ᐋᐴᓯᑕᓖᑦ ᐱᓂᐊᕐᓂᖏᑦ 19:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᓄᓇᓕᖕᓂ ᑕᕝᕙᓂ ᐅᐃᒪᔮᓕᕐᐸᓪᓕᐊᕗᑦ; ᑎᒍᓯᓪᓗᑎᒡᓗ ᒊᐊᓯᒥᒃ ᐊᕆᔅᑕᑰᓯᒥᒡᓗ, ᐸᐅᓗᓯᐅᑉ ᐃᓚᒋᕙᒃᑕᖏᖕᓂᒃ ᒫᓯᑑᓂᐊᒥᐅᑖᖕᓂᒃ, ᐃᓄᐃᑦ ᑕᐱᕇᓕᓪᓗᑎᒃ ᑕᑯᓐᓈᕐᕕᖕᒧᐊᕈᑎᕔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 19:29 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 13:5

ᓄᓇᓕᖕᓄᑦ ᓴᓛᒥᓯᒧᐊᕋᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᐃᕘᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ. ᔪᐊᓇᓯ ᒫᑯᓯ ᐃᑲᔪᕐᑎᒋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 16:12

ᑕᕝᕙᓐᖓᑦ ᐱᓕᐰᒧᐊᕐᐳᒍᑦ, ᑖᓐᓇ ᒫᓯᑑᓂᐊᒥᐅᓂ ᓄᓇᓕᖕᓂᑦ ᐊᖏᓂᕐᐹᖑᔪᖅ, ᕉᒪᒥᐅᓄᑦ ᓄᓇᖁᑎᒋᔭᐅᓪᓗᓂ. ᐅᓪᓗᓂᒃ ᐊᒥᓱᓂᒃ ᑕᕝᕙᓃᑉᐳᒍᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 16:9

ᐅᓐᓄᐊᖑᓕᕐᑎᓪᓗᒍ ᐸᐅᓗᓯ ᑕᑯᑎᑕᐅᕗᖅ; ᐊᖑᒻᒥᒃ ᒫᓯᑑᓂᐊᒥᐅᑕᕐᒥᒃ ᓴᓂᒥᓂ ᓇᖏᕐᑐᒥᒃ ᕿᓄᕕᒋᓪᓗᒍ ᐅᖃᕐᑐᒥᒃ, “ᒫᓯᑑᓂᐊᒧᑦ ᕾᒋᑦᓯ ᐃᑲᔪᕆᐊᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:8

ᐃᓄᐃᑦ ᐊᖓᔪᖅᑳᖑᔪᓪᓗ ᑐᓴᕋᒥᒃ ᐅᐃᒪᔮᕐᑎᑕᐅᓕᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 19:21

ᑕᒪᒃᑯᐊ ᐱᓚᐅᕐᑎᓪᓗᒋᑦ, ᐸᐅᓗᓯ ᐊᓂᕐᓂᒃᑯᑦ ᐃᓱᒪᑖᕐᐳᖅ ᒫᓯᑑᓂᐊᒃᑰᕐᓗᓂ ᐊᑬᐊᒃᑯᓪᓗ ᔨᕉᓴᓕᒻᒧᐊᕈᒪᓪᓗᓂ, ᐅᖃᕐᐳᖅ, “ᑍᑲᓃᓚᐅᕐᓗᖓ, ᕉᒪᒧᐊᕆᐊᖃᕆᕗᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 19:22

ᑍᒤᒻᒪᑦ ᑎᓕᓯᕗᖅ ᐃᑲᔪᕐᑎᒥᓂᒃ ᒪᕐᕉᖕᓂᒃ, ᑎᒧᑎᒥᒃ ᐃᕌᔅᑕᓯᒥᒡᓗ ᒫᓯᑑᓂᐊᒧᑦ, ᓇᖕᒥᓂᕐᓕ ᐂᓯᐊᒦᒃᑲᓐᓂᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 19:32

ᑲᑎᒪᔪᓪᓕ ᐅᐃᒪᔮᕐᑐᐊᓘᓕᕐᐳᑦ, ᐃᓚᖏᑦ ᐃᒫᒃ ᐅᖃᐅᓯᖃᕐᓗᑎᒃ, ᐃᓚᖏᓪᓗ ᐊᓯᐊᓂᒃ ᐅᖃᐅᓯᖃᕐᐳᑦ, ᐅᓄᕐᓂᕐᓮᓪᓗ ᖃᐅᔨᒪᓐᖏᓚᑦ ᓱᖕᒪᑦ ᑲᑎᓯᒪᖕᒪᖔᕐᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:34

