᓪᓗ, ᓯᕗᓕᕕᓂᕐᒪ ᒎᑎᖓ, ᓯᓚᑐᓂᕐᒥᒃ ᐱᔪᓐᓇᕐᓂᕐᒥᒡᓗ ᑐᓂᓯᕕᒋᒐᕕᖓ; ᖃᐅᔨᑎᒃᑲᕕᖓᓗ ᐊᐱᖅᑯᑎᒋᔭᑦᑎᓐᓂᒃ ᐃᓕᖕᓄᑦ, ᐊᖓᔪᖅᑳᕐᔪᐊᑉ ᓯᓐᓇᒃᑐᕕᓂᖓᓂᒃ ᑐᑭᓯᑎᒃᑲᑦᑎᒍᑦ.”

ᔪᐊᓇᓯᐅᑉ ᐊᒡᓚᖏᑦ 15:16

ᓂᕈᐊᓚᐅᓐᖏᓚᑦᓯᓐᖓ, ᓂᕈᐊᓚᐅᕐᐸᑦᓯᓕ ᑎᓕᓪᓗᓯᓗ ᐸᐅᕐᖓᑲᕆᐊᕐᑐᖁᓪᓗᓯ ᐸᐅᕐᖓᖃᕐᓂᓯ ᑲᔪᓯᖁᓪᓗᒍ; ᓱᓇᑐᐃᓐᓇᕐᒥᒃ ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᐊᑎᓐᓂ, ᑐᓂᓯᓂᐊᕐᐳᖅ ᐃᓕᑦᓯᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:17

ᐃᓄᐃᑦ ᐃᓴᕆᐊᓕᒥᐅᑦ ᒎᑎᖓᑦᑕ ᓯᕗᓕᕕᓂᕗᑦ ᓂᕈᐊᓚᐅᕐᐰᑦ, ᐃᓄᒋᐊᒃᑐᐊᓘᓕᕐᑎᓚᐅᕐᐰᑦ ᐄᑦᔨᑉᑎᒥ ᓄᓇᖃᕐᑎᓪᓗᒋᑦ, ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᐰᑦ ᐄᑦᔨᑉᑎᒥᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 22:15

ᑖᑦᓱᒪ ᓇᓗᓁᕐᓯᔨᒋᓂᐊᕐᐹᑎᑦ ᐃᓄᓕᒫᓄᑦ, ᑕᑯᓯᒪᔭᕐᓂᒃ ᑐᓴᕐᓯᒪᔭᕐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 22:18

ᐊᑕᓂᖅ ᑕᑯᓚᐅᕐᐸᕋ ᐅᖃᕐᑐᖅ, ‘ᑐᐊᕕᕐᓗᑎᑦ ᔨᕉᓴᓕᒻᒥᑦ ᐊᐅᓪᓚᕆᑦ, ᑕᕝᕙᓂ ᓄᓇᓕᖕᓂ ᐅᕙᓐᓂᒃ ᐅᖃᐅᓯᖃᕐᓂᑎᑦ ᐃᓚᓕᐅᕐᑕᐅᓂᐊᖏᒻᒪᑕ.’

ᐋᐴᓯᑕᓖᑦ ᐱᓂᐊᕐᓂᖏᑦ 24:14

ᐊᓐᖏᒍᑎᔪᒪᓐᖏᓚᒋᑦ; ᓯᕗᓕᕕᓂᑦᑕ ᒎᑎᖓ ᑐᒃᓯᐊᕐᕕᒋᕙᒃᐸᕋ, ᒫᓐᓇ ᐊᑕᓂᕐᒧᑦ ᒪᓕᒡᑎᐅᓂᕐᒥᒃ ᐃᓚᐅᕗᖓ, ᑖᒃᑯᐊ ᓱᓕᖏᑦᑐᒧᑦ ᐅᒃᐱᕈᓯᐅᓂᕋᕐᑕᖓᓐᓄᑦ, ᐅᒃᐱᕈᓱᑦᓯᐊᕐᐳᖓ ᒨᓯᓯᐅᑉ ᐱᖁᔭᖏᓐᓂᒃ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᑎᑎᕋᕐᓯᒪᔪᓂᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 26:16

