ᐋᐴᓯᑕᓖᑦ ᐱᓂᐊᕐᓂᖏᑦ 19:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᓚᖏᓪᓕ ᓯᑎᔪᐊᓘᖕᒪᑕ ᐅᒃᐱᕈᒪᖏᒻᒪᑕᓗ, ᐊᑕᓂᕐᒧᑦ ᒪᓕᒃᑎᐅᓂᖅ ᐱᐅᖏᑦᑐᐊᓘᓂᕋᕐᓗᒍ ᐅᖃᐅᓯᕆᖃᑦᑕᒪᑦᔪᒃ ᐃᓄᖕᓄᑦ, ᐸᐅᓗᓯᐅᑉ ᕿᒪᒃᐰᑦ, ᐃᓕᓐᓂᐊᕐᑐᑦ ᐃᓚᒋᓪᓗᒋᑦ, ᖃᐅᑕᒫᑦ ᐅᖃᖃᑎᒋᓕᕐᐰᑦ ᐃᓕᓐᓂᐊᕐᕕᖕᒥ ᑍᕋᓅᓯᒥᒃ ᐊᑎᓕᖕᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 19:9 Iomraidhean Croise

ᐊᑕᓃᑦ ᐂᑉᐸᖏᑦ 17:14

ᓈᓚᒍᒪᓚᐅᓐᖏᓚᓪᓕ, ᓯᕗᓕᕕᓂᖏᑕ ᓯᑎᔫᓂᕆᓚᐅᕐᑕᖏᑎᑐᑦ ᑍᒤᓐᓇᒥᒃ, ᐅᒃᐱᕈᓱᓚᐅᓐᖏᓚᑦ ᐊᑕᓂᕐᒥᒃ ᒎᑎᒥᖕᓂᒃ.

ᑯᕉᓂᑲ ᐂᑉᐸᖏᑦ 30:8

ᒫᓐᓇ ᓯᑎᔫᒐᓱᐊᕐᑍᓕᒋᑦᓯ ᓯᕗᓕᑦᓯᑐᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᐊᑕᓂᕐᒧᑦ, ᐃᑎᕐᓗᓯᓗ ᐃᑦᔪᕐᓁᑦᑐᕕᖁᑎᖓᓄᑦ, ᑖᑦᓱᒪ ᐃᑦᔪᕐᓁᑎᓚᐅᕐᑕᖓᓄᑦ ᐃᓱᖃᖏᑦᑐᒧᑦ, ᐊᑕᓂᕐᓗ ᒎᑎᓯ ᐱᔨᑦᓯᓕᕐᓯᐅᒃ, ᑖᑦᓱᒪ ᓂᓐᖓᐅᓯᖓᓄᑦ ᓯᕘᕋᓇᕐᑐᒧᑦ ᕿᒪᒃᑕᐅᖁᓪᓗᓯ.

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:29

ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ, ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ, ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ, ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.

ᐃᓐᖏᕈᑎᑦ 95:8

ᐆᒻᒪᑎᓯ ᓯᑎᔫᑎᓐᓂᐊᕋᓯᒋᒃ, ᑍᑦᓱᒪᓂᑐᑦ ᓄᓇᒥ ᒥᕆᐸᒥ ᓯᑎᔫᑎᑦᓯᓚᐅᕐᑐᑎᑐᑦ, ᒫᓴᒥ ᑍᒤᓕᐅᓚᐅᕐᒪᑕ ᐱᕈᕐᑐᖃᖏᑦᑐᒥ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:34

ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᐅᕙᓐᓂᒃ ᓈᓚᒃᑐᖅ; ᐃᑎᕐᑕᕐᕕᖁᑎᓐᓂ ᖃᐅᑕᒫᑦ ᖃᐅᔨᓮᓐᓇᕐᑐᖅ, ᐃᑎᕐᑕᕐᕕᖁᑎᒪ ᐅᒃᑯᐊᖓᑕ ᓴᓂᐊᓂ ᐅᑕᖅᑭᓗᓂ.

