ᐋᐴᓯᑕᓖᑦ ᐱᓂᐊᕐᓂᖏᑦ 18:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓮᓚᓯᒃᑯᒃ ᑎᒧᑎᒃᑯᒃ ᒫᓯᑑᓂᐊᒥᑦ ᑎᑭᒻᒪᑎᒃ, ᐸᐅᓗᓯ ᐊᔪᕆᕐᑐᐃᖏᓐᓇᕐᓂᕐᓴᐅᓕᕐᐳᖅ ᑎᓕᔭᐅᑦᔪᑎᒥᓂᒃ, ᓇᓗᓁᔧᓪᓗᓂ ᔫᑎᓄᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 18:5 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 20:9

ᐅᖃᕋᓗᐊᕋᒪ, “ᐊᑕᓂᖅ ᐅᖃᐅᑎᒋᓂᐊᕈᓐᓃᕐᐸᕋ ᐅᕝᕙᓘᓐᓃᑦ ᐅᖃᕐᑕᐅᖁᔭᖏᓐᓂᒃ ᐅᖃᕐᐸᖕᓂᐊᕈᓐᓃᕐᐳᖓ,” ᑕᕝᕙ ᐃᓗᓐᓂ ᐃᑯᐊᓚᔪᑎᑐᑦ ᑍᒤᑦᑐᖃᓕᕐᐳᖅ, ᓄᖅᑲᖓᑎᑕᒃᓴᐅᖏᑦᑐᓂᒃ, ᓄᖅᑲᖓᔭᕆᐊᒃᓴᕐᓗ ᐊᔪᓕᕐᐳᖓ.

ᔨᕆᒤᐊᐅᑉ ᐊᒡᓚᖏᑦ 6:11

ᐅᕙᖓᓕ ᐊᑕᓂᐅᑉ ᓂᓐᖓᐅᓯᖓᓂᑦ ᐱᑕᖃᓗᐊᓂᕐᒧᑦ ᐱᓯᒪᒋᐊᖓ ᑕᖃᕙᕋ, “ᐊᓂᑎᓕᕈᒃ ᕿᑐᕐᖓᖏᓐᓄᑦ ᐊᖅᑯᑎᒦᑦᑐᓄᑦ, ᐃᓅᓱᒃᑐᖁᑎᖏᓐᓄᓪᓗ ᑲᑎᒪᔪᓄᑦ, ᓄᓕᐊᕇᓄᓪᓗ ᓴᖅᑭᓐᓂᐊᕐᐸᕋ ᐃᓄᑐᖃᐅᓕᕐᑐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 3:14

ᐊᓂᕐᓂᐅᓪᓗ ᖃᖓᑦᑕᕐᑎᓪᓗᓂᖓ ᐊᐅᓪᓚᕈᑎᕚᖓ, ᑕᕝᕙ ᖁᕕᐊᓇᖏᑦᑐᕐᔪᐊᕐᒧᑦ ᓂᓐᖓᐅᒪᓇᕐᑐᒧᑦ ᐊᓂᕐᓂᒃᑯᑦ ᑎᑭᑕᐅᕗᖓ, ᐊᑕᓂᐅᓪᓕ ᐊᒡᒐᖏᑕ ᓲᖑᔪᕐᔪᐊᓄᑦ ᑎᒍᒥᐊᕐᐹᖓ;

ᒤᑲᐅᑉ ᐊᒡᓚᖏᑦ 3:8

“ᐅᕙᖓᓕ ᑕᑕᑉᐳᖓ ᐱᔪᓐᓇᕐᓂᕐᒥᒃ ᐊᑕᓂᐅᑉ ᐊᓂᕐᓂᖓᒍᑦ, ᐃᖅᑲᕐᑐᐃᑦᓯᐊᕐᓂᕐᒥᒃ ᐊᔪᖏᓐᓂᕐᒥᒡᓗ, ᐅᖃᐅᓯᕆᓂᐊᕐᐸᒃᑲᓗ ᔧᑰᑉ ᑭᖑᕚᖏᑕ ᐱᐅᖏᑦᑐᓕᓂᖏᑦ ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᑦ.

