ᐋᐴᓯᑕᓖᑦ ᐱᓂᐊᕐᓂᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᒃᑯᓄᖓ ᓴᖅᑭᑦᑐᖃᕐᐳᖅ ᐃᑯᒪᑎᑐᑦ ᐃᒻᒥᒃᑯᐊᕐᑎᕐᑐᓂᒃ ᐅᖃᕐᑎᑐᑦ ᑍᒤᑦᑐᓂᒃ, ᑖᒃᑯᐊ ᐊᑐᓂᑦ ᑐᑉᕕᐅᕗᑦ ᑕᒪᒃᑯᓄᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 2:3 Iomraidhean Croise

ᒨᓯᓯ ᓯᕗᓪᓖᑦ 11:6

ᐊᑕᓂᖅ ᐅᖃᕐᐳᖅ, “ᑕᑯᒋᑦ ᑖᒃᑯᐊ ᐃᓅᖃᑎᒌᖏᓐᓇᐅᕗᑦ ᐊᑕᐅᓯᕐᒥᒡᓗ ᐅᖃᐅᓯᓖᓐᓇᐅᓪᓗᑎᒃ; ᑕᒪᓐᓇᓗ ᐱᓇᓱᐊᕐᑕᖓᑦ ᐱᒋᐊᕐᓂᑐᐃᓐᓇᐅᕗᖅ; ᐱᓇᓱᐊᕈᒪᓂᐊᕐᑕᖏᑦ ᓄᖅᑲᑎᑕᒃᓴᐅᓂᐊᕈᓐᓃᕐᐳᑦ.

ᐃᓐᖏᕈᑎᑦ 55:9

ᐱᐅᖏᑦᑐᓕᔪᑦ ᐊᓯᕈᓚᐅᒃᑭᑦ, ᐊᑕᓃᖅ, ᐅᖃᐅᓯᒃᓴᒥᒡᓗ ᓇᓗᓕᕐᑎᓪᓗᒋᑦ. ᑕᑯᓯᒪᒐᒪ ᑲᑉᐱᐊᓱᒃᑎᑦᓯᔪᓂᒃ ᐊᒃᓱᕈᕐᑎᑕᐅᔪᓂᒡᓗ ᐃᒡᓗᒐᓴᒡᔪᐊᓂᒃ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᔨᕆᒤᐊᐅᑉ ᐊᒡᓚᖏᑦ 23:29

ᐅᖃᐅᓯᕋ ᐃᑯᒪᔪᑎᑐᑦ ᑍᒤᑦᑑᓐᖏᓛᖅ, ᐊᑕᓂᖅ ᐅᖃᕐᐳᖅ, ᑲᑦᔫᑎᔪᕐᔪᐊᑎᑐᓪᓗ ᐅᔭᖅᑲᒥᒃ ᓯᖁᑦᑎᕆᔪᓐᓇᕐᑐᑎᑐᑦ?

ᒫᑎᐅᓯᐅᑉ ᐊᒡᓚᖏᑦ 3:11

ᐃᒪᕐᒧᑦ ᐹᑉᑎᑉᐸᑦᓯ ᖃᕿᐊᓕᕐᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᕐᑐᖅ ᐅᕙᓐᓂᑦ ᐊᔪᖏᓐᓂᕐᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᒫᑎᐅᓯᐅᑉ ᐊᒡᓚᖏᑦ 3:15

ᔩᓱᓯᐅᑉ ᑭᐅᕚ, “ᒫᓐᓇ ᑍᒤᓕᕐᓕ; ᑍᒤᓕᐅᕐᑎᓪᓗᑕ ᐱᕕᒃᓴᖅ ᓇᓪᓕᐅᑎᕗᖅ ᒎᑎᐅᑉ ᐊᑐᕐᑕᐅᖁᔭᖓᓂᒃ.” ᑕᕝᕙ ᔪᐊᓇᓯᐅᑉ ᐊᖏᕐᐹ.

ᓘᑲᓯᐅᑉ ᐊᒡᓚᖏᑦ 24:32

ᑖᒃᑯᐊᒃ ᐃᒻᒥᖕᓄᑦ ᐅᖃᓕᕐᐴᒃ, “ᐆᓇᕐᓯᔪᐊᓘᖅᑲᐅᒐᓗᐊᕐᐳᒍᒃ ᐃᓗᑦᑎᖕᓂ ᐅᖃᓪᓚᒃᑎᓪᓗᒍ ᐊᖅᑯᑎᒃᑰᕐᑎᓪᓗᑕ, ᐊᒡᓚᖕᓂᒃ ᐅᖃᕐᕕᒋᖕᒪᑎᒃᑯᒃ ᓇᓗᓁᕐᓯᕕᒋᓪᓗᓄᒡᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:15