ᐂᓮᐊᓯᐅᑉ ᐊᒡᓚᖏᑦ 8:14

ᑖᓐᓇ ᐃᑦᔪᕐᓁᑦᑐᕐᔪᐊᖑᖕᒪᑦ, ᐅᔭᕋᐅᓪᓗᓂᓗ ᐊᒡᕕᐊᕈᑕᕆᔭᐅᔪᖅ, ᕾᕐᑑᕗᖅ ᐹᓪᓚᒡᕕᒃᓴᖅ ᑕᒪᖏᖕᓄᑦ ᐃᓴᕆᐊᓕᒃᑯᑦ ᑭᖑᕚᖏᓐᓄᑦ ᒪᕐᕈᐃᓕᖅᑲᖓᔪᓄᑦ, ᒥᑭᒋᐊᖑᕗᖅ ᓂᒐᐅᓪᓗᓂᓗ ᔨᕉᓴᓕᒥ ᓄᓇᖃᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 19:15

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᓄᑦ ᓄᓇᓕᖕᓄᓪᓗ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓕᒫᓐᓂᒃ ᐃᓕᑦᓯᓐᓄᑦ, ᓯᑎᔫᓚᐅᕐᒪᑕ, ᑐᓴᕈᒪᓇᑎᒡᓗ ᐅᖃᐅᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 7:26

ᑐᓴᕐᑕᐅᕙᓚᐅᓐᖏᓚᖓ ᓈᓚᒃᑕᐅᓇᖓᓗ ᓯᑎᒃᑎᑉᐸᓪᓕᐊᖔᑐᐃᓐᓇᓚᐅᕐᐳᑦ. ᐱᐅᖏᑦᑐᓕᑦᑍᓕᖏᓐᓂᕐᓴᐅᓪᓗᑎᒡᓗ ᓯᕗᓕᕕᓂᑦᓯᓐᓂᑦ.

ᒫᑎᐅᓯᐅᑉ ᐊᒡᓚᖏᑦ 15:14

ᐃᓕᑦᓯ ᐃᓱᒫᓗᑎᒋᔭᕆᐊᖃᓐᖏᑕᓯ! ᑕᓯᐅᕐᑎᐅᖕᒪᑕ ᑕᐅᑐᖏᑑᓪᓗᑎᒃ, ᑕᐅᑐᓐᖏᑑᖃᑎᒥᖕᓂᒃ ᑕᓯᐅᕐᓯᓇᓱᐊᕐᑐᑦ ᑕᐅᑐᖏᑦᑐᐃᓐᓇᐅᒍᑎᒃᓗ ᐃᑎᕐᓴᒧᑦ ᑲᑕᒃᑲᔭᕐᐳᑦ.”

ᒫᑎᐅᓯᐅᑉ ᐊᒡᓚᖏᑦ 16:4

ᐅᓪᓗᒥ ᐃᓄᐃᑦ ᐱᐅᖏᑦᑑᓕᔪᑦ ᒎᑎᖃᖏᑦᑐᓪᓗ ᑲᒪᓇᕐᑐᓂᓕᕐᒥᒃ ᑕᑯᔪᒪᕗᑦ, ᐆᒥᖓ ᑭᓯᐊᓂ ᑐᓂᓯᕕᐅᓂᐊᕐᐳᑦ ᔫᓇᐅᑉ ᑲᒪᓇᕐᑐᓕᓂᖓᓂᒃ.” ᑕᕝᕙ ᕿᒪᒃᐰᑦ ᐊᐅᓪᓚᕐᓗᓂ ᑕᕝᕙᓐᖓᑦ.

ᒫᑎᐅᓯᐅᑉ ᐊᒡᓚᖏᑦ 26:55

ᑕᕝᕙ ᔩᓱᓯ ᐅᖃᕐᐳᖅ ᐃᓄᒐᓴᒡᔪᐊᓄᑦ, “ᓴᕕᒡᔪᐊᓕᔭᕐᓗᓯ ᐊᓇᐅᑕᓕᔭᕐᓗᓯᓗ ᐅᕙᓐᓄᑦ ᕾᔭᕆᐊᖃᕐᐱᓰ ᑎᒍᔭᐅᖁᓪᓗᖓ, ᐱᕋᔭᒃᓯᒪᔪᑎᑐᑦ? ᖃᐅᑕᒫᑦ ᑐᒃᓯᐊᕐᕕᒡᔪᐊᕐᒥ ᐃᒃᓯᕚᕐᓗᖓ ᐊᔪᕆᕐᑐᐃᖃᕐᑕᓚᐅᕐᐳᖓ, ᑎᒍᖃᑦᑕᓚᐅᓐᖏᓚᑦᓯᓐᖓ.