ᒫᓐᓇ ᓂᑯᕕᓕᕆᑦ; ᐃᓕᖕᓄᑦ ᓴᖅᑭᑦᔪᑎᖃᕐᐳᖓ ᑎᓕᔪᒪᒐᒃᑭᑦ, ᐅᕙᓐᓂᒃ ᐅᖃᐅᓯᖃᖁᓪᓗᑎᑦ ᐃᓄᖕᓄᑦ ᑕᑯᑎᑕᐅᑦᔪᑎᒋᔭᕐᓂᒃ ᑕᑯᑎᑦᓯᔪᑎᒋᖃᑦᑕᓂᐊᕐᑕᓐᓂᒡᓗ ᓱᓕ ᐃᓕᖕᓄᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 5:30

ᓯᕗᓕᕕᓂᑦᑕ ᒎᑎᖓᑦᑕ ᔩᓱᓯ ᒪᑭᑎᓚᐅᕐᐹ ᑐᖁᒥᑦ, ᐃᓕᑦᓯ ᑐᖁᓚᐅᕐᑕᓯ ᓂᕕᓐᖓᕐᑎᓪᓗᒍ ᓴᓐᓂᖓᔪᓕᖕᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:52

ᓇᓚᐅᑦᑍᔪᑦ ᓇᓪᓕᐊᑦ ᓯᕗᓕᕕᓂᑦᓯᓐᓂᑦ ᐊᑭᕋᕐᑐᕐᑕᐅᓚᐅᓐᖏᓛᖅ? ᑐᖁᑕᐅᓚᐅᕐᐳᑦ ᑍᒃᑯᐊ ᓯᕗᓂᖓᓂ ᐅᖃᐅᓯᒃᓴᖅᑲᕐᑎᑕᐅᓚᐅᕐᑐᑦ ᑎᑭᑦᓱᒫᕐᑐᒥᒃ ᓇᓛᒎᕐᑐᒥᒃ ᒎᑎᐅᑉ ᐱᔨᖓᓂᒃ, ᑖᓐᓇ ᐱᔭᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 9:17

ᑕᕝᕙ ᐊᓇᓁᐊᓯ ᐂᕗᖅ, ᐃᒡᓗᒧᑦ ᐃᑎᕐᓗᓂ; ᐸᑎᒻᒥᓪᓗᓂᐅᒃ ᐅᖃᕐᐳᖅ, “ᐅᒃᐱᖃᑎᒐ ᓴᐅᓗᓰ, ᐊᑕᓂᐅᑉ ᔩᓱᓯᐅᑉ ᐃᓕᖕᓄᑦ ᓴᖅᑭᓚᐅᕐᑑᑉ ᕾᓕᕐᑎᓪᓗᑎᑦ, ᑎᓕᕚᖓ ᑕᐅᑐᓕᕐᑎᑕᐅᖁᓪᓗᑎᑦ ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖁᓪᓗᑎᑦ.”

ᕉᒪᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐱᔨᖓᓂᑦ, ᐋᐴᓯᑕᓕᐅᓂᕐᒧᑦ ᕾᖁᔭᐅᓯᒪᔪᒥᑦ, ᓂᕈᐊᕐᑕᐅᓯᒪᔪᒥᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᓐᖔᕐᑐᓂᒃ ᐊᔪᕆᕐᑐᐃᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:23

ᐊᑕᓂᕐᒥᑦ ᐱᓚᐅᕐᑕᕋ ᐃᓕᑦᓯᓐᓄᑦ ᐅᖃᐅᓯᕆᓕᕐᐸᕋ, ᐊᑕᓂᐅᑉ ᔩᓱᓯᐅᑉ ᐅᓐᓄᒃᑯᑦ ᑍᑦᓱᒪᓂ ᐱᔭᐅᒃᑲᕐᑕᐅᓂᐊᓕᕐᑎᓪᓗᒍ ᓂᐊᖂᔭᖅ ᑎᒍᕚ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:3

ᐱᔭᕆᐊᖃᓪᓚᕆᒃᑐᑦ ᑐᓂᕐᕈᓯᐊᕆᓚᐅᕐᑕᒃᑲ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ, ᐃᒫᒃ ᙭ᔅᑑᓯ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᑐᖁᓚᐅᕐᐳᖅ ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:8

ᑭᖑᓪᓕᕐᐹᒥᒡᓕ, ᐅᕙᓐᓄᑦᑕᐅᖅ ᓴᖅᑭᓚᐅᕆᕗᖅ, ᐃᕐᓂᐊᖑᓯᒪᔫᔮᕐᑎᓪᓗᖓ ᓲᕐᓗ ᓈᒻᒪᓈᕐᓯᒪᖏᑦᑐᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:1