ᓘᑲᓯᐅᑉ ᐊᒡᓚᖏᑦ 12:50

ᐹᑉᑎᑦᔪᑎᒧᑦ ᐹᑉᑎᑕᐅᔭᕆᐊᖃᕐᐳᖓ ᓱᓕ; ᐊᑯᓂᐅᒃᓴᕐᐳᖓ ᑕᒪᓐᓇ ᐊᓂᒍᓚᐅᓕᖁᓪᓗᒍ.

ᓘᑲᓯᐅᑉ ᐊᒡᓚᖏᑦ 16:28

ᑕᓪᓕᒪᓂᒃ ᖃᑕᓐᖑᑎᖃᕋᒪ, ᑖᑦᓱᒪ ᐅᖃᐅᑎᓂᐊᕐᒪᒋᑦ, ᐅᕗᖓ ᐋᓐᓂᐊᓇᕐᑐᒧᐊᖁᓇᒋᑦᑕᐅᖅ.’

ᔪᐊᓇᓯᐅᑉ ᐊᒡᓚᖏᑦ 1:41

ᓯᕗᓪᓕᕐᐹᒥᒃ ᐊᖓᔪᒥᓄᐊᕐᐳᖅ ᓮᒨᓂᒧᑦ, ᐅᖃᐅᑎᓪᓗᒍ, “ᒥᓮᐊ ᓇᓂᕙᕗᑦ.” (ᑐᑭᖃᕐᐳᖅ “᙭ᔅᑑᓯ.”)

ᔪᐊᓇᓯᐅᑉ ᐊᒡᓚᖏᑦ 10:24

ᔫᑎᑦ ᔩᓱᓯ ᐊᕙᓗᕚᑦ ᐅᖃᐅᑎᓪᓗᒍ, “ᖃᓄᖅ ᐊᑯᓂᐅᑎᒋᔪᖅ ᐅᕙᑦᑎᓐᓄᑦ ᐅᖃᕐᑍᓕᒪᓂᐊᕐᐲᑦ? ᐅᖃᐅᑎᑦᓯᐊᓚᐅᕐᑎᒍᑦ ᓱᓕᑦᓯᐊᕐᓗᑎᑦ ᙭ᔅᑑᓯᐅᖕᒪᖔᕐᐱᑦ.”

ᔪᐊᓇᓯᐅᑉ ᐊᒡᓚᖏᑦ 15:27

ᐃᓕᑦᓯᓗ ᓇᓗᓁᕐᓯᔪᒫᕆᕗᓯ, ᐱᒋᐊᕐᓂᕐᒥᑦ ᓇᔪᕐᓯᒪᒐᑦᓯᓐᖓ.”

ᔪᐊᓇᓯᐅᑉ ᐊᒡᓚᖏᑦ 3:28

ᐃᓕᑦᓯ ᓇᖕᒥᓂᖅ ᖃᐅᔨᒪᔨᒋᕙᑦᓯ ᐅᖃᓚᐅᕋᒪ, ‘᙭ᔅᑑᓯᐅᓐᖏᓚᖓ, ᑎᓕᔭᐅᓯᒪᕗᖓᓕ ᑖᑦᓱᒪᓐᖓᑦ ᓯᕗᓕᐅᖁᓪᓗᖓ.’

ᐋᐴᓯᑕᓖᑦ ᐱᓂᐊᕐᓂᖏᑦ 10:42

ᑖᑦᓱᒪ ᐱᖁᓚᐅᕐᐹᑎᒍᑦ ᐃᓄᖕᓂᒃ ᐊᔪᕆᕐᑐᐃᖁᓪᓗᑕ, ᓇᓗᓁᕐᓯᓗᑕᓗ ᑖᓐᓇᐅᖕᒪ ᒎᑎᐅᑉ ᐃᖅᑲᕐᑐᐃᔨᒃᓴᓐᖑᕐᑎᓯᒪᔭᖓ ᐃᓅᔪᓄᑦ ᑐᖁᓯᒪᔪᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 15:22

