ᐋᐴᓯᑕᓖᑦ ᐱᓂᐊᕐᓂᖏᑦ 20:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᕝᕙᓃᓕᕐᐳᖅ ᑕᖅᑭᓂᒃ ᐱᖓᓱᓂᒃ, ᖃᐅᔨᒐᒥ ᑐᖁᑕᐅᔪᒪᓂᕐᒥᓂᒃ ᔫᑎᓄᑦ; ᓯᕆᐊᒧᑦ ᐊᐅᓪᓚᑐᐃᓐᓇᕆᐊᖃᓕᕐᓗᓂ; ᒫᓯᑑᓂᐊᒃᑰᕐᓗᓂ ᐅᑎᖔᕈᒪᓕᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 20:3 Iomraidhean Croise

ᐄᓱᕋᐅᑉ ᐊᒡᓚᖏᑦ 8:31

ᑕᖅᑭᐅᑉ ᓯᕗᓪᓕᕐᐹᑉ ᐅᓪᓗᖓᑕ 12ᒋᓕᕐᑕᖓᓂ ᑰᖕᒥᑦ ᐊᕼᐋᕙᒥᑦ ᐊᐅᓪᓚᓚᐅᕐᐳᒍᑦ, ᔨᕉᓴᓕᒧᐊᕐᐸᓪᓕᐊᓕᕐᓗᑕ. ᒎᑎᑦᑕ ᐃᓚᒋᓚᐅᕐᐹᑎᒍᑦ ᓴᐳᑎᓚᐅᕐᐹᑎᒍᓪᓗ ᐊᑭᕋᕐᑐᕐᑎᑦᑎᓐᓂᑦ ᐅᓇᑕᕐᑕᐅᓂᕐᒥᓪᓗ ᐃᖏᕐᕋᑎᓪᓗᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:11

ᐅᖃᕐᐸᑕ, “ᕾᓗᑎᑦ, ᑐᖁᑕᒃᓴᑦᑎᓐᓂᒃ ᐅᑕᖅᑭᓚᐅᕐᑕ, ᐃᓄᖕᒥᒃ ᐸᓯᔭᒃᓴᐅᖏᑦᑐᒥᒃ ᐱᕋᔭᒡᓗᑕ ᐅᐸᓗᐃᓯᓚᐅᕐᑕ.

ᔨᕆᒤᐊᐅᑉ ᐊᒡᓚᖏᑦ 5:26

ᐃᓄᖁᑎᒃᑲ ᐃᓚᖃᐅᓕᕐᐳᑦ, ᐱᐅᖏᑦᑐᓕᔪᓂᒃ, ᐅᑕᖅᑭᔪᑎᑐᑦ ᑎᖕᒥᐊᓂᒃ ᓂᒐᕐᑎᓐᓂᐊᕐᑕᒥᖕᓂᒃ, ᐃᓄᖕᓄᓪᓗ ᐊᔪᓕᕐᕕᐅᒐᔭᕐᑐᓂᒃ ᐋᖅᑭᒃᓯᓯᒪᕗᑦ.

ᒫᑎᐅᓯᐅᑉ ᐊᒡᓚᖏᑦ 4:24

ᑐᓴᐅᒪᔭᐅᓕᕐᐳᖅ ᓄᓇᒥ ᓯᕆᐊᓕᒫᒥ, ᐃᓄᐃᑦ ᑕᕝᕗᓐᖓᐅᑦᔨᕗᑦ ᖃᓂᒪᔪᖁᑎᒥᖕᓂᒃ, ᐊᑦᔨᒌᖏᑦᑐᓂᒃ ᖃᓂᒻᒪᓯᖃᕐᑐᓂᒃ, ᐃᓕᖅᑯᓯᕐᓗᒡᑐᓂᒡᓗ, ᐊᓂᕐᓂᕐᓗᖕᒧᓪᓗ ᐃᑎᕐᕕᐅᓯᒪᔪᓂᒃ, ᖀᕐᓱᕐᐸᒃᑐᓂᒡᓗ, ᓄᑭᖃᖏᑦᑐᓂᒡᓗ, ᔩᓱᓯᐅᑉ ᑕᒪᕐᒥᒃ ᐋᖅᑭᒃᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:12