ᔪᐊᓇᓯᐅᑉ ᐊᒡᓚᖏᑦ 12:40

“ᒎᑎᐅᑉ ᐃᔨᖏᑦ ᑕᒃᐲᑎᓚᐅᕐᐰᑦ ᐆᒻᒪᑎᖏᓪᓗ ᓯᑎᑎᑉᐰᑦ, ᐃᔨᒥᖕᓄᑦ ᑕᑯᖁᓇᒋᑦ ᐆᒻᒪᑎᒥᖕᓄᓪᓗ ᑐᑭᓯᖁᓇᒋᑦ, ᐅᕙᓐᓄᓪᓗ ᓵᒋᐊᖁᓇᒋᑦ, ᐋᖅᑭᒃᑕᐅᖁᓇᒋᓪᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:26

ᓇᓂᒐᒥᐅᒃ, ᐊᓐᑎᐅᑭᐊᒧᐊᕈᑎᕚ. ᑖᒃᑯᐊᒃ ᐊᕐᕌᒍᓕᒫᖅ ᓈᓪᓗᒍ ᐅᒃᐱᕐᑑᖃᑎᒌᓂᑦ ᑲᑎᒪᖃᑎᖃᖃᑦᑕᓚᐅᕐᐴᒃ, ᐅᓄᕐᑐᒻᒪᕆᐊᓗᖕᓂᒃ ᐃᓕᓐᓂᐊᕐᑎᑦᓯᕘᒃ; ᐊᓐᑎᐅᑭᐊᒥ ᐅᒃᐱᕐᑐᑦ ᑍᔭᐅᓕᓚᐅᕐᐳᑦ ᓯᕗᓪᓕᕐᐹᒥᒃ ᙭ᔅᑑᓯᒥᐅᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:4

ᓄᓇᓖᑦ ᒪᕐᕈᐃᓕᕗᑦ; ᐃᓚᖏᑦ ᔫᑎᓂᒃ ᒪᓕᒡᓗᑎᒃ, ᐃᓚᖏᓪᓗ ᐋᐴᓯᑕᓕᖕᓂᒃ ᒪᓕᒡᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:4

ᐃᓚᖏᑦ ᐅᒃᐱᓕᕐᐳᑦ, ᐸᐅᓗᓯᒧᑦ ᓮᓚᓯᒧᓪᓗ ᐃᓚᒋᔭᐅᓕᕐᓗᑎᒃ; ᐊᒥᓱᑦ ᒍᕇᑭᑦ ᐊᕐᓁᓪᓗ ᐱᓪᓗᐊᑕᕆᔭᐅᔪᑦ ᒎᑎᒧᑦ ᐅᒃᐱᓕᕐᑐᑦ ᐊᒥᓱᑦ ᐃᓚᒋᔭᐅᓕᕆᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 19:23

ᑍᑦᓱᒪᓂ ᐃᐱᓲᓯᒥ ᐃᓗᐊᖏᑦᔪᑎᒃᓴᖃᒻᒪᕆᓕᕐᐳᑦ ᐊᑕᓂᕐᒧᑦ ᒪᓕᒡᑎᐅᓂᖅ ᐱᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 19:30

ᐸᐅᓗᓯᓕ ᓇᖕᒥᓂᖅ ᑕᕝᕗᓐᖓᕈᒪᒐᓗᐊᕐᐳᖅ, ᐃᓂᕐᑎᕐᓯᒪᔭᐅᕗᕐᓕ ᐃᓕᓐᓂᐊᕐᑎᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 20:31

ᑍᒤᒻᒪᑦ ᖃᐅᔨᓴᑦᓯᐊᓕᕆᑦᓯ, ᐃᖅᑲᐅᒪᓗᓯᓗ ᖁᕝᕕᐅᖃᑦᑕᕐᓗᖓ ᐅᓪᓗᒃᑯᑦ ᐅᓐᓄᐊᒃᑯᓪᓗ ᓄᖅᑲᓚᐅᕐᓯᒪᓇᖓ ᐊᔪᕆᕐᑐᖃᑦᑕᓚᐅᕋᑦᓯ ᐊᕐᕌᒍᓂᒃ ᐱᖓᓱᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 22:4

ᐊᑭᕋᕐᑐᓚᐅᕐᐸᒃᑲ ᒫᓐᓇᐅᓕᕐᑐᖅ ᐅᒃᐱᕐᓂᐅᔪᒧᑦ ᒪᓕᒃᑐᑦ ᑐᖁᑕᐅᖁᓪᓗᒋᑦ, ᑎᒍᓯᕙᓚᐅᕐᐳᖓ ᐊᖑᑎᓂᒃ ᐊᕐᓇᓂᒡᓗ ᑎᒍᔭᐅᓯᒪᕕᖕᒧᐊᕐᑕᐅᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 24:21

ᑭᓯᐊᓂ ᑍᒪ ᐸᓯᒃᓯᕈᑎᒋᒐᔭᕐᑕᖓᑦ ᐅᖃᐅᓯᕆᓚᐅᕐᑕᕋ ᑖᒃᑯᓄᖓ ᐃᒫᒃ, ‘ᒫᓐᓇ ᐃᖅᑲᕐᑐᕐᐸᑦᓯᓐᖓ ᐅᒃᐱᕈᓱᖕᓂᓐᓄᑦ ᑐᖁᖓᔪᑦ ᒪᑭᑦᓱᒫᕐᓂᖏᓐᓂᒃ.’”