ᐋᐴᓯᑕᓖᓪᓗ ᐅᒃᐱᕐᑐᓪᓗ ᓯᕗᓕᕐᑎᖏᑦ, ᐅᒃᐱᕐᑑᖃᑎᒌᓪᓗ ᐃᓚᒋᓪᓗᒋᑦ ᐊᑲᐅᒃᓴᕋᒥᒃ ᓂᕈᐊᕈᒪᓪᓗᑎᒃ ᐊᖑᑎᓂᒃ ᐃᓚᒥᖕᓂᑦ ᐊᓐᑎᐅᑭᐊᒧᑦ ᑎᓕᓂᐊᕐᑕᒥᖕᓂᒃ, ᐸᐅᓗᓯᐅᑉ ᐸᕐᓇᐹᓯᐅᓪᓗ ᐃᓚᒋᓂᐊᕐᑕᖏᓐᓂᒃ. ᔫᑕᓯ ᓂᕈᐊᕐᐹᑦ ᐹᕐᓴᐸᓯᒥᒃ ᐊᑎᓕᒃ, ᓮᓚᓯᓗ, ᑖᒃᑯᐊᒃ ᐅᒃᐱᕐᑐᓄᑦ ᐅᐱᒋᔭᐅᑦᓯᐊᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 16:1

ᐸᐅᓗᓯ ᑐᕐᐱᒧᑦ ᑎᑭᑉᐳᖅ, ᓕᔅᑐᕋᒧᐊᕆᓪᓗᓂᓗ, ᐃᓕᓐᓂᐊᕐᑎᑕᖃᕐᐳᖅ ᑕᕝᕙᓂ, ᑎᒧᑎᒥᒃ ᐊᑎᓕᖕᒥᒃ, ᐊᕐᓇᐅᑉ ᐅᒃᐱᕐᑑᓪᓗᓂ ᔫᑎᐅᔫᑉ ᐃᕐᓂᖓ, ᐊᑖᑕᖓᓕ ᒍᕇᑭᐅᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 16:12

ᑕᕝᕙᓐᖓᑦ ᐱᓕᐰᒧᐊᕐᐳᒍᑦ, ᑖᓐᓇ ᒫᓯᑑᓂᐊᒥᐅᓂ ᓄᓇᓕᖕᓂᑦ ᐊᖏᓂᕐᐹᖑᔪᖅ, ᕉᒪᒥᐅᓄᑦ ᓄᓇᖁᑎᒋᔭᐅᓪᓗᓂ. ᐅᓪᓗᓂᒃ ᐊᒥᓱᓂᒃ ᑕᕝᕙᓃᑉᐳᒍᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 16:9

ᐅᓐᓄᐊᖑᓕᕐᑎᓪᓗᒍ ᐸᐅᓗᓯ ᑕᑯᑎᑕᐅᕗᖅ; ᐊᖑᒻᒥᒃ ᒫᓯᑑᓂᐊᒥᐅᑕᕐᒥᒃ ᓴᓂᒥᓂ ᓇᖏᕐᑐᒥᒃ ᕿᓄᕕᒋᓪᓗᒍ ᐅᖃᕐᑐᒥᒃ, “ᒫᓯᑑᓂᐊᒧᑦ ᕾᒋᑦᓯ ᐃᑲᔪᕆᐊᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:3

ᑐᑭᖏᓐᓂᒃ ᐅᖃᐅᑦᔨᓪᓗᓂ ᖁᓚᕐᓇᕈᓐᓃᕐᑎᑦᓯᓪᓗᓂ ᙭ᔅᑑᓯᐅᑉ ᐋᓐᓂᐊᑎᑕᐅᔭᕆᐊᖃᓚᐅᕐᓂᖓᓂᒃ ᒪᑭᒋᐊᖃᓚᐅᕐᓂᖓᓂᒃᓗ ᑐᖁᒥᑦ, ᐅᖃᕐᓗᓂ, “ᑖᓐᓇ ᔩᓱᓯ, ᐃᓕᑦᓯᓐᓄᑦ ᐅᖃᐅᑎᒋᔭᕋ, ᙭ᔅᑑᓯᐅᕗᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 18:28