ᑕᕝᕙᓐᖓᑦ ᐱᓕᐰᒧᐊᕐᐳᒍᑦ, ᑖᓐᓇ ᒫᓯᑑᓂᐊᒥᐅᓂ ᓄᓇᓕᖕᓂᑦ ᐊᖏᓂᕐᐹᖑᔪᖅ, ᕉᒪᒥᐅᓄᑦ ᓄᓇᖁᑎᒋᔭᐅᓪᓗᓂ. ᐅᓪᓗᓂᒃ ᐊᒥᓱᓂᒃ ᑕᕝᕙᓃᑉᐳᒍᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 16:9

ᐅᓐᓄᐊᖑᓕᕐᑎᓪᓗᒍ ᐸᐅᓗᓯ ᑕᑯᑎᑕᐅᕗᖅ; ᐊᖑᒻᒥᒃ ᒫᓯᑑᓂᐊᒥᐅᑕᕐᒥᒃ ᓴᓂᒥᓂ ᓇᖏᕐᑐᒥᒃ ᕿᓄᕕᒋᓪᓗᒍ ᐅᖃᕐᑐᒥᒃ, “ᒫᓯᑑᓂᐊᒧᑦ ᕾᒋᑦᓯ ᐃᑲᔪᕆᐊᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 18:18

ᑕᒪᑐᒪ ᑭᖑᕐᖓᒍᑦ ᐸᐅᓗᓯ ᑯᕆᓐᑎᒦᓚᐅᕐᐳᖅ ᐅᓪᓗᓂᒃ ᐊᒥᓱᓂᒃ, ᐅᒃᐱᕐᑑᖃᑎᒌᑦ ᕿᒪᓚᐅᕆᕔᑦ ᓯᕆᐊᒧᓪᓗ ᐅᒥᐊᕐᑐᕐᐳᖅ ᐳᕆᓯᓚ ᐊᑯᐃᓚᓗ ᐃᓚᒋᓪᓗᒋᒃ. ᑭᓐᑯᕆᐊᒥ ᐸᐅᓗᓯᐅᑉ ᓄᔭᓂ ᕿᐅᕐᑕᕐᐰᑦ, ᓱᓕᓂᐊᕐᓂᕋᕐᓗᓂ ᑍᒫᒃ ᐊᖏᕈᑎᖃᕐᓯᒪᒐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 19:21

ᑕᒪᒃᑯᐊ ᐱᓚᐅᕐᑎᓪᓗᒋᑦ, ᐸᐅᓗᓯ ᐊᓂᕐᓂᒃᑯᑦ ᐃᓱᒪᑖᕐᐳᖅ ᒫᓯᑑᓂᐊᒃᑰᕐᓗᓂ ᐊᑬᐊᒃᑯᓪᓗ ᔨᕉᓴᓕᒻᒧᐊᕈᒪᓪᓗᓂ, ᐅᖃᕐᐳᖅ, “ᑍᑲᓃᓚᐅᕐᓗᖓ, ᕉᒪᒧᐊᕆᐊᖃᕆᕗᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:1

ᐃᓄᐃᑦ ᐅᐃᒪᔮᕐᓂᐊᓗᐊᑦ ᓄᖅᑲᕐᒪᑦ, ᐸᐅᓗᓯᐅᑉ ᐃᓕᓐᓂᐊᕐᑎᑦ ᑲᑎᖁᕔᑦ, ᐱᕙᓪᓕᕈᑎᒃᓴᖏᓐᓂᒃ ᐅᖃᐅᑎᔭᕇᕋᒥᒋᑦ ᒫᓯᑑᓂᐊᒧᑦ ᐊᐅᓪᓚᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 20:19

ᐊᑕᓂᕐᒥᒃ ᐱᔨᑦᓯᓚᐅᕐᐳᖓ ᓇᓗᖅᑯᑎᒻᒪᕆᒃᓗᖓ ᖁᕝᕕᐅᖃᑕᕐᓗᖓ, ᐅᖁᒤᑦᑐᑰᖃᑦᑕᕐᓂᓐᓄᑦ ᔫᑎᓄᑦ ᑐᖁᑕᐅᔪᒪᖃᑦᑕᕐᓂᓐᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 20:2

ᑖᒃᑯᑎᒎᓇᖅ ᐃᖏᕐᕋᒐᒥ ᐃᓄᐃᑦ ᑕᒫᓃᑦᑐᑦ ᐱᕙᓪᓕᕈᑎᒃᓴᖏᓐᓂᒃ ᐊᔪᕆᕐᑐᒻᒪᕆᓚᐅᕐᓗᒋᑦ, ᑭᖑᕐᖓᒍᑦ ᒍᕇᓯᒧᐊᕐᐳᖅ ᐊᑬᐊᒦᑦᑐᒧᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 21:3