ᐋᐴᓯᑕᓖᑦ ᐱᓂᐊᕐᓂᖏᑦ 28:22

ᑐᓴᕈᒪᔪᐊᓘᕗᒍᓪᓕ ᐃᓱᒪᒋᔭᕐᓂᒃ; ᖃᐅᔨᒪᒐᑦᑕ ᓇᓂᑐᐃᓐᓇᖅ ᐃᓄᐃᑦ ᐊᑭᕋᕐᑐᖃᑦᑕᕐᒪᑕ ᑕᒪᑐᒧᖓ ᐃᓚᐅᕕᒋᔭᕐᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᐊᕐᑐᓂᒃ ᑕᒫᓯᑰᓯᒧᑦ ᑎᑎᕋᕐᓯᒪᔪᓂᒃ ᑎᒍᓯᔪᓐᓇᕈᑎᒃᓴᓂᒃ ᐱᑎᑕᐅᔪᒪᓪᓗᓂ, ᓇᓂᓯᒍᓂ ᒪᓕᒃᑎᓂᒃ ᐊᑕᓂᐅᑉ ᐊᖅᑯᑎᖓᒎᕐᓂᕋᕐᑕᐅᔪᓂᒃ, ᑎᒍᓗᒋᑦ ᐊᖑᑎᑦ ᐊᕐᓁᓪᓗ ᔨᕉᓴᓕᒻᒧᑦ ᐅᑎᐅᑎᔪᒪᓪᓗᒋᑦ.

ᕉᒪᒥᐅᓄᑦ 11:7

ᖃᓄᕐᓕ ᑍᒪ? ᐃᓴᕆᐊᓕᒥᐅᑦ ᕿᓂᕐᑕᒥᖕᓂᒃ ᐱᖏᒻᒪᑕ, ᒎᑎᐅᓪᓕ ᓂᕈᐊᕐᓯᒪᔭᖏᑕ ᑭᓯᒥ ᐅᓄᖏᑦᑐᑦ ᓇᓂᕚᑦ; ᐊᓯᖏᓪᓕ ᐱᔭᕐᓂᖏᑦᑑᓇᓱᐊᕐᐳᑦ.

ᕉᒪᒥᐅᓄᑦ 9:18

ᑍᒤᒻᒪᑦ ᒎᑎ ᓂᑲᒍᓱᒃᐳᖅ ᓂᑲᒋᔪᒪᔭᒥᓂᒃ, ᓯᑎᔫᑎᓪᓗᒋᓪᓗ ᐃᓱᒪᖏᑦ ᓯᑎᑎᑦᓱᒪᔭᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:9

ᐅᒃᑯᐊᒥᒃ ᒪᑐᐃᕐᓯᕕᐅᓯᒪᒐᒪ ᐱᓇᓱᐊᕐᕕᒃᓴᒥᒃ ᐊᑐᕐᓇᕐᑐᒥᒃ, ᐅᓄᕐᑐᓂᒡᓕ ᓱᓕ ᑕᕝᕙᓂ ᐊᑭᕋᕐᑐᕐᑎᖃᕋᓗᐊᕐᑐᖓ.

ᑎᒧᑎᒧᑦ ᓯᕗᓪᓖᑦ 6:5

ᐂᕙᓕᕐᑎᑦᓯᕙᒃᐳᑦ ᐃᓄᖕᓂᒃ ᐃᓱᒪᖃᑦᓯᐊᕋᓱᐊᖏᑦᑐᓂᒃ ᓱᓕᓂᕐᒦᖏᑦᑐᓂᒡᓗ, ᐅᒃᐱᕐᓂᖅ ᐊᔪᕐᓴᓐᖏᑦᔪᑎᒃᓴᐅᓇᓱᒋᒃᓯᕐᑐᓂᒃ.

ᑎᒧᑎᒧᑦ ᐂᑉᐸᖏᑦ 1:15

ᖃᐅᔨᒪᒐᕕᑦ ᐂᓯᐊᒦᑦᑐᓕᒫᑦ ᐅᕙᓐᓂᒃ ᖁᔭᓈᕐᓯᓯᒪᓕᕐᒪᑕ, ᐅᑯᐊ ᐃᓚᒋᓪᓗᒋᑦ ᐱᒋᓕᐅᓯ ᕼᐋᕐᒧᒋᓃᓯᓗ.

