ᐋᐴᓯᑕᓖᑦ ᐱᓂᐊᕐᓂᖏᑦ 21:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᖃᐅᑎᓪᓗᒍ ᐊᐅᓪᓚᕋᑦᑕ ᓯᓴᕆᐊᒧᑦ ᑎᑭᑉᐳᒍᑦ; ᑕᕝᕙᓂ ᑐᔪᕐᒥᕗᒍᑦ ᐱᓕᑉᐴᓯᐅᑉ ᓵᒋᐊᕐᑎᑦᓯᔨᐅᑉ ᐃᒡᓗᖓᓂ, ᑖᓐᓇ 7 ᓂᕈᐊᕐᑕᐅᓚᐅᕐᑐᑦ ᐃᓚᖓᑦ ᔨᕉᓴᓕᒻᒥ ᐃᑲᔪᕐᑎᐅᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:8 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 10:1

ᓯᓴᕆᐊᒥ ᐊᖑᑎᑕᖃᓚᐅᕐᐳᖅ ᑰᓂᓕᐅᓯᒥᒃ ᐊᑎᓕᖕᒥᒃ, ᕉᒪᒥᐅᑦ ᐅᓇᑕᕐᑐᒃᓴᖁᑎᖏᓐᓄᑦ ᐊᖓᔪᖅᑳᕆᔭᐅᔪᒥᒃ, ᐊᖓᔪᖅᑲᐅᕕᒋᔭᖏᑦ ᑍᔭᐅᕗᑦ “ᐃᑕᓕᐊᒥᐅᑦ ᐅᓇᑕᕐᑐᒃᓴᖁᑎᖏᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 16:10

ᐸᐅᓗᓯᓕ ᑍᒫᒃ ᑕᑯᑎᑕᐅᖕᒪᑦ, ᑕᕝᕔᓐᓇᖅ ᐸᕐᓇᓕᕐᐳᒍᑦ ᒫᓯᑑᓂᐊᒧᑦ, ᒎᑎᒧᑦ ᐅᖃᓪᓚᖁᔭᐅᓂᑦᑎᓐᓂᒃ ᐃᓱᒪᖃᑎᒌᓕᕋᑦᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑍᒃᑯᓄᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 16:13

ᓴᐸᑎᐅᓕᕐᑎᓪᓗᒍ ᓄᓇᓖᑦ ᓯᓚᑖᓄᐊᕐᓗᑕ ᑰᑉ ᓯᓈᓄᐊᕐᐳᒍᑦ, ᑕᕝᕙᓂ ᔫᑎᓂᒃ ᑐᒃᓯᐊᕐᑐᖃᕐᓂᐊᕋᓱᒋᓪᓗᒍ; ᐃᒃᓯᕚᕐᓗᑕ ᐅᖃᖃᑎᖃᕐᐳᒍᑦ ᐊᕐᓇᓂᒃ ᑕᒪᐅᖓ ᑲᑎᖃᑎᒋᔭᑦᑎᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 16:16

ᑐᒃᓯᐊᕆᐊᕐᕕᐅᕙᒃᑐᒧᑦ ᐂᓕᕐᑎᓪᓗᑕ, ᑲᑎᓯᕗᒍᑦ ᐊᕐᓇᒥᒃ ᓂᐅᕕᐊᖑᓯᒪᓪᓗᓂ ᐱᔨᐅᔪᒥᒃ, ᑖᓐᓇ ᓵᑖᓇᓯᐅᑉ ᐊᓂᕐᓂᖓᓄᑦ ᓇᓚᐅᑦᑍᔪᓐᓇᕐᑎᑕᐅᔪᖅ ᓯᕗᓂᒃᓴᒥᒃ, ᐊᖓᔪᖅᑳᒥᓂᒃ ᑮᓇᐅᔭᓕᐅᕐᑎᑦᓯᓪᓚᕆᒃᑐᖅ ᓇᓚᐅᑦᑍᖃᑦᑕᕐᓂᕐᒥᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:22

ᓯᓴᕆᐊᒧᑦ ᑎᑭᓐᓇᒥ, ᔨᕉᓴᓕᒻᒧᐊᕐᐳᖅ ᐅᒃᐱᕐᑑᖃᑎᖐᓂᒃ ᑲᑎᓯᓚᐅᕐᓗᓂ, ᐊᓐᑎᐅᑭᐊᒧᑦ ᐊᐅᓪᓚᓕᕆᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 20:13