ᕿᓚᕈᑦᔮᕐᑕᐅᓯᒪᓐᖏᓚᖔ? ᐋᐴᓯᑕᓕᐅᓐᖏᓚᖔ? ᐊᑕᓂᖅ ᔩᓱᓯ ᑕᑯᓚᐅᓐᖏᓚᕌ? ᐊᑕᓂᕐᒥ ᐱᓇᓱᐊᕐᓯᒪᓂᓐᓄᑦ ᐅᒃᐱᕐᑑᓐᖏᓚᓰ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᒐᓔᑎᐊᒥᐅᓄᑦ 1:12

ᐃᓄᖕᒥᑦ ᓇᓪᓕᐊᓐᓂᓪᓘᓐᓃᑦ ᐱᓯᒪᓐᖏᓚᒃᑲ, ᐃᓄᖕᒥᓪᓘᓐᓃᑦ ᐊᔪᕆᕐᑐᐃᑦᔪᑕᐅᓚᐅᓐᖏᓚᑦ ᐅᕙᓐᓄᑦ, ᔩᓱᓯ ᙭ᔅᑑᓯᐅᓪᓕ ᑕᑯᑎᑦᓯᑦᔪᑎᒋᓯᒪᕔᑦ ᐅᕙᓐᓄᑦ.

ᒐᓔᑎᐊᒥᐅᓄᑦ 1:15

ᒎᑎᐅᓪᓕ ᓂᕈᐊᕐᓯᒪᓚᐅᕐᐹᖓ ᐃᓅᓕᓚᐅᕐᑎᓐᓇᖓ ᓱᓕ, ᐱᑦᓯᐊᕐᓂᒥ ᐱᔪᓐᓇᕐᑎᑦᓯᓂᕐᒥᒍᑦ ᕾᖁᓚᐅᕐᐹᖓ,

ᑎᒧᑎᒧᑦ ᐂᑉᐸᖏᑦ 1:1

ᐸᐅᓗᓯᒥᑦ, ᙭ᔅᑑᓯ ᔩᓱᓯᒧᑦ ᐋᐴᓯᑕᓕᒋᔭᐅᔪᒥᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᑎᓕᔭᐅᓯᒪᔪᒥᑦ ᐅᖃᐅᓯᖃᖁᓪᓗᒍ ᐃᓅᓯᖃᕐᓇᕐᑐᒥᒃ ᙭ᔅᑑᓯ ᔩᓱᓯᒦᑦᑐᒥᒃ.

ᑍᑑᓯᒧᑦ 1:1

ᐸᐅᓗᓯᒥᑦ, ᒎᑎᐅᑉ ᐱᔨᖓᓂᑦ ᔩᓱᓯᐅᓪᓗ ᙭ᔅᑑᓯᐅᑉ ᐋᐴᓯᑕᓕᖓᓂᑦ, ᒎᑎᐅᑉ ᓂᕈᐊᕐᓯᒪᔭᖏᓐᓄᑦ ᓱᓕᔪᒥᒡᓗ ᖃᐅᔨᓯᒪᔪᓄᑦ ᐊᑕᐅᓯᐅᓕᖓᑎᑦᓯᔪᒧᑦ ᐅᒃᐱᕐᓂᑦᑎᓐᓄᓪᓗ.

ᐲᑦᑐᕉᓯ ᓯᕗᓪᓖᑦ 2:22

ᑖᓐᓇ ᐊᔪᕐᑐᓕᓚᐅᓐᖏᓚᖅ; ᓴᒡᓗᑎᓪᓗᒍᓗ ᖃᐅᔨᔭᐅᓚᐅᕐᓯᒪᓇᓂ.

ᔪᐊᓇᓯ ᓯᕗᓪᓖᑦ 2:1

ᕿᑐᕐᖔᑯᓗᒃᑲ, ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᐊᔪᕐᑐᓕᖁᓇᓯ; ᐊᔪᕐᑐᓕᔪᖃᕐᐸᓪᓕ, ᑐᒃᓯᐅᑦᔨᔨᖃᕐᐳᒍᑦ ᐊᑖᑕᒥ, ᑕᕝᕙ ᔩᓱᓯ ᙭ᔅᑑᓯᒥᒃ ᐱᐅᔪᑐᐊᖑᔪᒥᒃ;