ᓇᖕᒥᓂᖅ ᖃᐅᔨᒪᕗᓯ ᐱᓇᓱᐊᖃᑦᑕᕐᓯᒪᒐᒪ ᓇᖕᒥᓂᖅ ᐃᓅᑦᔪᑎᒃᓴᓐᓂᒃ, ᐃᓚᒋᔭᒪᓗ ᐃᓅᑦᔪᑎᒃᓴᖏᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:4

ᓱᐹᑎᕆ ᐰᕋᓯᐅᑉ ᐃᕐᓂᖓ ᐱᕆᐊᒥᐅᖅ ᐃᓚᒋᕚ, ᐊᕆᔅᑕᑰᓯᓗ ᓯᑲᓐᑐᓯᓗ ᑎᓴᓗᓁᑲᒥᐅᒃ, ᒊᐊᓯᓗ ᑑᕆᐱᒥᐅᖅ, ᑍᑭᑰᓯᓗ ᑐᕉᐱᒨᓯᓗ ᐂᓯᐊᒥᐅᑖᒃ, ᑎᒧᑎᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 21:30

ᓄᓇᓕᖕᓂ ᑕᕝᕙᓂ ᐃᓄᓕᒫᑦ ᐅᐃᒪᔮᓕᕐᐳᑦ, ᐃᓄᐃᓪᓗ ᓇᑭᑐᐃᓐᓇᖅ ᐅᓪᓚᒃᓗᑎᒃ ᑲᑎᓕᕐᐳᑦ; ᐸᐅᓗᓯ ᑎᒍᓪᓗᒍ ᑐᒃᓯᐊᕐᕕᒡᔪᐊᕐᒥᑦ ᐊᓐᓂᓯᕚᑦ, ᑕᕝᕔᓐᓇᖅ ᑐᒃᓯᐊᕐᕕᒡᔪᐊᑉ ᒪᑐᖏᑦ ᒪᑐᔭᐅᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:38

ᑍᓐᓇᐅᖏᒃᑲᓗᐊᕐᐲᑦ ᐄᑦᔨᑉᑎᒥᐅᖅ ᐅᐃᒪᔮᓕᕐᑎᑦᓯᓚᐅᕐᑐᖅ ᐅᓇᑕᕐᑎᑦᓯᓇᓱᐊᕐᑐᓂᒃ 4000ᓂᒃ, ᐃᓄᖃᖏᑦᑐᒧᑦ ᐊᐅᓪᓚᖃᑎᖃᓚᐅᕐᑐᖅ?”

ᐋᐴᓯᑕᓖᑦ ᐱᓂᐊᕐᓂᖏᑦ 27:2

ᐅᒥᐊᕐᔪᐊᒧᓪᓗ ᐃᑭᕗᒍᑦ ᐊᑐᕋᒤᑎᐊᒥᑦ ᐱᔪᒧᑦ, ᓄᓇᐅᑉ ᐂᓯᐊᑉ ᐅᒥᐊᕐᔪᐊᒃᑯᕕᖏᑎᒍᑦ ᐊᖅᑯᓵᕐᓂᐊᕐᓗᑕ, ᐊᐅᓪᓚᕐᐳᒍᑦ, ᐊᕆᔅᑕᑰᓯᐅᑉ ᐃᓚᒋᕚᑎᒍ, ᑖᓐᓇ ᑎᓴᓗᓁᑲᒥᐅᑕᖅ ᒫᓯᑑᓂᐊᒦᑦᑐᒥ.