ᐅᒥᐊᕐᔪᐊᒃᑯᑦ ᓯᕗᓪᓕᐅᓪᓗᑕ ᐊᐅᓪᓚᕐᐳᒍᑦ ᐋᓱᓯᒧᑦ, ᑍᑲᓂ ᐸᐅᓗᓯ ᐃᑭᔪᒪᓯᒪᖕᒪᑦ; ᑍᒫᒃ ᐅᖃᐅᑎᓚᐅᕐᒪᑎᒍᑦ, ᓇᖕᒥᓂᖅ ᓄᓇᒃᑯᑦ ᑍᑯᓐᖓᕈᒪᓪᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 20:6

ᐱᓕᐰᒥᑦ ᐅᒥᐊᕐᑐᓕᕐᐳᒍᑦ ᓇᓪᓕᐅᓐᓂᕐᓯᐅᕇᕋᑦᑕ ᐳᕙᓪᓚᖅᑯᑎᖃᖏᑦᑐᓂᒃ ᓂᐊᖂᔭᕐᑐᕐᕕᖕᒥᒃ, ᐅᓪᓗᑦ ᑕᓪᓕᒪᑦ ᓈᖕᒪᑕ ᐃᓚᕗᑦ ᑎᑭᑉᐸᕗᑦ ᑐᕈᐊᓯᒦᑦᑐᑦ, ᑕᕝᕙᓃᓕᕐᐳᒍᑦ ᐱᓇᓱᐊᕈᓯᓕᒫᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 21:16

ᐃᓕᓐᓂᐊᕐᑎᑦ ᐃᓚᖏᑕ ᓯᓴᕆᐊᒥᐅᑍᑦ ᐃᓚᒋᕚᑎᒍᑦ, ᑖᒃᑯᐊ ᓁᓴᓂᐅᑉ ᓮᐳᕋᓯᒥᐅᑕᐅᑉ ᐃᒡᓗᖓᓄᐊᕈᑎᕚᑎᒍᑦ, ᑖᓐᓇ ᐅᒃᐱᕐᑐᑐᖃᐅᕗᖅ, ᑕᕝᕙᓂ ᓯᓂᒃᑕᖁᔭᐅᕗᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 23:23

ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᖕᓂᒃ ᒪᕐᕉᖕᓂᒃ ᕾᖁᔨᕗᖅ ᐅᖃᐅᑎᓪᓗᒋᑦ, “ᐅᓇᑕᕐᑐᒃᓴᓂᒃ 200ᓂᒃ ᐸᕐᓇᒃᑎᑦᓯᓕᕆᑦᓯᒃ 70ᓂᒡᓗ ᕿᒧᒃᓯᐅᑎᓂ ᐃᑭᒪᓂᐊᕐᑐᓂᒃ, 200ᓂᒡᓗ ᐅᓇᑕᕐᑐᒃᓴᓂᒃ ᐱᓱᖕᓂᐊᕐᑐᓂᒃ, ᒫᓐᓇ ᐅᓐᓄᒃ 9ᒨᕐᐸᑦ ᓯᓴᕆᐊᒧᑦ ᐊᐅᓪᓚᕐᓂᐊᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 27:1

ᐃᑕᓕᒧᑦ ᐊᐅᓪᓚᕐᓂᐊᕐᓂᕗᑦ ᐋᖅᑭᒃᑕᐅᖕᒪᑦ, ᐸᐅᓗᓯ ᑎᒍᔭᐅᓯᒪᔪᓪᓗ ᐊᓯᖏᑦ ᑲᒪᒋᔭᐅᑎᑕᐅᕗᑦ ᔫᓕᐊᓯᒥᒃ ᐊᑎᓕᖕᒧᑦ, ᐅᓇᑕᕐᑐᒃᓴᓄᑦ 100ᓄᑦ ᐊᖓᔪᖅᑳᖑᔪᒧᑦ, ᑖᒃᑯᓄᖓ ᕉᒪᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᓐᓂᒃ ᑍᔭᐅᔪᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:11

