ᐋᐴᓯᑕᓖᑦ ᐱᓂᐊᕐᓂᖏᑦ 19:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᐴᓗᓯ ᑯᕆᓐᑎᒦᑎᓪᓗᒍ, ᐸᐅᓗᓯ ᐃᐱᓲᓯᒧᐊᕐᐳᖅ ᓄᓇᒃᑯᑦ ᑐᕅᓐᓇᕐᓗᓂ. ᑕᕝᕙᓂᓗ ᐃᓕᓐᓂᐊᕐᑎᓂᒃ ᑲᑎᓯᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 19:1 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 18:1

ᑕᒪᑐᒪ ᑭᖑᕐᖓᒍᑦ ᐸᐅᓗᓯ ᐋᑎᓐᓯᒥᑦ ᐊᐅᓪᓚᕐᐳᖅ ᑯᕆᓐᑎᒧᐊᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 18:8

ᑯᕆᔅᐸᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᑦ ᐊᖓᔪᖅᑳᖑᔪᖅ, ᐊᑕᓂᕐᒧᑦ ᐅᒃᐱᓕᕐᐳᖅ, ᐃᒡᓗᒥᐅᖃᑎᓂ ᐃᓚᒋᓪᓗᒋᑦ; ᐅᓄᕐᑐᓪᓗ ᑯᕆᓐᑎᒥᐅᑦ ᐸᐅᓗᓯᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᐅᒃᐱᓕᕋᒥᒃ ᐹᑉᑎᑕᐅᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 19:17

ᑕᒪᓐᓇ ᑐᓴᐅᒪᔭᐅᓕᕐᐳᖅ ᐃᐱᓲᓯᒥᐅᓕᒫᓄᑦ, ᔫᑎᓂᑦ ᒍᕇᑭᓂᓪᓗ; ᑕᒪᕐᒥᒃ ᓯᕘᕋᓂᕐᒥᒃ ᐃᓗᒻᒥᕐᑕᐅᕗᑦ; ᔩᓱᓯᐅᑉ ᐊᑎᖓ ᐊᖏᓂᕐᓴᒥᒃ ᐅᐱᒋᔭᐅᑦᓯᐊᓕᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 19:26

ᖃᐅᔨᒪᕗᓯ ᑐᓴᐅᒪᓕᕐᓗᓯᓗ ᐸᐅᓗᓯ ᖃᓄᐃᓕᐅᖃᑦᑕᕐᓂᖓᓂᒃ ᐃᐱᓲᓯᒥᑐᐃᓐᓇᐅᖏᑦᑐᖅ, ᐂᓯᐊᒥᓗ ᓇᓂᑐᐃᓐᓇᖅ ᑖᓐᓇ ᐸᐅᓗᓯ ᐅᒃᐱᕈᓐᓃᕐᑎᑦᓯᓇᓱᐊᕐᒪᑦ ᐃᓄᖕᓂᒃ ᐊᒥᓱᓂᒃ, ᐅᖃᕐᓗᓂ, ‘ᒎᑏᑦ ᐊᒡᒐᓄᑦ ᓴᓇᓯᒪᔪᑦ ᒎᑎᐅᖏᓐᓂᕋᕐᖢᓂᒋᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 20:16

ᐸᐅᓗᓯ ᐅᖃᕐᓯᒪᖕᒪᑦ ᐃᐱᓲᓯ ᖄᖐᓐᓇᕈᒪᓪᓗᒍ ᐂᓯᐊᒦᑐᐃᓐᓇᕈᒪᓇᓂ; ᑐᐊᕕᓕᕋᒥ ᐊᔪᕐᓇᖏᑉᐸᑦ ᐱᓐᑎᑰᔅᑎᒥ ᔨᕉᓴᓕᒻᒦᑦᑐᒪᓪᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 20:18

ᑎᑭᒻᒪᑕ ᐅᖃᕐᕕᒋᓕᕐᐰᑦ: “ᖃᐅᔨᒪᕗᓯ ᐃᓕᑦᓯᓐᓃᑎᓪᓗᖓ ᐱᓂᐊᕐᓂᕆᓚᐅᕐᑕᓐᓂᒃ ᐂᓯᐊᒧᐊᕐᕕᒋᓚᐅᕐᑕᕋ ᐱᒋᐊᕐᓗᒍ,

ᐋᐴᓯᑕᓖᑦ ᐱᓂᐊᕐᓂᖏᑦ 21:29

ᑍᒤᓕᐅᓚᐅᕐᐳᑦ ᑕᑯᓚᐅᕋᒥᒃ ᑐᕉᐱᒨᓯᒥᒃ ᐃᐱᓲᓯᒥᐅᒥᒃ ᐸᐅᓗᓯ ᐂᑉᐸᖃᕐᑎᓪᓗᒍ ᔨᕉᓴᓕᒻᒥ, ᐃᓱᒪᓪᓗᑎᒡᓗ ᐸᐅᓗᓯ ᑖᑦᓱᒥᖓ ᑐᒃᓯᐊᕐᕕᒡᔪᐊᕐᒧᑦ ᕾᖁᔨᓯᒪᓇᓱᒋᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:12

