ᐋᐴᓯᑕᓖᑦ ᐱᓂᐊᕐᓂᖏᑦ 2:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑖᓐᓇ ᔩᓱᓯ, ᒎᑎᐅᑉ ᐱᖁᔨᓯᒪᓂᖓ ᐸᕐᓇᒃᓯᒪᓪᓚᕆᖕᓂᖓᓗ ᒪᓕᒡᓗᒍ ᐃᓕᑦᓯᓐᓄᑦ ᑎᒍᔭᐅᑎᑕᐅᓚᐅᕐᐳᖅ, ᑖᓐᓇ ᑭᑭᐊᒃᑐᕐᑕᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ ᐃᓄᖕᓄᑦ ᐊᔪᕐᑐᓕᔪᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:23 Iomraidhean Croise

ᒨᓯᓯ ᓯᕗᓪᓖᑦ 50:20

ᐃᓕᑦᓯᓕ ᐃᓱᒪᖃᓚᐅᕋᓗᐊᕐᐳᓯ ᐱᐅᖏᑦᑐᒥᒃ ᐅᕙᓐᓄᑦ ᐱᓇᓱᐊᕈᒪᓪᓗᓯ; ᒎᑎᐅᓪᓕ ᑕᒪᓐᓇ ᐱᐅᔪᒧᑦ ᐋᖅᑭᒃᓯᒪᓚᐅᕐᐹ, ᐃᓄᐃᑦ ᐅᓄᕐᑐᕐᔪᐊᑦ ᐃᓅᑎᑕᐅᖁᓪᓗᒋᑦ, ᓲᕐᓗ ᐅᓪᓗᒥ ᑍᒤᒻᒪᑦ.

ᐃᓐᖏᕈᑎᑦ 76:10

ᐃᓄᐃᑦ ᓂᓐᖓᖕᓂᖏᑦ ᐃᓕᖕᓂᒃ ᓂᕐᑐᕐᓇᕐᓯᑎᑦᓯᔪᒃᓴᐅᕗᑦ; ᓂᓐᖓᐅᒪᓂᕐᓂᑦ ᐊᓐᓇᒃᑐᑦ ᐃᓕᖕᓂᒃ ᑕᑦᓯᕈᓯᕐᓯᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 37:26

ᑐᓴᓚᐅᓐᖏᓚᑏᑦ ᑕᒪᒃᑯᐊ ᑍᑦᓱᒪᓂᐊᓗᖕᓂᑦ ᐃᓱᒪᒋᓯᒪᓚᐅᕋᒃᑭᑦ? ᑍᒤᑦᑐᒃᓴᓕᐊᕆᓚᐅᕐᓗᒋᓪᓗ ᒫᓐᓇᓗ ᐊᓂᒍᕐᓯᒪᓕᕐᑐᑦ, ᐱᔪᓐᓇᕐᓂᖃᕐᑎᓐᓇᒃᑭᑦ ᑭᓯᐊᓂ ᐃᒡᓗᒐᓴᒡᔪᐊᓂᒃ ᐊᕙᓗᕐᔪᐊᖃᕐᑐᓂᒃ ᓯᖁᑦᑎᕆᖃᑦᑕᓚᐅᕐᐳᓯ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᒫᑎᐅᓯᐅᑉ ᐊᒡᓚᖏᑦ 20:19

ᑐᓂᕐᕈᑎᒋᓛᕐᐹᓪᓗ ᔫᑎᐅᖏᑦᑐᓄᑦ, ᒥᑕᐅᑎᒋᔭᐅᖁᓪᓗᒍ, ᑏᒐᕐᑐᕐᑕᐅᓗᓂᓗ ᑭᑭᐊᕐᑐᕐᑕᐅᓛᕐᐳᖅ, ᐅᓪᓗᐃᓪᓕ ᐱᖓᔪᐊᓐᓂ ᒪᑭᓛᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 26:24

ᐃᓅᑉ ᐃᕐᓂᖓ ᐱᓇᓱᐊᕐᕕᐅᓂᐊᕐᐳᖅ ᒎᑎᐅᑉ ᐅᖃᐅᓯᖏᓐᓂ ᐅᖃᐅᓯᐅᓯᒪᓂᖓ ᒪᓕᒡᓗᒍ, ᑲᑉᐱᐊᓐᓇᒦᒡᓕ ᐃᓅᑉ ᐃᕐᓂᖓᓂᒃ ᐱᔭᐅᑎᑦᓯᓂᐊᕐᑐᖅ! ᐊᑲᐅᓂᕐᓴᐅᒐᔭᓚᐅᕐᐳᖅ ᑖᓐᓇ ᐃᕐᓂᐊᖑᓚᐅᖏᒃᑯᓂ!”

ᒫᑎᐅᓯᐅᑉ ᐊᒡᓚᖏᑦ 27:35

ᑕᕝᕙᓂ ᑭᑭᐊᒃᑐᕇᕋᒥᑦᔪᒃ; ᐊᓐᓄᕌᖏᑦ ᐱᑖᕆᓇᓱᐊᕐᐰᑦ ᓇᓚᐅᑦᑖᕈᑎᓂᒃ ᐊᑐᕐᖢᑎᒃ.

ᒫᑯᓯᐅᑉ ᐊᒡᓚᖏᑦ 15:24

ᑭᑭᐊᒃᑐᕇᕋᒥᑦᔪᒃ, ᐊᓐᓄᕌᖏᑦ, ᓇᓚᐅᓵᕈᑎᒧᑦ ᐱᓐᖑᐊᕈᑎᒋᓪᓗᒋᑦ ᐱᑖᕐᑐᒐᕆᕔᑦ.

ᓘᑲᓯᐅᑉ ᐊᒡᓚᖏᑦ 22:22

ᐃᓅᑉ ᐃᕐᓂᖓ ᑐᖁᑕᐅᓂᐊᕐᐳᖅ ᑍᒫᒃ ᐋᖅᑭᒃᑕᐅᓯᒪᖕᒪᑦ; ᑲᑉᐱᐊᓐᓇᒦᒡᓕ ᐊᖑᑦ ᑖᓐᓇ ᐱᔭᐅᑎᑦᓯᔪᖅ ᑖᑦᓱᒥᖓ!”

ᓘᑲᓯᐅᑉ ᐊᒡᓚᖏᑦ 22:37

ᑕᒪᒃᑯᓂᖓ ᐅᖃᐅᑎᕙᑦᓯ; ᐊᒡᓔᑦ ᓈᓚᐅᑦᓯᖁᓪᓗᒋᑦ ᐅᕙᓐᓂᒃ ᐅᖃᐅᓯᖃᕐᓯᒪᔪᑦ, ‘ᐱᐅᖏᑦᑐᓕᔪᕐᔪᐊᓄᑦ ᐃᓚᓕᐅᑦᔭᐅᕗᖅ,’ ᑖᒃᑯᐊ ᐅᕙᓐᓂᒃ ᐅᖃᐅᓯᖃᕐᓯᒪᔪᑦ ᓇᓚᐅᑦᓯᓂᐊᕐᒪᑕ.”

ᓘᑲᓯᐅᑉ ᐊᒡᓚᖏᑦ 23:33

ᖃᖅᑲᒧᑦ ᑎᑭᓐᓇᒥᒃ ᐊᑎᓕᖕᒧᑦ ᓂᐊᖁᕕᓂᕐᒥᒃ, ᑕᕝᕙᓂ ᔩᓱᓯ ᑭᑭᐊᒃᑐᕐᐹᑦ, ᐱᐅᖏᑦᑐᓕᓯᒪᔫᒡᓗ, ᐂᑉᐹ ᑕᓕᕐᐱᐊᓂ, ᐂᑉᐸᖓᓗ ᓴᐅᒥᐊᓂ.

ᓘᑲᓯᐅᑉ ᐊᒡᓚᖏᑦ 24:20

ᑐᓂᕐᕈᓯᕐᑎᑦᓯᔨᑦᑕ ᐊᖓᔪᖅᑳᖏᑦᑕ ᐊᐅᓚᑦᓯᔨᑦᑕᓗ ᐱᔭᐅᑎᓚᐅᕐᐹᑦ ᑐᖁᑕᐅᖁᓪᓗᒍ, ᑭᑭᐊᒃᑐᕐᑕᐅᓚᐅᕐᐳᖅ ᓴᓐᓂᖓᔪᓕᖕᒧᑦ.

ᔪᐊᓇᓯᐅᑉ ᐊᒡᓚᖏᑦ 19:18

ᑕᕝᕙᓂ ᔩᓱᓯ ᑭᑭᐊᒃᑐᕐᐹᑦ ᓴᓐᓂᖓᔪᓕᖕᒧᑦ, ᐊᓯᖏᖕᓂᒃᑕᐅᖅ ᒪᕐᕉᖕᓂᒃ ᑭᑭᐊᒃᑐᐃᒋᕗᑦ, ᐊᕙᑖᓄᐊᕐᓗᒋᒃ ᓴᐅᒥᐊᓄᑦ ᑕᓕᕐᐱᐊᓄᓪᓗ, ᔩᓱᓯᓕ ᐊᑯᓪᓕᕐᐸᐅᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 19:24

ᑕᕝᕙ ᐅᓇᑕᕐᑐᒃᓮᑦ ᐃᒻᒥᖕᓄᑦ ᐅᖃᖃᑦᑕᐅᑎᕗᑦ, “ᑖᓐᓇ ᐊᕕᒍᓐᓁᕐᓚᕗᑦ; ᓇᓚᐅᑦᓵᕐᓗᑕᓕ ᒪᑭᑦᓯᒋᐊᖃᑦᑕᓕᕐᑕ ᓇᓪᓕᐊᑦᑕ ᐱᓂᐊᕐᒪᖔᒍ.” ᑕᒪᓐᓇ ᐊᑐᕐᑕᐅᓚᐅᕐᐳᖅ ᐊᒡᓔᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᐊᓐᓄᕌᒃᑲ ᐃᒻᒥᖕᓄᑦ ᐊᑐᓂᑦ ᐊᒡᒍᓚᐅᕐᐰᑦ, ᐅᓕᒡᔪᐊᕋᓗ ᓇᓚᐅᑦᓵᕈᑎᒋᓚᐅᕐᐹᑦ.” ᑕᕝᕙ ᐅᓇᑕᕐᑐᒃᓮᑦ ᑍᒤᓕᐅᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:27

ᐃᓄᐃᑦ ᔨᕉᓴᓕᒻᒥ ᓄᓇᖃᕐᑐᑦ ᐊᖓᔪᖅᑳᕆᔭᖏᓪᓗ ᖃᐅᔨᒪᓚᐅᖏᒻᒪᑕ ᐱᐅᓕᔨᐅᖕᒪᖔᑦ, ᑐᑭᓯᓚᐅᖏᒻᒪᑕᓘᓐᓃᑦ ᓇᓚᐅᑦᑍᔪᑦ ᐅᖃᐅᓯᖏᓐᓂᒃ ᓴᐸᑎᑕᒫᑦ ᐅᖃᓕᒫᕐᑕᐅᕙᒃᑲᓗᐊᕐᑎᓪᓗᒋᑦ, ᔩᓱᓯᒥᒃ ᑐᖁᑕᒃᓴᓐᖑᕐᑎᑦᓯᓂᕐᒥᒍᑦ ᐅᖃᐅᓰᑦ ᓇᓚᐅᑦᓯᑎᑕᐅᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:18

ᑍᒫᒃ ᐊᑕᓂᖅ ᐅᖃᕐᐳᖅ, ᑕᒪᑐᒥᖓ ᓇᓗᓁᕐᓯᓚᐅᕐᑐᖅ ᑍᑦᓱᒪᓂᐊᓗᒃ.’

ᐋᐴᓯᑕᓖᑦ ᐱᓂᐊᕐᓂᖏᑦ 2:36

“ᐃᓕᑦᓯ ᐃᓴᕆᐊᓕᒥᐅᖑᔪᓯ ᑕᒪᑦᓯ, ᖃᐅᔨᒪᑦᓯᐊᓕᕆᑦᓯ ᔩᓱᓯ ᑭᑭᐊᒃᑐᓚᐅᕐᑕᓯ, ᑖᓐᓇ ᒎᑎᐅᑉ ᐊᑕᓂᓐᖑᕐᑎᓚᐅᕐᐹ ᙭ᔅᑑᓯᓐᖑᕐᑎᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 3:18

ᒎᑎᐅᑉ ᓯᕗᓂᖓᓂ ᐅᖃᐅᓯᕆᓯᒪᖕᒪᒍ ᓇᓚᐅᑦᑍᔪᑎᒍᑦ, ᙭ᔅᑑᓯᖁᑎᓂ ᐋᓐᓂᐊᑎᑕᐅᓂᐊᕐᓂᕋᕐᓗᒍ, ᑍᒤᑎᓚᐅᕐᐹᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 4:28

ᑖᒃᑯᐊ ᑍᒤᓕᐅᓚᐅᕐᐳᑦ ᐋᖅᑭᒃᓯᒪᔭᕇᕐᑍᑦ ᐱᔪᓐᓇᕐᓂᕐᓄᑦ ᐱᓇᓱᐊᕈᒪᓯᒪᔧᑦ ᐱᓂᐊᕈᑎᒋᓪᓗᒍ,

ᐋᐴᓯᑕᓖᑦ ᐱᓂᐊᕐᓂᖏᑦ 5:28

ᐅᖃᕐᓗᓂ, “ᐊᒃᓱᕈᕐᓗᑕ ᐃᓕᑦᓯᓐᓂᒃ ᐃᓂᕐᑎᕆᓚᐅᕐᐳᒍᑦ ᐊᔪᕆᕐᑐᐃᖃᑦᑕᖁᓇᑕ ᑖᑦᓱᒪ ᐊᑎᖓᓂ, ᐃᓕᑦᓯᓕ ᔨᕉᓴᓕᒻᒥᐅᑦ ᑕᒪᕐᒥᐊᓗᒃ ᑐᓴᕐᑎᓕᕐᐸᓯ ᐊᔪᕆᕐᑐᐃᓂᑦᓯᓐᓄᑦ, ᐅᕙᑦᑎᓐᓂᒃ ᑍᑦᓱᒪ ᑐᖁᑕᐅᓂᖓᓄᑦ ᓵᑕᒃᓴᐅᓂᕅᖃᑦᑕᕐᓗᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:30

ᓯᕗᓕᕕᓂᑦᑕ ᒎᑎᖓᑦᑕ ᔩᓱᓯ ᒪᑭᑎᓚᐅᕐᐹ ᑐᖁᒥᑦ, ᐃᓕᑦᓯ ᑐᖁᓚᐅᕐᑕᓯ ᓂᕕᓐᖓᕐᑎᓪᓗᒍ ᓴᓐᓂᖓᔪᓕᖕᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:52

ᓇᓚᐅᑦᑍᔪᑦ ᓇᓪᓕᐊᑦ ᓯᕗᓕᕕᓂᑦᓯᓐᓂᑦ ᐊᑭᕋᕐᑐᕐᑕᐅᓚᐅᓐᖏᓛᖅ? ᑐᖁᑕᐅᓚᐅᕐᐳᑦ ᑍᒃᑯᐊ ᓯᕗᓂᖓᓂ ᐅᖃᐅᓯᒃᓴᖅᑲᕐᑎᑕᐅᓚᐅᕐᑐᑦ ᑎᑭᑦᓱᒫᕐᑐᒥᒃ ᓇᓛᒎᕐᑐᒥᒃ ᒎᑎᐅᑉ ᐱᔨᖓᓂᒃ, ᑖᓐᓇ ᐱᔭᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ.