ᕉᒪᒥᐅᓄᑦ 16:23

ᒊᐊᓯᐅᑉ ᑐᔪᕐᒥᕕᖕᒪ, ᐅᒃᐱᕐᑑᖃᑎᒌᓪᓗ ᑲᑎᒪᕕᒋᕙᒃᑕᖓᑦᑕ, ᑕᕝᕙᐅᕗᑏᕐᐸᓯ. ᐃᕌᔅᑕᓯᐅᑉ, ᓄᓇᓕᒡᔪᐊᓂ ᑮᓇᐅᔭᓕᕆᔨᐅᔫᑉ, ᐅᒃᐱᕐᑑᖃᑎᑦᑕᓗ ᑯᐊᕐᑕᓯᐅᑉ ᑕᕝᕙᐅᕗᑏᕐᐹᓯ. [

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:14

ᒎᑎ ᖁᔭᒋᕙᕋ ᓇᓕᑦᓯᓐᓂᒃ ᐹᑉᑎᑦᓯᓚᐅᖏᓐᓇᒪ ᑯᕆᔅᐸᓯᐅᑉ ᒊᐊᓯᐅᓪᓗ ᐊᓯᖏᓐᓂᒃ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:9

ᐅᕙᓐᓄᓪᓕ ᐃᓱᒪᓇᕐᑑᕗᖅ ᒎᑎᐅᑉ ᐋᐴᓯᑕᓕᐅᔪᒍᑦ ᐃᓄᖕᓂᑦ ᑭᖑᓪᓕᕐᐹᒦᑦᑐᑎᑐᑦ ᐃᓂᖃᕐᑎᒻᒪᑎᒍᑦ, ᓲᕐᓗ ᑐᖁᑕᐅᕕᒋᓂᐊᕐᑕᑦᑎᓐᓄᑦ ᐂᑎᑕᐅᔪᑎᑐᑦ; ᓯᓚᕐᔪᐊᕐᒥᐅᓕᒫᓄᑦ ᑕᑯᕋᓐᓈᕐᑕᐅᖁᓪᓗᑕ, ᐂᖏᓕᓄᑦ ᐃᓄᖕᓄᓪᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:19

ᑕᒪᑐᒧᖓᑑᓐᖏᓚᕐᓗ, ᐅᒃᐱᕐᑑᖃᑎᒌᓂᓪᓕ ᓂᕈᐊᕐᑕᐅᓯᒪᒋᕗᖅ ᐅᕙᑦᑎᓐᓄᑦ ᐃᖏᕐᕋᖃᑕᐅᖁᓪᓗᒍ ᑐᓂᕐᕈᑎᓂᒃ ᓇᒃᓴᕐᓗᑕ ᐊᑕᓂᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ, ᐃᑲᔪᕈᒪᓂᑦᑎᓐᓂᒡᓗ ᓴᖅᑭᑎᑦᓯᑦᔪᑎᒋᔭᑦᑎᓐᓄᑦ.

ᑯᓘᓯᐊᒥᐅᓄᑦ 4:10

ᑎᒍᔭᐅᓯᒪᖃᑎᒪ ᐊᕆᔅᑕᑰᓯᐅᑉ ᑕᕝᕙᐅᕗᑏᕐᐹᓯ, ᒫᑯᓯᐅᓪᓗ ᐸᕐᓇᐹᓯᐅᑉ ᑎᒥᒥᒍᑦ ᖃᑕᓐᖑᑎᖓᑕ. (ᑐᓴᕐᑎᑕᐅᔭᕇᕐᓯᒪᕗᓯ ᖃᓄᖅ ᐱᔭᕆᐊᖃᕐᒪᖔᑦᓯ ᑖᑦᓱᒧᖓ, ᑐᓐᖓᓱᒃᑎᑦᓱᒫᕐᐸᓯ ᐃᓕᑦᓯᓐᓄᑦ ᑎᑭᑉᐸᑦ.)

ᐰᓕᒨᓂᒧᑦ 1:24

ᐅᑯᓇᓐᖓᓪᓗ ᐱᓇᓱᐊᖃᑎᓐᓂᑦ ᑕᕝᕙᐅᕗᑏᕐᑕᐅᒋᕗᑎᑦ ᒫᑯᓯᒧᑦ, ᐊᕆᔅᑕᑰᓯᒧᑦ, ᑏᒪᓯᒧᑦ, ᓘᑲᓯᒧᓪᓗ.

ᔪᐊᓇᓯᐅᑉ ᐱᖓᔪᖏᑦ 1:1

ᐃᓐᓇᕐᑕᕆᔭᐅᔪᒥᑦ; ᓇᒡᓕᒋᔭᓐᓄᑦ ᒊᐊᓯᒧᑦ, ᓱᓕᓂᕐᒥ ᓇᒡᓕᒋᔭᓐᓄᑦ.