ᐅᖃᕈᓐᓇᑦᓯᐊᕐᓂᕐᒥᓄᓪᓗ ᔫᑎᑦ ᓵᓚᒋᕔᑦ ᐃᓄᐃᑦ ᑕᒃᑯᐊᓂ, ᐊᒡᓔᑦ ᐅᖃᐅᓯᖏᑦ ᓇᓗᓁᓕᓪᓗᒋᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:36

“ᐃᓕᑦᓯ ᐃᓴᕆᐊᓕᒥᐅᖑᔪᓯ ᑕᒪᑦᓯ, ᖃᐅᔨᒪᑦᓯᐊᓕᕆᑦᓯ ᔩᓱᓯ ᑭᑭᐊᒃᑐᓚᐅᕐᑕᓯ, ᑖᓐᓇ ᒎᑎᐅᑉ ᐊᑕᓂᓐᖑᕐᑎᓚᐅᕐᐹ ᙭ᔅᑑᓯᓐᖑᕐᑎᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:21

ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:23

ᑭᓯᐊᓂ ᖃᐅᔨᒪᕗᖓ ᐊᓂᕐᓂᖅ ᐃᑦᔪᕐᓁᑦᑐᖅ ᓇᓗᓁᕐᓯᖕᒪᑦ ᑎᒍᔭᐅᓯᒪᓃᑦ ᐋᓐᓂᐊᑎᑕᐅᓃᓪᓗ ᐅᑕᖅᑭᖕᒪᑕ ᐅᕙᓐᓂᒃ ᓄᓇᓕᓕᒫᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:20

ᐅᕙᒍᒡᓕ ᓄᖅᑲᐅᑦᔨᔪᓐᓇᓐᖏᓚᒍᒃ ᓇᖕᒥᓂᖅ ᑕᑯᓚᐅᕐᑕᑦᑎᖕᓂᒃ ᑐᓴᓚᐅᕐᑕᑦᑎᖕᓂᒡᓗ ᐅᖃᐅᓯᖃᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:22

ᓴᐅᓗᓯᐅᑉ ᐊᔪᕆᕐᑐᐃᓂᖓ ᐱᔪᓐᓇᕐᓯᕙᓪᓕᐊᓚᐅᕐᐳᖅ, ᔫᑎᑦ ᑕᒫᓯᑰᓯᒦᑦᑐᑦ ᑭᒡᒍᓯᒃᓮᕈᑎᓚᐅᕐᐰᑦ, ᔩᓱᓯ ᙭ᔅᑑᓯᐅᓂᖓᓂᒃ ᓇᓗᓁᕐᓯᕕᒋᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:19

ᒎᑎᐅᑉ ᐃᕐᓂᖓ, ᔩᓱᓯ ᙭ᔅᑑᓯ, ᓮᓚᓯᐅᓪᓗ ᑎᒧᑎᐅᓪᓗ ᐅᕙᖓᓗ ᐃᓕᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᕗᑦ, ᐊᑕᐅᑦᓯᒃᑯᑦ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐱᓐᖏᓚᖅ, ᑖᑦᓱᒪᓂᓕ ᑍᒪᓐᖓᑦ ᐊᖏᕐᓂᐅᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:9

ᐃᓕᑦᓯᓐᓃᑎᓪᓗᖓᓗ ᑮᓇᐅᔭᒥᒃ ᐱᔭᕆᐊᖃᓕᕌᖓᒪ, ᐃᓕᑦᓯᓐᓄᑦ ᓇᓕᑦᓯᓐᓄᑦ ᐃᑲᔪᕐᑕᐅᔪᒪᓗᖓ ᐅᖃᓚᐅᓐᖏᓚᖓ, ᐅᒃᐱᕐᑑᖃᑎᒌᓪᓕ ᒫᓯᑑᓂᐊᒥᑦ ᐱᓯᒪᔪᑦ ᐱᔭᕆᐊᖃᕐᑕᓐᓂᒃ ᐅᕙᓐᓄᑦ ᑐᓂᓯᓚᐅᕐᐳᑦ. ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᒪᖏᓐᓇᒪ ᑕᒤᑎᒍᑦ; ᓱᓕᓗ ᑕᒪᑐᒪ ᑭᖑᓂᖓᒍᑦ ᐅᖁᒤᑦᔪᑕᐅᔪᒪᖏᓐᓂᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:14