ᑕᖅᑮᑦ ᐱᖓᓱᑦ ᐊᓂᒍᕐᑎᓪᓗᒋᑦ ᐊᓕᒃᓵᓐᑐᕆᐊᒥᐅᑦ ᐅᒥᐊᕐᔪᐊᖁᑎᖓᒍᑦ ᐊᐅᓪᓚᕐᐳᒍᑦ, ᑖᓐᓇ ᐅᒥᐊᕐᔪᐊᖅ ᕿᑭᕐᑕᒥ ᐅᑮᔪᕕᓂᐅᖕᒪᑦ, ᓇᓗᓁᒃᑯᑕᖃᕐᑐᖅ ᒎᑎᓐᖑᐊᖕᓂᒃ ᒪᕐᕈᓕᐊᕕᓃᖕᓂᒃ ᑲᔅᑐᕆᒥᒡᓗ ᐳᓚᒃᓯᒥᒡᓗ,

ᐋᐴᓯᑕᓖᑦ ᐱᓂᐊᕐᓂᖏᑦ 28:16

ᕉᒪᒧᓪᓕ ᑎᑭᓐᓇᑕ, ᐸᐅᓗᓯ ᓇᖕᒥᓂᖅ ᐃᒡᓗᖃᕐᑎᑕᐅᕗᖅ, ᐅᓇᑕᕐᑐᒃᓴᒥᒃ ᖃᐅᔨᓴᕐᑎᖃᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 6:5

ᐅᒃᐱᕐᑑᖃᑎᒌᓕᒫᑦ ᐋᐴᓯᑕᓖᑦ ᐅᖃᐅᓯᖏᓐᓂᒃ ᐊᑲᐅᒃᓴᓚᐅᕐᐳᑦ, ᓂᕈᐊᓚᐅᕐᐳᑦ ᓯᑎᐹᓇᓯᒥᒃ, ᐅᒃᐱᕐᓂᖃᑦᓯᐊᕐᑐᒥᒃ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᒥᒃ, ᐱᓕᑉᐴᓯᒥᒡᓗ, ᐳᕈᑯᕉᓯᒥᒡᓗ, ᓁᑲᓄᐊᕆᒥᒡᓗ, ᑍᒨᓂᒥᒡᓗ, ᐸᕐᒥᓈᓯᒥᒡᓗ, ᓂᑯᓚᓯᒥᒡᓗ, ᑖᓐᓇ ᔫᑎᓐᖑᕐᑎᑕᐅᓯᒪᔪᖅ ᐊᓐᑎᐅᑭᐊᒥᐅᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 9:30

ᐅᒃᐱᕐᑑᖃᑎᒌᑦ ᖃᐅᔨᒐᒥᒃ, ᓴᐅᓗᓯ ᓯᓴᕆᐊᒧᐊᕈᑎᕚᑦ, ᑖᕐᓱᓯᒧᑦ ᐊᐅᓪᓚᕐᑎᓪᓗᒍ.

ᐃᐱᓯᒥᐅᓄᑦ 4:11

ᑖᑦᓱᒪᓗ ᑐᓂᕐᕈᓯᐊᕐᑎᓚᐅᕐᐰᑦ ᐃᓚᖏᑦ ᐋᐴᓯᑕᓕᓐᖑᕐᑎᓪᓗᒋᑦ, ᐃᓚᖏᑦ ᓇᓚᐅᑦᑍᔪᓐᖑᕐᑎᓪᓗᒋᑦ, ᐃᓚᖏᑦ ᓵᒋᐊᕐᑎᑦᓯᔨᓐᖑᕐᑎᓪᓗᒋᑦ, ᐃᓚᖏᑦ ᐅᒃᐱᕐᑐᓄᑦ ᑕᓯᐅᕐᑎᓐᖑᕐᑎᓚᐅᕐᐰᑦ ᐊᔪᕆᕐᑐᐃᔨᓐᖑᕐᑎᓪᓗᒋᓪᓗ.

ᑎᒧᑎᒧᑦ ᐂᑉᐸᖏᑦ 4:5

ᐃᕝᕕᓪᓕ ᐃᓕᖕᓂᒃ ᐱᓯᒪᑦᓯᐊᕆᐊᖃᕐᐳᑎᑦ, ᐅᖁᒤᑦᑐᓂᒃ ᕿᓄᐃᓵᕈᑎᖃᕐᓗᑎᑦ, ᓵᒋᐊᕐᑎᑦᓯᓂᕐᒥᒃ ᐱᓇᓱᐊᕆᑦ, ᐱᔭᒃᓴᕆᔭᑎᑦ ᐱᓇᓱᐊᑦᓯᐊᕐᓗᒋᑦ.