ᓮᐳᕋᓯ ᑕᑯᒃᓴᐅᓕᕐᒪᑦ, ᓴᐅᒥᐊᑕ ᑭᑖᒍᑦ ᓯᕆᐊᒧᐊᕐᐳᒍᑦ, ᑍᕆᒧᑦ ᓄᓈᕐᐳᒍᑦ; ᑕᕝᕙᓂ ᐅᒥᐊᕐᔪᐊᖅ ᐅᓯᖏᐊᕆᐊᖃᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 25:3

ᕕᓯᑕᓯ ᐊᔪᐃᓐᓈᕆᓪᓗᒍ ᐱᖁᓇᓱᐊᕐᐹᑦ ᐊᖏᕐᑕᐅᔪᒪᓪᓗᑎᒃ ᐸᐅᓗᓯ ᔨᕉᓴᓕᒻᒧᐊᕈᑎᔭᐅᖁᓪᓗᒍ, ᑕᕝᕗᓐᖓᐅᑦᔭᐅᓕᕐᐸᑦ ᐅᐸᓗᖕᒊᕐᓯᒪᒐᒥᒃ ᐊᖅᑯᑖᓂ ᑐᖁᑦᓱᒪᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:15

ᑕᒪᓐᓇ ᖁᓚᖏᑦᔪᑎᒋᓪᓗᒍ ᐃᓕᑦᓯᓐᓄᑦ ᑎᑭᑦᓱᒪᓚᐅᕋᓗᐊᕐᐳᖓ ᓯᕗᓂᖓᒍᑦ, ᖁᕕᐊᓱᒃᑎᑕᐅᒃᑲᓐᓂᖁᓪᓗᓯ ᓲᕐᓗ ᒪᕐᕈᐃᕐᓱᓪᓗᐊᕐᑐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:26

ᓇᒧᑐᐃᓐᓇᖅ ᐃᖏᕐᕋᑎᓪᓗᖓ ᐅᓄᕐᑐᐃᕐᓱᕐᓗᖓ ᑲᑉᐱᐊᓇᕐᑐᒦᓯᒪᕗᖓ ᑰᖕᒥ, ᑲᑉᐱᐊᓇᕐᑐᒦᓯᒪᕗᖓ ᑎᒡᓕᒃᑎᓂ, ᑲᑉᐱᐊᓇᕐᑐᒦᓯᒪᕗᖓ ᓇᖕᒥᓂᖅ ᐃᓅᖃᑎᓐᓂ, ᑲᑉᐱᐊᓇᕐᑐᒦᓯᒪᕗᖓ ᔫᑎᐅᖏᑦᑐᓂ; ᑲᑉᐱᐊᓇᕐᑐᒦᓯᒪᕗᖓ ᓄᓇᓕᒡᔪᐊᓂ, ᑲᑉᐱᐊᓇᕐᑐᒦᓯᒪᕗᖓ ᐃᓄᖃᖏᑦᑐᒥ, ᑲᑉᐱᐊᓇᕐᑐᒦᓯᒪᕗᖓ ᐃᒫᓂ, ᑲᑉᐱᐊᓇᕐᑐᒦᓯᒪᕗᖓ ᐅᒃᐱᕐᑑᓐᖑᐊᕐᑐᓂ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:5

ᒫᓯᑑᓂᐊᒧᓪᓕ ᑎᑭᓐᓇᑦᑕ, ᑎᒥᕗᑦ ᐃᓂᓪᓚᖓᔪᓐᓇᓚᐅᓐᖏᓚᖅ, ᐅᖁᒤᒃᓴᕐᓇᕐᑐᓄᑦ ᐊᕙᓗᔭᐅᓯᒪᓚᐅᕋᑦᑕ ᓯᓚᑎᑦᑎᒍᑦ, ᐂᕙᔭᕆᐊᖃᖃᑦᑕᕐᓗᑕ ᐃᓗᑦᑎᒍᑦ ᓯᕘᕋᓂᖃᕐᓗᑕ.

ᒐᓔᑎᐊᒥᐅᓄᑦ 1:21

ᑭᖑᓂᖓᒍᑦ ᑕᕝᕙ ᓯᕆᐊᑉ ᑲᓂᖏᔭᖓᓃᓚᐅᑉᐳᖓ ᓯᓕᓯᐊᓪᓗ ᓄᓇᓕᖏᓐᓄᐊᓕᓚᐅᕐᐳᖓ.