᙭ᔅᑑᓯᐅᑉ ᓇᒡᓕᖕᓂᖓᑕ ᐊᐅᓚᒻᒪᑎᒍᑦ, ᐅᒃᐱᕈᓱᒃᑲᑦᑕ ᐃᒫᒃ ᐊᑕᐅᓯᖅ ᑐᖁᓚᐅᕐᒪ ᐃᓄᓕᒫᑦ ᐱᓪᓗᒋᑦ; ᑍᒤᒻᒪᑦ ᐃᓄᓕᒫᑦ ᑖᑦᓱᒧᖓ ᑐᖁᖃᑕᐅᕗᑦ.

ᐱᓕᐱᒥᐅᓄᑦ 1:23

ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᕐᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᕐᐳᖓ, ᑕᒪᓐᓇ ᐱᐅᓂᕐᓴᒻᒪᕆᐊᓘᖕᒪᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:2

ᑎᓕᓯᓚᐅᕐᐳᒍᓪᓗ ᑎᒧᑎᒥᒃ, ᐅᒃᐱᕐᑑᖃᑎᑎᓐᓂᒃ ᐱᓇᓱᐊᖃᑎᒋᔭᕗᓪᓗ ᒎᑎᒧᑦ ᐊᔪᕆᕐᑐᐃᑎᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᓲᖑᓯᑎᑕᐅᖁᓪᓗᓯ ᐅᒃᐱᕐᓂᓯ ᐃᑲᔪᕐᑕᐅᒃᑲᓐᓂᖁᓪᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:6

ᒫᓐᓇᓕ ᑎᒧᑎ ᐅᑎᕐᓯᒪᓕᕐᒪᑦ ᐃᓕᑦᓯᓐᓂᖔᕐᓗᓂ, ᑐᓴᕈᒥᓇᕐᑐᒥᒡᓗ ᐅᓂᒃᑲᐅᑎᖕᒪᑎᒍᑦ ᐅᒃᐱᕐᓂᖃᕐᓂᑦᓯᓐᓂᒃ ᓇᒡᓕᖕᓂᖃᕐᓂᑦᓯᓐᓂᒡᓗ ᐅᖃᐅᑎᓚᐅᕐᒪᑎᒍᑦ ᐅᕙᑦᑎᓐᓂᒎᖅ ᓱᓕ ᐃᓱᒪᕾᓐᓇᕐᐸᒃᑲᑦᓯ ᕿᓚᓈᕐᓗᓯᓗ ᑕᑯᔪᒪᓪᓗᓯ, ᑍᒫᒃᑕᐅᖅ ᐅᕙᒍᑦ ᕿᓚᓈᕐᒥᒐᑦᑕ ᐃᓕᑦᓯᓐᓂᒃ ᑕᑯᔪᒪᓪᓗᑕ.

ᐲᑦᑐᕉᓯ ᓯᕗᓪᓖᑦ 5:12

ᓮᓚᓯᒥᒃ ᐃᑲᔪᕐᑎᖃᕐᓗᖓ, ᐅᑯᓂᖓ ᓁᑦᑐᓂᒃ ᑎᑎᕋᕐᕕᒋᕙᑦᓯ, ᑖᓐᓇ ᑍᔪᓐᓇᕐᐸᕋ ᓱᖁᓯᔪᐃᑦᑐᒥᒃ ᖃᑕᓐᖑᑎᒋᒐᒃᑯ, ᑲᔪᖏᕐᓴᕐᐸᑦᓯ ᓇᓗᓁᕐᓯᕕᒋᓪᓗᓯᓗ ᑕᒪᓐᓇ ᓱᓕᔪᒥᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ; ᑐᓐᖓᕕᒋᓯᐅᒃ ᐊᐅᓚᖏᓪᓗᓯ.