ᕉᒪᒥᐅᓄᑦ 2:12

ᐊᔪᕐᑐᓕᔪᑦ ᐱᖁᔭᖃᕋᑎᒃ ᐊᓯᐅᔪᒫᕐᐳᑦ ᐱᖁᔭᖃᖏᓪᓗᑎᒃ, ᐱᖁᔭᖃᕐᓗᑎᒡᓗ ᐊᔪᕐᑐᓕᔪᓕᒫᑦ ᐱᖁᔭᑦ ᒪᓕᒡᓗᒋᑦ ᐃᖅᑲᕐᑐᕐᑕᐅᔪᒫᕐᐳᑦ.

ᕉᒪᒥᐅᓄᑦ 4:17

ᐊᒡᓔᑦ ᐅᖃᕐᒪᑕ, “ᐃᓅᖃᑎᒌᒡᔪᐊᓄᑦ ᐊᒥᓱᓄᑦ ᐊᑖᑕᒋᔭᐅᓕᕐᑎᑉᐸᒋᑦ.” ᒎᑎᐅᑉ ᓵᖓᓂ ᑖᑦᓱᒪ ᐅᒃᐱᕐᕕᒋᔭᖓᑕ, ᑖᑦᓱᒪ ᑐᖁᖓᔪᑦ ᐆᒻᒪᕐᑎᑉᐰᑦ ᐱᖁᔨᓂᕐᒥᓄᓪᓗ ᓴᖅᑭᔮᓚᐅᖏᑦᑐᓂᒃ ᓴᖅᑭᑎᑦᓯᓯᒪᓪᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:15

ᑍᒃᑯᐊ ᐊᑕᓂᖅ ᔩᓱᓯ ᑐᖁᓚᐅᕐᐹᑦ, ᓇᓚᐅᑦᑍᔪᓪᓗ, ᐅᕙᒍᓪᓗ ᐊᑭᕋᕐᑐᕐᓗᑕ ᐊᓂᑎᓚᐅᕐᐹᑎᒍᑦ, ᐊᖏᔪᒥᒃ ᑖᒃᑯᐊ ᒎᑎᐅᑉ ᖁᕕᐊᒋᓐᖏᑕᖓᓂᒃ ᐱᓇᓱᐊᓚᐅᕐᐳᑦ ᐃᓄᖕᓄᓪᓗ ᑕᒤᓐᓄᑦ ᐊᑭᕋᕐᑐᕐᓗᑎᒃ

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.

ᐲᑦᑐᕉᓯ ᓯᕗᓪᓖᑦ 1:20

ᑖᓐᓇ ᓂᕈᐊᕐᑕᐅᓯᒪᓚᐅᐳᖅ ᓱᓕ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ, ᐅᓪᓗᐃᓪᓕ ᑭᖑᓪᓕᖏᓐᓂ ᓴᖅᑭᑎᑕᐅᓚᐅᕐᐳᖅ ᐱᑦᔪᑎᒋᓪᓗᓯ.

ᐲᑦᑐᕉᓯ ᓯᕗᓪᓖᑦ 2:8

ᐊᓯᖏᓐᓂ ᐅᖃᕐᓯᒪᔪᖃᕆᕗᖅ, “ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᕐᐳᖅ ᐹᓪᓚᒃᑎᑦᓯᔪᒫᕐᓗᓂᓗ.” ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.