ᐅᒃᐱᕐᑐᑦ ᐊᑕᖏᕐᓗᑎᒃ 120 ᖃᓂᒋᔭᖓᓃᓚᐅᕐᐳᑦ, ᐅᓪᓗᐃᑦ ᐃᓚᖓᓐᓂ ᑲᑎᒪᑎᓪᓗᒋᑦ ᐲᑦᑐᕉᓯ ᓂᑯᕕᑉᐳᖅ ᐅᖃᕐᓗᓂ,

ᐋᐴᓯᑕᓖᑦ ᐱᓂᐊᕐᓂᖏᑦ 2:11

ᔫᑎᑦ ᔫᑎᓄᓪᓗ ᐃᓚᒋᔭᐅᓕᕐᓯᒪᔪᑦ, ᑯᕇᑕᒥᐅᓪᓗ ᐊᕅᐱᐊᒥᐅᓪᓗ, ᑕᒪᑦᑕ ᑐᓵᕗᒍᑦ ᐅᖃᐅᓯᑐᖃᑦᑎᓐᓂᒃ ᐊᑐᕐᓗᑎᒃ ᐅᖃᐅᓯᖃᕐᑎᓪᓗᒋᑦ ᒎᑎᐅᑉ ᐱᓂᐊᕐᓂᖏᓐᓂᒃ ᑲᒪᓇᕐᑐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:2

ᑕᕝᕔᓐᓇᖅ ᓂᕆᐅᓇᓐᖏᑦᑐᒥᒃ ᑐᓴᕐᓴᐅᔪᖃᓕᕐᐳᖅ ᕿᓚᖕᒥᑦ ᓲᕐᓗ ᐊᓄᕆᕐᔪᐊᕐᒥᒃ ᑎᑭᓕᕐᑐᒥᒃ, ᐃᒡᓗ ᓇᔪᕐᑕᖓᑦ ᑕᑕᑕᐅᕗᖅ ᑕᒪᑐᒧᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 2:4

ᑕᒪᕐᒥᒡᓗ ᐃᓗᒻᒥᕐᑕᐅᕗᑦ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ, ᐅᖃᐅᓯᕐᓄᑦ ᐅᖃᐅᓯᕆᓐᖏᑕᒥᖕᓄᑦ ᐅᖃᓪᓚᓕᕐᐳᑦ, ᑍᒫᒃ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᕈᓐᓇᕐᓯᑎᒻᒪᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:10

ᐃᓚᖓᑦ ᑲᒪᓇᕐᑐᓕᔪᓐᓇᕐᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᒎᑎᐅᑉ ᐅᖃᐅᓯᕆᔭᐅᑯᔭᖏᓐᓂᒃ ᑐᓂᓯᕕᐅᕗᖅ; ᐃᓚᖓᓪᓗ ᐊᓂᕐᓃᑦ ᖃᓄᐃᑦᑑᓂᖏᓐᓂᒃ ᖃᐅᔨᑎᑕᐅᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᑐᓴᕐᖓᕐᑕᓂᕐᓄᑦ ᐊᑦᔨᒌᖏᑦᑐᓄᑦ ᐅᖃᕈᓐᓇᕐᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᑐᓂᓯᕕᐅᕗᖅ ᑐᓴᕐᖓᕐᑕᕈᑎᐅᔪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕐᒥᒃ.

ᔧᒥᓯᐅᑉ ᐊᒡᓚᖏᑦ 3:6

ᐅᖃᕐᑕᐅᖅ ᐃᑯᒪᐅᕗᖅ. ᓯᓚᕐᔪᐊᖑᓪᓗᓂᓗ ᐱᐅᖏᑦᑑᓕᕐᑎᑎᑦᔪᓇᕐᖢᓂᓗᑦ. ᑎᒥᑦᑕ ᐃᓚᒋᖕᒪᒍ, ᐃᑦᓴᒃᓯᕗᖅ ᑎᒥᑦᑎᓐᓂᒃ ᐃᑯᐊᓪᓔᕗᖅ ᐃᓅᓯᓕᒫᑦᑎᓐᓂᒃ, ᑲᑉᐱᐊᓇᕐᑐᕕᐅᑉ ᐃᑯᒪᓐᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:3

ᓇᓗᓁᕐᓯᔩᒃᑲᒡᓗ ᒪᕐᕉᒃ ᑎᓕᔪᒫᕐᐹᒃᑲᒃ ᐳᑐᕐᓛᓂᒃ ᐊᓐᓄᕌᕐᓯᒪᔫᒃ; ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖁᓪᓗᒋᒃ ᐅᓪᓗᑦ 1,260 ᓈᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:6

ᑭᖑᓂᖓᒍᑦ ᑕᑯᒋᕗᖓ ᐂᖏᓕᒥᒃ ᓯᓚᒃᑯᑦ ᖁᕝᕙᓯᓈᕐᓗᓂ ᖃᖓᑕᔪᒥᒃ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓄᖑᓱᐃᑦᑐᓂᒃ ᐅᖃᐅᓯᒃᓴᓕᒃ ᓄᓇᕐᔪᐊᕐᒥᐅᓄᑦ, ᐃᓅᖃᑎᒌᒡᔪᐊᓕᒫᓄᑦ ᑭᖑᕚᕇᓄᑦ ᐅᖃᐅᓯᖃᑎᒌᖏᑦᑐᓄᑦ ᐃᓄᓕᒫᓄᑦ.