ᑎᒧᑎᒧᑦ ᐂᑉᐸᖏᑦ 3:5

ᑕᑯᒃᓴᐅᔪᒃᑯᑦ ᐅᒃᐱᕐᓂᕐᒦᑦᑑᔮᕐᑐᓂᒃ ᐱᔪᓐᓇᕐᓂᖓᓂᒡᓕ ᐅᖃᐅᓯᖃᖏᑦᑐᓂᒃ. ᑍᒤᑦᑐᑦ ᐃᓚᒋᓂᐊᕐᓇᒋᑦ.

ᑎᒧᑎᒧᑦ ᐂᑉᐸᖏᑦ 4:2

ᐊᔪᕆᕐᑐᐃᖁᓪᓗᑎᑦ ᐅᖃᐅᓯᕐᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᕐᓯᓗᑎᑦ, ᐃᓂᕐᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᓂᒃᑯᑦ ᐊᔪᕆᕐᑐᐃᓂᒃᑯᓪᓗ.

ᐄᑉᕈᐃᓄᑦ 3:13

ᖃᐅᑕᒫᓪᓕ ᐃᓕᑦᓯᓐᓄᑦ ᐃᑲᔪᕐᑎᒌᓕᕆᑦᓯ, ᐅᓇ ᐅᖃᐅᓯᐅᓂᖓᓂ, “ᐅᓪᓗᒥ,” ᓇᓪᓕᑦᓯᓐᓂᒃ ᓯᑎᔫᑎᑕᐅᔪᖃᖁᓇᒍ ᐊᔪᕐᓂᐅᑉ ᑕᒻᒪᕐᑎᑦᓯᓂᖓᓄᑦ.

ᐲᑦᑐᕉᓯ ᐂᑉᐸᖏᑦ 2:12

ᑖᒃᑯᐊᓕ ᐃᓄᐃᑦ ᐅᖃᕐᓂᕐᓘᑎᖃᕐᐸᒃᐳᑦ ᑐᑭᓯᓐᖏᑕᕋᓗᐊᒥᖕᓂᒃ, ᐆᒪᔪᑎᑐᑦ ᓄᔪᐊᕐᑐᑎᑐᑦ ᑍᒤᑉᐳᑦ, ᐃᕐᓂᐊᖑᓯᒪᔪᑎᑐᑦ ᑕᑯᔭᐅᓗᑎᒃ ᑐᖁᑕᐅᔪᒃᓴᑎᑐᑦ, ᐆᒪᔪᑎᑐᓪᓗ ᓄᔪᐊᕐᑐᑎᑐᑦ ᐊᓯᕈᕐᑕᐅᔪᒫᕐᐳᑦ.

ᐲᑦᑐᕉᓯ ᐂᑉᐸᖏᑦ 2:2

ᐅᓄᕐᑐᓄᑦ ᒪᓕᒃᑕᐅᓕᕈᒫᕐᐳᑦ ᐱᔪᒥᓇᖏᑦᑐᓂᒃ ᐱᓂᐊᕐᓂᕆᔭᖏᑦ ᑕᒪᓐᓇ ᒥᒃᓯᖃᕐᓂᑰᕐᓂᖅ ᐃᓄᖕᓄᑦ ᐱᐅᖏᓐᓂᕋᕐᑕᐅᓗᓂ ᐅᖃᐅᓯᐅᖃᑦᑕᓕᕈᒫᕐᐳᖅ.

ᔫᑎᐅᑉ ᐊᒡᓚᖏᑦ 1:10

ᐃᓄᐃᓪᓕ ᑖᒃᑯᐊ ᓱᓇᓕᒫᓂᒃ ᐅᖃᕐᓂᕐᓘᑎᖃᖃᑦᑕᕐᐳᑦ ᑐᑭᓯᓯᒪᓐᖏᑕᒥᖕᓂᒃ, ᐃᒃᐱᒋᓕᕐᑕᑐᐃᓐᓇᒥᖕᓂᒃᓗ ᖃᐅᔨᓯᒪᔭᒥᖕᓄᑦ ᐆᒪᔪᑎᑐᑦ ᓄᔪᐊᕐᑐᑎᑐᑦ ᐱᓇᓱᐊᕐᐸᒃᐳᑦ, ᑕᒪᒃᑯᓄᖓ ᑕᕝᕙ ᓱᒋᐊᕐᑕᐅᑦᔪᑎᖃᕐᐳᑦ.