ᐃᒫᒃ ᓇᓗᓁᕐᓯᓚᐅᕐᓚᖓ ᐃᓚᓯ ᐃᓚᖓᑦ ᐅᖃᕐᐳᖅ, “ᐸᐅᓗᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “ᐊᐴᓗᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “ᓰᐸᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “᙭ᔅᑑᓯᒧᑦ ᒪᓕᒃᑎᐅᕗᖓ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:32

ᑐᖁᖓᔪᓪᓕ ᒪᑭᕝᕕᒃᓴᖃᖏᑉᐸᑕ, ᓱᓇᒥᒡᓕ ᑍᒪ ᐱᕙᓪᓕᕈᑎᖃᕐᐳᖔ? ᐃᓄᑐᐃᓐᓇᐅᑉ ᐃᓕᖅᑯᓯᖓᒍᑦ, ᐆᒪᔪᑎᑐᑦ ᐃᕐᓯᓇᕐᑐᑎᑐᑦ ᐃᓕᖅᑯᓯᓕᖕᓂᒃ ᐅᓇᑕᓚᐅᕋᒪ ᐃᐱᓲᓯᒥ, ᐅᖃᐅᓯᕐᑕᖃᕐᒪᑦ, “ᓂᕆᓕᕐᑕ ᐃᒥᕐᓗᑕᓗ ᖃᐅᒃᐸᑦ ᑐᖁᓛᕋᑦᑕ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:12

ᐅᒃᐱᕐᑑᖃᑎᕗᓪᓕ ᐊᐴᓗᓯ, ᐊᒃᓱᕈᕐᓗᖓ ᐃᓕᑦᓯᓐᓄᑦ ᑕᑯᔭᕐᑐᓪᓚᕆᖁᓪᓗᒍ ᐅᖃᐅᑎᖃᑦᑕᓚᐅᕐᐸᕋ ᐅᒃᐱᕐᑑᖃᑎᑦᑎᓐᓂᒃ ᐃᓚᖃᕐᓗᓂ, ᑭᓯᐊᓂᓕ ᐃᓕᑦᓯᓐᓄᐊᕆᐊᖃᕋᓱᒋᓚᐅᖏᒻᒪᑦ ᒫᓐᓇᐅᔪᒥ. ᐱᕕᒃᓴᖃᓕᕈᓂᓕ ᐃᓕᑦᓯᓐᓄᐊᕈᒫᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:8

ᐅᕙᓂ ᓇᔪᕐᑕᓐᓂ ᐃᐱᓲᓯᒦᑦᓱᒪᕗᖓ ᐱᓐᑎᑰᓯᑎ ᑎᑭᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:6

ᑕᒪᒃᑯᐊ ᐃᓚᒃᑳ ᐅᖃᐅᓯᕆᕙᒃᑲ ᐱᕙᓪᓕᕈᑎᒃᓴᑦᓯᓐᓄᑦ ᐅᕙᖓᓗ ᐊᐴᓗᓯᓗ ᐆᒃᑑᑎᒋᓗᓄᒃ, ᑐᑭᓯᒃᑲᓐᓂᖁᓪᓗᓯ ᐅᖃᐅᓯᕆᓯᒪᔭᑦᑎᓐᓂᑦ, ᐅᓇ ᐅᖃᐅᓯᐅᕙᒃᑐᖅ ᑐᑭᓯᓂᐊᕋᑦᓯᐅᒃ, “ᐱᖁᔧᑦ ᒪᓕᑦᓯᐊᕐᓗᒋᑦ ᐃᓅᔪᒃᓴᐅᕗᓯ.” ᓇᓕᕐᓯ ᐱᐅᔪᕆᓗᓂ ᐃᓄᐃᑦ ᓇᓪᓕᐊᓐᓂᒃ ᐱᐅᓂᕐᓴᐅᓂᕅᖁᓇᒍ ᐊᓯᐊ ᓇᕐᕈᒋᓗᒍ.

ᐃᐱᓯᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ; ᐃᑦᔪᕐᓁᑎᑕᐅᓯᒪᔪᓄᑦ ᐃᐱᓲᓯᒥᐅᓄᑦ, ᐅᒃᐱᕐᓂᖃᑦᓯᐊᕐᑐᓄᑦ ᔩᓱᓯ ᙭ᔅᑑᓯᒥ: